خلاصة الوصفات فى تجميعه للبنات والسيدات

[هبه المسلمه 1]

السلام عليكم ورحمة الله وبركاته

ايه الحلاوه دى

شكلكم مبسوطين من وصفات الشعر خالص

 

بس محدش خد باله انى سالتكم سؤال ومحدش جاوبنى :icon_eek: :cry:

 

 

اوك :wacko:

 

 

 

 

نكمل الوصفات

 

 

 

وعلى فكره ياام ريتاج فعلا الحنه متنفعش مع الصبغه لانهم بيجهدو الشعر اصلا

 

ويارب زوجك يوافق عالصبغه ;-)

 

 

////لاطالة الشعر:

راس ثوم وقشريها بنفسك - مجموعة زيوت (املا - جوز هند - زيت زتون - لوز - خروع - اى نوع اخر من الزيوت اللى عندك ) يعنى ملعقه كبيره او اتنين من كل نوع حسب طول شعرك

قومى بخلط مجموعة الزيوت عالنار ثم ضعى الثوم عالخليط بعد فرمه ناعما جدا وبمجرد ان ياخد سخونة الزيت اطفى النار بسرعه ثم قومى باخد الخليط وضعيه على شعرك (بالثوم) ولفى شعرك بعد زلك بالبونيه الخاص بشعرك او بكيس واتركيه على شعرك 8 ساعات واغسليه كويس بعد كده

هذه الوصفه لاتقومى بها كل يوم بل يوم واحد فى الاسبوع ولا تقومى بها فى اى يوم اخر غير الذى قمتى بتحديده وستلاحظين من اول مره شعرك يتساقط بمعدل كبير لا تقلقى فهذا الشعر المتساقط هو الشعر الضعيف او الشعر الموجود بالبصيلات الضعيفه براسك وستتناقص كمية السقوط بالتدريج فى الاسبوع الاول.

 

 

 

 

 

 

///لتغذية الشعر :

كوب ماء ساخن + 3ملاعق عسل

تخلط وتترك حتى تكون دافئه وبعد الاستحمام ضعيه على شعرك ولا تغسليه بالماء . واتركيه على شعرك

وبعد كل استحمام حطى الخلطه

 

 

 

 

///هذه الخلطه مجربه ومفعولها سريع جدا فى اعادة الصحه الى الشعر :

ملعقة عسل - زيت لوز

تخلط وتوضع عالشعر لمدة ساعتين او اكثر ثم اغسلى شعرك كالعاده وسترين الفرق.

 

 

 

 

 

///لتنعيم الشعر :

اخلطى مقادير متساويه من الزبادى والعسل وزيت الزتون وحطيه على شعرك كحمام زيت

وانا سبق وشرحت طريقه صحيحه لعمل حمام زيت عشان شعرك يستفاد منه

 

 

 

///لشعر صحى ولامع:

صفار بيضه - ملعقة خل تفاح - ملعقتين زيت زتون وضاعفى الكميه حسب شعرك وحطيها على شعرك نص ساعه او اكثر ثم اغسليها

 

 

 

///اذا اردتى تقوية شعرك وزيادة غزارته وتغذيته :

استعملى زيت الزيتون

ضعى زيت الزيتون على شعرك وادعكى فروة الراس حتى يتخلل الزيت مسام الجلد ثم لفى راسك بفوطه دافئه وانتظرى على هذا الحال مدة ساعه قبل غسل شعرك

متكتريش عن ساعه لانى قريت قبل كده فى احدى المنتديات معلومه وهى ان الزيت ميتحطش عالشعر اكتر من ساعه لانه هيسبب فى تساقطه وده بالنسبه للزيت النقى لوحده يعنى ولكن لو معاه حاجه تانيه او مواد تانيه يبقى براحتك

انا معرفش دى معلومه صح ولا غلط بس قلت اقلهالكم احتياطى

 

 

 

 

///العسل مع الزبادى للشعر الجاف

 

 

 

 

///ماسك للشعر رائع لمدة ساعتين مره واحده فى الاسبوع:

ادهنى شعرك بزيت خروع وبعدها حطى الخلطه دى :

ملعقة سدر - ملعقة زبادى - ملعقتين عسل طبيعى

نتائجها تكثف الشعر وتطوله وتقلل التساقط

 

 

 

 

 

 

///لانبات الشعر استخدمى صفار البيض الممزوج بزيت الزيتون

 

 

///كثافه فى كثافه فى كقافه :

بصل عادى واحده كبيره شوى _ ماء كوبايتين او تلاته - حنه او سدر

تضعين ماء مع السدر وتقطعين البصله الى 4 اقسام كبيره وتنقع لمدة ليله فقط ويغسل بها الشعر يوم بعد يوم وبعد كده يوميا بس الافضل يوم ورا يوم عشان متجهديش شعرك

 

 

 

///خلطه لتطويل الشعر

بصل - ثوم - زيت زيتون

تخلط الثوم والبصل فى الخلاط ثم تصبى عليهم زيت زيتون ثم يصب عالشعر

 

 

 

///عصير جرجير ونضع معاه ميه ونحطه فى التلاجه مره كل اسبوع او يوميا للشعر وشوفى انتى بنفسك

 

 

///وصفه تطول الشعر فى اقل من شهر

زيت لوز وجوز هند وخروع وسمسم وممكن اضافة نقطة عسل طبيعى لانه له فوائد تتعلق بنمو الشعر وكل يوم بأه

 

 

////طريقة عمل حمام الزيت :!:

 

الادوات : زيت (اى نوع) - صحن - غطاء للشعر - جهاز بخار او سشوار

 

الطريقه: نضع الزيت فى الصحن ثم نسخنه على نار متوسطه وبعد ذلك نضعه عالشعر فى الوسط ثم نوزعه على بقية الشعر ونعمل مساج من تحت لفوق ونغطيه بغطاء ونعرضه للبخار او السشوار لمدة 5 او عشر د وبعد ذلك نتركه ربع ساعه ثم يغسل بالماء والشامبو ويستعمل مرتين فى الشهر

 

 

 

 

 

///طريقة عمل حمام الكريم :roll:

 

الادوات: كريم حمام كريم - صحن - فرشاه صبغه - جهاز بخار او سشوار

 

الطريقه : نضع كميه من الكريم فى الصحن ثم يوضع عالشعر بعد تقسيمه وتدهن كل خصله وهكذا . يستعمل لمدة ربع ساعه ونتره ربع او نص ساعه ويغسل بالماء فقط للاحتفاظ بفوائده.

