خلاصة الوصفات فى تجميعه للبنات والسيدات

[المحبة للرحمن 0]

يعنى ايه يا جميل ملعقة سدر؟ :biggrin: الى انت كاتباها فى وصفة الشعر؟

[dalia allam 0]

السلام عليكم ورحمة الله وبركاته

 

 

اختي الحبيبة جزاك الله كل الخير على هذة الوصفات الحلوة جدا وصفات رائعة جدا لقد افدتيني بالرغم اني

في الشغل بياخد كل وقتي ولاكنت بهتم بس لفتي نظري لوصفات حلوة وسهلة :tongue:

[هاجر مصريه 3]

السلام عليكم ورحمه الله وبركاته

 

ازايك يا هبه يا عسل

ان شاء الله تكوني دائما بخير

كلامك كله عسل زيك

انا مش بسال بس جيت اسلم عليكي

سلام لكل المتواجدات

[omjana 6]

السلام عليكم ورحمة الله وبركاته

 

 

 

 

 

 

بعد السلام

عندى مشاكل في وجهى وهي ان منطقة الذقن والانف والعبسة بهما اسوداد لاتساع المسام ولا ادري ما الحل لازالته

 

ايضا اعاني من الهالات السوداء وجربت معاها وسائل شتى ولا جدوى

 

 

فهل هناك من حلول سريعة ومجدية

 

وجزاكم الله خيرا

['طالبة الرحمة 0]

السلام عليكم ورحمة الله وبركاته،،

اهلا هبة انا دخلت المنتدى بلصدفة بس بجد استفدت كتير من كلامك ودمك الخفيف الغرباوية بيحنوا باة ولازم نشجع بعض

مستنين الحاجات الجميلة الى لسة مستخبية

['طالبة الرحمة 0]

السلام عليكم ورحمة الله وبركاته،،

اهلا هبة انا دخلت المنتدى بلصدفة بس بجد استفدت كتير من كلامك ودمك الخفيف الغرباوية بيحنوا باة ولازم نشجع بعض

مستنين الحاجات الجميلة الى لسة مستخبية

[أم ريتاج 7]

السلام عليكم و رحمة الله و بركاته

ايه يا ست هبه الجمال ده كله

و ايه النصاحة و الشطارة ديه :lol: :lol: :lol:

على العموم يا ستى افادك الله و جزاك كل خير

وصفاتك حلوة بس الحاجات اللى اللى انتى كاتبه اننا نعفنها ديه لألألألألأ مش هاعمل الحاجات المعفنة ديه و كذلك الوصفات اللى فيها الثوم و نسيبه كمان يومين مع حاجات تانية برضوه صعبه شويه

لما احط الثوم ده و جوزى يشم رائحتى اقوله ايه و النبي

اقوله اصل كنت بقلى للملوخيه في راسي

صحيح يا جميله هو انتى من الغربية

اصل انا مش من هناك ههههههههههههههههههه

على العموم فكرتك جميله و ياريت كلنا نستفيد منها و نعمل زيها مش بس فى العناية بالشعر و البشرة

لأ ده ممكن نعمل كشكول زي بتاعك ده لكل حاجة في حياتنا زى العبادات و الاحاديث و غيرها من الحاجات التى تعيننا على ذكر الله و طاعته

جزاكي الله كل الخير

اراكي قريبا يا ام دم خفيف انتى

استودعك الله

[هبه المسلمه 1]

بجد وحشتونى موووت معلش اتاخرت عليكم

بس هعوضم بشوية وصفات كتير

اهلا بيكى ياسمايل :blush: دانتى اللى جامده وبلاش تنسى انك بنات

 

بالنسبه لمحبة الرحمن السدر ده بأه بيتجاب من عند العطار وهو عباره عن اوراق بنطحنها واستنينى على بكره بالكتير ان شاء الله لو النت مفصلش هجيبلك موضوع مكثف عن السدر ده

 

 

اما عم داليا فيشرفنى حضورك ياباشا وانك فضيتى نفسك وقرأتى موضوعى ويارب تكونى استفدتى

 

ونورتى الصفحه ياهاجر يا أحلى مصراويه وابقى زورينا علطول كده

 

بالنسبه لزاد اوعدك انى هشوفلك حللمشكلتك بس ممكن تعملى ماسك الزبادى والليمون هو بيفتح والليمون بيقبض المسام يعنى كترى الليمون شويه واستمرى وممكن تحطى عسل

 

 

وانتى ياطالبه شكلنا هنطلع جيران ومتخافيش هكمل الوصفات ان شاء الله

 

واهلا بيكى ياام ريتاج ياجميله

 

وطبعا الوصفات دى لا احبذ المتزوجات لفعلها لان زوجها هيطفش كده

 

فممكن تنتهز اى فرصه وزوجها فى الشغل وتعملها

او ممكن تدب خناقه تلاكيكى على ماتعمل الوصفه وبعدين ترجع المايه لمجاريها :tongue:

انا بهزر طبعا متزعلوش ازواجكم

واكيد هتلاقو وقت تنفزو حاجه بعيد عنهم

اسيبكم بأه مع الحاجات الجديده ويارب تعجبكم

 

 

 

:icon15:

 

 

 

 

 

 

لبشره جميله ونظيفه فى 20 دقيقه :

هل تعانين من انتشار الشوائب على بشرتك ؟؟؟!!!! وعدم نظافتها؟؟ وهل تبحثين على

طريقه سهله وغير مكلفه ؟ نقدم لكى هذه الطريقه اللتى تجعل بشرتك نظيفه وفى اقل وقت

_اغلى البطاطا حتى تصبح قابله للهرس بس خلى بالك اوعى تحرقيها

وبعدين اهرسيها فى طبق مع زبادى وملعقة نشا ذره وافرديها على الوجه اول مره لمدة

ربع ساعه كل اسبوع

وبعد كده 20 دقيقه وهكذا حتى يتعود عليها وجهك الى ان تصبح لمدة ساعه وهتشوفى الفرق :oops:

 

 

 

 

 

 

//// دى بأه وصفات بس لنوعيه معينه وهما الرفيعين اللى زى حالاتى اللى عايزين يلظلظوا

1- اشربى عالريق عصير زبيب اسود يمنى يوميا

انك تجيبى الزبيب الاسود اليمنى من عند العطار وتنقعين ملعقتين او 3 منه

فى كاس ماء اقل شيىء ساعتين وبعدين تضربيه فى الخلاط وتصفيه وتبرديه وتشربيه

 

بصراحه انا مجربتش الوصفه دى :wub:

