~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك تأثير الضرب علي نفسية طفلك وعلي طريقة تفكيره محمود ....من هو صغير مجتهد جدا ...بس ساعات بيعمل حاجات غلط...يوقع ميه او ينسي واجبه.... قبل ما يلحق يعتذر ماما بتكون ضربته.... محمود...بيقعد يعيط...ويصعب علي ماما عياطه وتصالحه وممكن تجيب له وجبة مفرحة... محمود دايما يقول لنفسه "ماما بتضرب جامد...لكن طيبة"... محمود كبر لكن ماما برضه بتضربه لو عمل حاجة غلط.... محمود بيقول لنفسه "اكيد ماما عارفة ان الضرب بيعلم الناس الحاجات الصح" محمود كان لابس بلوفر لبني.. وقابل مصطفي في النادي... كان بيحبه جدا اصله كان معاه في المدرسة واتنقل وكان واحشه سلمو علي بعض ..وقعدوا يتكلمو ...محمود قاله "يا ريتك فضلت في المدرسة" مصطفي قال "لا الحمد لله اني مشيت ...الاستاذ عامر المدير ده راجل معقد" محمود اتضايق لانه بيحب الاستاذ عامر ...قال لمصطفي بسرعة "احترم نفسك" مصطفي قال "انا حر ....ده رأيي" محمود ضرب مصطفي...كان بيقول لنفسه "مصطفي غلط ..ولازم افهمه الصح" الناس اتجمعو والمشرف اخد الولدين ..وتم استدعاء الامهات محمود كان مش شايف انه غلطان اطلاقا لكنه فوجئ بمامته تعتذر ومرتبكة وبعدين بصت له بفضب "هاوريك في البيت" محمود ...استغرب...ولاول مرة يقاومها وما يسمحش انها تضربه "ماما...هو انتي مش عارفة انه مصطفي غلط وقال كلام وحش علي استاذ عامر" ماما ردت (مش معني كده انك تضربه....كنت فهمه...كلمه) محمود..بص لها اوي .....وسأل (امال ليه دايما بتضربيني....) ماما ارتبكت.... محمود سابها ودخل اوضته.....وبعدين اتصل بمصطفي وقال له (انا اسف...).... محمود...كان متلخبط اوي....لكن..مش عايز يكلم ماما.... ماما جابت له وجبة مفرحة مع لعبة... محمود قال لها "انا مش عايز وجبة...انا عايز تبطلي تضربيني" ماما .....فكرت كتير....علمته الضرب وبعدين استغربت لما اصبح فاكر انه صح يعبر بيه..... ماما اعتذرت ووعدت محمود انها ما تضربوش..... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك ازاي عدم اهتمامك بنمط ابنك ممكن يخليكي تتصرفي غلط نجوي بنت لطيفة جدا بتحب القراءة والكرتون وبتحب..الصور...واي حاجة تتعلمها بتحفظ صورتها في عقلها بحر....الكعبة....الحروف....وكمان خيالها واسع ..... ماما ...لما بتيجي تساعد نجوي في المذاكرة ...بتلاقي نجوي حريصة ...تكتب الحرف ...مرة او مرتين....وهي بتذاكره... ماما تقول "يا بنتي ليه تضييع الوقت قوليه لنفسك وخلاص...مش لازم الكتابه" نجوي بتحب ماما وعملت اللي هي بتقوله. ...لكن ما بقتش بتحب تذاكر....،،، نجوي بتحب تساعد ماما في المطبخ بتحب تشوف طريقة عمل الطبخة بعينيها... ماما تقولها "هاعمل كذا وكذا...."بالكلام وبعدين تقول"روحي بقه اقعدي اديني قلت لك" "ما تفضليش لازقة في المطبخ" نجوي ما بقتش بتحب تساعد ماما..... ماما قعدت تكلم نحوي كتير عن الصلاة بس نحوي مش بتحب الكلام....بتحب تشوف... نجوي مش بتصلي وماما تقول "انا علمتك....صلي بقه"..... خالتو...كانت عندهم وبتتفرج علي اماكن طبيعية رائعة علي النت... نجوي سألت "هي دي الجنة يا خالتو" كانت نحوي مبهورة..... خالتو ردت "لا...الجنة احلي احلي...احلي" نحوي ركزت اوي في صورة الاماكن الرائعة... عقلها عجبته اوي الصور ....انا عاوزة الجنه ...الصلاة طريق للجنة.....نجوي بقت بتصلي ...من نفسها.... لكن خالتو كانت بتعمل بيتزا....نجوي وقفت جنبها.....شافت العجينه وشرايح الطماطم والجبن...عقلها حفظ الصور..... خالتو كانت مبسوطة اوي تاني مرة من نجوي لما طلعت معاها المكونات ...نجوي عبقرية يا ماما لو عاملتيها بنمطها طفلة بتحب الصور شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك ليه فجأة ممكن يقولك مش عايز المدرسة؟ طارق ولد مؤدب بمعني الكلمة. ...وبيحب اخته جومانة وبيخاف عليها وشاطر جدا في المدرسة....والمدرسين بيحبوه... وفي يوم طارق عرف ان مدرس العربي اتنقل من المدرسة وبداله جا مدرس جديد.... طارق كان نفسه يظهر شطارته للمدرس الجديد وبيحاول يجاوب....لكن المدرس مكانش بيبص له خالص. .... طارق...بعد كده استمر يحاول ويجاوب ... وغلط مرة في تهجي كلمة كتب الكلمه غلط...علي السبورة...فإذا بالمدرس بيقوله "ايه ده ...معقول ده مستواك. ...ده انت محصلتش كجي 1"... . الولاد ضحكم بس دي كانت اخر مرة طارق يضحك فيها طارق روح ما بيضحكش ولا بيتكلم. ..مع جومانة... ماما كانت زهقانه من التنظيف وشغل البيت وما سألتس طارق مالك،،،، طارق قال لماما الصبح وهي بتصحي ه"مش عاوز اروح المدرسة"" "" اييييييه. .......""""