 

 

 

 

///وصفه لتطويل وتنعيم الشعر :

للتنعيم : قشر موز نعرضه للهواء حتى يصير اسود وناشف وتطحنيه وتحمصيه على نار هاديه وتخلطى معاه زيت سمسم ويدهن به الشعر ويستخدم 3 مرات فى الاسبوع

 

للتطويل: اعصرى كرات حتى يتحول الى سائل وادهنى به شعرك

ايه الكرات ده ؟؟؟ ده اللى هو زى الجرجير ولا ايه ؟؟؟؟؟ حد يرد عليه

 

 

 

 

 

////للشعر الخفيف:

خدى حزمة جرجير واعصريها بالخلاط وخدى ميتها وحطى عليها ملعقتين من حمام زيت وبعد ماتغسلى شعرك حطى عليه الخلطه واربطيه بكيس نايلون وبعدين تاخدى فوطه مبلوله بميه دافيه ولفيها حول شعرك واجلسى مدة نص ساعه او ساعه الا ربع وبعدين اغسلى شعرك

مرتين فى الاسبوع

 

 

 

 

////لحيوية الشعر :

ملعقتين خميره فوريه - نص كاس دافى من زيت جوز الهند

وتخلط وتوضع عالشعر لمدة نص ساعه ثم تغسل

 

 

 

///وصفه تطول الشعر 3 سم فى الاسبوع :

ترمس مطحون ينقع فى الماء الحار من الصباح حتى الليل وبعدها يتم تصفيته (3 ملاعق مع كوبين ماء ) ثم يضاف الى زيت النخشبينا الاصلى

ويفضل وضعه عند النوم وغسله الصبح بالبلسم وكررى حتى تصلى للطول المطلوب

 

 

///شعر طويل فى 28 يوم :

تبشرى فاكهة جوز الهند وتعصرى زبدتها والحليب وبعدين تعملى مساج لفروة راسك وتتر للصبح وتغسليه وفى اسبوع شعر هيطول

 

 

 

///الطريقه الصحيحه لتزييت الشعر :

تحطون فوطه دافيه لمدة 15 د

وبعدين تغسلى بالمويه وبلاش شامبو وبعدين تاخدى خل التفاح وتشطفى شعرك وعلى فكره خل التفاح بيعمل لمعه , معلش اتحملو الريحه

معلومات اضافيه : ممكن تضيفى اى زيت تانى (الخروع بيطول الشعر ) وممكن تحطى معاه لمون وتشطفى شعرك بالخل

 

 

 

 

///ماسك لجفاف وتقصف الشعر :

افرمى بصل وتوم معا وضعيهم على شعرك وخاصة الفروه ويفضل ان يون مساءا ويظل حتى الصباح ثم اغسلى بعدها والنتيجه جامده

كرريها مرتين فى الاسبوع

 

 

ياجماعه انا عارفه فوايد الخلطات اللى انا كاتباها دى

اللى محتار يعمل اى وصفه يقولى على مشكلة شعره او النتيجه اللى هو عايزها وانا اقولبه اى وصفه

وفوتكم بعافيه :mrgreen: :laugh: :mrgreen:

[هاله من مصر 0]

السلام عليكم

 

و عليكم السلام و رحمة الله و بركاته

 

بصي يا هاله انا هقولك على اللى انا بعمله لما بعمل ماسك الترمس

 

انا ساعات كتير احطت الترمس المر المطحون زي ما هو كده على الزبادى أو العسل أو بياض البيض و اخلطهم كويس و احطهم على وشى لمدة 20 دقيقة

 

الحاجه التانية لما باستعما ماسك الترمس المر برضوه و الكركم و نبات السعد كنت بحط الخليط ده على شوية ميه صغيرين و احطهم على النار يغلوا شويه صغيرين كده كده هتكون شوية الميه الصغيرين اللى حطناهم يكونوا نشفوا ، و بعد كده باخد الخليط و احط عليه الزبادي و احطه على وشي

 

ديه تجربتي انا و النتيجه فعاله الحمد لله معايا

 

و اكيد كلنا هنستفيد لو هبه او اي حد من الاخوات ادتنا رأي تانى اكثر افادة و فعاليه

 

ميرسى يا ام ريتاج على ردك

بس انتى مفهمتنيش انا بتكلم على الترمس لازاله الشعر الزائد فى الجسم

فلو سمحتى لو انتى جربتى حاجه ونفعت يا ريت تفيدينى بيها ضرورى

[هاله من مصر 0]

ازيك يا هوبى

هبه انا عندى مشكله كبيييييييييييييييييييييره مع شعرى وتعبت منها

 

المشكله يا قمر ان شعرى تقيل وطويل الحمد لله لكن للاسف مقصف من الامام لكن من الخلف متساوى

وبعدين لو حبيت اسيبه شويه

بيبقى شعر ى كله حلو ماعدا الخصله اللى فى منتصف شعرى دايما هايشه

 

فياريت تساعدينى وتقولى لى على حل

[هبه المسلمه 1]

ياهلا هاله

منا كتبتلك طريقة الترمس فوق انتى مخدتيش بالك ولا ايه

مشكلتك ياعسل باه عايزه ماسك الزبادى والبيض والعسل والزيت :wub:

يعنى ممكن زبادى وعسل او زبادى وبيض او زبادى وزيت زتون مثلا او كله على بعضه

ده بينعم الشعر ويمنع التقصف

وتقلى الماسك ادام ومن الجزور والخصله الوسطانيه

جربى ده وامشى عليه كم اسبوع كده

وان شاء الله يجيب نتيجه

 

جود لاك :wub:

[أم ريتاج 7]

السلام عليكم و رحمة الله و بركاته

 

ازيك يا هوبي

 

بقولك ان شاء الله هاعمل النهارده ماسك النشا و بياض البيض

 

انا عارفه انه مش هيضيع الشعر من اول مره

 

بس هجربه كده كام اسبوع و هقولك

 

استودعك الله

[هبه المسلمه 1]

اهلا ياباشا

هو فعلا حلو بس اثبتى على ماسك واحد واعمليه كل يومين او يوم ويوم

واغسلى وشك بماء دافىء قبلها

وربنا يوفقك ;-)

[~~أم أسيل~~ 26]

السلام عليكم ورحمة الله وبركاته،،

 

انا عملت بتاع النشا و بياض البيض

 

:( :( :(

 

طلع لزج كد وغريب اوي اوي .. زكمان معلقة النشا كشت و بقت صغيرة

 

قلت احط لبن عليها بس الظاهر خربتها

 

ممكن تقوليلي لما بتعمليها بتطلع ازاي ؟؟؟؟؟؟؟؟؟؟

[هبه المسلمه 1]

السلام عليكم ورحمة الله وبركالته

بصى ياجميل

هو بياض البيض لزج اه والنشا بيخلى القوام غريب لو كتر

فانتى تحطى ملعقة نشا ممسوحه عالبياض

وهى بتبقى سايله شويه

فانتى تحطيها علطول على وشك

واسترخى شويه وهتلاقى نقط بتسقط كده عادى :icon15:

[هبه المسلمه 1]

صباح الخير يا حلوات

ناخد باه وصفات انهارده

 

 

 

////وداعا لمجفف الشعر :

خدى تفاحه على حسب الكميه التى تريدينها وقشريها واسلقيها فى قليل من الماء الى ان تنضج ثم اهرسيها واحفظيها فى علبه وضعيها فى التلاجه

جففى قشور الموز فى الشمس ثم اطحنيها الى ان تصبح مثل البودره واحفظيها

حين الاستعمال خدى كميه من التفاح كميه مناسبه لشعرك واخلطيها مع ملعقه كبيره من الموز المجفف وقسمى شعرك وضعيها لمدة ساعه او اكثر واغسلى الشعر عادى زى كل مره

 

 

 

 

///للاستعاضه عن الفرد الكيميائى :

تجيبى زيت نارجيل الاصلى او زيت جوز هند وعند العطار يوجد عشبه اسمها سابله + ماسكه + ساق الحمام ويؤخذ من كل مقدار ملعقتين مطحونه وتسخن على نار حتى يغلى عليه وعندما يبرد يدهن فيه الشعر لمدة ساعتين ومع الاستمرار عليه يفرد الشعر بدل الفرد الكيميائى والله

 

 

 

///لشعر ناعم كأنه مستشور :

وصفه سهله من مجله اجنبيه :

تجيبى صحن وتحطى فيه مايونيز يكفى لطول شعرك مع كميه من البلسم اللى تستخدميه لشعرك فى العاده

ملاحظه:يكون المايونيز اكتر من البلسم يعنى مقدارين مايونيز يقابله مقدار بلسم )

اوووكيه بعد ماتخلطى المقادير ترطبى شعرك بالماء (الخلطه دى قبل الاستحمام متنسوش )

وبعدين تحطى الخلطه وتستنى ساعه كامله وبعد ماتخلص الساعه اغسلى شعرك بالماء فقط

هى دى الخلطه

 

 

 

 

 

 

////خلطه روعه للشعر :

زبده سايحه يعنى تسخنيها لازم وتحطى فوقها زيت زيتون ويكون سخن وحطيها على شعرك نص ساعه وشوفى شعرك بعدها

 

 

 

///3ملاعق خميره فوريه مع كوب زيت جوز الهند وشوفى الفرق لشعرك

 

 

///سمن الماعز لشعرك يهبل

 

 

 

 

///خلطه للشعر بعد ان باظ ونشف تحفه:

زيت لوز حلو + زيت خروع + زيت جرجير + زيت زيتون + زيت حبة البركه + زيت سمسم + خميره مخلوطه بماء + 2-3 ملاعق نشا ذره

وحطى الزيوت مع الخميره والنشا فى الخلاط وبكده الخلطه جاهزه وقبل الاستخدام لازم ترجى الزيت عشان الخميره تترسب تحت فى الاسفل

وتترك عالشعر ساعتين وتغطى بكيس بلاستيك كل يوم

 

 

 

///لشعر كثييييف:

ملعقة عسل - بياض بيضه اذا الشعر دهنى وصفار بيضه اذا الشعر جاف او عادى وملعقه كبيره زيت زيتون يخلط جيدا ويوضع عالشعر مره فى الاسبوع وسوف ترين شعرك باذن الله ينعم وينبت ويطول ولكن بعد مايقارب شهرين وتوضع مره واحده فى الاسبوع لمدة نص ساعه

 

 

 

////وصفه ممتازه لتكثير الشعر :

ملعقه صغيره خميره + قليل من الماء الدافى لتذويب الخميره + كاس من الحليب + قليل من العسل للتحليه

تذوب الخميره فى الماء الدافى ثم يسخن الحليب الى الدرجه التى تفضلين تناوله بها ويصب عالخميره المذوبه فى الماء ثم يحلى بالعسل ويشرب عالريق صباحا قبل الاكل

استمرى على اخد هذه الوصفه وستدهشك النتيجه

هى ايضا تنقى البشره وتقوى الجسم حيث ان هذه الوصفه تساعد على حل المشكله من الداخل بتوفير العناصر الضروريه التى يحتاجها الجسم والبشره والشعر

 

 

 

///لشعر ناعم كالحرير :

حضرى : كوب حناء + بيضه واحده + علبة زبادى + زيت زيتون

اخلطى المكونات السابقه الى ان تتماسك ثم تصبح لينه ثم تترك لمدة نص ساعه وضعى كميه على شعرك بحسب طوله واتركيه لمدة ساعه كامله واغسلى شعرك بالماء فقط اليوم الاول وفى اليوم التانى اغسلى شعرك بالشامبو وبعد تجفيف الشعر بالمنشفه وتمشيطه اتركيه ليجف طبيعيا وانعمى بشعر كله حيويه ونعومه

 

 

////خلطه عجيبه تطول الشعر :

علبة زبادى - ملعقة عصير لمون - ملعقة عسل - ملعقة زيت براشوت او اى زيت

تخلط المقاديرفى طاسه بوضع الزبادى مع العسل واللمون والزيت وتخلط بالملعقه وبعد ذلك توضع عالراس لمدة ساعه

 

 

 

 

////الطريقه المثلى لعمل حنة الشعر :

احضرى الحنه باللون الى تريديه ثم ضيفى لها الماء وليمون اما اذا كان يوجد تقصف بشعغرك ضعى قهوه او بيض والافضل وضع الحنه فى طبق استانلس تيل

لا تنسى المحافظه على جمال يديكى فمن الافضل ارتداء جونتى بلاستيك ووضع الفازلين للرقبه والجبهه

بعد الانتهاء من وضع الحنه عالشعر . يفضل ارتداء غطاء من البلاستيك حول الشعر ويمكنك استخدام السشوار بتوجيه سخونته تجاه الشعر لمدة 20 د

لا تتركى الحناء اكثر من 4 الى 6 ساعات ويمكن ان تغسل بالبلسم فقط اما من تانى يوم يمكن ان تغسل بالشامبو فهو يساعد على تثبيت اللون

 

 

 

///امنعى تساقط شعرك 100 % :

كاس من الزعتر من العطار + 3 كاووس من الماء

ضعى الخليط عالنار واتركيه يغلى حتى يصبح لونه مائل الى اللون البنى ثم ارفعيه من على النار وصفيه من الزعتر

والان خدى الماء وصبيه فى بخاخ كالمستخدم فى اسبراى الشعر او البرفانات واتركيه يبرد

تقول صاحبة الخلطه

فعلت هذه الخطوات بالظبط وكل يوم افرق شعرى وارش عالجزور وفروة الراس بتدليك بسيط جدا وافعل هذا فى كل انحاء راسى منذ اسبوع والنتيجه الحمدلله خف التساقط جدا وان شاء الله مع الاستمرار يكثف الشعر ويغزر ولا يتساقط

والزعتر معروف فائدته حيث يزيد وينشط الدوره الدمويه فى الراس ويمنع تساقط الشعر .

