اذهبي الى المحتوى
أم عائشة المصرية

اجتماع للأمهات اللى أطفالهم أقل من سنتين

المشاركات التي تم ترشيحها

السلام عليكم و رحمة الله؛

 

 

رجعت لكم ثاني!

 

كيف حالكن أخواتي، عسى أن تكونوا و أبنائكن بخير

 

كنت أريد أن أستفسر عن بعض الأشياء

 

-متى يتم التسنين و ما هي أعراضه و كيف يمكن تهدئة الطفل و التعامل معه في تلك الفترة؟

-كيف يمكن التخلص من ظاهرة مص الأصابع للطفل و هل هي طبيعية أم يجب التخلص منها؟

-إبنتي رفضت الرضاغة الخارجية(الببرونة) فجأة، كيف يمكنني أن أرجعها إليها مرة أخرى؟

-متى يبدأ الطفل أكل الطعام، و ماذا تنصحنني بالبدء به للإطعام؟

 

و جزاكن الله خيرا و في إنتظار الرد

 

 

وعليكم السلام ورحمة الله وبركاته

أعتذر عن تأخرى فى الرد

وجزى الله أختنا أم عائشة@ على الرد والمعلومات

كما قالت أختنا أم عائشة @ أن التسنين ممكن يبدأ من سن ستة أشهر وممكن يتأخر ويكون عوضا عنه يتعلم الطفل المشي..طبعا لا يمشى وهو ستة أشهر لكن أقصد يحتفظ بالكالسيوم ليحبو ثم يسرع فى تعلم الوقوف ثم المشي..

لا تستعجلي فقد قرأت أن أما رزقها الله بتوأم وكبروا شوية وواحد فيهم كان عنده 6 سنات ما شاء الله والتانى معندوش ولا سنة

فده رزق ولا تقارنى طفلك بالآخرين كى لا تتعبي..فسبحان الله يا إما مشي يا إما أسنان..

أما عن أعراض التسنين فبيكون الطفل يا عيني تعبان خالص وجسمه سايب كده..وعنده إسهال جامد..لو حصلت الأعراض دى تعرفى إنه بإذن الله فى الطريق لطلوع سنة وخصوصا لو كان بيعض بإيده على مكان الأسنان..

أما موضوع العضاضة فبصراحة لا أحفزة أبدا..

الطبيب حذرنى منها وقال لى لازم نظافة جامده جدا ليها وده مش حتقدرى عليه مهما عملتى لأن طفلك كل 5 ثوانى حيوقعها على الأرض ومطلوب منك تعقميها من جديد ولو محصلش وعقمتيها ثم توسخت فطفلك حيمصها ويعضها وممكن لا قدر الله تجيله نزلة ولا حاجة..

 

أما عن مص الأصابع فهى عادة طبيعية نتيجة لأن الأسنان بتبدأ تطلع وبتوجع الطفل لذلك بيقوم بمص يديه..

اتركيها تماما وهى بإذن الله حتبطلها لوحدها..لو فضلت لسن سنتين يبقى كده مش طبيعي..والله أعلم

 

أما عن ترك طفلتك للبيبرونة فاستشيري طبيبك حبيبتي لأنها كده ممكن تترك الرضاعة خالص..هى سنها أد إيه؟

الطفل بيبدأ الطعام من سن تة أشهر..

عندى ليكي نصايح كتيرة بالنسبة للموضوع ده بس أعتذر

آجى وقت تانى أرد لأنى الآن خارجة بإذن الله

شارك هذه المشاركه


رابط المشاركه
شارك

اها

الحمد لله انو لقيت وين احط مشكلتي

ابني عمره سنتين و شهرين و بحاول انظفه سه ما بيتكلم الا بضع كلمات

بحاول انظفه ..بس ما بقول ككة الا ما يخلص

مش عارفة شو اعمل و لا كيف طريقة تنظيفه

شارك هذه المشاركه


رابط المشاركه
شارك

السلام عايكم ورحمة الله بركاته؛

 

 

أخواتي"أم عائشة المصرية"، "أم عائشة@"

