اذهبي الى المحتوى

المشاركات التي تم ترشيحها

هههههههههههههههههههههههههه

 

فرج طيب اوى اوى سبحان الله حتى الست لو مكنتش بتحب جوزها اوى بتبقى برضه بتغير عليه

 

 

وام فتحي بقى هههههههههههههههههه

 

اتهني ياستي فتحي انا مبسوطه لانك هتخرج الوالدة تصرف عقلاني

شارك هذه المشاركه


رابط المشاركه
شارك

جميلة جدا الحلقات وأخذت مجرى الهدنة : )

 

مروة : كويس إنها فاقت قبل فوات الأوان

 

فتحي : أول مرة أراه إيجابي وأخد قرار سليم.

 

أم فتحي : عسل وباين جدا طيبة قلبها من كلامها

 

فرج : إنسان محترم جدا وخلوق

 

نوسمة : عايزة أرصة ودن علشان تفوق ربنا يهديها ويهدينا يارب

 

جزاكِ الله خيرا حبيبتي ونفع بما تكتبين يارب : ))

  • معجبة 1

شارك هذه المشاركه


رابط المشاركه
شارك

طيب احنا نازلين يا مروة عايزة حاجة

 

لا شكرا يا فتحي ربنا يخليك

 

وحتى لو عايزة حاجة مش هنجيبلك

 

شكرا يا ماما

 

 

 

 

 

 

الله . انا فرحانة اوي يا فتحي اننا خارجين نتفسح مع بعض

 

ربنا يخليكي يا امي . اهم حاجة تكوني مبسوطة يا ست الحبايب . حاسبي حاسبي يا امي

 

الحقونيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

 

امييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

 

 

 

 

 

 

 

 

 

ترررررررررررررررررررررررررن تررررررررررررررررررررررررررررررررن

 

مين

 

افتحي يا مروة انا فتحي

 

اااااااااااااااااااااااااااااه يا رجلي اااااااااااااااااااااااااااااااااااااااااه يا ضهري اااااااااااااااااااااااااااااااااااه يا دراعي اااااااااااااااااااااااااااااااااااااااه ياني

 

فتحي !!!!!!!!!!!!!!!!!!!!!!!!!!!!!!!!!!!!! ايه ده انت شايل ماما ليه في ايه مالها

 

وقعت ع السلم يا مروة اوعي خليني ادخلها اوضتها

 

حسدتيني يا مرات فتحي . حسدتيني وجبتيني ارض ارض . حرام عليكي يا شيخة . عملت فيكي ايه عشان تحقدي علية الحقد الاسود دا كله . ماكانتش خروجة اللي دبيتي عينك فيها

 

سلامتك يا ماما الف سلامة بعد الشر عليكي

 

سلامتي ! افرحي يختي افرحي واملي الدنيا زغاريط . مين ادك . حماتك اتكسحت واتنصفتي

 

 

اااااااااااااااااااااااااااه مش قادرة ااااااااااااااااااااه ياني

 

يا فتحي انا خايفة تكون رجلها اتكسرت ولا حاجة

 

ان شالله رجلك ورقبتك انتي اااااااااااااااااااااااااااااااااااه

 

مش عارف والله يا مروة . في دكتور عظام صاحبي هشوفهولها

 

ااااااااااااااااااااااااااااااااه مش قادرة اااااااااااااااااااااااااه يا شماتة العدوين فيكي يا مديحة اااااااااااااااااااااااااااااه انا كان مالي ومال الخروج ماكنت قاعدة في حالي

 

كل ده عشان اغيظ مرات فتحي اااااااااااااااااااااه . ال على رأي المثل جيت أكيد العوازل كدت أنا روحي ااااااااااااااااااااااااااااااااه

 

سلامتك يا ماما الف سلامة

 

اااااااااااااااااااااااااااه ياني يا مدشدشة ياني

 

 

 

 

 

 

 

 

ترررررررررررررررررررررررررن ترررررررررررررررررررررررررررررررن

 

الو ايوة يا فتحي

 

ايوة يا ممدوح . امك وقعت ع السلم واتجبست

 

اميييييييييييييييييي . سلامتها الف سلامة . انا جاي حالا انا وايناس

 

 

تررررررررررررررررررررررررن ترررررررررررررررررررررررن

 

ايوة يا فتحي

 

امك رجليها ودراعها اليمين اتجبسوا يا هالة

 

يا مامااااااااااااااااااااااااااااااااااااااااااااااااااااااااااا

 

 

 

تررررررررررررررررررررررررررررررررررن ترررررررررررررررررررررررررررررررن

 

ايوة يا توحا

 

امك اتجبست تعالي شوفيها يا دينا

 

مامي يا حبيبتي يا مامي اهئ اهئ اهئ

 

 

 

تررررررررررررررررررررن تررررررررررررررررررررررررن

 

ايوة يا فتحي

 