 

 

///من اول مره شعر مثل الحرير

موزه مستويه - زيت لوز للشعر - ملعقتين عسل - ملعقتين زيت زيتون - زيت ذره

احضرى الخلاط ثم قطعى الموزه ثم ضعى باقى المكونات عالموزه واخلطيهم حتى يصبح شكل الخليط سميك ويشبه العجينه وبعدها افرغى المحتويات فى صحن واستخدميه

بعض النصائح:

اذا كان شعرك يميل الى الاشقر راح يطلع لون شعرك كووول بس ماعليكى الا ان تضيفى ملعقة كركم الى الخليط

 

الفائده :

1-القضاء على التقصف بشكل ملحوظ

2-ينعم الشعر بشكل خيالى

3-يعطى الشعر بريق ولمعه ساحره

4-حيوية الشعر وعدم بهتانه

5-يمنع تساقطه

6-القضاء عالقشره

مرتين فى الاسبوع ولمدة اسبوعين

 

 

ممكن تجربى الخلطه دى ياام ريتاج علشان القشره بس متهيالى البابونج اسهل :wub:

 

 

 

 

///خلطه مضمونه لتكثير الشعر :

2حزمة جرجير وتنظفيهم من الاوساخ بالماء الجارى ثم قومى بضرب الحزمتين كاملتين بالجزور بكل شيىء داخل الخلاط وبعد ان يصير عجينه تحطيه على شعرك وتلبسى بونيه بلاستيك وتجلسى به 3 ساعات

ثم اشطفى شعرك بالماء عادى وتعملى حمام زيت جرجير لشعرك مرتين اسبوعيا وبعد شهرين من الاستعمال المنتظم هتلاقى شعرم ينبت ويطلع من جديد

والله بجد خلطه مضمونه ووممكن تحطى معاها زيت زيتون وادعيلى :tongue:

 

 

وكفايه كده انهارده . لو عرفت اكتب شويه العصر مش هبخل عليم ;-)

جود باى :wub:

[أم ريتاج 7]

صباح الخير يا حلوات

ناخد باه وصفات انهارده

 

////خلطه روعه للشعر :

زبده سايحه يعنى تسخنيها لازم وتحطى فوقها زيت زيتون ويكون سخن وحطيها على شعرك نص ساعه وشوفى شعرك بعدها

 

 

 

///3ملاعق خميره فوريه مع كوب زيت جوز الهند وشوفى الفرق لشعرك

 

 

///سمن الماعز لشعرك يهبل

 

 

جود باى :wub:

 

السلام عليكم و رحمة الله و بركاته

صباح النور يا هوبي

ايه يا ستى اللى انت كتباه ده

يا ترى الزبدة دي بلدي و لا زبدة صفراء ( تفرق طبعا ) :tongue: :rolleyes:

و الخميرة فورية و لا عادية

بس سمن الماعز ده اجيبه منين

على العموم انا هجيب كل المقادير دي بس هزود عليها شوية دقيق و اعمل بسكويت للاولاد احسن

:wub: ;-) :tongue: :tongue:

[omjana 6]

////الطريقه المثلى لعمل حنة الشعر :

احضرى الحنه باللون الى تريديه ثم ضيفى لها الماء وليمون اما اذا كان يوجد تقصف بشعغرك ضعى قهوه او بيض والافضل وضع الحنه فى طبق استانلس تيل

لا تنسى المحافظه على جمال يديكى فمن الافضل ارتداء جونتى بلاستيك ووضع الفازلين للرقبه والجبهه

بعد الانتهاء من وضع الحنه عالشعر . يفضل ارتداء غطاء من البلاستيك حول الشعر ويمكنك استخدام السشوار بتوجيه سخونته تجاه الشعر لمدة 20 د

لا تتركى الحناء اكثر من 4 الى 6 ساعات ويمكن ان تغسل بالبلسم فقط اما من تانى يوم يمكن ان تغسل بالشامبو فهو يساعد على تثبيت اللون

 

 

 

هبهوب ازيك

 

انا فعلا كنت ناوية اعمل حنة قريب ان شاء الله

 

بس كنت هعملها زي ما بعملها

 

حنة وكركديه _ عشان عايزاه شعرى نبيتى_ وبياض بيض عشان يطرى الشعر

 

وببات بيها لحد ما تنشف عالشعر

 

ايه بقى حكاية 6 4 ساعات دي؟؟

 

وبعدين هو اصلا فى حنة الوان ؟

واية فايدة الليمون ؟

 

انت قصدك البيضة كلها ولا الصفار؟

 

 

 

هستنى ردك

[هبه المسلمه 1]

السلام عليكم ورحمة الله وبركاته

 

 

ايه ياام ريتاج بسكويت ايه بس :biggrin: :laugh:

لا واله على فكره الزبده حلوه للشعر انا مجربتهاش بس قريتها فى منتديات كتير انها بتنعم الشعر جامد ومع الزبادى بتساعد على فرده

 

 

بالنسبه باه للخميره فانا علطول بحطها على شعرى مع الحنه او زيت الزيتون او مع حمام الزيت وهى مفيده موووت والخلطه اصلا بتاع زيت جوز الهند والخميره دى انا ناويه اعملها بس مش عارفه اجيب زيت جوز هند منين فهسال العطار عليها بس اسمع انها مفيده جدا

 

 

 

 

سمن الماعز ده باه بيقولو بيفرد الشعر ويسيحه وينعمه ويلمعه وتتجاب من العطار بس انا مجربتهاش خالص بصراحه

 

 

بس انا بكتب لكم كل اللى عندى

 

 

 

زاد:

 

بصى ياستى لو عايزه الحنه الصح بقى قوليلى انا :biggrin:

انا بعمل الحنه كل اسبوعين تقريبا

الحنه بتكون خضراء وانتى تنقى اللون اللى انتى عايزاه تضيفيه عليها يعنى الكركديه وممكن تجيبى من العطار حاجه اسمها دم غزال بتحمر برده

والزبادى هو اللى بيطرى الشعر

وممكن تحطى البيضه كلها

انا بحط مع الحنه زبادى وبيضه واى زيت عندى كمان

وخل كمان نقتطين كده عشان يثبت اللون

دوممكن لمون او لا لانه بيفتح لون الشعر وممكن تستغنى عنه

انا برده ببات بيها عادى ولما بعملها ايام البريود بقعد بيها يوم امل وانام بيها كمان عشان فرصه مبصليش باه