 

 

 

2-الحلبه تسمن الجسم كله

وياريت تاكلو الحبوب كلها

بس طبعا فى ناس مبتطقش الحلبه ولا ريحتها

انصحكو اللى هيشرب الحلبه يشربها فى الشتا بس بلاش الصيف

عشان بتظهر فى رائحة العرق :wub:

 

 

3-جيبى سمسم من العطار كتير وحمصيه خفيف بس لا تحرقيه يعنى خليه زهبى كده

او اشقر فاتح وبعدين اطحنيه وكل يوم اعملى كاس حليب وحطى ملعقه كبيره سمسم 3مرات

باليوم واذا جعتى جيبى حبة بطاطس كبيره وبيضه واسلقيهم سوا لحد مايستووا واهرسيهم مع بعض

وشوية ملح وفلفل اسود لانه مصدر قوى للحيويه وحطى معاهم سمسم وكليهم طبعا غير الوجبات الرئيسيه

وراح تزيدين من 2:3 كيلو فى 10ايام

 

 

انا بأه جربت حكاية السمسم دى بس مش مع اللبن مع البطاطس

انا استغربت من طريقة البطاطس والبيض دى فى الاول لكن لما جربتها لاقيتها طعمها تحفه

اللى مش عايزين يتخنو يعملوها هى وبيض مسلوقين من غير سمسم وياكلوها هتعجبهم

واللى عايزين يتخنو ي بعد مايسلقوها يجيبو حتة سمنه او زبده ويقدحوها وبعدين يهرسو عليها

البطاطس والبيض وبالهنا والشفا

بس بصراحه انا مستمرتش عليها

كنت بكسل

 

 

 

 

 

 

 

 

4-جيبى حب العزيز وتطحنوه لحد مايبقى بودره لونها ابيض وده طبعا بعد غسله جيدا

وبعدين تنقعوه فى الميه لليله كامله لحد الصبح . والصبح تصفوه وتشربوه الميه بتاعته

وممكن تحلوه بالسكر او بالعسل ولو شربتى المخلوط ده مره واحده فى اليوم

تزيدى 2كيلو فى الاسبوع ولو شربتيه مرتين فى اليوم تزيدى 4كيلو فى الاسبوع واوزنى نفسك

قبل الاستخدام وبعد اسبوع هتشوفى الفرق

 

 

 

انا بأه جربت دهبس كان طعمه استغفر الله العظيم لا يطاق

يادوب يومين وقلت انشاله عنى ماتخنت خلينى عود قصب كده احسن

 

 

 

 

 

/// الموز : تؤخذ حبتين موز وتوضع فى الخلاط ويضاف اليها كوب ونص حليب ويشرب يوميا بمعدل

مره واحده

 

 

 

//// حبوب الكتان: مفيده جدا لزيادة الوزن

محدش يسألنى ايه حبوب الكتان دى ولا بتتجاب منين لانى والله ماعرف

 

 

/// البطاطس المحمره : من المسمنات الجيده

دى باه تاكلوها فى اى وقت جنب الفطار والغدا والعشا ومابينهم

 

 

/// الكزبره: يتناول الشخص بزور الكزبره على هيئة مسحوق حيث

يؤخذ ملء ملعقه من المسحوق ويؤخذ بعد كل وجبه غذائيه ويمكن وضع هذه الكميه مع السلطه

واكلها جميعا والمده الزمنيه لاستخدام الكزبره شهر كامل

 

 

 

 

///المصادر الطبيعيه لفتح الشهيه وتقوية الاجسام الهزيله :

1-التمرواللبن :

ينقع التمر فى الحليب لمدة 6 ساعات ثم ياكله المريض اللى هو المعصعص يعنى

حيث يفتح شهيته للطعام ويجب على مرضى السكر الابتعاد عن هذه الوصفه

خدو بالكم يامرضى السكر متودوناش فى داهيه

 

2-الحلبه:

كوب حلبه قبل الاكل ب نص ساعه فاتح للشهيه

 

 

 

 

المصادر اللى كتبتها دى كانت لللى عايزين يتخنو

واللى عايز يخس انا عندى لكو وصفات بردو بس المره الجايه اكتبها لو انتو عايزنها

 

 

 

 

 

 

 

/// زيت الخروع مفيد جدا للشعر المتساقط . قومى بدهن شعرك من الجذور

ثم لفيه بفوطه مبلله بماء ساخن ثم اتركيه لمدة ساعه ثم اغسليه

وقومى بتكرار ذلك قبل كل استحمام وهتشوفى النتيجه

 

 

/// وصفه جامده بجد:

دى وصفه باه بجد حلوه موووت ونتايجها روعه

انا دوقتى مستمره عليها بقالى يجى 4 ايام اهه وماشاء الله عليها

انا وشى كان فيه اثار 3 حبات وبداو يروحو الحمد لله

الخلطه هى طمى مغربى .. ده تجيبيه من عند العطار قوليله عايزه علبة طمى مغربى

العلبه انا جبتها ب ثلاثة جنيهات ونص

مش غاليه يعنى بس نتايجها حلوه

وتجيبى ملعقة طمى + ملعقة زبادى + ملعقة عسل + ملعقة خميره

وحطيها على وجهك لغاية ما تنشف

وبعدين اغساليها

والله خيااال

بتفتح وتصفى الوجه وبتشيل الحبوب

 

 

 

 

/// خلطه تفتيح من الراس للرجل :

جيبى الرشاش علبة رشاش فاضيه يعنى مش رشاش الحروب

اللى بنحط فيه ماء ونبخ واحنا بنكوى

المهم تجيبوها فاضيه وتعصرون ليمونه وتاخدوا بطاطا نيه متوسطة الحجم

تبشرونها وتعصرونها بعصارة الجزر وتحطون عصير البطاطا مع عصير الليمون

بالعلبه الرشاش وتخلطوهم ورشو على كل الجسم بما فيه المنطقه الحساسه والابط

والوجه بس الوجه يفضل ان تدهنونه بقطنه عشان مايدخل فى عنيكم

وبس اقعدو بيه زى ماتحبو اطول فتره ممكنه واذا جيتو تنامو نامو فيها عادى

بس يعنى مش اقل من ساعه يوميا وهتشوفو الفرق بياض مش طبيعى

 

 

 

 

 

 

/// احسن وصفه للبشره تخليها قشطه وكمان احلى :