ماما زعقت "بطل دلع ...اهو ده اللي ناقص"" طارق خاف وقام ..بس طول الطريق بيتخيل نفسه لابس لبس كجي1... وفي الحصة كان سرحان والمدرس زعق له "انت مش مركز" طارق بكي ...المدرس...قال "بيعيط زي البنت" طارق وشه احمر وساب الفصل وبدأت الشكاوي طارق اتغير طارق مهمل طارق مش بيركز ماما بتقول "طارق اتحسد" وبتعيط.... جومانه....زعلانه بس عارفة مشكلة طارق ...... جومانة ....قالت لبابا "يا بابا ...الحسد فعلا في سورة الفلق....اللي انا حفظاها ....بس طارق متضايق" بابا قال لها "من ايه" "محدش زعله وكل حاجة كويسةو....." جومانه قالت"لا ...فيه حد زعله" بابا استمر يقول "الزعل مع اصحابه امر عادي ودايما ب..." جومانه قالت وهي خلاص هتعيط "يا بابا ...اسمعني" بابا استغرب. ..وطبطب عليها. ... جومانه بدأت تحكي .... وملامح وش بابا تتغير..."معقول" "طارق مقالش ليه" جومانه قالت "محدش راضي يسمعنا" لما بابا وماما عرفو المشكلة..... اصبح لها حل ..... ارجوكم نسمعهم...نسمعهم شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك ليه مش بيركزو وليه بينسو مني هي الابنه الاولي لامها وابيها... ماما تحبها كثيرا وتريد منها ان تكون افضل واشطر بنت ... مني فعلا كانت شاطرة من صغرها. بتسمع كلام ماما و متفوقة في المدرسه.. بس مرة مني حكت لماما انها نسيت الاستيكة ومعرفتش تمسح في حصة الرسم ومحدش رضي يديها استيكته... ماما كشرت وقالت "كده برضه يا مني" مني خافت ....من شكل ماما.. وماما قالت "بقي انا اجيب لك احسن استيكة وفي الآخر تنسيها وتشحتي"... مني معرفتش ترد قالت لنفسها ماما عندها حق لازم ما انساش وكانت مجتهدة جدا انها متنساش حاجة لكن في يوم الباص جاء بدري ونزلت بسرعة من غير الساندويتشات... ماما...قالت في غضب "انتي بقيتي نساية...مرة الاستيكة ومرة السندويتشات" مني اتضايقت اوي من نفسها عقلها قعد يردد "انا نسايه ..ماما حبيبتي لا يمكن تكدب انا نسايه ....فعلا " من بعدها مني بقت احيانا تنسي حاجات...الزمزمية ...المسطرة . وماما تزعق "ايه اللي جرالك يا مني...." ومفيش فايدة مني بتعيط والنسيان زاد وماما اخدتها للدكتور. ..كان دكتور لطيف اوي قال لماما تنتظر مني بالخارج وبعدين عمل لمني لعبة التذكر.... حاجات وراها ليها وبعدين اخفاها وطلب منها تفتكرها...وكانت المفاجأة مني افتكرت كل حاجة!!!! بس قالت للدكتور في اقتناع "ده هنا بس يا دكتور لكن انا نساية"..... الدكتور ابتسم .....وطلب يقابل ماما مني بعد كده نسيت البراية وكانت منتظرة زعيق ماما لكن اتفاجئت بماما بتقولها لما رجعت من المدرسة "وحشتيني يا مني...البرايه اهي..." مني استغربت وقالت "انا نسيتها" "اسفة" ماما ابتسمت "انا عارفة انك مجتهدة اوي يا مني وبتحاولي ترضيني دايما ...ربنا يزيدك اجتهاد " مني فرحتها مكانتش تتوصف.... قامت فرحانه تاني يوم من فرحتها منسيتش حاجه خالص. .. لكن اليوم اللي بعده نسيت كراسة العربي..مني شالت الهم ... ماما هترجع تزعق لكن المفاجأة كانت ان ماما حضنتها وقالت لها "انا عارفة انه مش قصدك...انا عارفه انك مجتهدة..." المذهل ان مني فعلا بقت بتقول لنفسها "ماما معاها حق انا مجتهدة والمجتهد ما بينساش حاجته'" مني بقت نادراً ما بتنسي شئ وماما فرحانة اوي... مني كمان بتساعد اصحابها وتفكرهم بحاجاتهم... ومرة مني اشترت شوكولاته تحفة من مصروفها ... ولما ماما سألتها دي لمين...... طبعا للدكتوووووور"مني قالت كده... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 شهد وانس اخين كانو متفاهمين جدا بس للاسف الامر اتغير ... حدوته هتفهمك سببب من اسباب الشجار بين ولادك شهد وانس كانوا اخوات بيحبو بعض جدا ومتعاونين شهد كانت بتحب الرسم جدا وأنس كان بيشجعها ويقول "رسمك تحفة" ماما لاحظت تفوق شهد في الرسم ...اشتركت لها في كورس تعليم الرسم واشتركت لانس ... أنس قال لماما "بس انا مش بحب الرسم" ماما قالت "مفيش حاجة اسمها كده اللي مش بيحب حاجة يتعلمها...عشان يحبها" انس و شهد بيحضرو الكورس مع بعض طبعاً شهد شاطرة جدا لكن انس بيتلخبط... شهد بتقوله "متزعلش" مش بيرد... لكن المدرسة اللي ف الكورس بتقول "انا والله مش عارفة انتو اخوات ازاي سبحان الله....فرق شاسع" انس زعل اوي جواه...لكن مقالش لماما...بس شهد لاحظت انه بطل يقول لها رسمك حلو.... الكورس خلص وانس ارتاح لكن اتفاجئ ان ماما هتوديهم كورس اعمال فنية... شهد طارت من الفرحة ... انس قال لماما "انا مش بحب الاعمال الفنيه" كان رد ماما "اتعلم"..... انس وشهد راحو الكورس الجديد .. شهد شاطرة جدا لكن انس بيشتغل اه لكن مش شاطر زيها....