 

بس واغسلها بماء اول يوم ولا بتنشف الشعر ولا حاجه زى ماناس كتير معتقده لان معاها زبادى وزيت وتانى يوم بالشامبو

وبجد بتظبط الشعر جامد

جربى بس وادعيلى :biggrin:

[omjana 6]

الزيت بتحطيه عالحنة؟

 

بتحطى زبادى وبيض؟

 

انا عايزة اللون النبيتى دم الغزل ده هيدى لون ايه؟

 

كمان اليمون بيفتح اللون ازاي يعنى الاقى لون شعري غير ؟

 

اصلا الحنة بتدى عندي كده ضى للشعر بيبان فى الشمس بس مش اكتر من كده مش انتى كمان؟

[هبه المسلمه 1]

السلام عليكم

ايوه يازاد مادام انتى شعرك غامق روحى للعطار قوليله عايزه بخمسين قرش دم غزال

وحطيه عالحنه

هيدى ضى بس هيبان على خفيف مش هياثر

اه وبحط زيت واقلبه مع الحنه وبعدين اغلى شوية ماء واحط فيها كركديه وشوية دم غزال والشويه الباقيين احطهم عالحنه البودره وممن تحطى فى الميه شوية شاى بردو

وبعد اما يغلى تحطيهم عالحنه وتكونى ضاربه الزبادى والبيضه فى الخلاط وبرده تحطيه عالحنه

وانتى بتقلبى فى الاخر حطى ملعقتين او تلاته زيت برده

وهتاخدى اللون النبيتى اللى انتى عايزاه

انا بعمله بنى وبيطلع ضى بنى خفيف بردو بس حلو

[هبه المسلمه 1]

اه صحيح وبالنسبه لليمون خلاص فكك منه

انا اعرف انه بيفتح لون الشعر خفيف بس انا جربته لا بيزود ولا يقلل

نفضيله يعنى :blink:

[~رؤى~ 0]

السلام عليكم

 

هو ايه حكاية اللمون الي بيسمر ده

 

يعني يا هبة تقصدي اجيب اللمون الاصفر الي اد البرتقال ده ولا اجيب اللمون الصغير العادي بس يكون لونه مصفر ؟

[هبه المسلمه 1]

لمون اللى اد البرتقاله ايه ده ؟؟؟؟؟؟

لالا اللمون العادى بس اللى لونه اصفر مش اخضر

[~رؤى~ 0]

ايوه في لمون بيبقى كبييييييييييير اوي كده :icon15:

 

على العموم انا كده فهمت انه اللمون الصغير بس الاصفر

 

شكرا يا هوبه :!:

[هبه المسلمه 1]

العفو ياجنونتى :icon15:

 

ياجماعه خدوا بالكم

ياام ريتاج التنبيه ده ليكى مخصوص

انا لو كاتبه خلطه فيها ماء اكسجين متعملوهاش وخلاص معتش هكتب خلطات فيها ماء اكسجين تانى بس انا بصراحه مكسله ارجع كل الصفح دى واقراها كلها عشان احذف خلطات ماء الاكسجين

بصو انا دورت علىه وعرفت انه مضر وده دليل من واحده مجربته

 

 

 

لفت انتباهي يابنات خلطة الاختاللى فيها ماء اكسجين الله يقومها بالسلامة

انا ماافلل نت قدر الخلطة لكن حبيت انقل تجربتي

 

يابنات انا استخدمتها وكانت النتيجة خيالية

رووووووووووووووووووووووووووووو وووووووعة

صراحة كانت مبهرة

وقلت خلاص يارنا عرفت سر البياض وسر الناس والعالم

سويت تقريبا 6 علب منها

والنتيجة كا مرة احلى من اللي قبلها

 

لين جا ذاك اليوم

 

:

 

وكانت الصدمة

 

 

 

 

 

شفت جسمي بدا يقلب يديني اصابعي

البنات في الجامعة يقولون ليش مفاصل يدينك صارت سود

 

وسالت وكلمت صيدلي

 

وتفاجاءت بكلامة

 

تخيلوا يابنات هاوشني

:

 

قالي حرام عليك انت عملتي اية

 

انت عارفة ان اكسجين الجروح يبيضضضضضضضضضضضضضضضضضضضضضضضضضضض

 

بشكل خيالي

 

لكن يكوي الجلد مع كثرة الاستخدام

وجلدك لسا بادي ينكوي

 

فتركة الخلطة ورجعت للكريمات حقت التبيض

 

وتعبت على بال مالقيت نتيجة بسيطة

 

والسبب انة يكوي الجلد

 

يابنات اللي حابة تستخدمة هي حرررررررررررة

 

لكن حبيت ابري ذمتي

 

 

نقلتها عشان تاخدو بالكم ومتدعوش عليا

:!:

[هبه المسلمه 1]

السلام عليكم ورحمة الله وبركاته

هكتبلكم شوية وصفات عشان الحلوات قبل النوم مع انى مش جايلى نوم بس انا هقوم من النت بدرى انهارده عشان اخويا عايز يقعد هو :wub: :blush: :closedeyes: :closedeyes:

المهم زمانكو بتقولو دوقتى : ماتكتبى يالله انتى هتحكى لنا قصة حياتك ولا ايه ؟؟ :?: :wub:

 

خلاص ياجماعه هكتب اهه بس قلت ندردش سوا شويه :wink:

 

المهم عشان اللى بيتنرفزو بسرعه :icon_eek: :biggrin:

 

بسم الله نبدأ

 

////// شعر طويل الى الركبه بدون زيوت:

هذه الوصفه تقوم على اطالة الشعر بزمن قياسى كبير وايضا يصبح كثيفا وناعما . الغريب انها بعيده كل البعد عن البصل والتوم وحتى الزيوت

(عشبة اليأس) اجل هذه العشبه المشهوره من زمن بعيد وكانت امهاتنا فى القدم يستخدمونها بانتظام وشكلها مثل السدر المطحون مع الفرق فى الريحه

طريقة الاستعمال :

1- اثناء الليل وقبل النوم خدى مقدار منها واخلطيه مع قليل من الماء وادهنى بيه شعرك وروحى نامى

2-فى الصباح اغسلى شعرك عادى وكررى الطريقه يوميا

3-ليس شرطا ان تقومى بغسله كل يوم بالشامبو

4-اروع مابه انه عديم الريحه

 

ولها اسم اخر وهى الاس او اليأس

واسمها فى مصر هو (مرسين) وموجود عند العطارين الكبار

والمفاجاه وصفه لتطويل الشعر وعن تجربه :