وصفه مجربه وتخلى البشره صافيه وتشيل البقع وتخلى الوجه مليااان وكانك

عامله عملية تجميل بس بشرط لازم تستمرو عليها

كل الوصفات اللى تجربوها لااااااااازم تستمرو عليها مش مرتين واقلب

عالاقل مدة 3 اسايبع يوم لا ويوم اه

ملعقة خميره + ملعقة ليمون + ملعقة ماء ورد+ ملعقة لبن او زبادى

وبس

 

 

 

//// للحصول على بشره فاتحه ونظيفه :

1-تاتى بزهرة الكاموميل او البابونج يعنى من عند العطار وضعيها فى كوب ماء

واتركيها تغلى على النار

2-تضعى 2ملعقة نشا فى كوب اخر وتقلب مع الماء البارد

3-يصفى البابونج المغلى على النشا الذائب فى الماء مع التقليب المستمر

حتى نحصل على قوام متماسك مثل المهلبيا

4-يترك ليبرد وبعد ذلك يوضع فى الثلاجه

5-بعد ذلك تضعيه على بشرتك ويظل لمدة 15 دقيقه

6-ملحوظه وهى انه يكفى هذا الكريم للاستعمال 10 مرات

7- يستعمل لمدة 3 اسايبع يوم ويوم وبعد ذلك يمكنك

الاكتفاء به مره واحده او مرتين اسبوعيا

 

 

 

 

 

 

 

//// للحصول على بشره فاتحه بدون حبوب ولا بثور فى وقت واحد:

احضرى ترمس مجفف ومطحون وضعى منه ملعقه مع 3ملاعقعسل

وضعيه على البشره لمدة 15 دقيقه وقبل شطفه بللى يديكى وافركى وجهك بالترمس النظيف

وبعد ذلك يشطف ستحصلى على نتيجه مزهله

ويتم التكرار يوميا لمدة 3 اسابيع وبعد ذلك مره بالاسبوع

 

ده ماسك حلو فعلا وعلى ضمانتى

الترمس تحفه اصلا

 

 

 

 

 

 

/// غسل الوجه مرتين صباحا ومساءا بمغلى اوراق البقدونس اللى هو حزمة بقدونس+لتر ماء مغلى

وشطف الشعر بماء البقدونس يكسبه لمعانا وجمالا

 

 

 

///الشــــــــــــــــاى:

لاختفاء الهالات السوداء تحت العينين تعمل كمادات موضعيه من الشاى

تغلى اوراق الشاى بعد عمل المشروب فى كميه مناسبه من الماء غليانا

وافيا ويستخدم ماء الشاى الناتج لشطف الشعر بعد غسله بالشامبو

وذلك يكسب الشعر بريقا وحيويه

 

 

 

////مستحضر طبيعى لتدليك البشره:

ملعقه كبيره من الارز المكسر غير المسلوق

المطحون يعنى +ملعقه كبيره من الليمون + ملعقتان من اللبن الرائب او الزبادى

يجب ان تنقع الارز بالليمون ساعه كامله ثم يخلط مع اللبن الرائب جيدا وتدلك به البشره اسبوعيا

فوائده : تدليك البشره يساعد على تدليك الدوره الدمويه فى الوجه وان احتواء الارز على المواد

المفتحه يسهم فى توحيد لون البشره . والخشونه الخفيفه التى يضفيها الارز الى المستحضر

يساعد على تجديد خلايا البشره

وان العناصر المفتحه فى الارز ممكن استخدامها لعلاج السواد حول العين لكن باستخدام خلاصة ماء الارز

ووضعه على شل كمادات

 

 

 

 

/// قناع قبل الحفله بساعه قبل المكياج:

حبتين خيار تقشرنيهم وبعدين بالخلاط مع شوية ماء وتضعيهم وبعدين بالفريزر بالقوالب تحطيهم

(ياسلام عالاشعار)

واذا جمد تاخدى مكعب تدلكين به البشره وتخليه 45 دقيقه وبعدين اغسليه بالماء الفاتر

 

 

 

/// قناع قبل المكياج روووعه :

قليل من الخميره العجينه + ملعقه كبيره من عصير الليمون + ملعقه صغيره من زيت الزيتون +

ملعقه كبيره من القشطه الطريه ... قشطه

امزجيها حتى تحصلى على عجينه لينه ضعيها على البشره 20 دقيقه

ثم اغسليها باسفنجه مبلله بالماء الدافىء وبعد ذلك بالماء البارد

ثم ضعى قليلا من الكريم الذى تعتادين استعماله يوميا

وبعد ساعتين يمكنك وضضع المكياج

 

 

 

 

 

/// خلطة الخل لتنظيف وتفتيح البشره وهو تزيل الجلد الميت :

ملعقه صغيره من : خل التفاح + خميره + زبادى + عصير الليمون

وتخلط جميعا على الوجه والمناطق الداكنه فى الجسم وبعدها ندلك الوجه وعليه الخلطه

وبعدها نغسل الوجه بماء بارد

 

 

 

///شفايف ورديه وناعمه بدون رووج :

كل ماتيجى تنامى ادهنيها بشوية فازلين وبعدين افريها شوى شوى

ونامى واذا صحيتى من النوم ان شاء الله يعنى شوفى النعومه يوم ورا يوم ثم امسحيها

بشوية عصير ليمون وشوفى ازواى بتكون ورديه

 

 

 

 

 

/// غسول لحب الشباب:

فراوله تهرس ويضاف عصير ليمون وتغسل بها البشره

 

 

 

/// لتفتيح لون الشعر :

اضيفى قدرا من عصير الليمون الى الماء عند شطف شعرك

 

 

 

 

/// وصفه لتقوية الشعر :

زيت لوز + زيت زيتون+زيت جوز هند

تخلطيهم وتفركى فروة الراس وتنامى وتصحى تغسليه

 

 

 

 

///لعلاج تشقق الاظافر :

ادهنى اظافرك والجلد المحيط بها بعصير الليمون وزيت اللوز الصافى مرتين فى اليوم

لمدة 10 ايام مع مراعاة غسل الايدى بعد مرور ساعتين من دهانها بالماء الفاتر

 

 

 

/// يخلط العسل واللبن وتدلك به اليدان فيزيد نعومتها وبياضها

 

 

 

///

انقعى قدميكى فى خليط من المياه الساخنه و4حبات من الملح الخاص بالقدمين

بعد يوم طويل لتحاربى انتفاخ الكاحلين

 

 

 

/// لمنح البشره الرطوبه والنداوه اشربى كثيرا من الماء واستخدمى اسبوعيا الكريم المرطب

 

 

 

///بديل طبيعى لمزيلات العرق:

كاس صغير من جلسرين سائل+ عصير ليمون + قشر الليمون

 

 

 

 

 

 

///عصير الليمون+جلسرين سائل ... رهيب لكامل الجسم قبل الاستحمام بساعتين

 

 

 

كفايه كده انهارده بأه يابنات عشان ايدى وضهرى جالهم تقوس من كتر الكتابه

محدش يعنى قالى انه جرب حاجه ولا اى حاجه

عالعموم الخلطات عندكم كتير اهه نقو خلطه تعجبكم واستمرو عليها شهر عشان تبان النتيجه

لانها كلها حاجات طبيعيه وعايزه وقت

بس لازم الاستمراااااار واثبتو على خلطه واحده بس

[أم ريتاج 7]

//// للحصول على بشره فاتحه بدون حبوب ولا بثور فى وقت واحد:

احضرى ترمس مجفف ومطحون وضعى منه ملعقه مع 3ملاعقعسل

وضعيه على البشره لمدة 15 دقيقه وقبل شطفه بللى يديكى وافركى وجهك بالترمس النظيف

وبعد ذلك يشطف ستحصلى على نتيجه مزهله

ويتم التكرار يوميا لمدة 3 اسابيع وبعد ذلك مره بالاسبوع

 

ده ماسك حلو فعلا وعلى ضمانتى

الترمس تحفه اصلا

 

السلام عليكم و رحمة الله و بركاته

غاليتي هبه اشكرك على مجهودك و جزاك الله خيرا

اخواتى الحبيبات كيفكن ان شاء الله تكونوا بخير

بالنسبة لوصفة الترمس انا جربتها و هي جميلة جدا جدا

و انا جربتها اقصد الترمس البلدى المطحون مع بياض البيض و مع الزبادى و مع العسل و هى وصفه تحفه بجد

بس بقى الاحلى منها هي لما تجيبى ترمس بلدى مُر مطحون و تجيبي كركم و تجيبي سُعد بكميات متساوية و اخلطيهم مع بعض و حطيهم فى برطمان

و بعد كده هاتى من الخليط ده ملعقة او اثنين و حطى عليهم شوية ميه صغيرين و اغليهم لحد ما الميه تنشف بس اوعى يشيط

و بعد كده صفيه من الميه لو لسه في ميه و اخلطيه مع شوية زبادى

ملحوظة :- هو الكركم طبعا اصفر و هتلاقيه هيصفر اديكي و انتى بتعملى الماسك بس مش تخافى مش هيصفر وشك

و كمان السُعد احنا عارفين انه بيقلل ظهور الشعر فلما نحطه علة وشنا هيقلل الشعر فيه بس ابعدى الماسك عن حواجبك

و الوصفة دي بتنقي الوجه و تصفيه كتير قوى

و انا جربتها كتير قوى قوى

استودعكم الله

[هاله من مصر 0]

ازيكم يا حبايب مصر انا مشتركه جديده بالمنتدى

عندى مشكله كبيره وحاسه انى هلاقى حلها معاكم

امنتكم بالله تقولوا لى على وصفه مجربه منكم وبالتفاصيل لحب الشباب واثاره

وياريت يا هبه تقولى لى ليه الوصفه بالظبط اللى عملتيها وخلت وشك تخن والحبوب راحت

[* آلاء الرحمن * 1]

السلام عليكم ورحمة الله وبركاته

 

مواضيعك راااااااائعة ما شاء الله ..... بورك فيكى و نفع الله بك المسلمات .

[هاله من مصر 0]

ايه يا هبه مفيش رد من اولها ولا ايييييييييييييييييييييييييييييييييييييييييييييييييييييييييييييه

[~رؤى~ 0]

مبروك على التثبيت يا جميل

[smile 0]

بوصفاتك الجميله مستحيل انسى اني بنت

وبعدين انت بتعملي تفرقه عنصريه :oops: بين الرفيعين والطخان ولي عشان انت رفيعه على فكره ديه نعمه واياك حد يطخن

وانا عاوزه وصفات تخسيس سهله وسريعه جدا (ويا سلام لو ميش يكون فيها منع الاكل واو)يعني اغمض عيني وافتحها الاقيني خسيت

وعلي فكره انا مش طخينه اوي اوي بس طخينه :wub: ونفسي يبقي عندي القدره استمر على ريجيم لفتره

وياسلام لو تقوليلنا وصفات لتخسيس اجزاء من الجسم :wub:

[هبه المسلمه 1]

يااااااااااااااااااه :cry: اخيرا النت ظبط معايا . دالنت عندنا بجد يجيب للواحد الشلل السداسى

:huh:

 

المهم خليكو معايا

 

 

ياسلام عليكى يا ام ريتاج ايه الهمه دى ياباشا

بس انا عندى سؤال انا اى وصفه فيها كركم بصراحه مبحبهاش لانى جربت قبل كده وكان وشى مصفر اوى اصحابى افتكروا ان عندى الصفرا

فممكن اسالك هو الكركم ده له انواع ولا ايه

وانا ممن اعمل الوصفه دى بدون الكركم ولا ايه؟؟؟

 

 

 

اهلا هاله باشا :lol: الوصفه الحلوه هى الخميره والزبادى يا كوكو

بصى عايزه تبقى فى المضمون استمرى عالوصفه دى

زبادى + خميره + عسل + ليمون

وياحبذا لو ضفتى ترمس مطحون كمان

كل يوم خليها نص ساعه

بس هتاخد وقت شويه

بس اللى يصبر ينول

وفى كمان طريقة الطمى المغربى اللى انا كتبتها .. ارجعيلها وشوفيها

 

 

 

القران تابى ........ وفيكى بارك الله يا سكره

 

 

 

خلاص ياهاله رديت متزعليش نفسك :unsure:

 

 

 

اهلا جنه .. فينك يابنتى

تصدقى مخدتش بالى الا اما قولتى

مكنتش اتوقع ان الموضوع هيفرقع كده

بس انا فى الخدمه

 

هقولكم باه عن نبات السدر اللى وعدتكم بيه

ابقو معنا

 

 

ماذا تعرفين عن الســـــــــدر؟؟!!!