ومتغاظ منها وبيقول لنفسه "شهد انانية ومش حاسة بضيقي" المدرسة اللي في الكورس الجديد كانت ملاحظة ان انس سرحان...وبيكتب حاجات غير اللي بتقول عليها.... ما زعقتش...لكن ابتسمت في وشه بهدوء..وقالت "وريني كده يا انس بتكتب ايه" انس اتخض.... لكن المدرسة لقيت انه كاتب "انا زهقان"... انس خاف اوي من عقابها... لكن اتفاجئ انها قالت "خطك تحفة" فعلا خط انس كان رائع... كل الولاد اتجمعوا..."امم خطك حلو جدا" انس استغرب وبعدين فرح...وزادت فرحته لما شهد قالت "انس شاطر اوي ودايما خطه منظم" لما جات ماما تاخدهم ....المدرسة قالت "انس ممتاز" ماما قالت "اتعلم اخيرا" المدرسة قالت "انس مكانه دورة الخطوط" ماما اتضايقت...وما اقتنعتش....انس زعل ...وبقي بيتخانق كتير مع شهد....وشهد بتعيط....وماما تزعق... وفي مرة ماما كانت بتتكلم مع صحبتها في التلفون... انس سمعها بتقول"خلاص يا مني مدام بنتك مش بتحب السباحة ...شوفي التنس...الواحد مش لازم يحب كل حاجة"... انس فكر وبعد ما..ماما قفلت قال لها" "ماما انا مش بحب الرسم ...الواحد مش لازم يحب كل حاجة".. ماما بصت له شوية وبعدين طبطبت عليه....ومقلتش حاجة في اليوم التاني كان انس بيلبس وشهد بتلبس....عشان كورس العمل الفني.. انس سمع ماما بتقو له"انس ...انت لسه مش دلوقتي ميعاد كورس الخط الساعة 12"... انس بكي من الفرحة وحضن ماما شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة زياد ومعاذ هتفهمك من اين ينشأ الخلاف بين اولادك زياد بيحب اخوه معاذ جدا جدا...ودايما يشجعه ويعمل بينهم سباقات ويسيب معاذ يفوز عشان يفرحه وبيطبطب عليه وكان منتظر امتي معاذ يجي معاه المدرسة..... لكن لما معاذ دخل المدرسه معاه ماما...بقت بتقول الصبح وهي بتصحيهم"مين هيقوم الاول ..مين شاطر".... زياد قال يسيب معاذ يسبقه عشان معاذ يفرح لكن ماما لما معاذ قام الاول قالت "برافو يا معاذ ...شفت يا زياد ...معاذ اشطر"؟؟؟؟؟؟ "نعم......زياد قال لنفسه في غيظ .......معاذ اشطر؟؟؟؟؟؟" ولما بيرجعو من المدرسة معاذ بيكون عاوز يحل الواجب علي طول ... زياد بيكون عاوز يستريح قليلا قبل الواجب لكنه متفوق لكن ماما تقول "معاذ شطور برافو شايف يا زياد انا عاوزاك نشيط" زياد اتغير بقي خلاص مش بيسيب معاذ يسبقه....ولا بيديله لعبه ..بيشدها ومعاذ يعيط ...وماما تقعد تحل الخناقات... وتقول للناس في التليفون "زياد ومعاذ علي طول خناق...." تيتية جاءت عند زياد ومعاذ عشان ماما وبابا سافرو.... تيته مش بتقول "مين هيقوم الأول" تيتة بتقول "زياد ...معاذ قوموا انتو اشطر ولدين في الدنيا" برضه زياد كان حريص يسبق معاذ.....لكن معاذ هو اللي سبقه .. زياد اتضايق اوي لكن اتفاجئ ان تيته ما قالتش معاذ شطور وزياد لا.... بالعكس قالت"انا مبسوطة منكم انتم اخين نشيطين" زياد قال لها "بس معاذ سبقني" تيته...ابتسمت وقالت "انت ومعاذ ايد واحده ...انتو مع بعض احلي اخوات" زياد استغرب لكن حس انه مش متغاظ من معاذ وبرضه لما جاءوا من المدرسة معاذ عمل الواجب علي طول... لكن زياد ارتاح شوية وبعدين عمل الواجب ..اندهش ان تيته قالت "برافو لمعاذ وزياد الاخين النشيطين"؟؟؟؟؟؟ زياد قال لتيته "بس معاذ عمل واجبه قبلي" تيته قالت "وانت نظمت وقتك و عملت واجبك برضه" زياد كان مبسوط اوي ولعب مع معاذ وهو فرحان ومش عايز يضربه ولا متغاظ منه.... تيته اتبسطت اوي بالايام اللي قعدتها مع زياد ومعاذ.... كانت دايما بتقول"احنا اسرة واحده...نجاح واحد فينا نجاح لينا كلنا".... لما ماما وبابا رجعو كانو فاكرين ان تيته هتشتكي من الخناقات بين زياد ومعاذ لكن المفاجأة ان ده ماحصلش..... زياد همس في اذن تيته "قولي لماما بلاش مسابقات بيني وبين معاذ ..يا تيته" شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك عصبية الاولاد ازاي تنشأ نورا بنوتة جميلة ولطيفة...ماما بتحب نورا اوي بس ماما كتير بتبقي مشغولة لانها رسامة وبتقعد تعمل شغلها في البيت... ماما رسامة مميزة جدا ونورا بتحب رسم ماما وبتحب تتكلم مع ماما وتحكي لها كل حاجة حصلت في المدرسة... بس ماما اصبحت مشغولة جدا ولما نورا بتيجي تكلمها ماما مش بتبص لنورا ...بتبقي مشغولة وبتقولها "هه...اممم" وخلاص... نورا مستغربه...وحاسة بالوحدة...قعدت بعيد وعيطت عشان متضايقة كانت بتعيط من غير صوت... ماما قامت تجيب ماء وشافت نورا اهتمت بيها اوي "مالك" ورجعت زي ما كانت ... نورا فرحت لكن نورا اتفاجئت انها اول ما ضحكت ماما رجعت ترسم شغلها وسابتها... نورا جربت تعيط بهدوء....