خلاصة الوصفات فى تجميعه للبنات والسيدات

[هبه المسلمه 1]

اه ولسواد الجنبين بردو نفس طريقة بقع الساق يعنى ادعكى جسمك كله والوش كمان وايديكى والمفاصل وكله وباذن الله يجيب نتيجه ;-)

[omjana 6]

معلش يا هبهوب قوليلى بتعملى الحنة ازاي بالظبط خطوة خطوة

 

عشان اعملها وادعيلك

 

انا عايزاه بنى او نبيتى

 

وبعدين انا شعرى اصلا بنى يعنى مش اسود ينفع دم الغزال ولا يغير لونه؟

[omjana 6]

////لاطالة الشعر:

راس ثوم وقشريها بنفسك - مجموعة زيوت (املا - جوز هند - زيت زتون - لوز - خروع - اى نوع اخر من الزيوت اللى عندك ) يعنى ملعقه كبيره او اتنين من كل نوع حسب طول شعرك

قومى بخلط مجموعة الزيوت عالنار ثم ضعى الثوم عالخليط بعد فرمه ناعما جدا وبمجرد ان ياخد سخونة الزيت اطفى النار بسرعه ثم قومى باخد الخليط وضعيه على شعرك (بالثوم) ولفى شعرك بعد زلك بالبونيه الخاص بشعرك او بكيس واتركيه على شعرك 8 ساعات واغسليه كويس بعد كده

هذه الوصفه لاتقومى بها كل يوم بل يوم واحد فى الاسبوع ولا تقومى بها فى اى يوم اخر غير الذى قمتى بتحديده وستلاحظين من اول مره شعرك يتساقط بمعدل كبير لا تقلقى فهذا الشعر المتساقط هو الشعر الضعيف او الشعر الموجود بالبصيلات الضعيفه براسك وستتناقص كمية السقوط بالتدريج فى الاسبوع الاول.

 

دي انا جربتها

يا هبهوب

 

عملتها لمدة 6 مرات تقريبا يعني شهر ونص

 

وكنت بعملها كل يوم انا محدداه

 

كان تقريبا تلات

 

بس الريحة صعبة موووووووووووووووت

 

كل البيت استجار

 

 

المهم شعرى طول فعلا بس خفيييييييييييييييييييف جدا معندكيش حل ؟

[omjana 6]

هو التقشير ده زي صنفرة كده ؟

 

سكراب يعني

 

و ايه وصفته؟

 

كمان هو فى وصفة للتشقير الطبيعى قوليها

 

متهيالى هى بياض البيض والنشا

 

كمان مش معلقة نشا على البياض قليلة؟

[omjana 6]

/// الهالات السودا :

كميه صغيره من بودرة الاطفال + كميه صغيره من ماء الورد لمدة 30 د

 

جربتها بتلسع جدا وملهاش لزمة خالص

[omjana 6]

السلام عليكم ورحمة الله وبركاته

 

 

 

 

 

 

بعد السلام

عندى مشاكل في وجهى وهي ان منطقة الذقن والانف والعبسة بهما اسوداد لاتساع المسام ولا ادري ما الحل لازالته

 

ايضا اعاني من الهالات السوداء وجربت معاها وسائل شتى ولا جدوى

 

 

فهل هناك من حلول سريعة ومجدية

 

وجزاكم الله خيرا

[omjana 6]

ازيك يا هبهوب

 

انا ياريت تردي على كل مشاركاتى اللي فاتت واحدة واحدة

 

انا دلوقت هقولكم على كل اللي جربته وان شاء الله الكل يستفيد

 

اول حاجة معجبة بيها جدا

 

العسل والترمس المطحون

 

بينقى البشرة بطريقة رهيبة

 

كمان النشا وعصير الخيار وبزود عليهم مية ورد لو نشف منى شوية

بيفتح البشرة جميل بردوا

 

بياض البيض والبن ده جربته وبيفتح بردوا

 

الهالات

 

جربت بوردة الاطفال ومية الود معلمتش حاجة وبتلسع جدا

 

كمان زيت اللوز المر معملش حاجة استخدمته حوالى شهرين

 

كمان الحليب والدقيق وزيت اللوز المر ومش فاكرة فى اضافة تانى ولا لالا

 

لاحظت انه بيسمر مش بيتفح الهالات

 

كمان كمدات الخيار

 

قشر البطاطس

 

كمدات الشاى

 

صراحة ملاحظتش فرق او يمكن عشان حاجات طبيبعة وانا مستمرتش عليها لانه لازم الاستمرار والمتابعة

 

اولاى olay ده جل للهالات جبته وعملته بس الظاهر انه فى مصر كلها مغشوش معملش حاجة

 

 

فى صابونة اسمها صابونة الماسك السحرى دى تحفة

 

صراحة لسة مجربتش الطمى المغربى بس هجربه

 

كمان لتفتيح المناطق الغامقة اليمون تحفة

 

طول مانتى قعدة ادهنى وهتلاحظى الفرق من اول 3 ايام

 

المنطقة الحساسة

 

لتفتيحها مرهم بيتادين لمدة 14 يوم كل يو ليلا قبل النوم

 

 

كمان لتخفيف نمو الشعر

 

مغلى او منقوع الترمس المر البلدى تدهنى كل يوم باليل لمدة 21 يوم

 

طبعا بعد ازالة الشعر تدهنى وكل يوم قبل النوم

 

كررريها كتير

 

انا لاحظت نمو الشعر سريعا لكن بيطلع خفيف جدا

 

وبعد ما بتوقفى الوصفة بيظهر الشعر خفيف ومش بالسرعة اللي كانت وقت فترة الدهان ابطء

مع وجود فراغات

 

 

بالنسبة للاتساخات واللى بيسموه تكييييس

 

الليفة المغربية جبتها حلوة بس بتتقطع وغالية جدا

 