 

فى احدى المنتديات كان فى سؤال صيغته كالتالى :

اهلا بنات كيف الحال ؟! انا بغيت اسال سؤال اذا فى واحده منكم جربت ورق

السدر .. انا سمعت مره انه زين للجسم .. ينعم ويفتح.. وللشعر يكثف

وينعم .. واذا واحده جربت تفيدنا ؟؟؟؟؟؟؟

وكانت اجابات الاعضاء كالتالى :

1- اهلين حبيبتى انا صراحه اعرف ناس كتير يمدحونه فى تطويل الشعر

بشكل ملحوظ. واما عنى انا فلاحظت اختفاء القشره وريحتها المقرفه

وصحيح انه ينعم الجسم استخدمه يوم بعد يوم 3ملاعق اضعها فى الماء الذى استخدمه

لشعرى وجسمى معااشطف به شعرى اولا ثم جسمى واتركه لمدة 3ساعات

وبعدين اغسله.

 

2-انا استخدمه مرتين ماسك لوجهى حلوه النتيجه بس يصير يابس

وازالته شويه صعبه بس للشعر ما استخدمته بصراحه

 

3-السدر لوحده يجفف الشعر . استخدميه مع الزبادى وزيت السمسم

وللجسم سدر وحليب بودره ومويه يوحد البشره

 

4-قريبه لى استخدمته بس مره واحده وصار شعرها جاف مع العلم

انها ارادت النعومه الزايده وتركته بس التطويل والتكثيف ماعندى فكره

ويمن شعر عن شعر يفرق

 

5-انا جربته لى ولبناتى وراح اقولك على نتايج تجربتى:

اذا استخدمتيه لحاله للشعر يجففه ودايما استخدمه مع بيضه

وملعقة زيت زيتون وملعقة زبادى واخليه 4 ساعات على الشعر

وبعدها اغسله بشامبو وبعدها بلسم روعه يعطى الشعر لمعان وبريق يظهر مع الاستشوار

اما للجسم استخدمه مع مويه وملعقة زيت زيتون وكركم واسويه واقعد افرك

على الجسم خفيف مدة ربع ساعه وبعدها اتحمم عادى يعطى البشره نعومه وتحسين بالنظافه

مــــــــلاحــــــظه: استخدمى دائما السدر اليمنى لان السدر اللى هنا عند العطارين

اغلبه مغشوش يحطون لك بلاوى معاه وتطلع نتيجه عكسيه

 

 

6-السدر احسن من اى شيىء نظافه وطهاره وينعم ويصفى البشره

خديها منى كلمه وريحته حلوه

 

7-استخدمى السدر وما راح تندمى انا وبنات عمى كلنا نستخدمه لانه ينعم الشعر ويطوله

ويعطيه لمعه مو طبيعيه والطريقه سهله

اخلطى كمية سدر مناسبه لطول شعرك مع مويه و3ملاعق زيت اى زيت يناسبك

استخدميه وبس اخلطيهم عجينه وخليهم على شعرك 3 او 4ساعات

واغسليه وتراه ما يطفش زى الحناء ينزل بسهوله من الشعر

استمرى عليه مرتين بالاسبوع وراح تشوفى الفرق

 

8-هو صحيح يجفف الشعر بس تقدرى تسوين بعده حمام زيت

 

9-انا كنت آخذ ورق السدر الاخضر من شجرة جيراننا واطحنه ناعم واغسل شعرى

بالشامبو الاول وبعدين بالسدر ثم احط بلسم باطراف شعرى واشطفه زين

واعمل سيشوار يعطى لمعه للشعر وكثافه بس مشكلتى انى مابستمر

 

10-اى واحده شعرها دهنى تستخدمه تراها خيال للشعر وانا احيانا اخليه على شعرى اكثر

من ساعه واحيانا دقيقه

يجفف الشعر شوى ويغنيك عن استخدام الشامبو وكانك

مستخدمه شامبو او احسن

 

11-بنات السدر اكثر من روعه

 

12-انا استخدمته بس مااستمريت عليه واحس نتايجه حلوه

يكثف ويقلل التساقط ويطوووول الشعر .. شعرى دهنى عند الفروه وعند الاطراف جاف

طريقتى سهله....احط ملعقه صغيره من السدر فى كاس مويه دافى واخليه

فى الكاس ولما اخلص الشاور اصفى موية السدر

واغسل بس الفروه واحاول مايجى عالاطراف عشان مايجف بس وخلاص

هتستغربى الحين من كلامى وهو انك بعد ما تحطين موية السدر لا تغسليه لانه مجرد

مويه وغسلتى فيه شعرك عشان يطلع نتايج حلوه . انا احاول اسويه مره كل اسبوع

والله الموفق.

 

 

13-يااخوات ترا فوائد السدر ثيره ولا تنسون انها شجره مباركه

ومن اشجار الجنه وزكرت فى القران

يعنى لاتتخوفى من اى طريقه تستخدمى فيها السدر بازن الله اذا مانفعك ماراح يضرك

وبعدين والله جداتنا ماكان عندهم غيره والحنه وماشاء الله

شوفو شعورهم يازينها ناااااااعمه وماتقولين الا مستشوره

 

14-بصراحه انا جربته اللى هو مطحون اخذت منه ملعقتين وملعقتين زيت زيتون

وليمونتين وخلطتهم تماما وحطيته على جسمى وفركته لمدة ربع ساعه وبعدين تركته لين

بدا جسمى يتشرب الزيت وصار السدر يتساقط

غسلته بالمويه وبعدها فركت جسمى بالليفه عشان الجلد الميت كله يروح انصحك فيه

مررررررره مقشر خطير

 

ودى الردود اللى نقلتهالكم وباقى الردود فيما معناه

يعنى الردود دى هى الخلاصه

 

وده كان بالنسبه للسدر عشان اللى مش عارفه

سلامو يا كتاكيت

 

ومتخافيش ياسمايل هظبطك بوصفات تخسيس جامده ومضمونه ومتجربه :icon15:

[هبه المسلمه 1]

قناع يخلى وجهك احلى من القمر ومليان فى يومين:

لبن زبادى+حلبه+ترمس مطحون+خميره

ثذوب مع بعض ثم نعمل قناع لمدة ساعه او ساعه ونص

 

 

///زيت الجرجير_فوائده وطريقة تحضيره:

حضرى زيت الجرجير بالبيت وهو مضمون للشعر يمنع التساقط ويغلظ الشعر ويمنع التقصف

هاتى رزمه من الجرجير الطازج واغسليه ونظفيه

وجففيه وبعدين احضرى زيت زيتون اصلى وضعيهم بالخلاط واضربيه

وبعدين خليه يتصفى بالمصفاه وصفى الزيت عن الجرجير بفرشاة الاستعمال

واستعمليه لك ولبناتك .. ده للى عندها بنات.. واطفالك كلهم وشوفى النتيجه

الروعه والشعر يلمع مثل البرق

مضمون ومجرب وضعيه بالثلاجه او براها

وعند الاستعمال رجى الزجاجه جيدا

 

 

 

 

///لشعر كثيف فى اسبوعين:

-احضرى ثوم ودقيه جيدا حتى يصبح مثل الماء وافركى

به فروة شعرك جيدا واتركيه لمده تتراوح بين 30:45دقيقه

-احضرى ربع كوب من زيت الزيتون وعليه 3او4 نقط من الليمون وقلبيه

-ضعيه على فروة شعر مع الفرك جيدا واتركيه على فروة الراس الملىء بالثوم وزيت الزيتون

لمدجة ساعه اخرى ثم اشطفيه جيدا .