 

جزاكن الله خيرا على الإفادة، وبارك فيكنّ

 

وحفظ لكنّ أطفالكنّ من كل سوء

 

وانا منتظرة لو أحدا منكن إفتكر أي معلومة جديدة بالنسبة للأسئلة

شارك هذه المشاركه


رابط المشاركه
شارك
السلام عليكم

ياااااه فين الموضوع ده من زمان

ربنا يجزيكي كل خير ياأم عائشة ويجزي كل الأخوات اللى أفادونا بنصايحهم

أنا سجودي لله فقط

عمري 25 سنة عندي عمر عنده سنة ونصف

نصيحتي مثل كل الأخوات عدم العصبية وعدم الضرب تماما

الشئ اللى مريت بيه واتعلمت منه كتير ان لما ابني بيتعب أويمرض بهد كل اللى عملته والحاجات اللى عودته عليها من كتر شفقتي عليه

يعني كنت معوداه من أول مااتولد انو ينام فى سرير لوحده منفصل وكنت بعلقله لعب فيه علشان لما يصحى يتفرج عليها أو قبل ماينام لغاية لما يروح فى النوم

وبعد كده مرض وهو عنده 8 شهور وكان تعبان جامد فبقيت انيمه جنبي وابقى قلقانه طول الليل وطبعا باباه كان زعلان لانى بهد اللى عملناه والنتيجة انه دلوقتى عنده سنة ونصف وبينام جنبي ومستحيل ينام لوحده ربنا يهديه

 

الحاجة التانية انى ماعملتش شخصية جامدة قدامه يعنى هادية معاه وبدلعه والنتيجة انه مش بيخاف مني خالص يعنى لما أبوه بيزعق بحس انو بيحترم كلمته ومش بيحب يزعله بالعكس لما أزعق او أنادي عليه يبصلي ويضحك ومايسمعش الكلام بالعكس ده ممكن مايردش عليا أويعمل أنه مشغول بأي حاجة وده الصراحة مضايقنى جدا

 

الآن أنا عندي مشكلة مجنناني مع ابني

وإني لما بدأت أعلمه الحمام انتبه لأعضاءه ومصمم يكتشفها بإيده

حاولت إني الهيه بأي شئ وأغطيه وهو أبدااااااااااا مصمم

الصرتاحة وقفت تعليم ورجعت البامبرز تاني

الآن كل ما آجي أغيرله أحس أنه بيستكشف بيده فقط

انا مش عارفة افهمه ازاي هل أقول له عيب ولا أشيل يده واطنش

شارك هذه المشاركه


رابط المشاركه
شارك
الآن أنا عندي مشكلة مجنناني مع ابني

وإني لما بدأت أعلمه الحمام انتبه لأعضاءه ومصمم يكتشفها بإيده

حاولت إني الهيه بأي شئ وأغطيه وهو أبدااااااااااا مصمم

الصرتاحة وقفت تعليم ورجعت البامبرز تاني

الآن كل ما آجي أغيرله أحس أنه بيستكشف بيده فقط

انا مش عارفة افهمه ازاي هل أقول له عيب ولا أشيل يده واطنش

ده طبيعي جدا وهيستمر شوية

 

دائما قوليله عيب وشيلي ايده وعرفيه انه شئ سيء وان شاء الله مع مرور الوقت هيقل الموضوع بس محتاج صبر كتيييييييييييييييييييييييييييييييييييييييييييييييييييييير

 

لا تجعل ده يوقفك عن تعليمه الحمام أبدااااااااااااااااااااااااااااا

شارك هذه المشاركه


رابط المشاركه
شارك

السلام عايكم ورحمة الله بركاته؛

 

 

أخواتي"أم عائشة المصرية"، "أم عائشة@"

 

جزاكن الله خيرا على الإفادة، وبارك فيكنّ

 

وحفظ لكنّ أطفالكنّ من كل سوء

 

وانا منتظرة لو أحدا منكن إفتكر أي معلومة جديدة بالنسبة للأسئلة

واياكى حبيبتى ام جوجو وااولى بهذا الدعاء لحبيبتنا ام عائشة المصرية :rolleyes: حفظها الله ورعاها