زيها بالظبط بيدى نفس النتيجة ورخيص وصفته لواحدة صاحبتى وجابته بجنيه واحد بس

 

هو الحجر الاسود هو للقدم لو خشن

 

يعنى لو خشن استدميه الاول للقدم لحد ما ينعم وبعدين للجسم كله

 

لو ناعم اسخدميه علطول هتلاقيه عند العطار

 

 

يبقى هو للقدم وللجسم كله

 

طريقة الاستخدام زي الليفة المغربية بالظبط بتسخنى المية جدا عشان جسمك يحمر و دلكى بالحجر هتلاقى كل الاتساخات

تظهر مع نعومة راااااااااااااااااائعة

تم تعديل 23 أغسطس, 2007 بواسطة zad1983

[هبه المسلمه 1]

السلام عليكم ورحمة الله وبركاته

ازيك زاد . معلش عالتاخير

هارد عليكى واحده واحده

 

نبدا باه

 

بالنسبه للحنه

مادام انتى شعرك بنى متعمليها بنى يابنتى عشان يطلع بنى فاتح

بصى ياستى الطريقه ولسه قاريه انهارده الصبح بالصدفه عن الحنه

 

المهم

 

تجيبى الحنه وتحطيها فى طبق ويكون الطبق ده مخصص للحنه بس

وبعدين تسخنى شوية ماء عالنار

وتجيبى المقادير كركم (عشان اللون البنى يفتح ) ولون بنى من عند العطار قوليله عايزه بودره لون بنى للحنه

بصى انا شعرى كاريه وكمان اسود وفى الشمس اطرافه بنى غااامق

فانا هقولك مقاديرى

انا بعمل الحنه وخلت شعرى كله بنى غامق وفى الشمس او النور بيبقى فاتح بنى

انا بجيب بجنيه كركم من عند العطار وبخمسين قرش لون بنى

واحط نص الكركم مع الحنه البودره والنص التانى فى الميه اللى عالنار واللون البنى نفس النظام

وتحطى كمان فى المايه شاى يجى اربع او خمس ملاعق كده ولو عندك بابونج حطيه ولو فى قرنفل مطحون بردو حطيه ولو فى حلبه مطحونه بتبقى حلوه اوى ومفيده

وبعد ماالميه تغلى تضيفيها بالتدريج عالحنه وانتى بتقلبى لغاية ماتتماسك يعنى لاسايله اوى ولا جامده اوى

وبعدين ياستى

اه نسيت اقولك تحطى خميره فوريه كمان عالحنه بتغذى جامد

وبعدين تخلطيهم وتسيبيها تخمر 4 ساعات

وقبل الاستخدام علبة زبادى وبيضه وتضربيهم فى الخلاط وتحطيهم عالحنه وتقلبى ولو شعرك مش جاف تحطى نقطتين او تلاته خل عليهم

وتحطى على شعرك بعد ماتصلى العشاء علطول

وقبل الفجر اغسليها ولو مبتصليش سبيها لحد ماتنشف خااالص

 

واغسليها بالماء بس فى اول يوم وممن تعملى حمام كريم او تزيتى شعرك عادى وتانى يوم تغسلى بالشامبو

وبالهنا والشفا :wub:

 

هو انتى مجربتيش الحنه قبل كده يازاد ولا ايه ؟؟؟؟

ولو جربتيها طلعت معاكى لون ايه ؟؟؟؟

 

 

والوصفه اللى انتى عملتيها فعلا هايله بس ازاى شعرك خفيف مع ان التوم بيكثف الشعر

 

ماعلينا

عندك وصفة الجرجير

يعنى تعصرى الجرجير وتحطيه على شعر 3 ساعات وممن تحطى معاه زيت زتون

وممكن عصير البصل والتوم لو هتستحملى الريحه ... نتايجه حلوه

 

 

 

التقشير ده مقشر

اللى هو تجيبى زيت زتون وسكر ولمون اصفر (ها..مش اخضر) وتفركى بيه جسمك وتسيبه دقيقتين تلاته وتدعى وبعدين تنزلى دش دافى عليه

وده حلو اوى نعومه وصفاء وانا مجرباه

والتشقير اه سمعت ان البياض والنشا بيشقر مش فاكره هو ده ولا الخميره وماء الورد

بصى هدور عليها واقولك

بالنسبه للمقدار انتى عايرى على حسب السمك وزيدى او نقصى براحتك

 

 

وبالنسبه للوصفه اللى انتى عملتيها بتاع بودرة الاطفال فكوويس ان انتى قولتى انها ملهاش لازمه عشان منعملهاش ;-)

 

 

بالنسبه لاتساع المسام فدايما ادهنى وشك بلمون اصفر عشان يقفل المسام وبالنسبه لوصفة النشا والبياض فهى حلوه اوى ليكى

واعملى التقشير اللى قلتلك عليه ده لوشك كل اسبوع مره ولجسمك كل ماتستحمى

 

والهالات دى باه والله انا نفسى مش لاقيه لها حل اصل انا مبستمرش على وصفه واحده كتير

بس انا حاليا عملت وصفه كاتباها جنة الله فى الركن بتاع البطاطس والخيار اعصريهم وحطيهم بقوالب فى الفريزر وادهنى بيها وشك قبل ماتنامى

شكلها حلوه وانا عملت قوالب التلج واول يوم احط اول مكعب انهارده وهستمر واشوزف النتيجه

 

 

والحاجات اللى انتى كاتباها دى انتى مجرباها ؟؟؟؟؟؟؟؟

وايه صابونة الماسك السحرى دى بتعمل ايه ومنين وبكم ؟؟؟؟؟

وشكرا بجد اوى عالتفاعل ده

 

 

بس على فكره انا قريت مؤخرا ان العسل بيزود الشعر

يعنى لخلطات الوجه قللى العسل شويه

عشان ميزودش شعر الوجه

وتصبحو على خير باه

احلاااام سعيده :tongue:

[~رؤى~ 0]