ماما قالت لها "بطلي دلع" نورا صوت عياطها بقي اعلي واعلي ... البيت اتغير ونورا بقت بتعيط كتير وماما تحكي لاصحابها وتيته في التلفون "نورا بقت عصبيه" نورا بتسمع وتقول "انا عصبية....انا عصبية" لنفسها... كل الناس بيكلمو نورا "مالك"... وحتي ماما فضيت لنورا "العصيبة حلوة اوي...نورا بتقول كده لنفسها" رغم ان عينيها بقت مش حلوة من العياط ... ماما..زعلانه عشانها وقللت شغلها لكن نورا خايفة تبطل عياط احسن ماما تسيبها تاني.... بابا...اخد نورا النادي....كان بيلعب معاها تنس...وهي كانت مبسوطة بس بابا غلط في اللعبة فزعل وقال " خلاص مش هالعب" نورا قالت له "متزعلش يا بابا كل الناس بتغلط" بابا قل لها "يعني هتديني فرصة " نورا قالت "طبعا يا بابا"...ب ابا قال"وماما كمان عرفت انها غلطت في حق نورا هتديها فرصة"... نورا اتخضت...وقالت "بس انا عصبية" بابا ابتسم وقال لها وهو بيشوط كرة التنس ليها "وانا غلطت بس هاعرف اعمل الصح تاني"... نورا قالت "وانا كمان هاعرف اعمل الصح تاني....وماما كمان"... وفعلا البيت رجع اهدأ في الاول نورا كانت اتعودت علي العياط لكن دايما كانت بتفتكر انها هتقدر تعمل الصح تاني وماما برضه....قدرت تعمل الصح تاني .... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة هتفهمك ازاي بيشدو انتباهك بتصرفات غلط مازن بيحب الاسباجيتي لكن دايما يلخبط وشه ويوقع علي الارض ماما دايما تنبهه....وتعلمه ازاي ياكل...وهو بيحب ماما اوي وبيتعلم منها....واتفق معاها انها تقطع الاسباجيتي صغيرة عشان يعرف ياكلها من غير توقيع.... لكن مازن استغرب اوي لما بقي بياكل حلو ماما ما بقتش بتبص له ولا بتقوله حاجة مع انه كان فاكر انها هتفرح بشطارته..... مازن رجع يوقع تاني وماما زعلت منه ورجعت تنبهه....لكن مازن كان مبسوط انها مهتمة بيه وفي يوم مازن كان بيتفرج مع ماما ع الكرتون كان فيه بنت بتاكل كويس ومش بتوقع....مامتها قالت لها: ممتازة ماما قالت له "شفت البنت الشاطرة دي" مازن قال "شفتي الام الشاطرة دي" ماما فكرت ...وبعد كده مازن بقي مش بيوقع علي نفسه لان ماما دايما بتشجعه .وفرحانه بيه شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة تنا قش اسباب الكذب عند الطفل بابا قال لعلي اكتر من مرة ان الكذب حرام وان الكذاب بيروح النار...علي "مقتنع بكلام بابا ...لكن النهاردة حصلت حاجه "علي"كان بيلعب وايده جات في الفازة بتاعة الورد واتكسرت.... "علي"كان خايف ولكن لما بابا صحي وسأل مين اللي عمل كده "علي"قال انا بابا زعق وقال له"انت متهور وانا قلت مفيش لعب في الريسبشن" وكمان كان هيضربه....."علي" خاف اوي ...وقرر انه مش هيغلط تاني.... لكن علي كان رايح يشرب والكوب وقع من ايده "علي" افتكر علي طول زعل بابا من الفازة يعمل ابيه؟ ؟؟؟ دخل سريره بسرعة وعمل نفسه نايم لكن بابا شاف الزجاج المكسور وزعق: مين اللي عمل كده؟ علي ماقلش حاجة وبابا معرفش هو اللي عمل كده ولا عمرو...ولا هنا... "علي"بعد كده بقي مش بيقول حاجة،،،،، وبيسيب الزعيق يتوزع علي الكل..... بابا.وماما بقو بيقولو "الولد بيكذب" "علي"مش بيحب الكذب لكن مش بيحب الزعيق عند تيته "علي" وقع مايه علي الريموت وهو بيشرب ومقلش تيته شافت الريموت وسألته"هو انت وقعت ماء" علي قال: لا تيته ابتسمت وكانت متأكدة انه هو اللي عمل كده لكن حضنته وقالت له "عارف انا مرة وقعت مايه علي الريموت وانا مش قاصدة" علي قال: لما حد بيعمل حاجة وهو مش قاصد برضه الناس بتزعق له!!! تيتة قالت: لا المفروض الناس تفهمه مش تزعق له..... علي فكر شوية وبعدين قال لتيتة "انا عاوز اقولك حاجات كتيرة بس بشرط فهمي بابا ان اللي مش قصده نعلمه مش نزعق له!!!!!" شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة معتز والدبدوب....عشان نفهم ليه بيتعلقو بالاشياء؟؟؟ معتز يا اصحابي كان بيحب ماما وبابا جدا ومكانش عنده اخوات معتز كان بيخرج مع بابا ويضحكو كتير وماما كانت بتعمل اكل حلو اوي...ومعتز كل يوم كان بيروح ينام في اوضته بعد ما يسلم علي بابا وماما...بس بابا. ..في يوم جاء من الشغل شكله متضايق اوي...معتز استغرب...وسمع ان فيه مشكلة كبيرة في الشغل عند بابا...وسمع ان بابا محتاج فلوس معتز فتح الحصالة وراح ادي لبابا فلوسه ...بابا كان حزين اوي وفضل حزين وماما طبطبت علي معتز....لكن معتز اتفاجئ ان بابا هيسافر يشتغل؟؟؟؟ وانا؟؟؟؟ معتز سأل...'''ماما قالت انا وانت هنقعد مع بعض هنا من غير بابا؟؟؟؟"ده كان سؤال معتز "ايوه"ده كان رد ماما بابا مشي واصبح بيتصل في التليفون وماما بتعيط كتير معتز بقه ساكت. ..