وبصى حبيبتى بالنسبة لمعلومة ام عائشة المصرية بالنسبة للعضاضة فهى صحيحة وانا اعتذر عن الذكر

:icon16: وهذا لانى لم امر بهذه المرحلة بعد وام عائشة حبيبتى هى ادرى لانها مرت بده قبلى على ما اظن بارك الله فيها

وكما قلت لكى ان معلوماتى ضئيلة والحمد لله ان فى حد يصحح اخطائنا :icon16:

شارك هذه المشاركه


رابط المشاركه
شارك

السلام عليكــم ورحمـة الله وبركاتــة

 

أخواتي"

 

جزاكن الله خيرا على الإفادة، وبارك فيكنّ

post-119532-1262210621.gif

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

بالنسبة لسؤالك عن الاكل

فكما ذكرت الحبيبة ام عائشة المصرية انه بيبدا من 6شهور وانتى تبداى بالاكل واحدة واحدة يعنى مرة معلقة ومرة اتنين على فترات علشان هيكون الاكل فى الاول تقيل عليها وممكن يسبب تقلصاتفتبداى معاها ب

سيريلاك بانواعه المختلفة

زبادى على بسكويت

(بطاطس مهروسة(عدد1بطاطس تسلقيها كويس وتحطيلها شوية ملح صغيرين اثناء السليق علشان تقدر تتذوقها وبعدين تصفى ميتها وتهرسيها كويس جداا وياريت لو تحطى عليها شوية كمون علشان يخفف عنها المغص

بيضة مسلوقة نص سلقة علشان تبقى سهلة الاكل

والافضل لو تحطيها على البطاطس

شوربة خضار(كوسة-جزر-بطاطس)ولو تحبى تحطى اى نوع خضار يكون سهل الهضم والاكل وتسلوقيهم كويس جداا وزى ما عملتى مع البطاطس

كبدة الفراخ تكون مسلوقة كويس وتهرسيها كويس وتحاولى تاكليها وابعدى عن اللحوم حتى لو مفرومة لحد 10شهورعلشان بتبقى تقيلة

هى دى الحاجات اللى افتكرتها دلوقتى ولو اى حاجة جديدة هاكتبه

وبالنسبة لمص الصوابع عندى اوشة تعبانى اوى بالموضوع ده فحاولى معاها وهى صغيرة لان الدكتور نصحنى وانا للاسف تراجعت عن منعها وذكرلى طرق منها

تلبسيه شراب فى ايديهااو لو تلفيها بشاشة وياريت لو تبدئى قبل السحف علشان بتسبب فى نزلات وده حصل لاوشة بتسحف على الارض او تستكشف حاجة وتمسكها وبعدين تمص ايده فتجنبى ده حبيبتى حفظ لكى جوجو وجعلها قرة عين لكى ولابيها اللهم امين

وعذرا على الاطالة معلشى انا رغاية شوية :mrgreen:

شارك هذه المشاركه


رابط المشاركه
شارك

وعليكم السلام ورحمة الله بركاته؛

 

جزاك الله كل خير حبيبتي أم أوشة :)

ربنا يبارك لك فيها ويحفظها من كل شر

ويارب أشوف جوجي قمر زي أوشة إن شاء الله

شارك هذه المشاركه


رابط المشاركه
شارك

واياكى ياام جوجو يا عسل

وربنا يحفظهالك وتشوفيه احلى من عائشة يعنى تبقى شمس

تنورلك حياتك

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

 

بدي اسألكم ابني عنده 3 اشهر و اسبوعين

ففكرت ابدا اعطيله طعام

فشو اعطيه له و قديش الكمية و شو اللممنوع اعطيه له

 

في انتظاركن :)

شارك هذه المشاركه


رابط المشاركه
شارك

بسوم أمي كانت تعطينا اكل من اليوم السابع كل يوم نقطة واحدة من فاكهة حتى نصل بعد شهر لاربع نقطات يوميا و ذلك لتعتاد معدتنا على الاكل و كانت اخبرتها بالامر الطبيبة التي كانت تتابعنا