السلام عليكم

 

ايه ده يا هبه مش تعرفي حراز

 

هو عطار كبير في باب الخلق

 

انت مش بتقولي انك بتنزلي القاهرة

 

لما تيجي ان شاء الله ابقي روحي عنده

 

بصي بقى بخصوص الوصفة دي

1_ قشور حبة برتقال

2_ قشور حبة ليمون

ونحط عليهم ماء ونحطهم على النار ولما تغلي المي بنطفي عليها وبتخلي المي تبرد بعدين بتحطي المي بعلبة

طريقة الاستخدام :

خذي قطعة قطن صغيرة وضعيها في الماء ومرري قطعةالقطن على وجهك وركزي على المناطق التي تكون فيها حبوب واستخدميها ثلاث مرات في اليوم

اما شو استفدت من الموضوع والله العظيم يا بنات انو الحبوب كتير خفت عن وجهي او بالاحرى ماصرت اشوف حبوب بوجهي( الحمد لله) حسيت انو هذي الخلطة كأنها مطهر للوجه .

مش عارفة اقشر الليمون بالسكينة ولا احط اللمونة كلها و خلاص

 

اصلها صغيرة حطلع قشرها ازاي دي :icon15:

[هبه المسلمه 1]

لالالالالالا معرفش حزار ولا حراز ده

اناهروح اتفسح ولا انزل للعطارين ؟؟؟؟؟!!! :tongue: :tongue: :tongue:

 

يابنتى اغسليها وقشريها حته حته هتتقشر معاكى

بس هتعمليها ازاى دوقتى ؟؟؟ انتو مخزنين برتقال ولا ايه ؟؟؟ ;-) ;-) ;-) ;-)

[هبه المسلمه 1]

السلام عليكم ورحمة الله وبركاته

شلونم شخباركم ;-)

انا لسه حالا غاسله راسى من الحنه

والله ياجماعه داومو عالحنه دى ومش هتندموا

دى احسن حاجه للشعر

المهم

بقالى كتير متبتش وصفات

نكمل باه

اوك

فلنبدأ

 

 

///رهيب لتطويل الشعر :

1-قطعى الفلفل الاخضر مكعبات صغيره ويفضل الفلفل الحار وبعدين حطيها بعلبة مايه فاضيه وضيفى عليها زيت زتون وخليها تتنقع مدة 10 ايام وحطيها بشعرك لمده لاتقل عن 3 ساعات وشوفى الفرق ... بيطول خمس اشبار تقريبا فى سنتين

 

 

2-اذا كان شعرك قصير تحتاجى 3 بيضات ولو طويل 6 بيضات :ohmy: خدى بس صفار البيضه وحطيه بالخلاط وضيفى عليهم زيت زتون وزيت السمسم (يساعد فى تطويل الشعر وتكثيفه بطريقه غير طبيعيه )وزيت جوز الهند واخلطيهم وحطيهم على شعرك لمدة 3 ساعات

 

 

////القضــــــــــــــــء على القشره :(مشكلة كل الناس ):

اغلى قليل من الزعتر الجاف مع كوبين من الماء لمدة 10 د وبعد ان يبرد دلكى فروة الراس بهذا السائل واتركيه نص ساعه قبل ان تغسلى شعرك وسترين النتيجه

 

 

 

///تنعيم الشعر المجعد: :tongue: :icon15:

حنا + سدر + ريحان + محلب

كل يوم تمشطى شعرك فيه وحطيها فى التلاجه وغيريها كل اسبوع حتى لو ماخلصت

 

 

 

 

 

///وصفة حنه للى عايزه شعرها احمر :

حبة بنجر (شمندر ) تلاقوه فى محلات الخضار + حنا + شاى

قشرى حبة الشمندر وقطعيها .. ممكن تجففى القشر وتحتفظى به وتستخدميه اذا نفذ البنجر من السوق للصبغه ههههههه

حطى قطعتين او اكتر فى الماء مع شوية شاى واغليهم سوا هيصير الماء شديد الحمرا .ارفعيهم من عالنار وصفى الماء من حبات الشاى وممكن تخلى قطع البنجر .

حطى الكميه اللى انتى عايزاها من الحنه عالماء الاحمر واعجنى كويس

خلى الخلطه لليوم التانى احسن وقبل لاتتحنى ارجعى اخلطى الحنا شوى وشيلى حبات البنجر ... خلاص خلصنا

روحى اتحنى يطلعلك لون كتيييير حلوووو

 

 

انا عايزه اروح افطر باه

نكمل بعدين

سلامو ;-)

تم تعديل 25 أغسطس, 2007 بواسطة هبه المسلمه

[omjana 6]

ازيك يا هبهوب ايوة الوصفات اللى كتبتها كلها مجرباها

 

انا معملتش الحنة غير مرة واحدة

 

كركدية وحنة وخل وصفار بيض بسسسسسسسسسسسسسس

 

 

 

كمان كنت عايزة اسالك جربتى طريقة جنة فى الهالات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

بتاعة البطاطس والخيار المتلج

 

؟؟؟؟؟؟؟؟؟؟؟

 

وايه النتيجة؟

تم تعديل 26 أغسطس, 2007 بواسطة zad1983

[omjana 6]

هبة احذفى كاس البيرة ده عشان حرام ومن النجاسات

 

" إنما الخمر والميسر والانصاب والازلام رجس من عمل الشيطان فاجتنبوه "

 

والله اعلم

[هبه المسلمه 1]

انا حذفتها خلاص ياباشا وناسف عالخطأ

وبالنسبه للخلطه انا مجربتهاش غير مره واكيد مش هعرف حلوه ولا لا بس القوالب فى التلاجه وهحط منها قبل النوم ان شاء الله

[omjana 6]

صابونك الماسك السحري دي

 

بتتحط عالوجه دقيقة او 2 بتفتحه وتنقيه و تزيل المكياج والنمش وتصفى البشرة من الرواسب اليومية وتفتح مسامها