غادة . امك وقعت ع السلم واتجبست تعالي

 

ماماااااااااااا لا حول ولا قوة الا بالله حصل امتى الكلام ده

 

امبارح بالليل

 

انا جاية حالا سلامتها الف سلامة

 

 

 

تررررررررررررررررررررررن ترررررررررررررررررررررررررررن

 

ايوة يا مروة

 

يا ماما حماتي وقعت ع السلم واتجبست

 

لا حول ولا قوة الا بالله . سلامتها الف سلامة . انا جاية حالا . خليكي جنبها يا مروة

 

والله يا ماما قاعدة سهرانة معاها من امبارح

 

 

 

 

ايه يا امي سلامتك يا حبيبتي ايه اللي حصل

 

سلامتك يا طنط انا زعلت موت لما عرفت الخبر الوحش ده

 

 

الله يسلمك يا ممدوح . الله يسلمك يا مرات ممدوح

 

 

 

ايه اللي حصل يا امي وقعتي ازاي

 

ابدا يا ممدوح يابني . خارجة فرحانة لا بيا ولا علية ولسة بحط رجلي على السلم دوست على طرف العباية وادحرجت ع السلالم

 

تلات تدوار خدتهم كر ورا بعض . وفتحي يا حبيبي يجري ورايا عشان يلحقني ويقول امي امي استني يا امي وكل مايقرب يوصلي ادحرج على السلالم اللي بعديها لحد ما وصلت عند البواب تحت وقالي سلامتك يا حاجة لاحول ولا قوة الا بالله شيل قصادي يا استاذ فتحي . راح فتحي شلني على كتفه وطلعني الله يكرمه ويديله الصحة . زمان ضهره اطقطم يا حبيبي

 

معلش يا امي سلامتك الف سلامة يا حبيبتي

 

 

اهئ اهئ اهئ اهئ يا حبيبتي يا ماما

 

اهئ اهئ اهئ هنعمل ايه من بعدك يا ماما

 

بس يا هالة انتي ودينا بقى في ايه

 

سيبنا نعيط سيبنا نعيط يا ممدوح هو احنا عندنا اغلى من ماما نعيط عليها اهئ اهئ عيطي يا دينا

 

حاضر اهئ اهئ اهئ يا حبيبتي يا ماما

 

ممدوح

 

نعم يا امي

 

قوم جوز الغربان اللي بينوحوا فوق دماغي دول يابني انا مش ناقصة

 

اطلعوا برا ماما مش عايزاكو

 

اومال غادة فين

 

زمانها جاية يا امي ان شاء الله . هي في الطريق دلوقتي

 

 

 

 

تررررررررررررررررررررن ترررررررررررررررررررررررررن

 

مين

 

افتحي يا مروة انا ماما

 

اهلا يا ماما

 

اهلا يا حبيبتي . ازي حماتك . هي فين

 

اتفضلي في اوضتها يا ماما

 

 

ماما جاية تشوفك يا ماما مديحة

 

سلامتك يا ام فتحي الف سلامة يا حبيبتي

 

 

اهلا اهلا يا مروة اصيلة يا ام مروة وعمري ماشوفت منك الا كل خير . امك ماجاتش ليه يا ايناس . مش روحتلها السنة اللي فاتت لما عملت المرارة

 

 

معلش يا طنط اصل ماما مابتحبش تزور العيانين

 

ايوة يختي انما لو عندنا فرح تيجي تجري . صحيح الناس بتبان وقت الشدة . منورة يا ام مروة يا اصيلة

 

الله يخليكي يا ام فتحي . زعلت والله اوي لما مروة قالتلي وكان لازم اجي على طول اول ماعرفت

 

مانجلكيش في حاجة وحشة يختي يارب

  • معجبة 1

شارك هذه المشاركه


رابط المشاركه
شارك

تررررررررررررررررررن تررررررررررررررررررررررررن

 

ايوة يا ماما

 

ازيك يا نسمة يا حبيبتي

 

الحمدلله بخير ازيك انتي

 

انا كويسة . خالتك مديحة وقعت ع السلم واتجبست . مش هتروحي تزوريها ؟

 

خالتو مديحة ! يا حبيبتي يا خالتو . طبعا هروح يا ماما . هاخد فرج واروحلها النهاردة

 

روحوا بالليل بقى لما يقفل المحل

 

لا مش هقدر استنى انا هتصل بيه يجي ويسيب المحل لمرزوق

 

 

 

 

 

 

 

يا نوسمة . انا جيت وجبت قفص فراخ عشان ناخده نوديه لخالتك عيب ندخل بإيدنا فاضية

 

نعم ياخويا ! قفص فراخ . انت عايز تفضحني قدام الناس

 

اه والله عندك حق المفروض كنت جيبت تلات اربع ديوك رومي محترمين كدة عشان اكبرك في عيون اهلك ويعرفوا مقامك

 

