ريجيم التمر والزبادى

[بسبوووسه 0]

السلام عليكم ورحمة الله وبركاته

ريجيم التمر والزبادى او ريجيم التمر واللبن , انا قرأت عنه كتييييير عالنت واتحمست اوى ده غير انى جربته يومين قبل كده ونزلت كيلو بس مش استمريت لظروف معينه

انا وزنى 75ك وطولى 170 يعنى زياده 5 كيلو بس انا عايزه ابقي 68ك لان كمان خطوبة اختى (عقبالكم يارب وعقبالى انا كمان :biggrin: )في شهر يناير وتخنت ونفسي اخس :biggrin:

ايه رأيكم نعمل الريجيم ده من بكرة مع بعض ونشجع بعض :biggrin:

واوعو تحبطوووونى لانى مش بعمل ريجيم غير بالضرررب والتشجيع :biggrin: عشان انا طفسه ,بس انا حسه انكم هتضربونى ومش هتشجعونى هههههههههه

اااه نسيت

الريجيم عباره عن 21 تمرة و3 اكواب زبادى منزوع الدسم او 3 اكواب لبن ققليل الدسم(علي حسب الرغبه) ونقسمهم علي 3 وجبات بحيث 7 تمرات وكوب لبن او زبادى في الفطار وزيهم في الغدا والعشا ,وشرب علي الاقل 7 اكواب ماء علي مدار اليوم ده غير الرياضه اقل مافيها جرى في المكان 10 دقايق 3 مرات يوميا

مين هيبتدى معاياااااااااااااااااااااااااااااا :biggrin:

[الموحدة123 0]

السلام عليكم ورحمة الله وبركاته،،

لو كان الرجيم ده فعلا مفيد احب اجربه معاك وتشجعيني و اشجعك= منافسة يعني=انا الايميل بتاعي في الصفحة الشخصية اكتبي لي التطورات و ياله همة يا غالية عايزين نخس تقبلي حبي

[بسبوووسه 0]

الحمد لله المنافسه ابتدت

الموحده : انا سعيده اوىىىى انكك هتشتركى معايا ونشجع بعض :biggrin:

بس فيه ملحوظه ان بعد 6 ايام من الريجيم لازم يوم لخبطه تاكلى لحوم وخضار وزى ماتحبي وبعد كده نستمر عالريجيم من جديد , ومننساش ان اللبن والتمر فيهم عناصر غذائيه جامده جدا يعنى مفيش تعب مفيش دوخه ومفيش زوغااااااااان من الريجيم :biggrin:

بس ياريت اللى هيشترك معانا لازم يكتب وزنه وطوله في اللحظه اللى هو فيها عشان نحسب ونعرف النتايج من بعداستخدامنا للريجيم

المنافسه هتبدأ من بكرة والمشتركين لغايه دلوقت هم

بسبوووسه , الموحده123

يلا يااخواتى فين النشاااااط والعزيمه :wub:

[بسبوووسه 0]

فينكم يا أخواتى

فين الحماس واشتراككم معانا في الريجيم

:wub: :lol: :lol:

[ـ أم جنـان ـ 3]

السلام عليكم أختي بسبوووسة أطلب منك أن تكتبي لي جدول الرجيم لمدة أسبوع

بالتفاصيل وانتظرعليا أشتري تمر وابدأ معاكم إن شاء الله

جزاك الله خيرا

[بسبوووسه 0]

ايوة كده يااخواتى :smile:

اختى العزيزهoum jinane: اولا اشكرك جدا جدا جدا لانضمامك معانا انا وأختى الموحده 123

ثانيا : الريجيم في منتهى السهوله وهو كالتالى:

3 وجبات وهم :

الفطور:7 تمرات + كوب زبادى منزوع الوجه أأو كوب لبن قليل الدسم

الغذاء :7تمرات + كوب زبادى منزوع الوجه أأو كوب لبن قليل الدسم

العشاء:7تمرات + كوب زبادى منزوع الوجه أأو كوب لبن قليل الدسم

وفيه شرطين لازم تعمليهم :

الأول : انك تشربي علي الاقل 8 اكواب ماء علي مدار اليوم

التانى: انك تلعبي رياضه اقل مافيها عشر دقايق جرى في المكان 3 مرات يوميا او رقص مفيش مشكله :blush:

الريجيم ناس كتير مجربينو والنتايج مرضيه والحمد لله وزى ماقولت قبل كده انا جربته بس لظروف معينه مقدرتش اكمله وكانت نتايجه باينه

عموما انا والموحده ان شاء الله هنستناكى تشترى التمر بس مش تتأخرى لحسن انا كده بقفد السيطره علي نفسي :blush: وهبقي العرض عرضييييين ويارب نبدأ كلنا من السبت اللى جاى

واى سؤال انا موجوده من اى اخت عندها استفسار :smile:

[بسبوووسه 0]

النهارده اول يوم ليا في ريجيم التمر والزبادى

الساعه 9 فطرت 7 تمرات وكوب زبادى منزوع الوجه ومش حسه بجوع خاااالص وبعد كده عملت شغل البيت ولسه مخلصه والساعه 3 هتغدا بردو نفس الفطار, بس ربنا يعينى بقي علي العشا لانى مش بحب اتعشي

