خلاصة الوصفات فى تجميعه للبنات والسيدات

[هبه المسلمه 1]

علبه بيضاء وماء الورد لونه وردى ؟؟؟؟؟؟

انا مش عارفه بصراحه يعنى ايه تونيك للبشره ؟؟

بس انا عمرى ماحطتها فى التلاجه بصراحه

ولو انتى عايزه تحطيها فى التلاجه يبقى احسنل تحطيها فى معبات التلج وتستخدميها وهى متلجه :icon15:

مقولتش ياباشا ؟؟؟؟؟؟ منين ؟ :?:

[~رؤى~ 0]

سؤال اخير

 

انت بتحطي ماء الورد حول منطقة العين ولا لأ

 

لاني سمعت ان في ناس بيحطوها علشان الهالات السوداء

 

 

مقولتش ياباشا ؟؟؟؟؟؟ منين ؟ :icon15:

 

اقول كده عيني عينك

 

رجعوا الرسائل الخاصة وانا اقول :?:

[هبه المسلمه 1]

اه بحطها عالعين

دى اصلا بتنظف الوجه كله

 

يابنتى ماتقولى ؟؟؟؟؟؟؟؟؟ هو انا يعنى قلتلك ساكنه فين !!!!!!!!!!!!

انا بقولك منين

يعنى محافظة ايه

شكلك مصراويه ؟؟؟؟؟؟؟؟ ولا انا غلطانه :icon15:

[~رؤى~ 0]

مصراوية

 

و من محافظة الجيزة

 

تمام كده :smile:

 

و انت ؟

[هبه المسلمه 1]

تمام كده :smile:

انا من الغربيه يا سكره :closedeyes:

بس جيالكم قريب :icon15:

[~رؤى~ 0]

يا سلام يا سلام

 

دا انتي تنوري

 

ابقي هاتيلي معاكي حاجة حلوة و انت جايه :closedeyes:

 

 

 

 

اه سؤال كمان خطر على بالي

 

هبه هتقتلني انا عارفة :tongue:

 

هي ماء الورد الي انا جبتها من الصيدلية ممكن تستخدم للشرب ولا مش ينفع

 

يعني هي دي بتاعت الشرب ؟

[هبه المسلمه 1]

لا ياجميل انت تؤمر

بس والله ده معرفوش

ابقى اسالى الصيدليه

ولا استنى انا هبقى اسالك

 

 

 

 

وانا جيالك هجيبلك ماء ورد هديه :tongue:

[~رؤى~ 0]

وانا جيالك هجيبلك ماء ورد هديه :tongue:

 

و متنسيش الحاجة الحلوة :closedeyes:

[هبه المسلمه 1]

حاضر ياستى انتى تؤمرى

 

 

بس هو الاعضاء راحو فين

 

معندكوش اسئله ولا ايه

 

متهيالى محدش بيدخل غيرى انا وجنه بس :biggrin:

 

 

انا مش بكتب الكلام ده لنفسى

 

عالعموم كفايه انت ياعم جنه شوف الوصفات اللى انتى عايزاها وانا فى الخدمه :biggrin:

[ام حلا 6]

بجد موضوع روعة تسلم الايادي انا تقريبا يوميا افتح الموضوع و لو ما ارد بس الوضوع جميل جزاك الله خيرا

[ام حلا 6]

لنعومة يدين و قدمين كبشرة الاطفال

خميرة ملعقة

3 ملاعق سكر يكون خشن

نقاط من عصير الليمون

ملعقتين حليب سائل تخلط جيدا وتدنكين يديك و ركبتيك و قدميك و و جهك و تدعكين جيدا

ثم يغسل بماء دافئ

انا لسه عاملتهاو فعلا خطيرة و مبهرة :smile:

[~رؤى~ 0]

لنعومة يدين و قدمين كبشرة الاطفال

خميرة ملعقة

3 ملاعق سكر يكون خشن

نقاط من عصير الليمون

ملعقتين حليب سائل تخلط جيدا وتدنكين يديك و ركبتيك و قدميك و و جهك و تدعكين جيدا

ثم يغسل بماء دافئ

انا لسه عاملتهاو فعلا خطيرة و مبهرة :wub:

 

طب و مكسوفه ليه ؟ :sad:

 

الحمد لله انها نفعت معاكي

 