استغفر الله العظيم . يا اخي حرام عليك . انا ناقصة فضايح . هناخد معانا علبة شيكولاتة

 

والله حرام عليكي . خالتك عضمها مكسر وعايزة تغذية تقومي جايبالها شكالاتة . هي الشكالاتة بتشبع ولا بتسد جوع

 

هنجيب شيكولاتة وخليك انت في حالك . وروح البس

 

ما انا لابس أهو

 

لابس أهو ايه !!!!!!!!! هتروح معايا تزور خالتي بالجلابية

 

ومالها الجلابية عدم الامؤاخذة . هو انا رايحين نتعايق . احنا رايحين نزور واحدة عيانة

 

يا فرج احنا مش اشرينالك كام طقم شيك حلوين كدة عشان نخرج بيهم سوا

 

ايوة المناطيل الزنس والتوشورتات . والله الواحد بيلبسها بتتقل قيمته . بس بلبسها عشان ماتزعليش

 

انا اساسا عايزاك تبطل الجلاليب خالص

 

يا حلاوة ! واروح اقعد ع القهوة بالمنطلون الزينس والتوشيرت

 

وفيها ايه

 

انتي عايزة المعلمين يطخوني عيارين ويقولولي جيبتنا العار وقليت قيمتنا

 

وانت ليه تبقى معلم اصلا . ماتبقى بيه ابقي راجل كلاس وتسيبك من المعلمين والناس الغريبة دي

 

طب بس خليكي في حالك والله مانتي عارفة قيمة جوزك . انا داخل البس الهدوم العرة اللي اشتريتيهالي

 

 

 

 

 

 

 

 

سلامتك يا خالتو مديحة

 

الله يسلمك يا نسمة يا حبيبتي

 

سلامتك يا حاجة

 

الله يسلمك يابني . ازيك يافرج

 

تسلمي من كل وحش . والله نسمة اول ماقالتلي سيبت المحل والطيور وجينالك على طول

 

كلك ذوق والله وبتفهم في الاصول

 

ادعيلنا يا حاجة .

 

ربنا يرزقكم بالذرية الصالحة

 

آمين يا حاجة آمين يااااااااااااااااااااااااارب

شارك هذه المشاركه


رابط المشاركه
شارك

وأخيرا كملت ههههههه

 

أولا مروة أخطأت لما أفشت اسرار بيتها لصديقتها لكن رجعت لعقلها قبل فوات الأوان وهذا درس لها

وثانيا أخطأت لو ظنت انها إذا تغيرت وقلت أدبها مع حماتها ستكسبها بالعكس هي كانت ماشية بما يرضي الله ولو صبرت قليلا ستكسبها بإذن الله

فالخير دائما يكسب في الآخر :)

 

ثالثا السيد فرج شخصيته مرحة وهو طيب جدا وسهل التعامل معه

ونسمة ممكن تكون معقدة من الرجالة بشكل عام لما رأته في أبيها لكنها سترجع ثقتها في الرجال لما ترى حرص زوجها عليها وحبه لها وستعرف قيمته وإن شاء الله مع الأيام تتنازل قليلا

ولازم تتغير كي لا تندم في الآخر فلن تجد زوجا عطوف مثل زوجها ويحبها أكثر منه =))

 

رابعا اسأل الله ان يشفي ام فتحي واقول لها أن الحسد موجود بالفعل لكن لا تظن بمروة سوءا يمكن يكون قدر لها أن تسقط ولازم الواحد لما يخرج من البيت يقول دعاء الخروج عشان ربنا يحفظه

ومروة جاء دورها لكي تعتذر بجد لحماتها وأحسن اعتذار هو العناية بها ولوجه الله وبدون ما تذكر اهتمامها لحماتها لعائلتها عشان تأخذ الأجر :))

 

ما شاء الله عليك يا مبدعة واصلي ربي يحفظك ويرزقك الذرية الصالحة آمين

شارك هذه المشاركه


رابط المشاركه
شارك

احنا ماشيين يا ماما مش عايزة حاجة يا حبيبتي

 

 

ماشيين رايحين فين يا غادة

 

مروحين يا ماما

 

انتو هتمشوا وتسيبوني لمرات فتحي تبهدلني

 

يا ماما تبهدلك ايه بس . وهي هتعمل كدة ليه

 

طب خليها تمسك كدة يا ماما وشوفي هنعمل فيها ايه

 

ايه يا هالة . ايه اللي بتقوليه ده ماتتكلمي كويس عن مرات اخوكي

 

بقولك ايه يا غادة انا عارفة ان انتي والست مروة سمن على عسل ودايما تدافعي عنها حتى لو غلطانة

 

هالة . مالوش لزمة الكلام معاكي . انا ماشية

 

رايحة فين يا غادة وسايبة امك اقعدي يابنتي معايا انا خايفة اهئ اهئ اهئ

 

ماينفعش اقعد يا ماما مانتي عارفة الولاد عندهم امتحانات

 