انا حسه انكم مش مقتنعين بالريجيم :unsure: بس عموما انا هكون اول واحده تجربه في المنتدى وان شاء الله وهقولكم عالاخبار اول بأووووول :cry:

ومش هيأس انكم تشاركونى وتشجعونى :smile:

 

 

 

 

فينك يا الموحده 123 ,وoum jinane :mellow:

[رقيه أمة الرحمن 0]

معلش يابسبوسه انا مشفتش الموضوع إلا النهارده لأنى لسه عضوه جديده لكن إن شاء الله هبدأ معاكى من بعد بكره إن شاء الله عشان أجيب زبادى وزن ى 75وطولى بس متضحكيش عشان أنا بقيت زى الفيل الصغنون أه طولى165 ومش عارفه أخس إزاى يعنى لو جالى عريس مش عارفه هيقول عليا إيه لو مخستش

[رقيه أمة الرحمن 0]

على فكره إميلى فى صفحتى لو حابه تراسلينى

[أم عمار جمال 0]

السلام عليكم

مع ان ده مش وقته عشان اللى بيحصل فى غزة !

:grin:

 

انا هضطر أقولكم ّ

 

 

 

أقولكم

 

 

 

 

أقولكم

 

 

 

 

 

 

 

 

 

 

 

 

 

 

 

أقولكم

 

 

 

 

 

 

 

 

 

 

 

 

هشترك معاكم :wink:

 

:icon15:

 

ولكن ليه شرط ؟ قبل وبعد وعند كل وجبه ندعى لأخوانا فى غزه :icon15:

 

خلاص نبدأ بسم الله

لحسن أنا مشكلتى لما بزعل بفش غلبى فى الاكل

ومعرفش الزعل ده هيفضل لامتى ؟

نسأل الله العظيم رب العرش العظيم أن ينصر المجاهدين فى غزة وفى كل مكان

وأن يؤيدهم بمدد من عنه فهو نعم المولى ونعم النصير.

[ام الاشبال 3]

السلام عليكم ورحمة الله وبركاته،،

على فكره يا بنات

 

الرجيم ده ميه ميه

 

وانا مجرباه

 

بس كان 4 ايام فقط

 

وبدل الزبادى كان لبن يعنى حليب باللبنانى

 

يعنى كوب لبن وبزود عليه نص كوب ميه

(يعنى بزود من عندى شويه عشان اشبع ومجوعش بدرى بدرى

 

يالا ربنا معاكو

[رقيه أمة الرحمن 0]

أهلا بيكى رميصاء الجمال والله إنتى شجعتينى أوى عشان صاحبة الموضوع مش عارفه هى فين أصلها ما رديتش عليا وربنا يفك أسر غزه يارب وينصرها ويزلزل الأرض من تحت أقدام أعدائها إن شاء الله اللهم آمين وجزاكى الله كل خير يا أختى أم الأشبال بس كنت عايزه أعرف كنتى بتمارسى رياضه؟ ونزلتى كام فى الوزن خلال فتره قد إيه؟

[مسلمة مجاهدة 353]

وبدل الزبادى كان لبن يعنى حليب باللبنانى

 

هههههههههههههههههههه

 

طيب بجد يا بنات انا عاوزة اعرف... الدايت هذا تمر مع حليب او لبن= زبادي بالمصري؟!؟!؟

 

انا ملخبطة بسبب اختلاف معاني الكلمات!!

 

انا لا احب الحليب بتاتا فينفع ان ادوب الزبادي بالماء واشربه؟!؟!؟!

 

ام الاشبال بلاش ضحك ماشي؟!؟!؟!

 

 

[أم عمار جمال 0]

جزاكى الله خيرا اختى رقيه امة الرحمن

[ام الاشبال 3]

أهلا بيكى رميصاء الجمال والله إنتى شجعتينى أوى عشان صاحبة الموضوع مش عارفه هى فين أصلها ما رديتش عليا وربنا يفك أسر غزه يارب وينصرها ويزلزل الأرض من تحت أقدام أعدائها إن شاء الله اللهم آمين وجزاكى الله كل خير يا أختى أم الأشبال بس كنت عايزه أعرف كنتى بتمارسى رياضه؟ ونزلتى كام فى الوزن خلال فتره قد إيه؟

جزانا واياك يا جميل

 

مفيش رياضه احسن من الشغل فى البيت :wub: :unsure:

 

هو كان حوالى 4 ايام فقط نزلت من 2 ل 2ونص كده

 

مش وحش

 

بس اهم حاجه متلخبطيش فيه وهو يجيب نتيجه باذن الله

 

يالا الهمه يا بنات

طيب بجد يا بنات انا عاوزة اعرف... الدايت هذا تمر مع حليب او لبن= زبادي بالمصري؟!؟!؟

 

:tongue: :laugh:

 

هو ده الزبادى

 

بناكله بالملعقه ومششششششش بنششششربه

 

 

وده اللبن(الحليب باللبنانى

 

ماشى يا قمرررررررررر :blink:

[مسلمة مجاهدة 353]

طيب هو زبادي او حليب؟!؟!