مرسين - صبار - املج

يخلط مع بعض جيدا وينقع فى ماء ويستعمل كحمام زيت ويوضع عالشعر ساعه وبعد كده نغسل شعرنا وندهنه بزيت ثوم وشوفى شعرك بعد اسبوع او اتنين وهى مرتين فى الاسبوع

 

 

 

شكلها عشبه جامده بس سالت عليها عند عطارين ياما ومافى حد يعرفها اصلا الظاهر ان احنا معندناش عطارين كبار هنا :ninja: :laugh: :mrgreen:

 

 

 

 

 

//// لتكثيف الشعر :

يخلط مقداران متساويان من الحنه والحرمل (عند العطار ) ويوضع عالشعر بحيث يصل لفروة الراس ثم يغسل بماء دافى

 

 

 

///لتطويل الشعر :

تجفف حزمه من البقدونس وتطحن جيدا حتى يصبح ناعما ويخلط مع اربع ملاعق حناء ويطبخ بزيت الزتون حتى يغلى ثم يصفى ويحفظ فى زجاجه ويستخدم مره اسبوعيا ثم يغسل بماء دافى

 

 

 

///لتقوية وانبات الشعر وتحسين رائحته:

يخلط نص كاس من الحنه الناعمه مع ملعقتين محلب مطحون ناعم ( عند العطار )مع تلات تربع كاس ماء دافى وتترك ساعتين ثم توضع عالراس ويغطى الراس وبعد مرور ساعتين ....

تضاعف الكميه لو الشعر طويل

 

 

 

//// لعلاج الشعر الضعيف :

يخلط مقدار ملعقتين من مسحوق الورد (عند العطار ) مع نص كاس حنه وتلت تربع كاس ماء دافى ويترك مدة ساعه ثم يوضع عالراس جيدا بحيث يصل للفروه ويغطى ويغسل بعد مرور ساعتين

 

 

 

///طريقه جديده لوضع الحنه على الشعر :

المكونات :

حنه يمنيه او اى حنه عادى يعنى - شاى - نص ملعقة شاى حلبه - كركديه - بابونج - قشر الرمان بودره

الطريقه :

خلط المقادير السابقه بدون الحنه فى اناء ويوضع عالنار مع الماء حتى يغلى الخليط ثم يصب بشكل تدريجى بعد تصفيته فوق الحنه حتى تتكون عجينه مناسبه ثم يترك ليرتاح نص ساعه على الاقل ثم يوضع عالشعر.

ويكرر كل اسبوع

الفوائد:

الحنه مغذيه للشعر وتقتل البكتيريا وتعالج القشره

قشر الرمان يعالج اى التهابات فى فروة الراس

البابونج يجعل الشعر لامعا

والشاى مع الكركديه يزيد لون الحنه

والحلبه من اهم المواد التى تغذى الشعر

واهمية الغليان تكمن فى التفاعل المواد مع بعضها وبشكل اسرع واستخلاص الفوائد وستلاحظى ان شعرك اصبح اكثر صحه خصوصا لو حرصتى على وضع زيوت التغذيه مره فى الاسبوع والحنه مره بالاسبوع.

 

 

للالوان الحنه:

اللون الكستنائى :

10 ملاعق كبيره حناء - عصير ليمونه - 3ملاعق خل تفاح - او خل عادى - كوب من مغلى البابونج - مقدار مناسب من الماء الساخن

امزجى كل المكونات عدا عصير الليمون .. اتركيها تتخمر 3ساعات ثم اضيفى عصير الليمون وضعيها على شعرك من ساعه الى 3 ساعات او زى ماتحبى يازاد لحد ماتنشف ;-) حسب درجة اللون المطلوبه

 

 

لون الشيكولاته :

10 ملاعق بيره حناء - عصير لمونه - 3ملاعق خل تفاح او خل عادى - 5ملاعق من بودرة الكاكاو او النسكافيه - مقدار مناسب من الماء الساخن

ونفس الطريقه السابقه

 

 

اللون البنى المحمر:

نفس المقادير لمون وحنه وخل والزياده ملعقتين من القهوه العربيه ومعاهم ماء ساخن

ونفس الطريقه السابقه

 

 

اللون البنى :

حنه ولمون وخل و3ملاعق قشور الباذنجان وماء دافى

ونفس الطريقه السابقه

 

 

اللون النحاسى :

حنا ولمون وعلبة سفن اب صغيره وماء ونفس الطريقه

بصراحه انا سمعت ناس بيحطو سفن اب اللى هى بتتشرب دى بس مش واثقه بصراحه فيها

فمحدش يعملها الا اما يكون حد جربها الاول

 

 

اللون الاشقر

حنا ولمون وكركم وخل وماء ونفس الطريقه

 

 

 

///طريقة حمام الزيت :

دفى الزيت شويه عالنار وحطى على شعرك خصوصا الفروه واعملى تدليك باصابعك للفروه وخلى الزيت كمان يجى بقية شعرك والبسى بونيه بلاستيك او النايلون بتاع الطعام وخليكى ساعه او بالتير ساعتين وشيلى النايلون واستنى 10 د عشان تبرد فروة الراس وماتكون المسامات مفتوحه واغسلى شعرك بالشامبو وممكن تكررى الغسيل لحد ماينظف شعرك من الزيت ولا تقلقى من الريحه هتروح اكيد لما شعرك ينشف ولاااااااا تسشورى شعرك وهو مبلول خليه ينشف 90% وبعدين ابداى استشوريه

ملااااحظه :

لوغسلت شعرك مباشرة بعد ماتشيلى النايلون راح يتساقط لانم المسامات لسه مفتحتش

خدو بالكم من دى كويس خالص يعنى شيلو البونيه واتمشو شويه 10 د او ربع ساعه كده وبعدين اغسلى شعرك

 

 

 

 

///تطويل الشعر وفرده :

1- ترمس مطحون وانقعيه فى ماء حار من الصبح لبالليل وبعدين صفيه واغسلى شعرك فيه او ادهنيه فيه المهم انك تخليه على شعرك من الليل الى الصبح بدون ماتشطفيه وخلال 10 ايام هتشوفى الفرق

هالخلطه تساعد على فرد الشعر المجعد

بالنسبه لكمية الترمس = 3ملاعق كبيره مع كوبين ماء حار وانتو زيدو الكميه حسب الطول

بما ان الترمس بيكون مطحون وعشان تتجنبى انه يلتصق بالشعر مثل البودره ممكن تحطى الترمس فى قطعة شاش وتلفيها عدل وبعدين تنقعيها بالماء عشان مايلتصق بالشعر يعنى زى مابتعملو العرقسوس :tongue:

 

وفى كلا الحالتين تحطى بونيه بلاستيك وفوقه فوطه دافيه

 

 