مش عارف ينام حاسس انه مش مرتاح حاول يحضن صورة بابا لكن ...هو عاوز حاجة تبقي كأنها اخ ...اخد دبدوبه "فيرو"وبقه بيحضنه كل يوم ...ماما بقت احسن وقالت لمعتز انها اطمأنت علي بابا...معتز فرح لكن هو اتعود علي الدبدوب...ودايما بيحضنه...ولما بابا ارسل لهم يجوا عنده ماما اتفاجئت باصرار معتز ياخد دبدوبه وعياط؟؟؟معتز رافض اي كلام...ولما سافرو حط الدبدوب في سريره... ماما زعقت له معتز مفيش فايدة عاوز الدبدوب علي طول...ولما الدبدوب اتقطع منه حتة معتز بكي وبكي...الموضوع زاد اوي ... بابا خرج مع معتز يشربو حاجة سوا. ..وفجأه حضنه وقال له:انا كنت غلطان يا معتز لما سبتك وسافرت. .. معتز عينيه لمعت...بابا قال"انا كنت ناوي اخدك ومش ممكن اسيبك بس كنت مستني اجهز شقه لينا هنا"معتز ودي وشه الناحية التانية كان بيبكي"انت مش قلت كده انت مشيت بس"بابا دموعه نزلت....وحضن معتز اوي"طيب انا غلطت ممكن تسامحني وتديني فرصة تانيه اعاملك فيها صح..هنتفق علي كل حاجة نتفاهم...."معتز قال':وقول لماما بلاش عياط تصلي لربنا احسن....بابا ومعتز اتفقوا ....معتز كل يوم بينام جنب دبدوبه لكن لما لاحظ ان بابا بينفذ اتفاقه وماما برضه قال للدبدوب انا بحبك اوي بس خلاص انا هاعرف انام لوحدي شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 سارة كانت شاطرة اوي في المدرسة وكمان في البيت بتساعد ماما علي طول...وعندها حجرة جميلة وبتحبها اوي...وبتحب تنام فيها وعندها فيها دبدوبة وعرايس كتير....وفي يوم سارة كانت بتتفرج علي الكرتون شافت بنت في الكرتون وهي نايمه في حجرتها...وحجرتها مليانه فئران شريرة...والبنت خافت وصحيت...سارة اتخضت اوي هو اللي بينام لوحده بيحصل له كده؟ انا مش هنام لوحدي تاني ومش هاقول لحد السبب عشان محدش يقول اني خوافة...ماما وبابا اتفاجئو بسارة بليل تبكي "هنام عندكم"افتكروها تعبانه لكن سارة خلاص مبقتش عايزة تنام لوحدها خالص وبتعيط ولو سابوها في اوضتها تفتكر الفئران....اللي في الكرتون...وماما سألتها وسارة بتقول مفيش......وبعدين سارة....زارت زينة ولقيتها بتنام في اوضتها سارة قالت لها انتي ازاي بتنامي في اوضتك لو اي حاجة خوفتك هتعملي ايه...انا بنام جنب ماما وبابا .... زينه ردت:لو حاجة خوفتني هنادي ماما ...عادي هي في الاوضه اللي جنبي...وبعدين حاجة زي ايه؟ سارة قالت لها..بصوت منخفض:الفئران زينة قالت لها:الفئران فعلا بتخوف....لكن مش كل حاجة بتخوف هتحصل .....وبعدين الفار دايما بيجري لو شاف حد...هاكون صحيت بابا...سارة قالت لها:الاحسن تنامي جنبهم... زينه قالت لها:ماانا...مش كل حاجة تخوفني هاسيب حاجتي عشانها' الاحسن يكون عندي حل ...؛؛؛؛سارة فكرت "الاحسن يكون عندي حل" ...سارة اتأكدت لما روحت ان الاوضة مفيش فيها حاجة وقررت تجرب وسابت النور مفتوح ..مفيش حاجة حصلت وراحت في النوم...ومن بعدها قررت انها مش هتسيب اوضتها لكن هتفضل تطمن ان مفيش حاجة وتفتش واتشجعت....واطمنت..."الاحسن يكون عندي حل،..واخيرا صارحت ماما.... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 منيرة الصغيرة كانت يا اصحابي ذكية جدا وتحب الكلام ...وترد علي اسئلة المدرسه وشاطرة جدا...لكن نور كانت دائما تخجل من الرد علي المعلمه وبتتلخبط كتير....منيرة...قالت لنور:انتي احسن متجيش المدرسة انتي مش بتفهمي حاجه....نور بكت وغابت عن المدرسة في اليوم التالي. ...والدة نور كانت تعرف ان منيرة اقرب صاحبة لنور اتصلت بمنيرة تسألها نتعرفيش مين زعل نور في المدرسة منيرة قالت لا...كانت مش بتكدب كانت فاكرة انها قالت لنور كلام عادي لكن منيرة فجأة فكرت ....يا تري نور زعلت منيرة اتناقشت مع ماما ..ماما كانت دايما بتتكلم من منيرة بهدوء حتي وهي غلطانة تفهمها غلطها بهدوء...ماما قالت'انتي غلطتي منيرة استغربت...بس فعلا نور مش بتعرف ترد علي المدرسين ماما قالت"اللي مش بيعرف حاجة ممكن يتعلمها نتصحه بكده مش نقوله يمشي""فاكرة يا منيرة لما كنتي مش بتعرفي تكسري البيضة انا علمتك ولا قلت لك ما لكيش دعوة بالبيض" منيرة اقتنعت...وفكرت وطلعت من الحصالة فلوس واشترت سبورة تحفة وراحت تزور نور ...منيرة قالت لنور في شحاعة انا كنت غلطانه ...ايه رأيك نمثل علي السبورة ان انا المعلمة وانتي البنت ....نور فرحت اوي وعجبتها اللعبه وفي المدرسة لم تشعر بالخوف لما المعلمة سألتها اتخيلت نفسها وهي بتلعي مع منيرة وقامت تحاوب...يااااه كل الفصل صفق لنور ونور باست ننيرة شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 حدوتة الرسام الصغير مشكله خالد انه كان رسمه حلو جدا لكن اخوه طارق كان يغار من رسمه وفي يوم من الأيام ....