كمان بتغذى البشرة بالاكسجين وهى بتحتوى على املاح البحر الميت

 

اللى عندى اسمها لمبادا وسعرها حوالي 4.5ج

[هبه المسلمه 1]

السلام عليكم

يعنى اجيبها من الصيدليه ؟؟؟؟ اقوله عايزه صابونة لمبادا ؟؟؟؟ ولا ايه

واغسل بيها وشى زى اى صابونه ولا دى حاجه معينه

ردى بسرعه بالله عليكى

[omjana 6]

ايوة اسمها لمبادا

قالك معندوش قوليلى الصابونة الماسك ممكن يكون فيه نوع تاني

 

اصل جارتى كانت جايبة واحدة باسم تاني بنفس الفايدة هى بخلاصة املاح البحر الميت

[هبه المسلمه 1]

السلام عليكم . ابقى ردى عليا يا زاد بخصوص الصابونه متنسيش

دوقتى هنحكى عن وحدها كان شعرها وحش ( مش اوى يعنى بس عادى شغال ) بس مشت على وصفتين اللى احنا هنكتبهم دوقت ودوقتى شعرها يجنن ونشوف بتقول ايه:

لحيوية الشعر ومنع تساقط وطول فى مده قصيره :

1- خلطة الحلبه بالزيت (زيت دابر املا )

اربع ملاعق حلبه مطحونه واتركيه فى الشمس يومين وبعدين ابداى استخدميه

طريقة الاستخدام :

اول شيىء اغسلى شعرك كويس وسيبيه ينشف

اسخن الزيت واحطه على شعرى فى الجزور ولما اخلص عملية التزييت ابدا عملية المساج لشعرى 10 د ورجعت الحيويه للشعر وقل التساقط

 

 

2- سمسم ، سدر ، زيت اى نوع ويفضل زيت السمسم ، لبن زبادى

الطريقه :

تحمصى السمسم لغاية مايشقر لونه وتحطيه فى الطحانه وتحتفظى به لوقت الحاجه

تضعى فى الخلاط 3ملاعق سدر او حسب كمية شعرك وفنجانين قهوه من السمسم المطحون وملعقة زيت سمسموملعقة لبن زبادى وتشغلى الخلاط وتضعى ماء بالتدريج حتى يصبح الخليط غليظ نوعا ما

يكون شعرك نظيف لازم تحطى القناع فى الجزور وبعدين وزعيه فى شعرك كامل وغطى شعرك بالنايلون وخليه 3 ساعات واغسليه

ويشهد الله ياجماعه كيف كان شعرى وصار بالوصفه غير

النتيجه :

حيويه ولمعان

اطاله بشكل ملحوظ

هذا كله بمعدل 3 شهور باستخدامهم الوصفه الاولى يوم اه ويوم لا واعمل السدر هذا مرتين او مره فى الاسبوع

 

 

 

 

 

 

 

 

///// خـــــــــــــــــــلــــــــــطـــــات للــــــــــيديـــن والــــقـدمـين:

 

 

 

لنعومة بشرة اليدين وتالقها لتستفيد من العصاره الموجوده بقشرة البرتقال وامسحى بها اديكى اذا حانت الفرصه فهى غذاء طبيعى للجلد ويكسبه رونق وجمال

 

 

 

 

/// خلطه لنعومة اليدين :

ملعقه كبيره من العسل . ملعقه صغيره من الجلسرين . قليل من الطحينه . بياض بيضه

تمزج جيدا ثم تدهن اليدين بهذا المزيج وتترك ربع ساعه وتغسل بالماء الدافى

 

 

لعلاج تشقق الاظافر :

ادهنى اظافرك والجلد المحيط بها بعصير الليمون وزيت اللوز الصافى مرتين فى اليوم لمدة 10 ايام مع مراعاة غسل الايدى بعد مرور ساعتين من دهانها بالماء الفاتر

 

 

 

///غسول الفواكه لتبييض اليدين :

3ملاعق كبيره ماء ورد + 3ملاعق كبيره جلسرين + 3ملاعق كبيره كحول نقى + ملعقة عصير لمون طازج + ملعقه كبيره عصير برتقال + ملعقه كبيره خل تفاح

تخلط المكونات جيدا ثم تعبأ فى زجاجه مع الرج عدة مرات عند الاستخدام

وتستخدم يوميا بعد غسل اليدين وله اثر طيب فى تبيض بشرة اليدين ونعومتها

 

 

 

///اجعلى يديك كالحرير دائما :

اخلطى ملعقه صغيره من الملح . ملعقه صغيره زيت زتون او لوز وافركى ايدك بهذا الخليط واغسليها بماء عادى وضعى كريم مرطب

 

 

 

///غسول الطماطم لجمال يديكى :

عصير ثمرة طماطم ناضجه تماما (حمراء - مستويه ) - ملعقه صغيره جلسرين - ملعقه صغيره عصير لمون

تهرس ثمرة الطماطم جيدا ويخلط معها باقى المكونات ويعبا فى الزجاجه وتحفظ بالتلاجه ويجب رج الزجاجه قبل الاستخدام ويجوز ان يستخدم لاى عدد من المرات

 

 

///غسول عسل النحل لجمال يديكى :

واحد ونص ملعقه صغيره عسل النحل + 4ملاعق كبيره جلسرين + ملعقه ونص صغيره خل ابيض

يسخن العسل على نار هاديه حتى يسيل تماما ثم يخلط مع باقى المكونات

ويحفظ فى التلاجه

 

 

 

 

:///// غسول من الرده للايدى الخشنه :

ملء حفنة يد من الرده + 4 ملاعق كبيره خل تفاح + 57 مللى ماء مغلى

يصب الماء المغلى عالرده ويترك الاناء لمدة 9-12 ساعه لتنقع الرده بالماء ثم يصفى المنقوع ويضاف اليه خل تفاح ويحفظ المستحضر فى زجاجه