بس قبل كده حطيت خميرة على وجهي و حستها جامدة عليه

 

رغم انا فعلا مفيدة

 

جزاكي الله خيرا

[جنتي 0]

السلام عليكن و رحمة الله و بركاته

 

بنات كيف احوالكن :wub:

اتمنى ان تكن بافضل حال

و طبعا كيف احوال عروستنا هبة

 

عزيزتي هبة سلام

انا اليوم اكتب مشكلتي التي ستقضي علي قريبا اتمنى ان تساعدينني و جميع الاخوات الغاليات

 

ذهبت عند خالتي لاقضي معها يومين ارتاح قليلا لانها تسكن بقرية صغيرة و رائعة يعني اتنشق بعض الهواء الطلق و تعرفن كيف هي احوال البادية قضيت اليومين و رجعت

 

بعد ذلك بدات الاحظ ان شعري تغير كثيرا :wub: مع العلم انني و الحمد لله لم اكن اعاني معه اي مشاكل

اول ما لاحظته انه اصبح يتساقط بكثرة و تقصف شديد و اصبحت الاطراف صعبة التسريح رغم ان شعري رطب و اسود لكن نهاياته تغير لونها و اصبحت فاتحة و ان صح القول كانه احترق

و علما ان شعري خفيف لكن لم اكن انزعج لان شكله كان جميلا و رطب لكن الان اصبح اخف و نقص حجمه و طوله :wub:

عملت له حمام زيت و الحمد لله صلح قليلا لكن نهاياته ما زالت مقصفة و شبه محروقة و قرات ان القهوة تعالج التقصف و اريد تجربتها لكن لا اعرف طريقة استخدامها يعني مدة استعمالها و كم تبقى على الشعر و هل اغسل شعري بعدها...الخ

و ارجوك لا تقولي لي قصي شعرك لانني اخاف ان لا يطول و انا مقبلة على الزواج و اريد شعر طويل

 

 

ارجوكن ساعدنني و من جربت القهوة تخبرني عنها

 

لا استحمل خسارة شعري خصوصا في هذا الوقت :sad:

 

انتظر الردود و لا تتركنني هكذا حبيباتي

[~رؤى~ 0]

السلام عليكم

 

قريت وصفتين في منتديات عروس بس انا مش جربتهم

 

الوصفة الاولى

 

لتقصف الشعر :

تفرك أطراف الشعر بقهوة مطبوخة بدون هيل.

 

بس بصراحة معرفش يعني ايه مطبوخة بدون هيل

 

 

 

الوصفة الثانية

 

أخلطي 2 ملعقة طعام من كريم للأيدى مع 2 ملعقة طعام أي نوع بلسم للشعر وملعقة طعام زيت زيتون ضعي الخلطة على الشعر في المناطق المتقصفة أثناء الليل واغسليها بالنهار في غضون اسبوعين سوف تري النتيجة.

 

 

السلام عليكم

[جنتي 0]

عزيزتي جنة الله شكرا على ردك لي

 

بالنسبة للقهوة هذه هي المشكلة حتى ان لا اعرف كيف و اريد الطريقة

 

و مشكورة ايضا على الخلطة لكن انا خائفة من الخلطات و اخاف من ان تزيد من المشكلة لان شعري ضعيف الاستجابة للخلطات

يعني اريد خلطة مضمونة و مجربة و قلت ان القهوة يمكن تعالج لان كثير يمدحونها

 

على اي اختي العزيزة شكرا لردك و جزاك الله خيرا

 

ما زلت انتظر ردود اخرى من الاخوات الغاليات

[المحبة للرحمن 0]

السلام عليكم و رحمة الله و بركاته ازيكو يا حلوين عاملين ايه؟ على فكرة الوصفات ده تحفة و الله جزاكى الله خيرا يا هبهوبة كنت عايزة اسالك سؤال الماسكات بتاعت الشعر احطها و شعرى ناشف و نظيف و لا يكون مبلول ردى يا جميل :blush:

[هبه المسلمه 1]

قناع لجميع انواع البشره :

ملعقة عسل . ملعقتين زبادى . خياره مبشوره

ابشرى الخياره وضعى ملعقة العسل مع الزبادى

ضعى القناع مده الى ان يجف ويتكتل ثم اغسلى وجهك بماء بارد مع مراعاة وضع مكعبات ثلج من ماء ورد