ستلاحظينالفرق بنفسك لمده قصيره ويمكنك استعمال الشامبو وانتى تشطفين شعرك

 

مش عارفه ليه وانا بتب الوصضفه دى حسيت بريحة الثوم هلت فى مراخيرى

هو ده التعايش مع الوصفات

 

 

 

 

 

///اللى تبغى ركبتها تصير ابيض من الحليب:

جبت لكم الطريقه المتبعه والمعتمده فى المشاغل لتبييض الركب والاماكن

السوداء من الجسم زى الركب والاكواع

الطريقه هى : ماء اكسجين + بياض بيض

توضع على الركب وتغسل بعد نص ساعه الى ساعه

وحطى خلطه تانيه من ماء اكسجين +بلوندر اللى هى بودرة التشقير الموف اللى بتشقرى فيها الحواجب

بنفس الطريقه تدهن على الركب ثم تغسل وشوفى البياض

 

 

 

///عايزه تموجات ناعمه ولمعه حلوه واذا استمريتى تلاحظى كثافه وطول:

الخلطه هى زيت عافيه مع جرجير

وبما انى معرفش ايه زيت عافيه ده فممكن نبدله بزيت زيتون اضمن

خذى علبة زيت عافيه وحزمة جرجير وغسلى الجرجير وافرمى الاوراق والعروق زين مع شويه من الزيت

وبعدين حطيهم بعلبة الزيت ورجيها كل يوم لمدة 10 ايام وبعدين

خليها 10 ايام بدون رج وبتشوفى لونها صار اخضر غامق

بعد كدا استخدميها 3 مرات فى الاسبوع وخليها ساعه فى شعرك

صحيحه الريحه مؤرفه وهتحسى انك عايزه ترجعى بس لما تغسلى شعرك هتروح

والنتيجه خياليه ومن اول مره تلاحظين

اللمعه والتموجات خفت كتيير ونعومه واضحه ومع الاستمرار

بتشوفى طول وكثافه لشعرك

انا افضل انك تنامى بيها وتصحى تغسليها احسن وده طبعا وانتى لابسه البونيه البلاستيك

وفوقه ايشارب عشان تحاولى تكتمى الريحه ومتوسخيش المخدات

 

 

///خلطات طبيعيه لتنفيخ الوجه:

عشان يبقى وشك كرنبه دى وصفات :

-اكل البطاطا النيه لمدة 3 ايام

-وضع الحلبه او الخميره على الوجه

-اكل كوب زبادى مع ملعقة عسل اسود مع ملعقة خميره لمدة 21 يوم

-كثرة السجود ووضع الاقنعه الطبيعيه على البشره

بس طبعا متبقاش نيتك عشان السجود انك تتخنى وشك

-دهن الوجه بزيت العنبر وزيت جنين القمح او عمل مساج للوجه

3مرات يوميا بخليط من زيت الزيتون ودوار الشمس واللوز الحلو

-الاكثار من اكل الخيار والموز والعنب

 

 

 

///شيىء شعبى ولكن....

المره

تاخدى قطعه مره صغيره ودى هتلاقيها عند العطار وتحطيها فى فنجان او كوب

وبعدين صبى عليها ماء دافىء وخليها فتره لغاية ماتنقع

وتشوفى ان المره ذابت تقريبا وصارت مثل العجينه فى كعب كوب وارتفع الماء فوق

وصار لونه بنى .تستخدمين العجينه للبثور الظاهره او اللى بتظهر باستخدام اعواد الاذن

وتحطيها على الحبه او البثره والنتيجه مدهشه وخلال فتره قصيره

وبعدين خليكى فيه عادى ومارسى حياتك الطبيعيه واغسليه بماء فاتر دون صابون

مع الاستعمال تخف البقع الناتجه عن حب الشباب ووجهك راح يصفى ويتوحد لونه

 

 

 

 

وبكده يا حلوين نكون خلصنا وصفات انهارده

نكتفى بهذا القدر اليوم بس المهم الاقى نتيجه مش اكتب وخلاص

[هاله من مصر 0]

مساااااااااااااااااااااااااء الفل و الورد والياسمين على عيون ست الحلوين

والله يا هوبى انا حبيتك قوى

الوصفه اللى انتى كتبتيها دى فى واحده قالتلى عليهابس قالتلى حطى الخميرة والزبادى وبعدين اشطفى وشك وحطى العسل فانتى ايه رايك

 

اما بالنسبه للطريقه اللى انتى كاتباها بتاع الحلبه +الزبادى +الخميره+ترمس مطحون

 

فانا عايزه اسالك انهى احسن

 

وبعدين عايزه اعرف نوع الحلبه ناعمه ولا حصى

وكمان الترمس اجيب ترمس واطحنه

 

واضح اننا راغيين زى بعض(اوعى تزعلى)

[هبه المسلمه 1]

مساء الجمال ياعسل :blink:

وانا والله بحكم كلكم بجد ;-)

بصى ياعم هلهول :ninja:

طريقة الزبادى والخميره مش هتفرق يعنى لو حطيتى العسل فيه او بعده

بس انا احبز كله مره واحده

انا كنت بعملها زبادى وخميره وعسل وليمون ولو عندى ترمس بحطه معاهم

والترمس بتجيبه مطحون يعنى تروحى لاى عطار تقوليله ادينى ترمس مطحون

دانتى لو جبتى بجنيه ترمس مطحون هيكفوكى اسبوع :rolleyes:

والخلطه التانيه تعتبر زى دى بالظبط بس زياده الحلبه

الحلبه بتبقى حصى وانتى تطحنيها :icon15:

عايزه تبقى فى المضمون حطى كله على بعضه

خميره وحلبه وترمس وزبادى وعسل ونقطة ليمون

والله كله مفيد وهينفعك وهتجيب نتيج بسرعه

والطريقه بتاع الطمى المغربى اللى انا كاتباها فوق حلوه بردو

وان شاء الله ربنا يحققلك كل اللى انى عايزاه

واى استفسار اخر انا فى الخدمه

بس لواتاخرت عليكو متقلقوش لانها مشاكل فى النت مبعرفش ارد

يالله سلام :icon15:

[هاله من مصر 0]

صباح الخير يا هوبى

متعرفيش حاجه لعلاج اثار الحبوب وتكون مضمونه ومتجربه

[أم ريتاج 7]

السلام عليكم و رحمة الله و بركاته

ازيك يا هبة عاملة ايه

ربنا يكتر من وصفاتك و تظبطينا بيها دايما

يا وصفاتك يا ست هبه

المهم بالنسبة للوصفة اللى فيها كركم بصى ممكن اما تقللى الكمية يعنى تخليها النص مثلا او انك تشيليه خالص اصل الفايدة في الماسك ده هو الترمس طبعا و مش هقولك على فوايدة و السُعد عشان شعر الوش و اخيرا الزبادى او البيض .

انا ليه بقا استفسار عندك بالنسبة لوصفة تبيض الركب و الكوع ممكن تستخدم لتبيض مناطق اخرى زى منطقة ما بين الافخاد مع الملاحظة ان المنطقة الغامقة قريبة من المنطقة الحساسة و خاليكي فاكرة ان الاكسجين لو رائحة نفاذة

ياريت تردي عليا و لو مش ينفع ياريت تكتبي لى وصفة لمنطقة الافخاد

ماشي يا عسل

هستناكي هه

استودعك الله

[هبه المسلمه 1]

بصى ياهاله

الوصفه اللى قلتهالك للحبوب وللاثار كمان بس انتى اصبرى شويه . ان الله مع الصابرين

 

اما الغاليه ام ريتاج فشكرا على اجابتك

اما بالنسبه لسؤالك فانا مقدرش افتى بصراحه فى حاجه زى كده

بالنسبه لبياض الافخاد فعندك الوصفه اللى كتبتها بعنوان ...( خلطة تفتيح من الراس للرجل )

وفى برده طريقه تانيه هى انك تخلطى فكس مع كريم الجلسرين وادهنيهم على المنطقه يوميا

او كل ماتستحمى جيبى سكر وليمون وزيت زيتون وادعكى المنطقه بيهم يجى خمس دقايق كده وبعدين استحمى

او ممكن سكر وليمون بس هيقضى الغرض وزياده

 

يارب اكون فدتك

 

طريقه لتفتيح البشره وازالة البقع السوداء:

المقادير : ليمون + 3 م جلسرين نقى (من الصيدليه) + 1م زيت اللوز الاصلى وتستطيعين تقليل كميته واذا لم يتوفر استخدمى بنفس الكميه زيت زيتون +مسك(تاخديه من عند العطار ولونه فاتح وعلى شكل مكعبات وتطحنينه .. واستخدامه لاعطاء رائحه عطريه للجسم ولحفظ الكريم)

 

الطريقه::اخلطى المقادير وضعيها بعلبة كريم فاضيه وكل يوم ادهنى جسمك فيهم ونامى والصبح اغسلى جسمك بمويه لمدة 5 دقايق بعدين ليفى جسمك بعد دهنه بالصابون المغربى (يباع بعلب على شكل كريم وليس مكعبات) واستمرى بتدليك الجسم جيدا وبعد 15 يوم هتشوفى الفرق

 

خـــــــــــلـــــــــــطـــــــــــــات اخـــــــــــرى:

1- 2 م شوفان + 2م عصير ليمون تدهنين فيه المكان اللى فيه سواد كالكوع والركبه والرقبه واتركيه لمدة ربع ساعه ثم يفرك برفق ويزال بالماء الدافىء وثصابون مثل صابونة البابايا او الطاووس

 

 

2-زيت زيتون سخنيه وخليه دافى وضعيه على المكان اللى تحبى يفتح لونه وادهنيه على المكان لمده وجيبى لمونه واقسميها من النص ورشى على وجه الليمونه ملح وافركى فيها مكان الزيت مرتين باليوم وان شاء الله يروح السمار

 

3- قشر برتقاله + قشر ليمونه واطحنيهم وحطيهم فى علبه ووقت ماتستخدمينه جيبى زيت اللوز المر واخلطيهم معاه حتى تصير مثل المعجون وادهنيها على المنطقه اللى تحبيها لمدة 10 دقايق كل يوم وبعدين اغسليها

 

4-ضعى على الاماكن الغامقه 2م شوفان +1م زيت اللوز+شوية ماء ورد وتدلك لمدة 10 دقائق باتجاه عقارب الساعه (ياسلام عالدقه ) ثم تغسل وتدهن بالجلسرين وبعدها تمسح بعصير الليمون لمدة 10 د قبل الاستحمام ثم تزال بالماء والصابون

 

5-لتفتيح الابط ادهنيهم بزيت خروع يوميا لمدة شهر وللارداف اخلطى فكس مع كريم الجلسرين وادهنيهم على المنطقه يوميا (اللى قلتهالك فوق_)

 

6-لسمار الرقبه:3م جلسرين + 1م فازلين + 1م زيت اللوز + صفار بيضه + عصير ليمونه مذاب فيها ملعقه صغيره خميره وتوضع عالرقبه يوميا لمدة ساعتين

 

 

 

ياجماعه هو محدش بيجرب ولا ايه

ارجوووووووو ربنا ان حد يفيدنا باى وصفه حلوهعملها ونفعت لان معظم الوصفات انا مجربتهاش فاللى يجرب حاجه يقول النتيجه

اوك ؟؟؟

سلامو

[ebtesam 0]

كلل الله خطاك واسبغ عليك بالنعمات

برافووووووووووووووووووووووووووو

عايزة اسالك عن الفكس ما هو

وكذلك كريم الجلسرين

منين

نجيب الحجات دى وهل هى انواع :- :biggrin: :smile:

اختك ابتسام

[أم ريتاج 7]

السلام عليكم و رحمة الله و بركاته

ازيك يا هبهوب

عاملة ايه النهاردة

يارب تكونى بخير

ممكن اضيف حاجة بعد اذنك و اشترك معاكى في اضافة بعض الوصفات المجربة

و اشكرك صحيح على ردك على استفسارى

و مشاركتى هتكون على النمش

 

• اولا لابد ان نعرف ما هو النمش؟

هو بقع سمراء على الجلد تظهر مبكّرا في الحياة ويزداد عددها أثناء شهور صيفية ثم تبهت في الشتاء.