يعد هذا المستحضر من المستحضرات الممتازه للتخلص من خشونة اليد ويجب ان يستخدم عدة مرات فى اليوم متى اتيحت لك الفرصه مع دعك اليدين بالمستحضر

 

 

 

 

///وصفه لصلابة الاظافر :

ادهنى اظافرك كل مساء قبل النوم بطبقه من زيت الخروع

 

 

 

///يخلط العسل باللبن وتدلك به اليدان فيزيد نعومتها ويبيضها

 

 

غسول البطاطس لتبييض اليدين ونعومتها :

ملعقة عصير لمون طازج + 3ملاعق صغيره جلسرين + ملعقه صغيره ماء بطاطس مصفى + 10 نقط من زيت الزتون

يضاف عصير الليمون للجلسرين ثم يضاف لها ماء البطاط\س ثم يضاف زيت الزتون بالتدريج ويقلب الخليط جيدا ثم يحفظ فى التلاجه ويرج قبل الاستخدام عدة مرات

 

 

 

 

///كريم مسائى من الزيوت للايدى الخشنه :

ملعقه صغيره عسل نحل - ملعقتين كبار زيت زتون - ملعقه كبيره زيت سمسم - ملعقه كبيره زيت لوز - ملعقه كبيره جلسرين

يسخن العسل على نار هاديه حتى يصير سائلا ثم يضاف اليه الجلسرين وباقى الزيوت ويقلب جيدا ثم يحفظ فى زجاجه ونحطه فى التلاجه

تدلك اليدين به كل مساء

ويلاحظ اثره بعد اول مره

 

 

 

 

///السكر واللمون لتنظيف اليد :

عصير لمون - سكر ابيض

يضاف قليل من السكر لراحة احدى الايدى ويضاف بالايدى الاخرى كميه من عصير اللمون لتطرية السكر

تدلك اليدين بهذا الخليط تدليكا وافيا لبضع دقائق

ويعمل هذا المستحضر على التخلص من اى صبغات او رواسب باليدين مما يجعلها نظيفتين بيضاويتين

 

فعلا واله وانا مجرباه

 

 

 

 

 

/// الشعير واللبن لنعومة وتنظيف اليدين :

( شعير مطحون + لبن )

توضع كميه من الشعير براحة احدى الايدى ويصب عليها كميه من اللبن ويستخدم فى تدليك اليدين بضع دقائق

ثم تشطف اليدان بالماء الفاتر ويعمل هذا الخليط على تنظيف اليدان ويكسبها نعومه وطراوه ولمعانا

 

 

 

 

 

///خلطه رااائعه لبياض الجسم واليدين

4ملاعق كبيره زيت خروع + ملعقتين زيت جلسرين سائل + ملعقتين زيت لوز + ملعقة عصير لمون سائل

يدهن فيها يوميا قبل النوم جرب وبتشوفى الفرق

 

//// قبل النوم عادة :

جيبى مويه سخنه واغليها عالنار وبعدين حطى فيها شوية بابونج واتركيه منقوع 10 د وبعدين حطيه بوعاء عميق وانقعى يديكى فيه لمدة 10 د وبعدين تاخدى بقية البابونج وتفركى فيه وجهك وبعدين اشطفى وجهك بماء بارد مش ساخن

...قشر اللمون اغليه ودلكى وافركى جسمك للكوع والرجل والتشققات وللاسمرار

 

 

 

 

///نعومة وبياض اليدين :

عصير لمون - جلسرين - ماء ورد - ماء كولونيا - ملعقتين شبه عاديه

تخلط مع بعضها ونحطها فى زجاجه فى التلاجه وتدهن منها اليدين بعد الانتهاء من اعمال المطبخ او فى المساء قبل النوم

 

 

 

 

//// انقعى قدميكى فى خليط من المياه الساخنه و4 حبات من الملح الخاص بالقدمين بعد يوم طويل لتحاربى انتفاخ الكاحلين

 

 

 

 

 

 

//للحصول على قدمين ناعمين :

امزجى كوبا من اللمون الحامض وملعقتين من زيت الزتون ونص كوب من الحليب فى اى كميه من الماء وضعى قليل من القرفه او العطر (للتعطير ) على المزيج واغسلى قدميكى فى هذا المزيج ثم جففيهما او اغسليهما بالماء مع صابون ناعم وهتشوفى النتيجه

 

 

 

///كيفية عمل كريم لتقشير اليدين :

اذا اردتى ان تحصلى على افضل النتايج الموجوده من كريم اليدين عليكى ان تقومى بتقشير اليدين اولا ثم وضع الكريم اللازم لها ولتقشير اليدين قومى بمزج ملعقهمن الفازلين وملعقه من السكر فى راحة اليد ثم قومى بدعك اليدين واذا لم يتوافر لديك الفازلين يمكنك استبداله بالكريم المرطب

وتاكدى من دعك ظهر اليدين والمعصم جيدا واستمرى فى الدعك لمدة دقيقه واحده ثم اغسلى اليدين جيدا وسوف تشعرين بالفرق والنعومه فورا . وقومى بعمل تلك العمليه مره واحده فى الاسبوع وبعد الاتنهاء من تقشير اليدين قومى بوضع كريم اليدين المرطب الذى سيمتص فى البشره بصورة افضل

 

 

 

 

////لجعل اليدين تلق من البياض والنعومه :

جلسرين - بيض - لمون - قفازات -----------------------بياض ونعومه ولمعان

1-تغسلين يديكى بالماء وتجففيهما

2-تدهنيهم بالجلسرين

3-تخلطين البقيه مع اللمون وتدهنى بها ايديكى

4-تلبسى القفازات نص ساعه كل يوم ثم تغسلى ايدك بالماء والصابون

 

 

 

 

 

 

 

 

 

 

 

 

 

 

////وصفات للـــــــــكـــــــوعـــــــين والركــــبتــــــين :