كان كلا منهما مشترك في مسابقة الرسم خالد كان راسم حديقة جميلة طارق انتظر لما خالد ابتعد عن المكان وسكب حبر على ورق الرسم....ماما اخدت طارق في الحديقة كان فيها الكثير من الورد. ..مش شبه بعضه لكن كله حلو و. ..قالت له مش لازم كلنا نكون بنتقن نفس الشئ....ممكن كل واحد يكون متميز في شئ...طارق فكر في كلام ماما. ..وقرر...انه يكون متميز في شئ ومش هيغير تاني من خالد شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 مازن وحازم اخين لكن عندهم مشكله...دايما بيتخانقو علي كل حاجه ويضربو بعض..ماما وبابا كانو زعلانين وياما قالولهم بلاس لكن ...مكنش حد بيسمع الكلام...وفي يوم وهم بيضربو بعض مازن قال لحازم...استوووووب ....هو انت بتضربني ليه حازم فكر وقاله ...زي ما انت بتضربني مازن قاله طيب لو بطلت اضربك هتبطل تضربني اصلي زهقت اوي من ضربنا ف بعض حازم رد وقال له...اممم لا سأستمر في ضربك لاني مغتاظ منك..لانك تسخر مني دائما من كل شئ بأعمله مازن فكر شويه وقال طيب لو بطلت سخرية مش هنتشاجر؟ حازم قال امم نجرب....في الايام التاليه..مازن بطل يسخر من حازم ...حازم اصبح اهدأ واصبح هناك الكثير من الوقت الممتع في اللعب والحديث....... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 3 ديسمبر, 2014 احمد وامجد ...دايما يتخانقو.....احمد الكبير وامجد الصغير وماما دايما تقولهم بس يا ولاد لكن مفيش فايدة في خناقهم...وفي يوم احمد تعب اوي وكان سخن ودخل المستشفي وماما معاه تتابعه ...امجد حس ان البيت وحش اوي من غير اخوه ...مفيش حد يلعب معاه بالكورة ..ولا ..ياكل معاه فشار ...سأل باباه..امتي احمد هيرجع..بابا قال له لما يخف ...امجد فكر لازم افرح احمد....اخد من حصلته واشتري له هدية ...لما احمد رجع قدمها له....عارفين كانت ايه....سبورة حلوة كتب عليها...انت اغلي الناس يا خويا ...من بعدها الخناق قل كتير لان امجد دايما كان بيفتكر البيت اد ايه كان وحش من غير احمد..... شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 6 ديسمبر, 2014 (معدل) حدوتة هتقولك ازاي ابني صداقة مع ابني تساعد في انه يقبل نصايحي اللي كان رافضها مي..بنوتة جميلة بس دايما بتقول لماما لأ ...ماما مش بتعرف تنصح مي باي حاجة لان مي دايما لأ.....علي لسانها!. .مي صاحبت بنت اسمها مريم ..هي بنت مهملة جدا بس مي مصممه تصاحبها ! ومش بتسمع كلام ماما ....ماما فكرت ...ايه اسباب المشاكل بينها وبين مي؟ ماما وجدت ان مي عندها شخصية بس بتختار غلط يعني مثلا تختار لبس مش مناسب وتصمم او صاحبة مش مناسبة وتصمم ...وما تسمعش الكلام ماما قررت انها تكسب مي بذكاء ...بقت بتشكر فيها وفي شخصيتها وبطلت توصفها بالعناد....وبرضه بقت بتنصحها بشكل اقتراح مي. ..اندهشت من تغيير ماما ...بس مقالتش حاجة ! بس الخناقات هديت ....مي مرة حضنت ماما (انتي طيبة)....المفاجأة ان مي بقت بتقبل اراء ماما لما بطلت توصفها بالعند وتفرض عليها اختيارات ...اللي اترفض لما اتفرض من ماما. ..اتقبل لما بقي اقتراح مش امر .مي نصحت مريم صاحبتها تبطل اهمال....ودايما تحكي لماما علي كل حاجةالام لما تبقي صديقة بتكون اغلي الاصدقاء تم تعديل 6 ديسمبر, 2014 بواسطة ~ أم العبادلة ~ شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 8 ديسمبر, 2014 كيف اتعامل مع خوفهم؟... نورا طفلة شجاعة ...لم تكن تخشي النوم بمفردها ولا دخول الحمام بمفردها ليلا ان احتاجت ...ولكن! في يوم من الايام كان والد نورا يشاهد فيلما وثائقيا عن حيوانات الغابة وشاهدت نورا الاسد وهو يلتهم غزالة ...نورا حساسة جدا ...كان المشهد قاسيا ابتسم الاب من خوفها ولم يعلق لكن شيئا تغير في نورا كان منظر الغزالة لا يفارق ذهنها.....ذهبت لتنام في غرفتها لكنها استيقظت تصرخ بعد ساعة وهي تحلم بأسد مقبل عليها طمأنتها ماما ولكن لقد انتهي عهد الراحة ...نورا دائما خائفة لا تريد ان تنام وحيدة ولا تدخل الحمام وحيدة ،، بابا لم يستوعب خوفها انه يصرخ فيها .... (خوافة ....جبانه لا شئ يدعو الي الخوف) اما ماما فهي تربت كتفها ولكن لا شئ يجدي الحالة تزداد سوء،، نورا احيانا تحمل متعلقاتها ومخدتها وتنام علي الارض بجوار سرير والديها!! نورا لم تصارحهما ابدا بأن ما شاهدته هو السبب，，ماما لجأت لدكتورة لطيفة ومريحة طلبت ان تري نورا المسكينه كانت هزيلة من قلة الاكل وعدم النوم الدكتورة ابتسمت في وجهها. . (مالك يا حبيبتي) نورا لم ترد....الدكتورة لم تيأس لكنها اخذت في الكلام مع نورا وحكاية القصص ...