 

سمعت من الأمهات عندنا في العائلة انهن يعطين اولادهن ماء الجزر يعني تصلق الجزر و تضيق اليه القليل من السكر و تعطيه للاطفال ابتداء من الشهر الرابع

شارك هذه المشاركه


رابط المشاركه
شارك
السلام عليكم ورحمة الله وبركاته،،

 

 

بدي اسألكم ابني عنده 3 اشهر و اسبوعين

ففكرت ابدا اعطيله طعام

فشو اعطيه له و قديش الكمية و شو اللممنوع اعطيه له

 

في انتظاركن :)

 

حياكِ الله بسووومة

 

الاجابة كاملة تجديها هنا بالتفصيل :

 

 

https://akhawat.islamway.net/forum/index.php?showtopic=82494

 

https://akhawat.islamway.net/forum/index.php?showtopic=82291

شارك هذه المشاركه


رابط المشاركه
شارك
السلام عليكم ورحمة الله وبركاته،،

 

بدي اسألكم ابني عنده 3 اشهر و اسبوعين

ففكرت ابدا اعطيله طعام

فشو اعطيه له و قديش الكمية و شو اللممنوع اعطيه له

 

في انتظاركن :)

وعليكم السلام ورحمة الله وبركاته،،

 

بسومة، اسمحي لي أختلف معك في الرأي تماما فابنك صغير جدا على هذا

 

يعني عادة الناس تطعم الطفل من سن خمس او ست شهور ولكن ليس ثلاث شهور

 

على أي حال رأيي الشخصي هو رد كنت قد نشرته في موضوع آخر وهو

 

السلام عليكــم ورحمـة الله وبركاتــة ،،

 

أنا متابعة معكن من بعيد وهذا السؤال بالذات لم أستطع مقاومته وستعرفون السبب من ردي

 

عبد الرحمن هو أول طفل لي وكنت محتارة جدًا في كل شئ بخصوصه وفي نفس الوقت عندي قناعة شديدة أن الإسلام لم يترك شئ إلا وتم ذكره

 

كنت محتارة ماذا أطعمه ومتى

هناك من يقول 4 شهور وهناك من يقول 6 شهور وغيرها

 

ثم اتصلت بإحدى الأخوات التي على قدر من العلم وأخبرتني أن زوجها أخبرها أن ابن القيم ذكر أنه يفضل اطعام الأولاد بعد رضاعة سنة كاملة فاستغربت لاني قرأت تحفة المودود ولم أرى اي شئ من ذلك

 

فذهبت وقرأت الجزء الخاص به (نصيحة لكل الأخوات أن تقرأ الفصول الأخيرة في تحفة المودود لابن القيم ففيها الكثير من الدرر عن تربية الاطفال واطعامهم خلال اول سنتين من العمر)

 

المهم وجدت بن القيم يذكر انه يفضل اطعام الاطفل على حسب التسنين (وليس سن سنة كما ظنت الأخت)

 

فالله عز وجل أدرى تكوين كل طفل وعلى هذا تجدي أن التسنين يختلف من طفل لاخر

فبعضهم يسنن على 4 شهور والبعض 5 شهور والاخر 6 والبعض يتأخر

اما الضروس فإنها تكون آخر شئ، فلماذا اذن نستعجل في اطعام الاطفال ونعطيه طعام في وقت غير مناسب لسنه وقد يضر به

فطالما جعل الله الضروس آخر شئ في النمو فهذا معناه أن الله يعلم أن معدته لا تتحمل الأطعمة التي تحتاج الضروس الا في هذا الوقت من العمر

 

المهم يكون اطعام الطفل على حسب تكوين أسنانه

نبدأ بإطعام الطفل فقط عندما يرزق بالأنياب وحينها فإننا نعطيه أشياء لينة ليقضمها بأنيابه مثل الموز أو جزر مسلوك بالإضافة الى أشياء لا تحتاج لمدغ مثل مهلبية وكسترد