 

 

 

وطبعا كلكم عارفين ان الزبادى والعسل من احسن الاقنعه للبشره ولو عندك حبوب حطى كمان لمون

وشوفى الفرق وادعيلى

 

 

 

 

 

قناع للشد الوجه والرقبه:

يطلى الوجه والرقبه بنصف زلال بيضه ممزوجه ببعغض النقط من عصير الليمون

الحامض ثم يزال القناع بعد ربع ساعه

 

 

 

 

 

 

 

 

وصفه لتبييض الاسنان :

 

يطحن الفحم الطبيعى ناعما ثم يخلط مع كميه من ملح الطعام وتفرك به الاسنان

جيدا وتكرر العمليه مرتان يوميا

 

وعلى فكره الوصفه دى موجوده فى كل المنتديات عن طريقة تبييض الاسنان بس بصراحه انا مجربتهاش

بس بالنسبه ليا احسن طريقه لتبييض الاسنان هى المداومه على السوا طبعا

والله جنااااااااااااااااااان غير انه مطهره للفم ومرضاة للرب

 

 

 

 

 

 

خلطه وكأنك حاطه كريم اساس :

 

ملعقة خميره . ملعقة خل تفاح . زبادى

المهم فيه ان يكون الزبادى معفن اى فيه بكتيريا وكل مازادت عفونته زادت فائدته بعد تانى او تالت استعمال

تكون بشرتك وكانك حاطه ريم اساس بياض ونعومه وتغذيه للبشره

 

طريقة تعفين الزبادى : حطيه فى كاس واتركيه فى الفرن يومين بس لاتولعى

الفرن او حطيه فى منطقه حاره يعنى مافيها بودره وان شاء الله يتعفن

 

 

 

 

انا جربت طريقة التعفين دى بس بصراحه كانت ريحته قذره وكان ناشف واتقرفت منه

فانا بستعمله من غير تعفين يعنى بحطه من التلاجه علطول

ونتيجته كويسه

 

بس انا نقلتها زى ماهى للى يحب يعفنه

 

 

 

 

 

 

 

 

 

 

 

 

وصفه تعوق نمو شعر وخاصة الوجه :

ملعقه كبيره ترمس مجروش ومغلى تمت تصفيته فى كوب ماء

زائد ملعقتين كبار من مغلى زهرة البابونج فى كوب ماء وملعقتين من الرده

بعد غليها وتصفيتها فى كوب ماء بمعنى عمل كوب من كل نوع من الانواع

الثلاثه السابقه وتوضع فى الثلاجه وتسخن عند الاستعمال كدهان يدلك به الوجه لمدة نص ساعه الى ساعه

لمدة عشر ايام متتاليه وان هذه الوصفه تعوق نمو اى شعره فى الوجه وخاصة الذقن ( مجرب)

 

 

 

ودى بصراحه مجربتهاش بس صاحبة الخلطه بتشكر فيها بردو

 

 

 

 

 

 

 

 

 

وصفة د/عبدالباسط حموده فى تطويل الشعر :

 

2صباع موز + واحد نبات كيوى

يخلطو معا ويوضع على الشعر لمدة ربع ساعه . بعد كده يغسل

هذه الوصفه تعمل عمل السحر لانها تؤدى الى زيادة نمو الشعر

بغزاره وزيادة نعوميته وهى من ارقى بيوت مصففى الشعر فى هوليوود

وهى مره واحده اسبوعيا

 

 

 

 

 

 

 

 

 

 

 

 

وصفة د/عادل عبد العال فى تطويل الشعر وفرده:

 

نجيب المخاط الموجود فى الورقه الكبيره من نبات الصبار ونجمع منه كميه

تكفى لطول الشعر ومدى كثافته ونخلطها مع زيت العنبر ويكون نص كمية المخاط

وتوضع على الشعر وتخلط بطريقه لطيفه تحك فيها فروة الراس وبعدها تلفى شعرك بقطعة قماش غير قطنيه

حتى ماتسحب مستوى الوصفه .. ومدة الوصفه ترجع الى حالة شعرك فكلما كان مجعدا

وباهت تطول فى المده وبعد مايخلص شطفى شعرك بالماء الدافى والشامبو مره واحده فقط حتى تتخلصى