نورا هدأت قليلا لكن ليس تماما ...في المرة التاليه نورا وافقت ان تذهب مع ماما للدكتورة اللطيفة ...الدكتورة سألت نورا (ما رايك ان نحل فزورة)..نورا فرحت جدا ؛ الدكتورة قالت (جاوبي سؤالي ..من اكثر شخص تريدين ان يركب الطائرة ويرحل بعيدا عنك؟) نورا اجابت فجأة وبسرعة (الاسد الذي يأكل الغزالات الصغيرة)..الدكتورة استوعبت رد نورا وقالت لها (انا ايضا اخاف من الاسد) نورا قالت بفرحة (حقا...انك مثلي )(بابا سيقول عن الخواف انه غير شجاع)..الدكتورة قالت لنورا (الذي يخاف من الاسد شجاع لان الشجاعة ليس معناها القاء النفس الي الموت...) نورا...برقت عيناها (لكن الاسد اكل غزالة وسقط منها دم كثير ...قتلها وهي لا ذنب لها) الدكتورة ابتسمت (الاسد ايضا ممكن يموت لا ذنب له ) والدكتو ة جعلت نورا تشاهد فيديو عن اسد هزيل ...نورا تأثرت جدا (اذن الاسد اكلها حتي لا يموت ،، لكن ما ذنبها يا طنط )...سألت نورا، ،، الدكتورة اجابت (الله رتب الحياة بين الجميع يا نورا ...الغزالة التي اكلها الاسد لو لم يأكلها كانت ستموت عادي. ..وهو ايضا لن يجد ما يأكله وسيموت ...الله يرتب ويقدر المناسب لانه يري كل شئ ويعرف مخلوقاته)...نورا كانت مقتنعة ...الدكتورة اكملت (الذي يخاف من شئ مثل الاسد شجاع لكن الذي يخاف من شئ مثل النوم في حجرته ...هل هو شجاع)...نورا اجابت ( لا ...ولكني كنت اخاف ان يأتيني اسد)....الدكتورة قالت (وهل تعتقدي ان الاسد سيترك غابته ويمشي في شوارع البلد حتي يصل الي القاهرة ويدخل حجرتك؟).....يااااه ..نورا استراحت جدا ولم تعد خائفة انصحكم في الله بعدم الهجوم علي الاطفال بل بمناقشه خوفهم حتي وان بدا غير منطقي وان لم تتمكنو الجأوا الي متخصص كتبت بالفصحي بناء علي طلب بعض اخواتنا شارك هذه المشاركه رابط المشاركه شارك
أم زيــــاد 881 أرسلي تقرير عن المشاركة قامت بالمشاركة 10 ديسمبر, 2014 وعليكم السلام ورحمة الله وبركاته بارك الله فيك غاليتي قد ايه فرحت وانا بقرأ ان شا الله بكرا اواصل شارك هذه المشاركه رابط المشاركه شارك
عروس القرءان 1178 أرسلي تقرير عن المشاركة قامت بالمشاركة 10 ديسمبر, 2014 ما شاء الله حواديت رائــــــــــــعة جداا جزاكِ الله خيراً وزادكِ الله من فضله أختي الحبيبة قرأت جزءً منها ، سأكمل الباقي بإذن الله تعالى .. شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 12 ديسمبر, 2014 قصة للتعامل مع الطفل الذي تصفيه بضعف الشخصيية وتقليد اصحابه نيرة طفلة رقيقة جدا وتحب الناس لكن ماما لاحظت ان نيرة ممكن تذهب مع اي شخص يلاعبها ماما خافت وقالت لها (الناس ممكن يخطفوك كوني معي دوما)...نيرة اقتنعت وخافت ،، اصبحت لا تتكلم كثيرا مع الناس ، نيرة تري ماما دائما غير سعيدة ماما لديها هموم كثيرة ونيرة لا تراها مبتسمة بل تراها غالبا تبكي،، نيرة نفسها لا تضحك كثيرا حتي وهي علي الارجوحة لا احد يريد مصاحبة نيرة من البنات يقولون عنها كئيبة ..خلود اقتربت من نيرة ..نيرة فرحت جدا ان احدا يقترب منها ويحاول مصاحبتها لكن خلود مختلفة تماما عن نيرة جريئة جدا ومندفعة *نيرة معجبة جدا بخلود وتقلدها في طريقة كلامها ماما غضبت عندما وجدت هذا التغيير في نيرة وصرخت (لا تقلدي احدا كوني نفسك)...نيرة لا تريد ان تكون نفسها لانها اصلا تكره طريقتها في الحياة! نيرة تحب خلود ولم تسمع كلام ماما واصبحت نسخة من خلود ...ماما قالت (انت بلا شخصية شخصيتك ضعيفة) المدرسة قالت لماما (نيرة تابعة لخلود) الكارثة حدثت عندما اخذت خلود نقودا من حقيبة سلمي واقنعت نيرة ان هذا لا شئ فيه! !! تم عقاب خلود ونيرة من المدرسة ماما انهارت (يا نيرة ارجوكي انت هكذا بلا شخصية البنت خلود ستحولك الي سارقة)..لم يبد علي نيرة اي اهتمام ،،، كان لابد من الذهاب الي متخصصة في الاطفال ،، كانت مبتسمه في وجه نيرة .لكن نيرة كانت صامته وفجأة بكت (اكره الاطباء)،،، ابتسمت الدكتورة وقالت (لكني احبك)...نيرة قالت (ماما قالت لك عني كلاما سيئا اكيد قبل ان تمشي)...الدكتورة قالت (انا احكم علي الناس من بعد ان اراهم واتعامل معهم وليس قبلها!)...نيرة قالت (لماذا،؟؟) الدكتورة قالت (انظري الي هذا الشئ الابيض ما هو؟) نيرة قالت (سكر) الدكتورة قالت (اما انا فلن احكم حتي اذوق ...هيا ذوقي) نيرة وجدته ملحا!! الدكتورة قالت (هكذا الناس لا احكم عليهم بدون تجربة)....انظري ،، الدكتورة جعلت نيرة تذوق السكر ثم تشرب ماء حتي يذهب طعمه ثم اذاقتها الملح ....