2-ترمس مطحون ينقع فى الماء الحار من الصبح لبالليل

وبعدها تصفيه ويضاف مع زيت النخشبينا الاصلى ويفضل وضعه عند النوم وغسله فى الصباح بالبلسم وكررى استخدامه حتى تحصلى عالطول المطلوب

 

 

 

3-ربع كيلو ترمس بس ترمس مر من البلدى _ يطحن جزء منه وينقع فى الماء من الصباح للمساء والجزء الاخر ينقع فى الماء ثم يغير له الماء حتى يصير طعمه مقبولا يعنى هتحطى على شعرك ترمس وتاكلى ترمس برده

الاستعمال:

يغسل الشعر عند النوم مساءا بمنقوع طحين الترمس ويظل حتى الصباح ويغسل الشعر وتؤكل بذور الترمس

ويستمر الغسل لمدة اسابيع على ان يكون الاستعمال 3مرات اسبوعيا وده يؤدى الى طول الشعر وفرده اذا كان مجعد واكل الترمس اصلا يعطى حيويه ومفيد للى عايزين يخسو لانه بيملا البطن وبيشبع بسرعه

 

 

 

 

 

/// الشعر الرفيع الخفيف :

اضيفى بياض بيضتين وعصير نص لمونه الى الشامبو الخاص بك فان ذلك سيعطى حجما اضافيا الى شعرك

 

 

 

////الشعر ذو الجزور الدهنيه والاطراف الجافه :

استعملى خلاصة اعشاب القراص :wub: والسنفيتون :icon_eek: لانهما يساعدان على تنظيم افرازات الدهون فى حين انهما ينظفان الشعر ويرطبان اطرافه الجافه الفاقده للرطوبه

ومحدش يسالنى ايه دول والله ماعرف .... ربك ستار :unsure:

 

 

 

 

////بديل الشامبو:

ممكن تعملى انتى شامبو فى بيتك وهيكون مفيد طبعا لانكم عارفين ان الشامبوهات اللى بره اصلا بتضر الشعر

المهم يعنى الطريقه....

صابونة نابلسى من عند العطار (ودى صابونه حلوه اوى اصلا للشعر والوش لانها بزيت الزتون) - ملعقه صغيره من الزيت اللى تحبيه (ويفضل زيت اللوز الحلو ) - وملعقه صغيره جدا من الدهن (الرائحه العطريه اللى تحبوها )

الطريقه :

تبشرى الصابونه وتحطى عليها كبايتين ماء وتحطيها على نار هاديه حتى تذوب ثم تطفى النار وانتظرى الى ان يبرد قليلا ثم تضعى الزيت والرائحه العطريه

ولما يبرد كويس تحطيه فى علبة الشامبو

 

 

بجد حاسه ان صباعى هيقف ... اصلى بتب بسرعه وبصابع واحد بس :wacko:

هريحه باه شويه

مع انى عايزه اكمل بس صابعى كده هيتكسر وهبقى مشلوله فى صباعى (لا قدر الله) :wub:

سلامو ياحلوات ياقمرات ياعسلات ياشرباتات

;-)

[~رؤى~ 0]

السلام عليكم ورحمة الله وبركاته

هكتبلكم شوية وصفات عشان الحلوات قبل النوم مع انى مش جايلى نوم بس انا هقوم من النت بدرى انهارده عشان اخويا عايز يقعد هو :wub: :blush: :closedeyes: :closedeyes:

المهم زمانكو بتقولو دوقتى : ماتكتبى يالله انتى هتحكى لنا قصة حياتك ولا ايه ؟؟ :mrgreen: :mrgreen:

 

خلاص ياجماعه هكتب اهه بس قلت ندردش سوا شويه :wink:

 

المهم عشان اللى بيتنرفزو بسرعه :icon_eek: :icon15:

 

و عليكم السلام و رحمة الله و بركاته

 

كلامك بيضحكني بجد يا هبة

 

ربنا يكرمك :smile:

 

 

 

بسم الله نبدأ

 

////// شعر طويل الى الركبه بدون زيوت:

هذه الوصفه تقوم على اطالة الشعر بزمن قياسى كبير وايضا يصبح كثيفا وناعما . الغريب انها بعيده كل البعد عن البصل والتوم وحتى الزيوت

(عشبة اليأس) اجل هذه العشبه المشهوره من زمن بعيد وكانت امهاتنا فى القدم يستخدمونها بانتظام وشكلها مثل السدر المطحون مع الفرق فى الريحه

طريقة الاستعمال :

1- اثناء الليل وقبل النوم خدى مقدار منها واخلطيه مع قليل من الماء وادهنى بيه شعرك وروحى نامى

2-فى الصباح اغسلى شعرك عادى وكررى الطريقه يوميا

3-ليس شرطا ان تقومى بغسله كل يوم بالشامبو

4-اروع مابه انه عديم الريحه

 

ولها اسم اخر وهى الاس او اليأس

واسمها فى مصر هو (مرسين) وموجود عند العطارين الكبار

والمفاجاه وصفه لتطويل الشعر وعن تجربه :

مرسين - صبار - املج

يخلط مع بعض جيدا وينقع فى ماء ويستعمل كحمام زيت ويوضع عالشعر ساعه وبعد كده نغسل شعرنا وندهنه بزيت ثوم وشوفى شعرك بعد اسبوع او اتنين وهى مرتين فى الاسبوع

 

 

 

شكلها عشبه جامده بس سالت عليها عند عطارين ياما ومافى حد يعرفها اصلا الظاهر ان احنا معندناش عطارين كبار هنا :unsure: :unsure: :mrgreen:

 

طيب انت سألتي عند حراز ؟

 

 

 

لون الشيكولاته :

10 ملاعق بيره حناء - عصير لمونه - 3ملاعق خل تفاح او خل عادى - 5ملاعق من بودرة الكاكاو او النسكافيه - مقدار مناسب من الماء الساخن

ونفس الطريقه السابقه

 

لون الشكولاته :mrgreen:

[أم ريتاج 7]

العفو ياجنونتى :icon15:

 

ياجماعه خدوا بالكم

ياام ريتاج التنبيه ده ليكى مخصوص

انا لو كاتبه خلطه فيها ماء اكسجين متعملوهاش وخلاص معتش هكتب خلطات فيها ماء اكسجين تانى بس انا بصراحه مكسله ارجع كل الصفح دى واقراها كلها عشان احذف خلطات ماء الاكسجين

بصو انا دورت علىه وعرفت انه مضر وده دليل من واحده مجربته

 

 

 

لفت انتباهي يابنات خلطة الاختاللى فيها ماء اكسجين الله يقومها بالسلامة

انا ماافلل نت قدر الخلطة لكن حبيت انقل تجربتي

 