من تزنخ الزيت واذا كان شعرك من النوع الغليظ والمجعد كررى العمليه مرتين اسبوعيا

حتى تحصلى على نتائج مرضيه

 

 

 

 

 

انا بأه نفسى اجرب الوصفه دى بس معرفش البار والعنبر يتجابو منينن

مفيش عندنا عطار فى المحله الكبرى بيبع العنبر ده

لو حد من مصر يعرف يتجابو منين يقولى ياريت اصل شلها وصفه جامده

 

 

 

 

 

 

 

 

 

 

 

 

لشعر ثقيل جدا ...( ديل الحصان بحجم الزراع )

 

المشاط ...........رهييييييييييب للشعر

يتجاب من عند العطار

 

 

 

انا سمعت عنه فى منتديات كتير بس كل ماااسال عنه عطار يقولى معرفش حاجه بلاسم ده

 

 

 

 

 

 

 

 

 

 

 

 

 

 

خلطه لنعومة وصفاء ونقاء وتفتيح الجسم من اول استخدام :

 

وبصراحه دى كل اللى رد عليها بيشكر جدا فيها وكتير مجربنها

بس انا بصراحه مجربتهاش

 

3قشور موز وبطاطس وقشورها ونص ليمونه وقشورها وحليب

تاخدى القشور وتطحنيها مع قشور البطاطس ولا حظى قشر البطاطس واللى بداخلها

يعنى كلها تطحنيها مع قشور الموز ونص ليمونه بالشرط تسلقين

البطاطس والليمونه وبعدين اضيفى الحليب

 

 

 

 

 

 

المصادر الطبيعيه لفتح الشهيه وتقوية الاجسام الهزيله

 

1- التمر واللبن:

ينقع التمر فى الحليب لمدة 6ساعات ثم ياكله المريض حيث يفتح الشهيه للطعام

ويجب على مرضى السكر الابتعاد عن هذه الوصفه

 

2-الحلبه:

كوب حلبه قبل الاكل بنص ساعه فاتح للشهيه

 

 

 

 

 

 

 

 

 

 

 

 

خلطه للحنه تلون وتعالج الشعر ::

 

حنه _ كثيرا منقوعه فى كوب ماء - 3ملاعق سدر - بيضه - زبادى - كوب نسكافيه -

كوب شاى - كوب مغلى بابونج - ملعقتين كبار بودرة دم غزال مزوبه فى كوب ماء

زيت جوز هند - زيت سمسم - زيت عافيه منقثوع فيه حلبه - ملعقة زبده او صبار -

3ملاعق بن

طبعا فى وعاء غزير حطيت الحنه وبديت اضيف لها المقادير شوى شوى مع الخلط

وبالنسبه للكثيرا نقعتها فى كوب ماء قبلها بيوم وثانى يوم بيصير الخليط مثل الجل تماما

وبعدين حطيت الكثيرا فى الخلاط وضفت لها السدر والبيض واللبن والزبد والصبار

وبعد كده نخلطهم ونحطهم على الحنهوبعدين نحط عليهم زيت عافيه والحلبه وبعدين نخلطها عالشعر

 

 

 

 

 

 

دى بجحد وصفه حلوه بس انا هقولكم دوقتى وصفتى انا للحنه اللى بعملها

بتشيل القشره وتدى لون وتتقل الشعر وتطريه وتغذيه كمان

 

اولا هجيب الحلبه واحطها فى طبق واسخن مايه واحط فيها كركم ولون شيكولاته من عند العطار

عشان انا بعوز لون بنى وشعرى مش طويل اوى يعنى كاريه كده

 

واحط مع المويه شاى وبابونج وحلبه كمان

واسيبها تغلى

واحط كمان شوية كركم عالحنا اللى فى الطبق وبعدين على ما المويه تغلى احط الزبادى فى الخلاط ومعاه بيضه

وبعدين اخلطهم واحطهم عالحنا وممكن كمان سمسم مطحون عشان يطول وكمان خميره فوريه

كل ده احطه عالحنا وبعد ما المويه تغلى اجيب مصفاه واصفى المايه على الحنا فى الطبق واقلب لغاية ما تبقى متماسكه

ازود كمان شوية مويه واحط الحنا كلها عالنار لغاية ما تفقفق زى المهلبيه يادوب دقيقه او نص دقيقه بس عالنار