نيرة قالت (طعمين مختلفين )(هذا سكر وهذا ملح)؛؛؛؛ الدكتورة خلطت السكر مع الملح ثم طلبت من نيرة ان تذوق كان الطعم سيئا !!! الدكتورة قالت (كان لكل منهما طعما مستقلا ولكن عندما اختلطا افسدا بعضهما البعض)،،،،هكذا بعض الناس لو اختلطنا بهم يغيرون منا ! نيرة بدا عليها التفكير (اذن لا نصاحب الناس)...الدكتورة قالت (نصاحب من يوافق اخلاقنا واسلامنا وليس من الضروري ان يكون مثلنا بالضبط)...نيرة خلطت الفلفل الاسود بالملح لم يكن الطعم متناقضا.عندما تذوقته مع الدكتورة...نيرة كانت مقتنعة لكن قالت ببكاء (ماما لا تحب خلود وخلود فقط ظريفة..وتحبني) ...الدكتورة قالت (ما الذي جعل خلودا تحبك ...اكيد الاشياء الحلوة فيك ممكن تجعل غيرها يحبونك) كانت نيرة مقتنعة ...فكرت...انا احببت خلود افي اشياء ولكن يمكن ان احب غيرها ولن اجعل احدا يحولني الي الطعم السئ للسكر بالملح لابد ان احتفظ بصفاتي واصحح من نفسي شارك هذه المشاركه رابط المشاركه شارك
آلآء الله 269 أرسلي تقرير عن المشاركة قامت بالمشاركة 13 ديسمبر, 2014 وعليكم السلام ورحمة الله وبركاته جزاك الله خيرا اللهم باارك بفضل الله ومنته قصص رااااااائعة استمتعت بها بفضل الله كثيراً بارك الله فيكم وفي كاتبتها : ))) شارك هذه المشاركه رابط المشاركه شارك
أم زيــــاد 881 أرسلي تقرير عن المشاركة قامت بالمشاركة 13 ديسمبر, 2014 بارك الله فيك حبيبتي مستمتعة جدا في قراءة القصص شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 14 ديسمبر, 2014 السلام عليكم ورحمة الله وبركاته جزيت خيرا ام العبادلة .. بارك الله فيك شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 16 ديسمبر, 2014 حدوته ستفهمك كيف تكون مؤثرا مع الاطفال دائما اكتب للوالدين الان اكتب للمدرس...و لزوج الام وزوجة الاب واي شخص بديل في حياة الصغار كن علامة لا شيئا عابرا يارا ونسمة اختان توأم...كانتا سعيدتين جدا مع ماما وبابا ،، ماما دائما تأخذهما في فسح جميلة وتناقشهما ،، اما بابا فهو برغم مشغولياته حنون جدا يارا ونسمة كانتا متفوقتين دراسيا ومثار مدح الجميع في المدرسة...وماما تساعدهما في المذاكرة لكن في يوم حزين كانت الاسرة كلها في نزهة واثناء العودة بالسيارة حدثت حادثة فظيعة...خرج منها الجميع بإصابات الا ماما لقد رحلت....الدموع لم ترحل من عيني يارا ونسمة ابدا...رغم مرور الشهور ورغم احتواء بابا وتيته لهما لا تذاكران ونجحتا بصعوبة دائما تبكيان وتتذكران ابتسامة ماما تيته تحبهما لكنها لا تعرف كيف تناقشهما...لم تعودا تحبان الفسح ولا الخروج ...كلتاهما لا تنام ولا تخرج الي المدرسة الا مع الاخري...العام الدراسي الجديد بدأ حزن البنتين كان عظيما ماما غير موجودة لتجليد الكتب ولا احضار الادوات بابا فعل ما بوسعه لكنهما لم تكونا سعيدتين حتي بكي بابا نفسه (انا غير متمكن من اسعادكم) اشفقت البنتان علي بابا وحضنته نسمه في المدرسة جلست البنتان صامتتان لا تتجاوبان مع احد ،، المدرسون بعضهم جدد لا يعرف الحكاية وبعضهم يعرفها لكنه مشغول المعلمه سارة معلمة اللغة العربية جميلة الملامح لكن احلي ما فيها ابتسامتها وطيبة قلبها لم تترك البنتين دائما تنظر لهما وتحادثهما ، لكنها تشعر انهما في حزن دائم سألت سارة معلمة اخري عما بهما عرفت ...تأثرت كثيرا ظلت تفكر ...انني يمكن ان اكون شيئا عابرا في حياة البنتين مجرد مدرسة عربي مرت بهما وممكن اكون انسانة مؤثرة يتذكرها القلب طيلة العمر ويدعو لها ...لابد ان اكون شخصا مؤثرا بدأت المعلمه سارة تحضر معها احيانا ساندويتشات للبنتين كانتا مندهشتين ! ثم اصبحت تحادثهما عن نفسها ووالديها ..ثم روت لهما انها تحضر الماجستير لم يخف عليها سعادتهما باقترابها ...طلبت منهما الدعاء لها وفي يوم حدثاها عن امهما طلبت ان تري صورتها ....انها تعلم ان حديث الانسان عن احزانه يخرجها من قلبه بعكس كتمانها ...بكت البنتان علي كتفها ...وهدأتهما ...بعد صداقتها معهما لاحظ بابا حبهما للمذاكرة من جديد ويوم ما نجحت في الماجستير اصرت البنتان علي احضار تورتة لها واستجاب بابا وهو سعيد ان الحماس عاود بناته لفعل اي شئ ...وفي يوم سعيد جدا ....جاءت نسمة ويارا الي بابا وقد عادتا الاوائل علي الفصل. ..ايها المدرس الكريم كن علامة في حياة ابنائك الطلاب علامة فارقة ولا تكن شخصا عابرا ينسونه....وكذلك انت يا زوجة الاب الكريمه كوني علامة طيبة .. 1 شارك هذه المشاركه رابط المشاركه شارك
أم يُمنى 747 أرسلي تقرير عن المشاركة قامت بالمشاركة 16 ديسمبر, 2014 راااااااااااااااااااائعة ... بارك الله فيكِ حبيبتى ونفع بكِ بإذن الله راجعة تانى لتكملة القراءة شارك هذه المشاركه رابط المشاركه شارك