طب اقعدي انتي يا دينا

 

يعني هو انا اللي فاضية يا ماما . وبعدين عاملي مرات فتحي كويس اليومين دول . انتي محتاجالها وان كان لك عند الكلب حاجة قوله يا سيدي

 

طب خليكي يا هالة عشان خاطري

 

ماينفعش يا ماما . بس لو مروة زعلتك في حاجة اديني رنة واحدة واقفلي وانا اجي اجيبها من شعرها

 

يا عيني عليكي يا مديحة اهئ اهئ اهئ والاسم اني عندي تلات بنات . ادي كل واحدة مشغولة ببيتها وجوزها وسابوني واتخلوا عني . دنيا مالهاش أمان اهئ اهئ اهئ

 

 

يا عيني يا مديحة عليكي وع اللي جرالك دلوقتي مرات ابنك تبهدلك وتاخد حقها . ماهي دي فرصتها .انا طول الليل احلم انها ماسكة عصايا وطالعة تجري ورايا . بس انا مش هقدر

 

اجري منها . هتضربني وهتعدمني العافية اهئ اهئ اهئ

 

 

 

 

 

 

 

تررررررررررررررررررررن ترررررررررررررررررررررررن

 

مين

 

أم اسماعين

 

اهلا يا طنط ازيك بقالي من اول امبارح ماشوفتكيش

 

ازيك يا مروة . ليكي وحشة . بس انا زعلانة منك

 

ليه يا طنط

 

بقى يا مروة اجي اخد منك كام طماطماية عشان اعمل بيهم صينية البطاطس الاقي واحدة فيهم بايظة . دا كلام برضو يابنتي

 

انا اسفة والله يا طنط ما اخدتش بالي

 

لا المرة الجاية تاخدي بالك وتبصي في الحاجة قبل ماتديهالي

 

من عيوني يا طنط .حضرتك عايزة حاجة

 

انا كنت داخلة اطبخ روحت شميت ريحة طبيخ حلوة جاية من شباك مطبخكو . قولت لروحي خلاص طالما انتو طابخين اجي اتغدا عندكو وابقى اطبخ في يوم تاني

 

تنورينا يا طنط

 

هي فين ام فتحي

 

هو انتي ماتعرفيش اللي جرالها

 

جرالها ايه بعد الشر

 

وقعت ع السلم واتجبست

 

يا حبيبتي يا ام فتحي ومين اللي زقها ع السلم

 

ياطنط يعني معقول حد هيزقها . هي وقعت لوحدها

 

لا . الموضوع ده مش داخل دماغي ولازم اعرف مين السبب ورا الجريمة . اعترفي يا مروة . مين اللي زق ام فتحي ع السلم انتي ولا جوزك

 

يا طنط ارحمينا ابوس ايدك وبطلي فورجة ع الافلام البوليسية المتخلفة دي

 

على العموم مش موضوعنا . هو فين الغدا . يوه .قصدي فين ام فتحي

 

 

ادخليلها اوضتها

 

 

 

 

ام فتحي . يا حبيبتي يختي ايه اللي خرشمك كدة

 

تعالي يا ام اسماعيل . نصيبي يختي هعمل ايه . اديني نايمة في سريري مابتحركش ولا حول ولا قوة

 

سلامتك يختي الف سلامة . بس دانتي مافكيش حتة سليمة يا ام فتحي .معالمك ضاعت كلها . انا عرفتك من النضارة

 

الحمدلله على كل حال

 

مش هنتغدا بقى

 

ماتروحي تتغدي في شقتك واحنا مالنا

 

لأ انا هتغدا عندكو النهاردة وعشان خاطرك هاجي اتغدا كل يوم معاكي عشان اونسك لحد ماتفكي الجبس

 

 

تعرفي الغلطة الوحيدة اللي عملتها في حياتي يا ام اسماعيل

 

ايه يا ام فتحي

 

اني ماعزلتش من الشقة دي من زمان

 

 

 

 

 

 

 

 

مروة . يا انسة مروة يا مرات ابني

 

 

نعم يا ماما تحت امرك

 

لو سمحتي يعني بعد اذنك . ممكن تناوليني كوباية مية اشرب . انا زي والدتك برضو والطيبات لله

 

يا ماما انتي تؤمري . حاضر يا حبيبتي . مش عايزة حاجة غير المية

 

لا مش عايزة شكرا

شارك هذه المشاركه


رابط المشاركه
شارك

احداث سريعه ومفاجات من مروة

هههههههههههههههههههههههههههههههههههههههههه

بس كان لازم الي حصل من حماتها علشان تعرف ان الله حق

بس معنى كدا اني بغلطها انا بغلطها في شيء واحد انها سلمت ودنها لواحده صحبتها نصحتها بالسوء

ودا اكبر غلط

المفروض انها تختار اصدقائها الي تتكلم معاهم ومافيش فيها حاجه اذا فضفضت مع صحبتها انا عندي الواحده تفضفض مع صديقتها اكتر من امها