يابنات انا استخدمتها وكانت النتيجة خيالية

رووووووووووووووووووووووووووووو وووووووعة

صراحة كانت مبهرة

وقلت خلاص يارنا عرفت سر البياض وسر الناس والعالم

سويت تقريبا 6 علب منها

والنتيجة كا مرة احلى من اللي قبلها

لين جا ذاك اليوم

وكانت الصدمة

شفت جسمي بدا يقلب يديني اصابعي

البنات في الجامعة يقولون ليش مفاصل يدينك صارت سود

وسالت وكلمت صيدلي

وتفاجاءت بكلامة

تخيلوا يابنات هاوشني

قالي حرام عليك انت عملتي اية

انت عارفة ان اكسجين الجروح يبيضضضضضضضضضضضضضضضضضضضضضضضضضضض

بشكل خيالي

لكن يكوي الجلد مع كثرة الاستخدام

وجلدك لسا بادي ينكوي

فتركة الخلطة ورجعت للكريمات حقت التبيض

وتعبت على بال مالقيت نتيجة بسيطة

والسبب انة يكوي الجلد

يابنات اللي حابة تستخدمة هي حرررررررررررة

لكن حبيت ابري ذمتي

نقلتها عشان تاخدو بالكم ومتدعوش عليا

 

السلام عليكم و رحمة الله و بركاته

اختي هبه

افادك الله و جزاكي عنا الف خير

انتي ملكيش ذنب في اي حاجه

انت قلتى من الاول انك بتنقلي كل اللى انتي عرفتيه و طبعا مش كل الوصفات ديه انتى جربتيها

لأنك يعنى مش معمل تجارب هتجربي في نفسك كل حاجه

و على العموم مشكورة حبيبتى على الجهد الكبير اللى بتقومى بيه

استودعك الله

تم تعديل 23 أغسطس, 2007 بواسطة أم ريتاج

[هاله من مصر 0]

:grin: ازيك يا هبه والله وحشانى انتى وكل امامير المنتدى

وبعدين ازاى ميهمناش قصه حياتك انتى على بعضك كلك تهمينا

بصى بقى انا عندى بقع فى ساق رجلى وكمان جسمى كله ابيض ماعدا المنطقين بتوع الجنب اعمل فيهم ايه :blush:

اما دا بقى موضوع اتكلمت فيه كتير وبتكلم قيه تانى معلش بحب ارخم عليكم وبحترم رايكم وبثق فيكم

وهو الشعر الزائد جربت الترمس المنقوع منفعش :P جربت الحلاوه بالمستكه والشبه منفعتش :lol:

قولوا لى اعمل ايه تانى طيب وخصوصا ان الشعر فى جسمى كله والله بدون استثناء

ولو اقول لكم انى برفض الارتباط بسبب هذا الموضوع

مستنيه ردكم

باى باى :blush:

[أم ريتاج 7]

:grin: ازيك يا هبه والله وحشانى انتى وكل امامير المنتدى

وبعدين ازاى ميهمناش قصه حياتك انتى على بعضك كلك تهمينا

بصى بقى انا عندى بقع فى ساق رجلى وكمان جسمى كله ابيض ماعدا المنطقين بتوع الجنب اعمل فيهم ايه :blush:

اما دا بقى موضوع اتكلمت فيه كتير وبتكلم قيه تانى معلش بحب ارخم عليكم وبحترم رايكم وبثق فيكم

وهو الشعر الزائد جربت الترمس المنقوع منفعش :P جربت الحلاوه بالمستكه والشبه منفعتش :lol:

قولوا لى اعمل ايه تانى طيب وخصوصا ان الشعر فى جسمى كله والله بدون استثناء

ولو اقول لكم انى برفض الارتباط بسبب هذا الموضوع

مستنيه ردكم

باى باى :blush:

السلام عليكم و رحمة الله و بركاته

 

ايه يا هللول يا جميل لأ مش هينفع الكلام ده ازاي ترفضى الارتباط عشان الموضوع ده

لآ احنا عايزين نفرح بيكي كده انتى و باقى اخواتنا في الله

و الموضوع ده انتى مكبراه زياده عن اللزوم يعنى هي كل اخت مشعره شويه هتضرب عن الزواج و لا ايه لأ ما ينفعش الكلام ده

و على العموم انا شاركت بموضوع جديد في زينتك و جمالك هتلاقيه عن كل طرق ازالة الشعر سلبيات و ايجابيات و فيه نصائح حلوة

اسال الله ان تستفيدي بها

و غيري اللى في دماغك ده و ياله بقا فرحياني بيكي و بعيالك

عشان الاقيكي معانا في منتدى امال المستقبل و تستفسرى عن كل حاجة عن الاولاد

ربنا يرزقكم بالزوج الصالح و الذرية الصالحة آمين آمين آمين يارب العالمين

 

استودعك الله

[هبه المسلمه 1]

صباح الخير يا كتوتات :P

يااااااااااااه متجمعين فى الجنه ان شاء الله :blush:

نبدا نشوف الردود بأه بالصلاة عالنبى :lol:

 

هاى جنه

يارب ياحبيبتى تفضلى تضحكى كده علطول دنيا واخره

اهو الواحد بيفضفض معاكو شويه :P

بس مين حراز ده ؟؟؟؟؟؟؟؟؟؟

انا سالت عند العطارين اللى فى المحله وكم عطار فى دمياط ودمتم :wink:

وقوليلى بس مضايقك فى ايه لون الشيكولاته :laugh: لو مش عاجبك احذفهولك ياباشا انت تؤمر :tongue:

 

 

 

ام ريتاج . اهلا بيكى ياست الكل :blush:

تسلمى ياحبوبه . واوعى باه تجربى ماء الاكسجين ده . امحيه من زاكرتك خااالص :grin:

 

 

 

ايه ياعم هلهول مالك متشائمه ليه كده

يابنتى مافى حاجه تستاهل

وكل داء وله دواء

انتى جربتى الترمس ازاى انتى لحقتى ؟؟؟ لازم تستمرى شويه

وفى عشبه اسمها السعد بضم السين حلوه للموضوع ده

وشوفى كده موضوع ام ريتاج ممكن تستفادى

 

بالنسبه لبقع الساق دى بقع غامقه ولا نقط سمراء

لو نقط سمراء اللى هى الشعره مبتطلعش وتنمو لجوه دى عايزه انك تجيبى ورق سنفره او حجر وكل ماتستحمى تفركى رجلك بخفه وشويه شويه هيروحو

 

لو بقع سمراء ده تسوى برده كل ماتستحمى لمون وسكر وزيت زتون وتدعكى رجلك بوتغسليها ده بيفتح الرجل بس مع الاستمرار مش مرتين وتزهقى

اوك ياعسل ;-)

 

سلامو