وبعدين اشيلها واخليها ثلاث او اربع ساعات لحد ما تخمر وبعدين احطهها على شعرى وانام واصحى الصبح اغسلها

اول يوم اغسلها بالماء بس وتانى يوم اغسلها بالشامبو عشان اللون يثبت

اه نسيت اقولم انى بحط عالحنا كمان نقطتين خل ولو مش عايزه بلاش

دى باه اللى بتطرى الشعر وانا بعملها كل شهر مره وماشاء الله مريحانى عالاخر

دى طريقتى فقلت اكتبهالكم

 

 

 

المهم انا كده كتبت كتير اوى ... كفايه عليكم كده انهارده

 

بس ياريت اشوف ارائكم وتونو جربتم الوصفات دى عشان ترفعو من معنوياتى ومحسش انى بكتب عالفاضى

لحسن الكتابه دى شىء ممل اوى

بس عشان خاطركم بس كله يهون

 

 

 

ولو عايزين اى استفسار انا فى الخدمه

 

سلام

الى اللقاء فى الوصفات التاليه

 

 

 

 

اهلا جنتى

استخدمى ماسك الزبادى والبيض

ده حلو

بس واظبى عليه

 

 

 

وبالنسبه لمحبة الرحمن

الماسكات تعمليها وانتى شعرك مبلول وياحبذا لو مغسول بماء دافىء عشان تفتحى المسام وتستفيدى بالخلطه

بس الحنه تستعمليها وشعرك ناااشف :oops:

[كافورا 0]

وعليكم السلام ورحمة الله وبركاته،،

مشكورة أخيتي هبه على الفكرة

بس ايه رأيك نكتب في عنوان الموضوع (كشكول هبه لخلاصة الوصفات التجميلية)

وأنا من رأيي انك تكتبيلنا كل الوصفات اللي عندك أحسن من ان كل واحدة تدخل تسأل عن اللي هي عاوزاه وانتي تردي عليها

واللا ايه رأيك؟؟؟

 

أختى الفاضلة: هبة

 

برجاء الأفادة عن الآتى :

 

1- صبغة الحناء لتغذية الشعر وتطويله لا لتلوينه :

 

تكسب الشعر الجاذبيه ويستخدم 4 اسابيع متتاليه دون توقف

 

هل تستخدم هذه الحناء يوميا خلال الأربع أسابيع المذكورة؟

 

رجاء التوضيح

 

جزاكى الله خيرا

[جنتي 0]

عزيزتي هبة شكرا على الطريقة لكن مادا تعرفين عن القهوة و ياريت تعطيني طريقة عملها لانني بصراحة اصبحت اخاف من الوصفات

لانها هي السبب في ما جرى لشعري و القهوة بسيطة و كثير يمدحونها ارجوكن ساعدنني لانني لم اعد استطع النظر لشعري اصبح كله مقصف

[المحبة للرحمن 0]

السلام عليكم و رحمة الله و بركاته كنت عايزة اعرف يا هبهوبة الفرق بين الفازلين و الجلسرين و الفكس هو بتاع البرد؟ و علشان رائحة العرق ادهن نصف لموتة تحت الابط مش هيكون بيلسع و زيت اللوز ده اجيبه من عند العطار هو هو زيت اللوز الحلو معلش اسالتى كتير اصل انت عارفة لما الدماغ بتقفل :wub:

[~رؤى~ 0]

السلام عليكم

 

ايه الهمة دي يا هبه :biggrin:

 

جزاكي الله خيرا :smile:

 

 

 

وصفة د/عادل عبد العال فى تطويل الشعر وفرده:

 

نجيب المخاط الموجود فى الورقه الكبيره من نبات الصبار ونجمع منه كميه

تكفى لطول الشعر ومدى كثافته ونخلطها مع زيت العنبر ويكون نص كمية المخاط

وتوضع على الشعر وتخلط بطريقه لطيفه تحك فيها فروة الراس وبعدها تلفى شعرك بقطعة قماش غير قطنيه

حتى ماتسحب مستوى الوصفه .. ومدة الوصفه ترجع الى حالة شعرك فكلما كان مجعدا

وباهت تطول فى المده وبعد مايخلص شطفى شعرك بالماء الدافى والشامبو مره واحده فقط حتى تتخلصى