 

 

 

 

 

//// طرق لازالة السواد من الكوعين والركبتين :

 

1- سخنى زيت الزتون عالمنطقه السمرا المراد تنظيفها وافركيها باللمون وقليل من الملح ثم اغسليها وكرريها الى ان يختفى الاسمرار على الاقل واستخدميها مرتين باليوم

 

 

2-لمونه مع شوية زيت زتون وتبللى القطنه فى الزيت واللمون وتدعكى بها الجسم

 

 

3-زيت زتون +ملح ودلكيهم عالمنطقه السودا لمدة اسبوع وراح تعطيك نعومه وتفتيح

 

4-استعملى اللمون مع الملح كل يوم واحسن شيىء اعصرى كميه من اللمون ودوبى فيها الملح وضعيها فى قاروره واحتفظى بها فى التلاجه وعلى فكره يمكنك اضافة الجلسرين لها للمحافظه على النعومه

 

 

 

 

 

 

/// لازالة السواد من الركبه والكوع :

...... خلطة اللمون مع زيت الزتون او الجلسرين ودهنهما كل يوم

 

.............. اعصرى لمونه ثم امزجى مع عصيرها مسحوق الشوفان وافركى الركبه بهذا المزيج عدة مرات باليوم الى ان تتخلصى من السواد ولا تنسى الكريم المرطب

 

 

 

 

///لركب فظييعه

كريم مرطب او فازلين - ملعقتين كبار من مسحوق الشوفان - امزجى عصير اللمون مع مسحوق الشوفان ثم ضعيه على ركبتيك لمدة 5د اخرى

وازيلى المزيج بواسطة قطنه مبلله ثم ضعى الكريم المرطب او الفازلين بكميه وافره وسترين النتيجه بنفسك

 

 

 

المره القادمه هجيبلكم وصفات للجسم كله

بس انا حساكو اختفيتو ليه

انتووووووو رحتووووو فييييييييين ؟؟؟ :mellow:

[أم ريتاج 7]

السلام عليكم و رحمة الله و بركاته

 

معاكي يا هبه متابعين

 

جزاكي الله خير عنا

 

احبك في الله

[راحلة 0]

السلام عليك ورحمة الله وبركاته

يا هبهوووووووووووووووووووب أنا عروس جديدة وعندى كمية جهل فى تلك الأشياء بل جهل مركب أرجو أن تفيديننى أكثر وأكثر

وأهم شئ بالنسبة لى هى نعومة شعرى وتطويله وتبييض المناطق السمراء و........ لأن زوجى أشعر دائما أنه يحب أن يرانى جميلة

أرجو الله ألا تهملى رسالتى

[هبه المسلمه 1]

السلام عليكم

ثانكس زاد وان شاء الله هجرب الصابونه دى

اهلا ام ريتاج وحشتينا وانا والله بحبك فى الذى احببتنى فيه

هاى راحله والف مبروك مع انها جت متأخر :closedeyes: :dry:

واكيد طبعا زوجك بيحب يشوفك جميله علطول

بصى انتى تابعى باه من الاول اقرى هتلاقى وصفاااااات كتيييييير اوى

وانا هكتب كمان واى سؤال انا فى الخدمه ....... بس سؤال محدد :laugh: متخليش السؤال مفتوح اوى كده :laugh: بس اقرى الوصفات اللى فاتت هتعجبك

 

 

 

اكتبلكم باه كم وصفه كده عالسريع عشان اصحابى مستنينى عالايميل عشان نرغى ونلوكلوك كتير :rolleyes: :tongue:

 

 

 

 

 

 

خـــــــــــلـــــــــــــــــطــــــــــــات للجـــــــــــــــــــــــــــــــــــــســـــــــــــــــــــم كـــــــــلـــــه

 

//// لمنح البشره الرطوبه والنداوه اشربى كثيرا من الماء واستخدمى اسبوعيا القناع المرطب

 

 

 

///مقشر طبيعى للجسم :

كاس ماء ورد - كاس زيت زتون او لوز - قشر برتقال - عصير لمونه بقشرها - 4 ملاعق طعام شوفان مطحون

ضعيهم بالخلاط واخلطيهم جيدا

الاستعمال :

استحمى بماء دافىء ثم ضعى هذا القناع على جسمك واتركيه حتى ينشف لمدة ربع ساعه ثم دلكى جميع انحاء جسمك بحركه دائريه لتنشيط الدوره الدمويه

ثم اشطفى المقشر جيدا بالماء الدافى يليه الماء البارد

باستعمال هذا المقشر ستتخلصين من الخلايا الميته ويصبح الجسم ناعم ومشدود

احتفظى بالمقشر بالتلاجه واستخدميه مره واحده فى الاسبوع

 

 

 

 

////خلطه رائعه لبياض الجسم واليدين :

4ملاعق كبيره زيت خروع - ملعقتين زيت جلسرين سائل - ملعقتين زيت لوز - ملعقتين عصير لمون سائل

يدهن فيها يوميا قبل النوم . جربى وبتشوفى الفرق

 

 

///بديل طبيعى لمزيلات العرق :

اس صغير من جلسرين سائل - عصير لمونه - قشر الليمون

 

 

 

//عصير لمونه + جلسرين سائل ......رهيييييب لكامل الجسم قبل الاستحمام بساعتين

 

 

 

////ابط بدون عرق ولا رائحه كريهه :

افركيه بنص لمونه دقيقه واحده ومتطوليش

 

///لتنعيم الجسم :

3ملاعق جليسووليد جل - 3ملاعق ماء ورد - عصير لمونه

ادهنى على اماكن السواد والاماكن الخشنه وستدهش النتيجه

 

 

 

/////خلطة الخل لتنظيف البشره

لتنظيف وتفتيح البشره وازالة الجلد الميت

ملعقه صغيره من : خل تفاح - خميره - زبادى - عصير لمونه

تخلط وتوضع عالوجه والاماكن الداكنه بالجسم وبعدها ندلك الوجه وعليه الخلطه وبعدها يغسل بماء بارد