لان امها ممكن يحصل مشاكل اكتر

انا لا اراه عيب او اني احقر من الواحده الي تعمل كدا بالعكس امر طبيعي لما تكوني مضغوطه غصب عنك لازم تتكلمي

الاهم انك تعرفي انت بتتكلمي مع مين

وما تسلمي ودنك لحد ياثر عليك او يخليكي تهيني جوزك او حماتك مهما كان

 

 

اخوات فتحي

اكبر مشكله

اصلا هما ما يقبلو انهم يعملو كدا

 

وفتحي اتصرف بعقل عجبني تصرفه جدااااا

 

 

 

 

نسمه وفرج

اكبر مشكله

عدم الاختيار الموفق او المناسب

نسمه طناعه وما بيهمها غير الفلوس وبس

لدرجه انها بتاخد حبوب منع الحمل يعني الي يهمها انها تعيش علشان تتمتع بفلوس الراجل دا انما اولاد وعشره مافي

هي لو انسانه متربيه اصلا وعايزة تغير من جوزها في شيء

لازم يكون ليها اسلوبها الخاص وباسلوب المراه تستطيع ان تحقق ما تريده

 

 

فرج راجل من بيئه معينه له طابع خاص بيه كتير طيب وعايش حياته ببساطه

 

 

 

ام اسمااااااعيل

عثللللللللللللللللللللللللللللللللللللللللللللللللللل

لو عندي جاره زيها كنت حدفتها من الدور ال14

هههههههههههههههههههههههههههههههههههههههههههههههههههه

  • معجبة 3

شارك هذه المشاركه


رابط المشاركه
شارك

باركَ الله فيكِ حبيبتي هووبة

أبدعتٍ حقًا سلمت اناملكِ ()

 

الحمد لله أن مروة استقاقت من غفلتِها قبلَ فوات الأوان وقبلَ أن تخسر زوجها

مثل (منال) صديقتها أعتبرها صديقة مخببة كانت ستُخربَ بيت صديقتها لولا ستر الله تعالى

 

أم فتحي الله يهديها ليتها تُعامل مروة بما يُرضي الله ليرتاح الجميع لكن لابد من المنغصّات !!

 

أخوات فتحي لا تعليق !!

 

أم إسماعيل ست ظريفة ^___^ فعلًا واضح أنها تشاهد أفلام جرايم كتير : )))))

 

أم مروة إنسانة خلوقة وتعرف الواجب جيداً كثر الله من أمثالها : )

 

حفظكِ الله هوبة بانتظار باقي الحلقات يا حبوبة

شارك هذه المشاركه


رابط المشاركه
شارك

صراحة سأفتقد أم فتحي

 

من أفضل القصص التي قرأتها وفيها من الفوائد والدروس الكثير

كنت أتمنى أن تستمر وتستمر وتستمر لكنها مثل أي قصة لابد لها من نهاية وواضح جدا أن النهاية اقتربت

  • معجبة 1

شارك هذه المشاركه


رابط المشاركه
شارك

الحمد لله على سلامة ام فتحي

فكرتني بحماتي كانت وقعت من السلالم وتالمت في ظهرها بس دلوقتي هي كويسة

نسمة لازم تغير اسلوبها مع زوجها وترضى به زي مهو لان مش حتلاقي متلو ف اخلاقو وادب وحب للخير للناس دليل على طيبة قلب

شارك هذه المشاركه


رابط المشاركه
شارك

@@~ أم العبادلة ~@@~ أم العبادلة ~@@~ أم العبادلة ~

الله يهديكي يا شيخه

هههههههههههههههه

انا قلت ام مفتحي ماتت ولا ايه

انت يا بنتي خلصتلنا القصه ليه كدا وانهتيها

على ما اظن القصه لسه فيها حاجات كتير لازم تناقش

ههههههههههههههههههه

والله انت ماليكي حق

شارك هذه المشاركه


رابط المشاركه
شارك

أضحك الله سنك

 

اصل طالما الامور بدأت تتصلح وتستقر يبقى خلاص

 

فتحي وعرف اخواته حدودهم

نسمة وبدأت تميل لفرج رغم انكارها بس هي مشكلتها انها شخصية بتحب المظاهر ومش قادرة تتخلص من الطبع ده

ام فتحي وقلبها هيصفى من مروة لما تلاقي ان مروة بتعاملها كويس وهي مريضة خصوصا بعد ما بناتها سابوها

فاضل ايه تاني؟

 

انا شايفة ان هبة بدأت تحضر لنهاية القصة وانها هتكون نهاية سعيدة

وربما أكون مخطئة وفهمت الأمور بشكل تاني

شارك هذه المشاركه


رابط المشاركه
شارك

السلام عليكن ورحمة الله وبركاته

 

بارك الله فيك ياغالية

عايزة التتمة

 