 

اااااااااااااووووه ه ه

 

شيء يحير ويتوه...

 

خلاص ما بديششش

 

:)

[ام الاشبال 3]

طيب هو زبادي او حليب؟!؟!

 

اااااااااااااووووه ه ه

 

شيء يحير ويتوه...

 

خلاص ما بديششش

 

:)

:angry: :smile:

 

ولا تتحير ولا حاجه يا قمر

 

اعملى اللى بدك اياه

[رقيه أمة الرحمن 0]

يا جماعه إنتوا مدوخين نفسكوا ليه اللى عايز يأكل زبادى وتمر ما فيش مشكله واللى عايز يشرب لبن (حليب يعنى) مع التمر برده مفيش مشكله المهم إنك تحافظى على النظام والرياضه

[رقيه أمة الرحمن 0]

كيفك يا أم عمار جمال ؟ وكيفك با أم الأشبال؟ وحشتونى

[صحبه الصالحين 0]

لبن وتمر بس مفيش محشي ولا مكرونه بالبشاميل ولا بطاطس محمره

انا هقوم اكل!!!!!!!!!!

وبعدين افكرفي الرجيم!!!!!

وبعدين اكل تاني!!!!!!!!!!!!!

وبعدين ايه رئيكم اعمل الرجيم انا لو شالو راسي هبقي شبه شوال القطن

اعمل ايه مفجوعه وبحب الاكل ربنا يوفقكم وادعولي ابدا في الاكل ههههههههههه

قصدي في الرجيم هههههههه

[ام الاشبال 3]

كيفك يا أم عمار جمال ؟ وكيفك با أم الأشبال؟ وحشتونى

الحمد لله يا رقروقه

 

سالت عليكى العافيه يا غاليه

 

انتى عامله ايه؟ اوعى تقولى عامله ريجيم :icon15: :blush:

[رقيه أمة الرحمن 0]

الحمد لله أختى أم الأشبال أما بالنسبه للرجيم والله ملخبطه على الأخر وهبدأ من جديد إن شاء الله إدعيلى بقى إنى أخس

[ام الاشبال 3]

الحمد لله أختى أم الأشبال أما بالنسبه للرجيم والله ملخبطه على الأخر وهبدأ من جديد إن شاء الله إدعيلى بقى إنى أخس

يا ستى ولا تضايقى نفسك

 

ابدائى يالا من اول وجديد

 

وانا هتابعك بنفسى

 

هيعجبك صدقينى اووى البلح مع اللبن طعمه خراافه

 

وميه كتيييييير على قد ما تقدرى وهما اربع ايام فقط بالعدد

 

فى امان الله

[بسبوووسه 0]

السلام عليكم ورحمة الله وبركاته

اخواتى أم الاشبال ورقيه امه الرحمن وصحبةالصالحين ومسلمة مجاهده وام عمار

انا أأأأأأأأأأأأأأأأأأسفه جدا جدا جدا انى مكنتش بدخل بس انا فعلا عملت الريجيم وكنت بدخل كتير بس ملاقيتش تشجيع من حد ولا اللى كانو عايزين يعملة الريجي بقو يدخلو , وبعد كده جت فتره الامتحانات ومش بقيت اعرف ادخل خالص عالنت

انا فرحانه انكم تفاعلتم مع الموضوع واسفه انى مكنتش برد علي تساؤلاتتكم ولا كنت معاكم نشجع بعض ونمشي عالريجيم , بس بارك الله في الاخوات اللى كانو بيردو عليكم

بصو المهم انى عملت الريجيم وحضرت المناسبه اللى كنت عايزه اتظبط عشانها وكنت الحمد لله الى حد ما لحقت نفسي ومكنتش مبعجره :wink:

نزلت في الريجيم ده 4 كيلو لانى اكتفيت باسبوع بس لان بعد كده دخلت علي امتحانات , يعنى كنت 78 وبقيت 74

 

 

بس عشان انا طفسه زى جماعه صحابنا ;-) رجعت تانى بس بقيت 76مش 78

بس ياجماعه دلوقت انا بدأت من 5 ايام في ريجيم السعرات الحراريه وممتااااااااااااااااااااااااااااز

للى حابب يشترك معايا خلاص انا فضييت وبقيت في اجازه

مستنياااااااااااكم :smile:

[مسلمة مجاهدة 353]

طيب اسمعوا يا بنات انا باخد تمر وحليب في الصباح والمساء.. لكن وقت الغدا باكل من طبيخي بس بحاول مش آكل كتير... ينفع ولا ما ينفع؟!؟!؟

 

وبشرب مية لكن كش كتير لأن ما بحب كتير المي... واذا جوعت خلال النهار ممكن آكل جزر!!!

 

اللي بعملوا ده بينفع ولا ما فيش فايدة؟!؟!؟ قولوا حتى اعرف اذا برجع للأكل تاني!!!

 

ههههههه

 

انا عارفة مش حضاين لكن نشوف بقى!!! خاصة اذا ما شفت نتائج!!! ^___^