وكذا نسير مع تكوين أسنانه ونعطيه ما خلقت السن أو الناب أو الدرس من أجله

فعندما يرزق بالضروس نطعمه لحوم وفراخ وغيرها مما يحتاج للمضغ

 

أرجوا أن تكن فهمتن قصدي من الإجابة وأن تستفدن منها

تقبلي مروري وودي

شارك هذه المشاركه


رابط المشاركه
شارك

أمة الله

إلهام

أمة الرحمن

 

بوركتن على المساعدة

 

أمومة كلامك افادني جدا

بس شو رأيك اديلو سوائل

يعني مثلا اسلق جزر و اطحنه مع الماء المسلوق فيه و اصفيه و اعطيه يشربه

و لا المعده ما تستحملش حتى لو سائل؟؟

 

و قوليلي كيف اخبار عبد الله و كيف المسؤولية الآن بوجود طفلين؟

شارك هذه المشاركه


رابط المشاركه
شارك

السلام عليكم ورحمة الله وبركاته

 

كيفكن ياحبوبات

 

عضوة جديدة جيت متاخرة معلش:)

 

انا أم لطفلين مريم 3سنوات ونصف

 

وأحمد شهرين

 

انا دلوقتى بعانى مع أحمد من موضوع المغص

 

دايما يبكى ويرفص برجليه وبعطيله ماء غريب تقريبا كل رضعة بس فعلا تعبنى جدا

 

يعنى أتذكر لما مريم كانت فى مولودة لم يكن المغص بهذا الشكل

 

فهل هذا طبيعى ام ماذا؟

 

بسومة الحبيبة نصيحتى فعلا لا تبدأى فى إعطاء الأكل للزبير الآن هو مازال صغيرا ويحتاج لبنك أكثر

 

إصبرى ياحبيبة

شارك هذه المشاركه


رابط المشاركه
شارك
أمومة كلامك افادني جدا

بس شو رأيك اديلو سوائل

يعني مثلا اسلق جزر و اطحنه مع الماء المسلوق فيه و اصفيه و اعطيه يشربه

و لا المعده ما تستحملش حتى لو سائل؟؟

 

و قوليلي كيف اخبار عبد الله و كيف المسؤولية الآن بوجود طفلين؟

يا حبيبة قلبي ليش مستعجلة على اعطائه الطعام

 

لحقتي تزهقي من الرضاعة ^_^

 

لو عايزة رأيي فلا تعطيه أي شئ مطلقا إلا الرضاعة الطبيعية

لا تحرمي نفسك وابنك من الحنان والترابط

رضاعتك الطبيعية هي التي تكون العلاقة بينك وبين طفلك وتشعره بحنانك كلما أخذتيه بحضنك لترضيعيه

ألا ترين أنه تم ذكر الرضاعة الطبيعية والفطام أكثر من مرة بالقرآن ؟؟

أليس هذا لحكمة لا يعلمها إلا الله

 

يا حبيبة قلبي، الرضاعة الطبيعية هي الشئ الوحيد المعقم والنظيف الذي يشربه الطفل

الرضاعة الطبيعية هي التي تساعد الطفل على تكوين المناعة الطبيعية وتعفيه من الأمراض

فلماذا تريدي حرمانه من هذا

 

يقول الله تعالى:

{وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ}

{وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ}

{وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا}

 

هل تفكرت لماذا تكررت الآيات عن هذا الموضوع وذكر في أكثر من موضوع أن يتم الرضاعة لسنتين لمن أراد أن يتمها

ومن لم يرد إتمامها فحمله وفصاله ثلاثون شهرا

اي 9 شهور حمل و21 شهر رضاعة والذي يعادل سنة وسبعة شهور

 

وطالما ذكر الله ذلك إذن فهناك فائدة كبيرة من أن يكون مدة الرضاعة بهذا الطول

 

ستقولين سأطعمه وأرضعه وأنا سأقول لن تواطبي وأتحدى أي شخص بدأ في اطعام طفله واستمرعلى الرضاعة طويلا بعدها ومتأكدة أن كل من بدأ ادخال الطعام مبكرا، فطم أولاده مبكرا