على فكرة انتوا بتقولوا عايزة ولا عاوزة؟؟؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

يووووووووه

فاضل كتييييييييييييييييييييييير جداااااا

 

 

 

نسيت اعلق على هاجر

مش عارفه ليه الواحده بيبقى جوزها مكفيها من كل شيء ومش مخليها محتاجه لاي حاجه ومع ذلك

مجرد ما يبعت لاهله بتزعل جداا

دا مش من حقها طبعا

جوزها حر في فلوسه ويعطي لاهله زي ما هو عايز طالما مكفي بيته واحتياجاته

واصلا كل ما طلع من ماله كل ما ربنا اعطاه بزياده

  • معجبة 2

شارك هذه المشاركه


رابط المشاركه
شارك

وعليكم السلام ورحمة الله وبركاته

بنقول الاتنين يا فردوس

فى فريق بيقول عايزه وفريق بيقول عاوزه :))

شارك هذه المشاركه


رابط المشاركه
شارك

ههههههههههههههههههههههههه

 

 

 

 

 

تحفه يااااااااهوبتي تسلمي وتسلم ايديكي ودماغك

شارك هذه المشاركه


رابط المشاركه
شارك

السلام عليكم ورحمة الله وبركاته

: )

الله يبارك فيك هبة الغالية

الأحداث متلاحقة ...فيها الكثير

ولكن ما وقفت عليه أمر واحد

البنات ...كل منهم تركت والدتها وأنشغلت بنفسها وحياتها

لن أعيب عليهم ...فلكل منهم حياتها ..ولكني تأثرت بالموقف ...وتمنيت لو أن واحدة منهن جبرت بخاطرها وجلست معها

سبحان الله ..قد تكون الشدائد هي من تظهر معدن الشخص الحقيقي ...

وأعتقد هذه الحادثة ستكون سببا للتقارب بين أم فتحي ومروة ...

____

 

نسمة ظهرت عقدتها في كلامها لزوجها

ربما تحتاج بعض الوقت لتتقبل فرج بما فيه

وإن كنت أرى بشائر الخير بينهما

 

_____

لا أدري كيف فعلت ذلك هبة ..ولكني أصبحت أتقبل فرج بعد أن كنت أتضايق كثيرا منه

وهذا درس لنا جميعا

فالإنسان لا يعرف إلا بعد معاشرته ومعرفة أخلاقه

فهو بأخلاقه وطيبته وتلقائيته استطاع أن ينتزع منا جميعا أي أفكار سلبيه عنه

بارك الله فيك وجزاك خيرا

  • معجبة 4

شارك هذه المشاركه


رابط المشاركه
شارك

مالك يا نوسمة

 

تعبانة .مش عارفة مالي .حاسة بدوخة وعمالة ارجع طول النهار باين اخدت برد

 

سلامتك يا نوسمة . بعد الشر عليكي يا حرمنا المصون

 

ااااااااه انا تعبانة اتصلي بماما

 

وهي امك هتعملك ايه يعني .انا هدخل اعملك كوباية لمون دافية

 

 

 

 

 

 

وبعدين معاكي يا نسوم انتي كدة قلقتيني

 

تررررررررررررررررن ترررررررررررررررررررررررن

 

ازيك ياما

 

ازيك يا فرج يا حبيبي

 

الحمدلله

 

صوتك مش عاجبني . في حاجة مضيقاك ولا ايه

 

مش عارف ياما نوسمة تعبانة ومش عارف اعملها ايه .

 

حاسة بايه يعني

 

دايخة وعمالة ترجع

 

والله لولوييييييييييييييييييييييييييييييييييييييييييييييييييييييييي

 

الله يسامحك ياما . حد يشمت في العيا برضو

 

شماتة ايه يا واد يا فرج . دي اكيد حبلى . انا هجيب ام خلف واجي على طول

 

بلاش ام خلف ياما .نوسمة هيركبها العفاريت لما تشوفها

 

هي ام خلف ومافيش غيرها

 

 

 

 

 

 

 

 

ترررررررررررررررررن تررررررررررررررررررررررررن

 

ايوة يا نسمة

 

ماما انا تعبانة يا ماما تعالي تعالي بسرعة

 

يا حبيبتي يانسمة . جيالك يا حبيبتي مسافة السكة واكون عندك

 

 

 

 

 

 

 

 

ترررررررررررررررررررن تررررررررررررررررررررررررن

 

مييييييييييين

 

افتح يا فرج يابني انا حماتك

 

حوماتي ازيك يا حوماتي

 

ازيك انت .فين نسمة

 

نايمة في اوضتها ادخليلها

 

 

 

 

 

 

 

 

ايه يا نسمة مالك يا حبيبتي

 

دايخة ياماما دايخة خالص والترجيع مش عايز يقف

 

ايوة كدة فرحيني . يبقى انتي حامل يا نسمة

 