 

ويحدث النمش بشكل رئيسي بسبب ترسب الصبغات في الطبقة العليا للجلد أو التعرّض إلى الشمس. ويسبب التعرّض إلى الشمس زيادة إنتاج صبغة الميلانين (التي ينتجها الجسم كردّ فعل للتعرّض الشمس).

 

وبما أن الميلانين يتراكم في الطبقة العليا للجلد، فقد ترغبين بالتفكير في خيار تفتيح البشرة أو تقشير الجلد. عندما يصبح الجلد حسّاسا للأشعة فوق البنفسجية، فأن النمش يصبح أكثر عرضة للظهور. ويصنف النمش على أنه أحد الاضطرابات الجلدية وليس مرضا جلديا.

 

ومن الطرق الشائعة لإزالة النمش:

1. طريقة الهيدروكوينون، إلا أنها قد تسبب تهيج الجلد.

2. استعمال حامض كوجيك المكتشف في اليابان عام 1989، وهو منتج طبيعي مشتق من الفطر. وهو لطيف على الجلد فعّال جدا في معالجة تغيير اللون ونمش الجلد.

 

معالجة النمش:

إن أهم خطوة لمكافحة النمش، هو عدم التعرض للشمس، واستعمال كريم واقي من الشمس بشكل دائم.

أما إحدى أكثر الطرق العلاجية المستعملة لإزالة النمش فهي التبييض، والتي تعمل على إخفاء النمش بتغير لونه ليصبح مثل لون البشرة المحيطة به، ولكن استعماله قد يؤدّي أحيانا إلى ظهور لون داكن أو فاتح غير مرغوب به حول البقع، مما يلفت الانتباه أكثر إلى المشكلة.

 

وفيما يلي بعض من الوصفات لطبيعية الأكثر فاعلية لعلاج النمش في المنزل:

• ضعي كميات متساوية من بذور السمسم والكركم. اطحنيها مع بعض الماء وضعيها على الوجه.

• اغسلي وجهك بالحليب الحامض أو اللبن الحامض الذي سيعمل مثل تأثير التقشير اللطيف بدون تهيج أو جفاف الجلد.

• استعملي عصير الليمون (الذي أثبت فعاليته في معالجة النمش). لا داع لفرك جلدك بقطعة الليمون. فقط ضعي بضع قطرات من العصير على أصابعك وافركي المناطق التي ترغبين في علاجها.

• استعملي زيت الخردل الأصفر لمعالجة النمش. أطحني بذور الخردل الصفراء، وامزجيها مع الحليب وضعيها على الوجه أثناء الليل. اغسلي وجهك في الصباح التالي.

• استعملي خليط من عصير البقدونس الطبيعي أو ضعي كميات مساوية من عصير البقدونس والليمون، وعصير برتقال، وعصير المشمش مع أي نوع من الكريم المتوفر لديك واستعمليه يوميا لإزالة النمش تماما.

• استعملي بطيخة صغيرة، قومي بثقبها ووضع بعض حبات الأرز فيها، بعد أسبوع قومي باستخراج البذور واطحنيها لصنع معجون وضعيها على الوجه.

 

استودكن الله

[هاله من مصر 0]

السلام عليكم يا قمرات المنتدى

حبيبتى ام ريتاج ممكن بعد اذنك تقولى لى ما معنىاسم ريتاج بارك الله لكى فيها

وممكن كلكم تقولوا لى على وصفات لتقليل ظهور الشعر وتكون مجربه وفعاله لانى مجربه حاجات كتير ماجابتش نتيجه

وكمان عايزه وصفه تكون بسيطه وسهله للنقاط السوداء اللى على الانف

وشكراااااااااااااااااااا

[أم ريتاج 7]

السلام عليكم يا قمرات المنتدى

حبيبتى ام ريتاج ممكن بعد اذنك تقولى لى ما معنىاسم ريتاج بارك الله لكى فيها

وممكن كلكم تقولوا لى على وصفات لتقليل ظهور الشعر وتكون مجربه وفعاله لانى مجربه حاجات كتير ماجابتش نتيجه

وكمان عايزه وصفه تكون بسيطه وسهله للنقاط السوداء اللى على الانف

وشكراااااااااااااااااااا

 

و عليكم السلام و رحمة الله و بركاته

بارك الله فيكي اختى الحبيبة

اننى لا اعرف بماذا أرد عليكي و انما ما استطيع ان اقولة لك هو اننى سميت ابتى ريتاج بهذا الاسم جاء بمحض الصدفة فكنت انا وزجى اكرمه الله نسير في احدى شوارع وسط البلد لنشتري بعض المتطلبات فوجدت طفلة صغيرة في منتهى الجمال مثلها كمثل الاميرات التى نراها في مسلسلات الكرتون سبحان من صور هذه الطفله فرآيناها تبكي فسألتها مالك قالت بصوت مكسر خالص مش لاقية ماما و بابا . ما أسمك قالت يتاج .فلم نفهم وقتها و سرنا بها فى الشوارع لعلنا نعرف ابواها لمدة ما تزيد عن 3 ساعات و قد تعلق قلبي بها الى ان وجدنا امها و ابوها و الحمد لله فسألت امها عن اسم هذه الجميلة فقالت ريتاج و كدت اسألها عن معنى الاسم حتى لبت نداء زوجها حيث كان يناديها ليذهبا و من يومها و انا تمنيت بنت مثل هذه الطفلة و كنت حامل وقتها و اتفقت و زوجى اذا اكرمنا الله بانثى فلنسميها ريتاج و قد كان و الحمد لله

و انا عندي بنت اخرى اسمها الرُميساء و معناه كحيلة العينين و عندى ولدى الجميل حمزة نسبة الى حمزة بن عبد المطلب أسد الله

اما ريتاج فالى الان لا اعرف معنى اسمها فاذا عرفت انتى او بعض الاخوات المعنى فلتخبرونى جزاكن الله خيرا

اما بالنسبة لتقليل ظهور الشعر فهناك وصفة سجلتها انا بالمنتدى بعنوان " أفضل طريقة لتأخير ظهور الشعر" فانها وصفة مجربة و لكنك لابد من ان تقومى بعملها عدة مرات " مرتان او ثلاث " حتى تظهر فاعليتها فأنت كده كده سوف تعملين الحلاوة فجربي وصفة الحلاوة هذه و قومى بها بدلا من الحلاوة العادية و سوف ترين الفرق باذن الله و لكنك عليك ان تتحلى بالصبر

استودعكم الله