دورة تعليم الطبخ للمبتدئات(أقبلن يامبتدئات)

[ساره أم حمزه 1041]

انا بسأل امى دلوقتى وفى خلاص اتعودت على بهاراته الحمد لله

بس لما اتجوز بقى إن شاء الله مش عارفه اممممم هاضطر احط طبعا بنفسى لو مش مكتوب المقادير بالظبط

او اول مره اعرفها ( :

[راجية ظل الرحمن 887]

ام عمر ويحيى

 

ما شاء الله عليك

 

رأيت تطبيقك للبراونيز

 

سعدت أن الاسرة الكريمة عجبها

وان شاء الله عن قريب تصيري محترفة في الحلو ^_^

[♡ راجية الجنان ♡ 96]

السلام عليكن ورحمة الله وبركاته

جهد رااااائع اللهم بارك

متابعة معكن بإذن الله ولكن تطبيقي سيكون بعد اختباراتي بعون الله وإن سنحت لي الفرصة قبلها فسأفعل بمشيئة الله

جزاكن الله عنا خير الجزاء ~

[♡ راجية الجنان ♡ 96]

يا غاليات ....

أين صفحة التطبيقات ؟!!!

هل لها صفحة خاصة ؟

[♡ راجية الجنان ♡ 96]

@@ساره محمد

 

سارة أنا كنت زيك في الأول لازم أسأل أمي أحط كام معلقة وأحب أعرف المقادير بالزبط لكن كانت تقولي حطي بالنظر ولما أحط وأسالها كده مزبوط كانت أحيانا تقولي زودي أو نقصي أو مزبوط وأحيانا تقولي اتعودي وشوفي إنتي مزبوط ولا لأ

فبالتعود بقيت أحط علطول من العلبة للحلة علطول من غير لا معلقة ولا غيره الحمد لله فهو أهم حاجة التعود

[♡ راجية الجنان ♡ 96]

آسفة على التطفل لكن حبيت أقولك تجربتي ~

[ساره أم حمزه 1041]

فعلا يا فاطمه انا بعمل كده

فى الرز كنت كل ماعمله اسألها للتأكد برضه

لحد متعودت الحمد لله ومبقتش اسألها

بس فى الحجات التانيه بسأل خصوصا الطرق الجديده ^^

 

ودى صفحة التطبيقات

صفحة تطبيقات دورة تعليم الطبخ للمبتدئات(ممنوع الرد ^^)

[خيوط ذهبية 803]

@♡ راجية الجنان ♡

بسم الله الرحمن الحيم

أهلا وسهلا بك ياحبيبة معنا في هه الرحلة الماتعة والهادفة

وصدقت بقولك أنك أصبحتي تحطي التوابل دغري من غير مقياس ولا معيار

فالتعود أهم شيء وسيأتي يوم وتخبرنا الحبيبة سرسورة

بدورها أنها تخلت عن الإستعانة هههههه

وهناك صفحة الطبيقات لكن بدون ردود ونقاشات النقاشات هنا

وهناك التطبيق والجواب عن سؤال أحد الأخوات بالشرح الوافر

في انتظارك ياحبيبة

[ساره أم حمزه 1041]

إن شاء الله :))

[♡ راجية الجنان ♡ 96]

@@خيوط ذهبية

 

جزاك الله خير الجزاء يا حبيبة

فعلا رحلة ماتعة هادفة رائعة بالنسبة لي

فأنا أحب الطبخ جدا والتفنن فيه

وبفضل الله بدأت الطبخ دون مساعدة أحد منذ أكثر من 5 سنوات

ولا أطبخ طبخة إلا ووضعت فيها لمسة من عندي وأؤلف بعض الطبخات وبالطبع أحيانا تكون النهاية ناجحة ونادرا ما يكون التأليف سيئا (:

ولكن أريد أن أكون محترفة وبإذن الله سأسعى لتحقيق هذا الهدف معكن ♥

[♡ راجية الجنان ♡ 96]

جزاك الله خيرا سارة على الإرشاد (:

[ساره أم حمزه 1041]

ما شاء الله عليك فطومه

امين واياك ( :

[♡ راجية الجنان ♡ 96]

الله يكرمك سرورة (:

[ساره أم حمزه 1041]

امين ويكرمك ^^

 

كنت عايزه تفكرونى باسم الصينيه اللى هى باغه او زى الزجاج كده بس بتدخل الفرن

 

وكنت عايزه اعرف السبب لما بعمل كفته بيبقى حجمها كبير ولما احمرها تخس وتصغر ليه ؟

بس لما عملت كفتة داود باشا متهيألى مصغرتش الحمد لله ( :

[♡ راجية الجنان ♡ 96]

@@ساره محمد

 

مش عارفه قصدك أي صينية

 

مش عارفه اللحمة ليه بتصغر .. المعروف إن الحاجات بتكبر أما هي بتصغر .. سبحان الله هههههههههههههههه

أظن السبب إنها بتنزل السوائل اللي فيها وهي بتستوي علشان كده بتصغر ... حد يصحح لي المعلومة لو كانت خطأ جزيتم خيرا

[ساره أم حمزه 1041]

الصينيه دى يا فاطمه اسمها ايه ؟ ^^

 

وبالنسبه للحمه امى برضه بتقولى عشان بتنزل السوائل

بس كفتة دواد معملتش كده والكفت الجاهزه مش بتعمل كده

[♡ راجية الجنان ♡ 96]

مش عارفة هي جواها إيه

ممكن تكون صنية الدجاج والخضراوات بالبشاميل

ده اللي اكتشفته فيها هههه

[♡ راجية الجنان ♡ 96]

إنتي أضفتي للحمة كفتة داوود باشا بطاطس أو ما شابه ؟

لإن لو بتضيفيلها حاجة مثلا بطاطس مسلوقة ولو بكميات صغيرة مش هتصغر معاكي

[♡ راجية الجنان ♡ 96]

والكفتة الجاهزة اللي احنا بنجيبها بتخس برضوا وتختفي كده هههههه

[ام عمر ويحيى 106]

السلام عليكم ورحمة الله وبركاته

اخواتي الحبيبات من لديها وصفة لذيذة ومجربة وتوجد بها حليب محلى تعطيني الطريقة، فانا عندي حليب محلى ومش عارفة شنو اعمل بيه

[ساره أم حمزه 1041]

ايه يا فاطمه انت بتهزرى -_-

انا بسألك الصينيه نفسها نوعها اسمه ايه ؟ ( :

 

كفتة داود فيها سميط

[ساره أم حمزه 1041]

وعليكم السلام ورحمة الله وبركاته

انا مش عارفه يا ام عمر

هو الحليب المحلى ده هو الكريم شانتيه ولا غيره ؟؟؟

[♡ راجية الجنان ♡ 96]

هههههههههههه أضحكتيني يا سارة أضحك الله سنك

أنا بحسب الطبخة يعني

دي صنية بايركس

[♡ راجية الجنان ♡ 96]

تقصدي دقيق السميد يا سارة ؟

أظنه هو السبب في إن الكفتة متخسش بعد ما تستوي

[♡ راجية الجنان ♡ 96]

وعليكم السلام ورحمة الله الله وبركاته أم عمر

الحليب المحلى بيدخل في أنواع حلى كتير

بس أنا مش حافظة المقادير لإني مش بعمل حلويات كتير

لكن هشوفلك أكتر من طريقة وأبعتهالك في صفحة التطبيقات إن شاء الله

تم تعديل 10 ديسمبر, 2014 بواسطة ♡ راجية الجنان ♡