وان استمر في الرضاعة، فان الرضاعة كانت الغذاء الثانوي وليس الأساسي

يا حبيبة، ارضعيه اطول فترة ممكنه واصبري عليه حتى يبدأ التسنين ثم ابدأي معه قليلا في اطعامه حس تكوين أسنانه

لا تبخلي على ابنك بالتغذية الصحية والتي تساعد في تكوين طفل صحي جسديا ونفسيا (الرضاعة الطبيعية - الحنان)

 

يكفيك انه كلما كان جائع ويبكى فان كل هذا يختفي ويظهر بدلا منه فرحة وترحيب وترفيص بالاقدام وابتسامة عريضة على وجهه عندما يراكي ذاهبة في اتجاهه لترضعيه

يكفيك احساس الامومة والحب والحنان الذي يغمرك كلما أخذتيه بين ذراعيك

وان لم يتكون هذا الاحساس بعد فلا تقلقي فسيتكون لديك عاجلا او اجلا

 

استمتعي بهذه الفترة قدر المستطاع لانك لن تستطيعي تعويضها مرة اخرى

 

اتذكر اختي عندما اضطرت لفطام بنتها وهي عمرها سنة بسبب مرضها، كانت اخت حزينة جدا وتقول ان الرضاعة كانت تشعرها بالامومة

 

بالنسبة لعبد الله فهو حالته مستقرة حاليا ولله الحمد ^_^

 

والتوفيق بين الطفلين ليس منضط حتى الآن وذلك بسبب تقصيري معهم خصوصا عبد الرحمن

مشكلتي اني اعمل وادرس من المنزل ومشغولة جدا والله المستعان

وطبعا لا في أهل ولا أصحاب يساعدوني

ادعيلي كتير اني اقدر اوفق بين كل هذه الامور

 

 

السلام عليكم ورحمة الله وبركاته

 

كيفكن ياحبوبات

 

عضوة جديدة جيت متاخرة معلش:)

 

انا أم لطفلين مريم 3سنوات ونصف

 

وأحمد شهرين

 

انا دلوقتى بعانى مع أحمد من موضوع المغص

 

دايما يبكى ويرفص برجليه وبعطيله ماء غريب تقريبا كل رضعة بس فعلا تعبنى جدا

 

يعنى أتذكر لما مريم كانت فى مولودة لم يكن المغص بهذا الشكل

 

فهل هذا طبيعى ام ماذا؟

 

بسومة الحبيبة نصيحتى فعلا لا تبدأى فى إعطاء الأكل للزبير الآن هو مازال صغيرا ويحتاج لبنك أكثر

 

إصبرى ياحبيبة

وعليكم السلام ورحمة الله وبركاته

 

نصيحتي لك هي معالجة سبب المغص لدي ابنك

 

صحيح انه من طبيعة الطفل انه يبدأ في تكوين الغازات والتي تسبب المغص

ولكن ايضا طعام الام له عامل في زيادته

فحالة ابنك مرتبطة بحالتك الصحية

لو اكلت طعام يسبب غازات ستجدي ان الغازات زادت عند ابنك وبدأت معاناته تزيد وآلامه تزيد

فحاولي الابتعاد تماما عن اي شئ يسبب غازات عندك وحاولي ان تشربي مهدئات مثل اليانسون والنعناع حتى يصل لابنك عن طريق الرضاعة الطبيعية

وربي يعينك ويعيننا جميعا

شارك هذه المشاركه


رابط المشاركه
شارك

عذرا غالياتى على تأخرى على الرد على الموضوع

انقطعت فترة لعطل فى النت عندى..

 

بصراحة..أؤيد كلام ღ أمـ الرحمن ـة ღ بشدة..

بدرى جدا عليه الإطعام..والأطباء الآن بيحذروا من الأكل المبكر ومرة كنت بدأت وأكلت عائشة بنتى من سن أربع أشهر وبعد ما يا دوبك بدأت تقبل الأكل الدكتور بتاعها منعنى تماما من أن أكمل وقال لى انتظرى لما تتم 6 أشهر..يعني مش مثلا قال خلاص هى بدأت تآكل واللى حصل حصل..