 

 

سلامو بأه عشان مستعجله

واللى يعرف ايه الجليسووليد ده وبيتجاب منين يقول ياريت :rolleyes:

[~رؤى~ 0]

لالالالالالا معرفش حزار ولا حراز ده

اناهروح اتفسح ولا انزل للعطارين ؟؟؟؟؟!!! :tongue: :tongue: :tongue:

 

يابنتى اغسليها وقشريها حته حته هتتقشر معاكى

بس هتعمليها ازاى دوقتى ؟؟؟ انتو مخزنين برتقال ولا ايه ؟؟؟ :angry: :angry: :angry: :wub:

لأ تنزلي للعطارين :tongue:

 

عملت الوصفة و الحمد لله حاسة ان نتايجها كويسة

 

جزاكي الله خيرا يا هبة

 

و عملتها باللمون بس

 

قال مخزنين برتقال قال

 

 

واللى يعرف ايه الجليسووليد ده وبيتجاب منين يقول ياريت ;-)

الجليسوليد مرطب زي الفازلين بيتباع في الصيدلية و علبته حمراء

[هبه المسلمه 1]

هاى جنونه :wub: :tongue: :tongue:

فينك يابنتى من زمان ................

وكويس انك قلتى عالوصفه .......ز هو انتى غليتى قشور لمون بس ......... بقالك اد ايه باه؟؟؟

 

انا باه جربت الوصفه بتاع الخيار والبطاطس بس بدهن بيها وشى كله قبل النوم وحاسه بتفتيح فى الوش مش عارفه باه اذا كان الهالات بتقل ولا ايه :tongue:

 

وشكرا عالمعلومه ياقمر

:icon15:

[هبه المسلمه 1]

هاى

//// تفتيح , كله اشراق (من عند العطار مش الصيدليه )

صابونة الغار - ماء ورد - علبتين جليسوليد الاحمر حجم صغير - علبة جلسرين سائل - فنجان قهوه من ( زيت زتون - زيت خروع - زيت لوز مر ) -ملعقتين كركم للجسم مش للطبخ ( وده تلقونه عند العطار قولوله كركم للجسم وهو يعرف عايزين ايه ) - علبة فكس صغيره

........بس انا سمعت ان الفكس بيبيض ولما توقفيه بيسمر تانى ........ (ملحوظه يعنى ممكن متستعملهوش لو عايزه :ninja:

المهم تبشرو الصابونه بشر ناعم وبعدين تحطوها فى اس ماء ورد من الليل للصبح عشان يذوب الصابون فى المويه وبعدين اذا اصبحتو تضيفون الجليسوليد والجلسرين السائل والزيةوت وملعقة كركم وملعقة الفكس الصغيره واخلطو المقادير كلها فى الخلاط وبعدين تحطوها على جميع مناطق الجسم يعنى الجسم كله حتى الوجه وتخلوها ساعتين وبعد كده تجيبى ليفه اللى من بودى شوب صايره على شكل قفازات احسن من الليفه المغربيه وتحطون عليها ملح خشن وتعصروا لمونه فوق الملح ويالله تبداو بفرك الجسم فركا جيدا والله يطلع لكم كل شيىء وتحسو بالنظافه من اول استخدام وبيعد كده يفتح الجسم يوم بعد يوم وطبعا هذة الخلطه بشكل يومى

 

 

 

///لتبيض الجسم مش الوجه :

3ملاعق كبيره حليب بودره - 4 او خمس ملاعق طحينه - عصير لمونه - 4ملاعق صنفره للجسم اى نوع - وتخلطو تحطو عالجسم وتخلوها ربع او نص ساعه واللى تحب تخلى اكتر ميضرش

 

 

///لتفتيح الجسم (مجربه 100 %):

بيكربونات صودا - لمون

وافركى بها الاماكن السمرا بجسمك واتركيها ربع ساعه واشطفيه بماء بارد وبعدين ادهنى جسمك بزيت لوز مر او زيت زتون لمدة اسبوعين وشوفى النتيجه

... بيكربونات الصودا فى السوبر ماركت وهى نوعين الاول علبه زى علبة البيكنج بودر بس لونها اخضر ومكتوب عليها بيكنج صودا والتانيه كرتون ابيض فيه خط احمر واسود واخضر ومكتوب عليها بيكربونات الصودا والاتنين ينفع

 

 

 

 

///بشره من حرير :

للحصول على بشره ناعمه كالحرير مثل بشرة الاطفال هناك وصفه جديده لانج ومجربه كمان

اخلطى مقادير متساويه من :

رده مطحونه - ينسون مطحون - ترمس مطحون

اخلطيهم بمقادير متساويه حسب الرغبه وضعيهم فى وعاء وبعد الاستحمام وقبل تجفيف جسمك بالمنشفه خدى من الخلطه وحطى على جسمك المبلول حتى تغطيه كله من العنق حتى اصابع القدمين واتركيه 5 د او اكتر اذا اردتى ثم اشطفى جسمك بالماء جيدا وسوف تدهشك النتيجه منتهى النعومه والصفاء كالحرير لمده طويله وصدقينى لن تحتاجى اى كريم لجسمك بعدها

 

 

 

///نعووووووومه وبيااااض:

نص كاس حلبه ينقع فى ميه لمدة يوم كامل لازم وبعدين ينطحن بالمويه اللى اختمرت فيها لحد مايبقى عجينه وخدى ملعقة حلبه وملعقة زبادى وتوضع عالوجه لمدة ربع ساعه واما تحسى ان وشك نشفت عليه الخلطه وبعده اشطفى وجهك بالماء وضعى ماء ورد وبس

تعطى بياض ونعومه وتشد البشرعه المترهله وبياض غير طبيعى

 

 

 