من تزنخ الزيت واذا كان شعرك من النوع الغليظ والمجعد كررى العمليه مرتين اسبوعيا

حتى تحصلى على نتائج مرضيه

 

 

 

 

 

انا بأه نفسى اجرب الوصفه دى بس معرفش البار والعنبر يتجابو منينن

مفيش عندنا عطار فى المحله الكبرى بيبع العنبر ده

لو حد من مصر يعرف يتجابو منين يقولى ياريت اصل شلها وصفه جامده

 

 

مممممممم اعتقد ان الصبار حتلاقيه في المشاتل او المحلات الي بتبيع الزروع بس معرفش ايه زيت العنبر ده

 

 

 

 

 

لشعر ثقيل جدا ...( ديل الحصان بحجم الزراع )

 

المشاط ...........رهييييييييييب للشعر

يتجاب من عند العطار

 

 

 

انا سمعت عنه فى منتديات كتير بس كل ماااسال عنه عطار يقولى معرفش حاجه بلاسم ده

 

ممكن يكون له اسم تاني بالمصري

 

حد يحقق في الوضوع ده

[هبه المسلمه 1]

1- صبغة الحناء لتغذية الشعر وتطويله لا لتلوينه :

 

تكسب الشعر الجاذبيه ويستخدم 4 اسابيع متتاليه دون توقف

 

هل تستخدم هذه الحناء يوميا خلال الأربع أسابيع المذكورة؟

 

رجاء التوضيح

 

جزاكى الله خيرا

 

 

لا يا جميل مظنش :ohmy: على ما اعتقد هى مره فى الاسبوع

لان الحنه مينفعش متهيألى تتعمل كل يوم ... دى حاجه تخنق :icon_eek:

وأى استفسار تانى انا فى الخدمه :dry:

 

 

 

 

 

عزيزتي هبة شكرا على الطريقة لكن مادا تعرفين عن القهوة و ياريت تعطيني طريقة عملها لانني بصراحة اصبحت اخاف من الوصفات

لانها هي السبب في ما جرى لشعري و القهوة بسيطة و كثير يمدحونها ارجوكن ساعدنني لانني لم اعد استطع النظر لشعري اصبح كله مقصف

 

 

بصراحه انا معرفش حاجه عن القهوه دى لانها وصفه خليجيه وانا مش اعرفها والله

بس انا مجربه الزبادى والبيض وبصراحه والله نتيجتها حلوه :closedeyes:

 

 

 

 

 

 

 

 

السلام عليكم و رحمة الله و بركاته كنت عايزة اعرف يا هبهوبة الفرق بين الفازلين و الجلسرين و الفكس هو بتاع البرد؟ و علشان رائحة العرق ادهن نصف لموتة تحت الابط مش هيكون بيلسع و زيت اللوز ده اجيبه من عند العطار هو هو زيت اللوز الحلو معلش اسالتى كتير اصل انت عارفة لما الدماغ بتقفل

 

 

بالنسبه للفرق بين الفازلين والجلسرين على ما أظن ان فايدتهم واحده لكن معرفش ايه الفكس ده

ممكن تسألى عن الفرق بين الفازلين والجلسرين فى الساحه الطبيه

وعن العرق انا اقولك ان الليمون مبيحرقش خالص الا فى حاله واحده بس هو انك لسه مسويه ازاله للشعر قبلها

ولكن غير كده لا او يمكن انتى بشرتك حساسه

اما بالنسبه لزيت اللوز فهو فعلا من عند العطار ;-)

زيت اللوز الحلو للبشره وزيت اللوز المر للشعر

ولا يهمك ياباشا اسأل براحتك ;-)

 

 

 

 

 

 

 

 

وجزاكى الله خير ياجنه عالمعلومات دى

منكم نستفيد ;-)

[هبه المسلمه 1]

اديكو كمان شوية وصفات عالسريع كده عشان النشاط الزايد ده ;-)

 

 

خلطه رهيبه للبشره

بنااااااات أنا جايبة لكم خلطة مجربتها بنفسي و الشاهد الله ...

 

أولا بقول لكم إيش السبب اللي جعلني أستخدمها ....

 

كانت بشرتي صااااافية ... تعرفون إيش معنى صافية ؟؟؟ يعني مافيها و لا حبة ... الحمد لله ...