يا دي المصيبة . ايه اللي بتقوليه ده ياماما . دا انا لو حامل اموت نفسي احسن

 

اخص عليكي يا نسمة حد يكره نعمة ربنا برضو

 

 

 

ترررررررررررررررررن ترررررررررررررررررررررررررررررن

 

مين

 

افتح يا فرج انا امك ومعايا خالتك ام خلف

 

ازيك ياما ازيك يا خالتي ام خلف

 

نحمد ربنا يابني . ان شاء الله ما تكونش مجيتنا المرة دي ع الفاضي وننزل قفانا يقمر عيش

 

فين مراتك

 

في اوضتها وامها معاها

 

 

 

 

عواف يا نسمة

 

عفاف مين دي كمان . ماما طلعي الست دي برااااااااااااااااااااااااااااا

 

عواف ياام نسمة

 

الله يعافيكي يا ام فرج . ايه ده مين اللي معاكي دي . ازيك يا ام خلف والله زمان . انتي مش فاكراني

 

لا مش واخدة بالي يا حبيبتي

 

انا سهير . سبحان الله الدنيا صغيرة

 

ايه ده يا ماما انتي تعرفي الاشكال دي

 

بس يابنت احترمي نفسك . دي خالتك ام خلف اللي اتولدتي على ايديها . هي دي الداية اللي ولدتني

 

لالالالالالالالالا انا اتولدت على ايد ام خلف لالالالالالالالالالالالالالالالا حرام عليكي ما تقوليش كدة اهئ اهئ

 

ليه بس يا حوماتي تصدميها الصدمة الوحشة دي . دي كدة ممكن ترجع للودمان تاني . وانا ماصدقت انها تبطله

 

 

بقى انتي يانوسمة اتولدتي على ايد ام خلف زينا . خلاص يا جميل الروس اتساوت انزلي من برج العجوة بقى

 

 

 

 

 

ها يا ام خلف

 

زغرطي يختي زغرطي بنتك حبلى

 

لولوييييييييييييييييييييييييييييييييييييييييييييييييييييييييي

 

لولوليييييييييييييييييييييييييييييييييييييييييييييييييييييييييييييييييييي

 

 

مبروك يا فرج مراتك حبلى

 

معقوووووووووووووووووووووول والله . صحيح ياما . والله انت وش الخير يا خالتي ام خلف .الف حمد والف شكر ليك يارب .خدي 100 جنيه بحالها اهيه عشان الخبر الحلو ده . نسوووووووووووووووووووووووووووم

 

مبروك يا ام العيال شوفتي بقى لما بطلتي الاودمان ربنا كرمك ازاي

 

اطلع برا انا مش طايقة اشوف وشك

 

انا مقدر نفساويتك .اسمع ان الحبل بيخلي الواحدة عصبية عدم الامؤاخذة . ارتاحي يا قمر .ارتاحي ع الاخر لو ورقة وقعت ع الارض ماتشيليهاش

 

يااااااااااااااااااااه الحمدلله اخيرا ربنا كرمنا بالواد اللي هيقولك ياما ويقولي يابا

 

يييييييييييييييييييييييييييييييييييييييييييييييييي يا مامي اهئ اهئ اهئ

  • معجبة 1

شارك هذه المشاركه


رابط المشاركه
شارك

انا نازل يا حوماتي اقعد ع القهوة شوية خليكي مع نوسمة بيتي معاها النهاردة

 

ايوة ما انا هبات معاها مش هسيبها

 

طيب يا حوماتي البيت بيتك واحنا ضيوفك عندك التلاجة فيها اكل يكفي الشارع كله . كلي واكلي نوسمة . ولا ابعت اجيبلكو كشري ؟

 

لا يا حبيبي هناكل من اللي في التلاجة

 

مانفسكيش في حاجة يا نسوم اجيبهالك معايا يا عيوني

 

مش عايزة منك حاجة

 

انا عارف انك بتحبي الجاتون . هروح عند الحلواني اجيبلك قفصين

 

 

 

 

 

 

 

اهئ اهئ شوفتي يا ماما المصيبة

 

يابنتي حرام عليكي مصيبة ايه

 

انا لازم انزل الجنين ده . مش ممكن يا ماما . مش ممكن اخلف من البني ادم ده . ولازم اطلب الطلاق كمان انا مش قادرة استحمل

 

اخرسي اخرسي بتقولي ايه . طلاق ايه . حرام عليكي . هو انتي فاكرة الطلاق بالساهل يابنتي . يابنتي اسأليني انا عن البهدلة اللي اتبهدلتها من ساعة طلاقي من ابوكي

 

عايزة تبقي زيي يا نسمة . حرام عليكي حرام عليكي يابنتي . لو اطلقتي هتتبهدلي . الناس مش هيرحموكي . وهتعيشي في الدنيا تلطشي لا عارفة رايحة فين ولا جاية منين

 

يابنتي جوزك طيب وبيحبك

 