///خلطه حلوه اوى :

-نعومه ولمعان البشره

-تقليل نمو الشعر

-تفتيح البشره مع الاستخدام المستمر وبطريقه امنه

-اضافة الطراوه والنداوه عالبشره

-التقليل من الحبوب الناتجه من عملية نزع الشعر

الخلطه:

كميات متساويه من : فازلين اطفال - عصير لمون - نشا ذره

تخلط جميعا حتى يتكون كريم مائل الى البياض

طريقة الاستخدام :

بعد نزع الشعر الغير مرغوب فيه نقوم بالدهن مباشرة على المنطقه المنزوع منها الشعر وتترك عالبشره دون غسل لمدة ساعه ثم يغسل ويعاد الدهن ولكن بشكل خفيف ويستخدم فى اى وقت

ويفضل حفظها فى التلاجه لحين استخدامها مره اخرى

 

 

 

والمره الجايه باه هجيبلكم وصفات مشكله يعنى وجه على يد على رجل على شعر وكده يعنى :wacko:

[أم ريتاج 7]

السلام عليكم و رحمة الله و بركاته

 

ماسكات للوجه

 

معذرة يا هبة لو كان مكرر

 

خلط اللبن باللماء

عند غسيل الوجه فهذا يساعد على تعقيم البشرة ومنع ظهور حبوب جديدة

 

إستخدام كوكتيلات لتغذية وتفتيح البشرة :

 

أ - كوكتيل الجمال :

يتكون من الجزر والبقدونس، مضافا إليه عصير الليمون.

ملحوظة: يعصر الخليط من خلال عصارة الجزر.

 

ب - كوكتيل الخضراوات :

يتكون من السبانخ والبقدونس، ثم يضاف إليه عصير البرتقال

 

ج - كوكتيل الجزر :

يتكون من عصير الجزر وعصير البرتقال ويضاف إليه زنجبيل أحيانا.

 

د - كوكتيل الخيار:

يتكون من عصير خيار ويضاف إليه عصير الليمون

وهذا الكوكتيل يفيد صاحبات البشرة الدهنية بصفة خاصة.

 

- تجنب القلق والتوتر النفسي لأنها ستزيد من الحبوب.

 

- تجنب مستحضرات التجميل في هذه الفترة بالذات.

 

- تجنب الغسل بالصابون العادي وإستبداله بصابون الأطفال أو الصابون الطبي.

 

- إذا بقيت آثار للحبوب فيمكنك إستخدام كريمات مقشرة بعد إستشارة الطبيب .

 

- تناول بعض الأعشاب كالحلبة والجرجير وأيضا الإكثار من البصل والثوم.

 

- تجنب إستخدام الزيوت والكريمات الخاصة بالشعر لان لها تأثير غير مباشر على حب الشباب

إستخدام الأقنعة التي يمكن تحضيرها في المنزل:

 

أ- قناع ورق الكرنب :

يتم غليه بشدة، ثم تؤخذ مياه الغلي، وتستخدم كغسيل للوجه على مناطق الحبوب والبثور؛ وذلك باستعمال قطعة قطن مبللة بهذا الغسيل، وتمريرها على الوجه، ويمكن حفظه في الثلاجة لاستخدامه أكثر من مرة، وهذا الغسيل يؤدي إلى القضاء على البثور.

 

ب - قناع الثوم :

وذلك بعد تقطيعه قطعاً صغيرة، ووضعه على البثور أو الحبوب، ورغم أنه مؤلم قليلا إلا أنه يعطي نتيجة جيدة جداً،و يستخدم مرتين يومياً صباحا ومساء.

 

ج - قناع البابونج :

قبضة صغيرة من نبات البابونج تضاف إلى كوبين من الماء الساخن لدرجة الغليان لمدة 20 دقيقة، ثم تصفى، ويلطخ بالسائل البثور مرتين يوميا.

 

د - قناع الجزر :

قم بتبشير الجزر دون تقشير مع إضافة ليمونة لمدة نصف ساعة، ووضعه على البشرة، وهو يضفي على البشرة صفاءً و لوناً نضرا، كما يزيل جميع التجاعيد والبثور، ويقضي على الشوائب التي تعتلي البشرة الدهنية.

 

هـ - قناع الرمان :

فنجان من عصير الرمان + ملعقة صغيرة من الخل، وتلطخ بهذا المزيج البثور عدة مرات يوميا .

 

علاج الحب

حافظي على نظافة بشرتك

اغسلي وجهك مرتين في اليوم بماء مالح دافئ، للتخلص من البشرة الدهنية والحفاظ على البشرة خالية من البثور.

 

أوراق الفراولة

ضعي أوراق الفراولة على حبوب الشباب لتخفيف الانتفاخ والاحمرار.

 

والليمون أيضا مفيد

امزجي ليمونة (حامضة) مع القليل من ماء الورد، ضعي المزيج على الوجه لمدة نصف ساعة. اغسلي الوجه بالماء الدافئ. يستمر البرنامج لمدة 15 يوم.

 

قشرة الليمون الحامض

امسحي البشرة بقشرة الليمون الداخلية البيضاء قبل غسلها بالماء.

 

عصير النعناع

اغسلي الوجه بعصير النعناع الطازج كل ليلة للتخلص من البثور، وحب الشباب، والاكزيما والجرب والكثير من مشاكل البشرة.

 

تناولي الكثير من الفواكه الطازجة

تناولي الكثير من الفواكه الطازجة والخضراوات فهي مفيدة جدا للبشرة وتحافظ على شبابيتها وطراوتها.

 

استعملي الثوم

لمشاكل البشرة المزمنة، اهرسي حصين من الثوم وامسحي بهما الوجه.

 

قشرة البرتقال

اطحني قشرة البرتقال مع بعض الماء وضعيها على وجهك. من أفضل العلاجات المنزلية.

 

ماء الورد

نظفي الوجه بقطن مبلل بماء الورد.