 

فجــــــأة ...

 

شفت بشرتي تغيرت ... في يوم واحد ... يعني بسرعة بسرعة ...

 

لدرجة أي أحد يشوفوني من قريباتي يقولي وش فيك ...

 

أنا طبعاً عافة السبب ....

 

السبب ... ( عين ) ... حماكم الله من العين و شرورها ...

 

إيش طلع في وجهي ؟؟؟

 

طلعت حبوووووب صغيرة .... مو حبوب شباب ... لا ... بس ماني عارفة إيش يسمونها ...

 

المهم ... رحت لكذا دكتورة ... و عرضت نفسي عليها ... و تقول لي باستغراب ... إيش هذي البشرة ...

 

تخيلتوا ...

 

لكن ... في وحده الله يجزاها خير ... قالت لأمي هذي الخلطة ...

 

و هي ...

 

فنجان سكر ...

فنجان زيت زيتون ...

ليمونه ...

 

إخلطيهم مع بعض و بعدين حطيها على بشرتك ... لمدة ربع ساعة ...

 

بياض .... خدود وردية ... الحبوب تروح ...

 

صرااااااحة ما تتوقعون ... إيش اللي صار معي ...

 

على طول بدأت الحبوب تروح ...

 

 

 

لــــــــــكن إلى الآن و أنا أستخدمها ... لكن مو باستمرار ...

 

على أساس كذا تشوفون بشرتي يوم تطلع الحبوب .... و يوم تختفي ... لأن معي عين ...

 

 

 

 

 

 

 

 

ودى بجد وصفه حلوه موووت وانا كمان مجرباها

جربيها كده وانتى بتاخدى حمام دافى وافركى ايدك ومفاصلك وجسمك كله لو حبيتى

بجد وصفه تحفه وعلى ضمانتى

وهى تعتبر بردو وصفة تقشير :closedeyes: :dry:

 

 

 

 

 

 

 

 

صفاء ونقاء من اول مره:

 

هاذي وصفة مجربة وللامانة شفتها من احد المنتديات وجربتها وطلعت رووووووووعة مرة

تاخذين شوي صبار مع شوي موية ورد وعصرة ليمون وتحطينهم في الخلاط الى ان يمتزجوا كويس بعدين تحطينها في وجهك والصراحة رووووووعة تخلينها طول فترة النوم وبعدين تغسلينها بموية داافية وتنشفينها زييين

ممكن تحسين باكلان في بشرتك بس ماعليك هذا طبيعي

انشاء الله تعجبكم

 

 

مش انا اللى مجرباها ياجماعه :icon_eek: ها ;-)

اللى مجرباه هقولكم عليه

 

 

 

 

 

 

 

--------------------------------------------------------------------------------

 

واخيرا لقيت حل لشعري لانه خفيف ويتساقط

مره كنت اشكي لزميلتي وعطتني وصفه وبعدها شعري صار كثير ووقف التساقط الحمدلله والكل لاحظ

ماابي اطول عليكم وهذي الطريقه:

جرجير

+

فص ثوم

+

شوي ماء

 

ضعيهم باالخلاط ثم قومي بتصفيته( يعني خوذي مويته بس)

وضعي عليها ملعقة سدر

 

توضع على الشعر مرتين في الاسبوع لمدة ساعتين الى ثلاث ساعات

 

 

 

 

 

وطبعا كلكم عارفين فوائد الجرجير والتوم وياحبذا لو فى بصل مان

بس اتحملو الريحه

 

 

;-)

[هبه المسلمه 1]

ياجماعه معلش متزعلوش لو حد سألنى سؤال ومعرفتش اجاوب عليه

بس اصلى مش خبيره يعنى

انا يادوب معرفتى دى من كتر المواضيع اللى قريتها على شوية برامج :mellow: كده يعنى :dry:

فمبحبش افتى بأه

اللى عارفاه بجاوبه

واللى مش عارفاه مش بجاوبه

وشكرا يا قطاقيط

سلام :?:

[smile 0]

السلام عليكم ورحمة الله وبركاته،،

 

هبه بجد انتي جامده وملكيش حل :?

انا من زمان كان نفسي اعرف وصفات زي ديه

الدراسه نستنا اساسا ان احنا بنات