لكنه فعلا جعلنى أنتظر حتى ستة أشهر..

وبالنسبة لموضوع التمر ده مجربتهوش لكن فى أخت جربته واللى عرفنى إنها جربته إن فى واحدة بتقولها بنتك ما شاء الله لا قوة إلا بالله بتمشي وعندها أسنان بدأت تظهر وهى عندها سنة فقط..فما السر..؟!!!

فأخبرتها هذه الأم أنها كانت فى فترة حملها تأكل التمر ولما ولدت وبدأ طفلها يآكل بدأت تطعمه التمر..

فاستخير إنك تنتظرى حتى سن 6 أشهر وربنا يحفظ ابنك ويكتبله الخير..

شارك هذه المشاركه


رابط المشاركه
شارك

السلام عليكم ورحمة الله وبركاته،،

كيف حالكم يا أمهات ربنا يعينكم ويعيني

كيف حالك يا أم عيوش وحشتيني كتير

سؤالي هو ان يوسف بدأ يزن ويعيط كتير لدرجه انه بيزرق من كتر العياط وبكون مرضعاه ومغيراله ومدياه دواء المغص مش عارفه يكون عيان ولا دا زن غلاسه

وعليكم السلام ورحمة الله وبركاته،،

شارك هذه المشاركه


رابط المشاركه
شارك

وعليكم السلام ورحمة الله وبركاته،،

الحمد لله بخير حبيبتي انتى كيف حالك..

بالنسبة ليوسف..مش عارفة هو عنده أد إيه دلوقتى؟

يمكن يكون بيطلع أسنان أو بيبدأ يعني..الأسنان بتأريف جدآ..

عامة ارقيه كل يوم وليلة وعوذيه بالله من كل شيطان وهامة ومن كل عين لامة..

 

مش عارفة والله ايه سبب عياطه بس واضح إنه بيعيط جامد مش مجرد غلاسة..

بصي مش بهزر..

ممكن يكون زهآن من القعدة فى البيت

بما إنك مغتربة ومبتخرجوش خالص..محتاج يغير جو..

حاولى تخرجى بيه فى اى مكان..أو تفرجيه من الشباك حتى لو مفيش حاجة ممكن يتفرج عليها..بس شيليه وقربيله وربنا يحفظهولك..

~طمنينا~

شارك هذه المشاركه


رابط المشاركه
شارك

والله يا أم عيوش يوسف لسة بيعيط كتير جدا مع انه مكنش كده وبعد العياط على طول الاقيه نام من التعب على العموم محتاجه دعواتكن

شارك هذه المشاركه


رابط المشاركه
شارك

حبيبتى أم جورى ربنا يحفظلك يوسف ويهديهولك ويهدى ابنى وكل اطفال المسلمين

 

عندى طلب منكن يا غاليات

عايزة ابدأ اساعد ابنى يتكلم فا عايزة موقع او برنامج فيه صور حيوانات او الوان واو خضار كدا يعنى فيها الصورة ويتنطق معاها اسمها فهمتو قصدى؟

ابنى عنده سنة و9شهورونص ولسة موش بيتكلم حاجات بسيطة اووووووووووووى ماما بابا بح (اسمى اللى بيتكون من حرفين شبة بعض) هو كدا متاخر اووووووى صح؟؟؟ انا لما قولت للدكتور بتاعة قالى طبيعى لانة اول طفل وقاعد على طول لوحدة ومابيقبلش ناس كتير فهل دة ممكن يكون سبب لتاخر الكلام

مع انى بحاول دايما اكلمة بس مابيلقطش منى غير نادراااااااااا

شارك هذه المشاركه


رابط المشاركه
شارك

أم جوري

طالما ابنك لونه بيتحول للون الأزرق فده معناه انه بيتخنق ومش يعرف يتنفس

وعادة الطفل لا يختنق من البكاء

نصيحتي أن تأخذيه لطبيبة لتطمئني عليه

 