يا ماما مش قادرة اتفاهم معاه مش قادرة اتقبله خالص . جاهل جاهل ياماما

 

وكان ابوكي المتعلم عملنا ايه سابنا ورمانا ولولا خالتك ماكناش لقينا ناكل . والله يابنتي جوزك ده نعمة كبيرة . هي الست عايزة ايه غير راجل يحسسها بقيمتها ويعاملها بمايرضي الله

 

وجوزك شايلك في عنيه ومخليكي ملكة ومابيخلي حد يمسك بكلمة . عايزة ايه تاني

 

 

اهدي يا ماما اهدي يا حبيبتي . خلاص هستحمل واعيش بايدي ايه يعني

 

الله يهديكي يا نسمة يابنتي ويصلحلك حالك

شارك هذه المشاركه


رابط المشاركه
شارك

حيا الله الجميع

 

هوووووووووووووووووووووبة تسلم ايديك يا حبيبة والله يرزقك بكل ما تتمنين و أينما حللت

 

صراااحة في كل حلقة نقاااط كثيييرة للنقاش <<<< في حكمة بتقول .... المكرر مقرر

 

ومن كثر ما تتكرر هذه المواقف أصبحت شي عاادي عندنا بل مألوفة جدا حتى لو كانت خطأ بل اننا أحيانا نستغرب من أحد أن يتعامل مع الناس بما واجب ع الجميع

 

تماما مثل أم مروة فتعاملها هو الاصل وأم فتحي طريقة تعاملها هي الخطأ <<<< ومع الاسف باتت هي المقرر

 

وقيسي الكثير من المواقف ع هذه القاعدة

ع السريع :)

 

مروووة أخطأت كثيرا واستغربت مما قالته وهي تستيقظ من البنج

 

وربما ما قالته في حق حماتها وأخوات زوجها له سبب ومبرر <<< من وجهة نظرها >>>> بسبب سوء المعاملة

 

لكن أكثر ما استوقفني هو ما قالته في حق زوجها الذي لم يخطئ معها وإن كان سلبيا في شيء من مواقفه <<< وتعدل بعدين >>>

 

 

يا فتحي ياراجل يا ندل يا نااااااااااااااااااااااااااااااااااااااااااادل

 

 

أيضا ما جرى بينها وبين منال <<<<< اللهم عافينا أنا قلت المعركة انتقلت بين سعاد ومنال وورق اللعب مروة وأم فتحي -_-

 

 

وما فعلته بعد ذلك من تطبيق لدروس منال وخااااصة في حق زوجها

 

أم فتحي سلاااااامتك ألف سلاااااااااامة <<<<<<<< زعلت عليها

 

 

ماينفعش اقعد يا ماما مانتي عارفة الولاد عندهم امتحانات

 

 

طب اقعدي انتي يا دينا

 

 

يعني هو انا اللي فاضية يا ماما . وبعدين عاملي مرات فتحي كويس اليومين دول . انتي محتاجالها وان كان لك عند الكلب حاجة قوله يا سيدي

 

 

طب خليكي يا هالة عشان خاطري

 

 

ماينفعش يا ماما . بس لو مروة زعلتك في حاجة اديني رنة واحدة واقفلي وانا اجي اجيبها من شعرها

 

 

 

يا عيني عليكي يا مديحة اهئ اهئ اهئ والاسم اني عندي تلات بنات . ادي كل واحدة مشغولة ببيتها وجوزها وسابوني واتخلوا عني . دنيا مالهاش أمان اهئ اهئ اهئ

 

مأساااة بكل ما تحمل الكلمة من معنى <<<<<<<<< < ومرة ثانية يا هوبة هيجت مشاعر حزن وأسى مدفونة بقلبي >>>>>>>>>>>>>

 

وفي المقابل أعتقد أنها فرصة لتتعرف كل من أم فتحي ومروة على بعضهما البعض وتتحسن صورة كل منهما أمام الاخرى

 

 

أم نسمة حااااسة انها تغيرت كتييييييييير وبدأت شخصيتها تعجبني بجد

 

نسمة : ارتكبت أخطاء كثيرة في حق نفسها وفي حق زوجها ولسه مناخيرها عالية لكن طفولتها لها دور كبير في هذا وأكيد مع الايام حتتعدل

 

 

أم اسماعيل ...... ربنا ما يوقعنا في جيران زيها :D

 

أخبار هاجر ايه بعد ما أمها تكلمت معاها

 

سارة صعبانة علي في تفكيرها السلبي جدا ومش عارفة حتعمل ايه بكره لما تتجوز

 

منال : صديق السوء والسبب أمها

ايوة طبعا . كل يوم تجمعني انا واخواتي وتحفظنا امثال وتخلينا نطبقها ودايما تقول خليكو جامدين عشان حمواتكو ما يستوطوش حيطتكم

تم تعديل بواسطة نجــ الليل ــوى

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×