حبيبتى أم جورى ربنا يحفظلك يوسف ويهديهولك ويهدى ابنى وكل اطفال المسلمين

 

عندى طلب منكن يا غاليات

عايزة ابدأ اساعد ابنى يتكلم فا عايزة موقع او برنامج فيه صور حيوانات او الوان واو خضار كدا يعنى فيها الصورة ويتنطق معاها اسمها فهمتو قصدى؟

ابنى عنده سنة و9شهورونص ولسة موش بيتكلم حاجات بسيطة اووووووووووووى ماما بابا بح (اسمى اللى بيتكون من حرفين شبة بعض) هو كدا متاخر اووووووى صح؟؟؟ انا لما قولت للدكتور بتاعة قالى طبيعى لانة اول طفل وقاعد على طول لوحدة ومابيقبلش ناس كتير فهل دة ممكن يكون سبب لتاخر الكلام

مع انى بحاول دايما اكلمة بس مابيلقطش منى غير نادراااااااااا

نعم يا حبيبة طبيعي وخصوصا أنه ولد

فالاولاد يتأخرون عادة عن البنات

وعبد الرحمن ابني كان نفس الشئ ولما تم سنتين وشهرين، فجأة لقيناه بدأ يقول كلمات كتيرة أول مرة نسمعها منه ويقول جمل من كلمتين وثلاث وكأنه كان بيتدرب لوحده عليها

ابنك دلوقتي بيخزن الكلامات وهيجي في يوم يفاجأك بيها كلها مرة واحدة ^_^

شارك هذه المشاركه


رابط المشاركه
شارك
عايزة ابدأ اساعد ابنى يتكلم فا عايزة موقع او برنامج فيه صور حيوانات او الوان واو خضار كدا يعنى فيها الصورة ويتنطق معاها اسمها فهمتو قصدى؟

 

ادخلي هنا غاليتي

ملتقى الصغار

 

شغلي الفلاشات (الحروف والديك والاناشيد ..) كلها تساعدك بإذن الله

 

 

ابنى عنده سنة و9شهورونص ولسة موش بيتكلم حاجات بسيطة اووووووووووووى ماما بابا بح (اسمى اللى بيتكون من حرفين شبة بعض) هو كدا متاخر اووووووى صح؟؟؟ انا لما قولت للدكتور بتاعة قالى طبيعى لانة اول طفل وقاعد على طول لوحدة ومابيقبلش ناس كتير فهل دة ممكن يكون سبب لتاخر الكلام

مع انى بحاول دايما اكلمة بس مابيلقطش منى غير نادراااااااااا

 

 

الطفل في هذه السن يحتاج للاختلاط واللعب مع أطفال آخرين

 

ليكتسب منهم بعض الكلمات ..

 

لكن بمرور الوقت يتحسن احكي معه انتِ ووالده

 

هذا حال الطفل الاول غالبا !!

شارك هذه المشاركه


رابط المشاركه
شارك

أمة الرحمن الحكاية مش حكاية تعب من الرضاعو او زهقان

انا حليبي قليل و لله الحمد و الطفل محتاج اكثر و كمان بدي ارجع اصوم لأنو من ولادته ما صمت

لازم اكل كثييير

 

انا كمان اقتنعت بكلامك جدا بس مرات لما بيبكي من الجوع و يكون صدري مفيهوش حليب بحزن و بفكر اعطيله شي ينسيه الجوع لحد ما يتملى صدري

فهمت علي؟

 

و انت عبد الرحمن امتى اعطيتي له الأكل؟

 

و كمان كتاب ابن القيم يا ريت لو عالنت تعطيلي رابطه او حد يعرف

 

و مسالة تانية امتى اختنه؟

 

 

و اخيرا مرات بيعض شفايفه و بيعمل ايديه في فمه مع انه يكون شبعان و لما احط اصبعي و احك له مكان سنانه بيلقى الراحة

و يفرح فهل ده دليل انه ف مرحلة التسنين؟

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×