قائمه السعرات الحراريه لمعظم الاطعمه

[بسبوووسه 0]

إتفضلي طلبك اختى مسلمه مجاهده :smile:

ملحوظه قبل الموضوع

انا جمعت قوائم كتير اوى عشان لاقيت ان كل قائمه سعراتها غير التانيه لغاية ماتغلبطت, فجمعت المشترك بينهم لكن المختلف فيهم اخدت اعلى سعر حرارى له في حالات وحالات تانيه اخدت المنطقي

مطولش عليكم بقي

 

 

( أ )

_أفندى ثمره كبيره 125 جم 75سعر حرارى

_أفندى ثمره متوسطه 100 جم 60س

_أفندى ثمره صغيره 75 جم 25س

_أيس كريم1\4 كيلو 530س

_أناناس 1\2 كيلو 117س

 

( ب )

_برتقال ثمرة كبيره 125 جم 75س

_برتقال ثمرة متوسطه 100 جم 60س

_برتقال ثمره صغيره 75 جم 25س

_برتقال عصير كوب 90س

_برتقال عصير معلب1\2كوب 60س

_بطيخ 1\4 كيلو 75س

_بطيخ 100 جم 30س

_بصل مقلي للكشري معلقه كبيره 16س

_بسطرمه 50 جم 145س

_بيضه كبيره اومليت 92س

_بيضه متوسطه اومليت 80س

_بيضه كبيره مسلوقه 80س

_بيضه متوسطه مسلوقه 75س

_بيضه كبيره مقليه 95س

_بيضه متوسطه مقليه 90س

_بابا غنوج معلقه كبيره 35س

_بتنجان مقلي 1\2 كوب 100س

_بتنجان مسقعه100جم 3\4كوب تقريبا 154س

_بطاطس محمرة طبق صغير 270س

_بطاطس محمره 10 صوابع 150س

_بطاطس شيبسي الكيس العادى 250س

_بطاطس مطبوخه طبق متوسط 450س

_بطاطا مشويه بالقشره 1\4 كيلو 280س

_بطاطا مسلوقه بدون قشر 1\4 كيلو 202

_بيتزا بالجبن قطعه متوسطه100جم 180س

_بسله خضره مطبوخه 1\2 كوب 65س

_باميه مطبوخه 1\2 كوب 30س

_بقدونس حزمه واحده 10س

_بلح أسود ثمره واحده 21س

_بلح أحمر ثمره واحده 35س

_برقوق ثمره واحده 70س

_بقلاوة قطعه واحده متوسطه 245س

_بسبوسه قطعه متوسطه 150س

_بسكويت 4 قطع 178س

_بقسماط الواحده 55س

 

( ت,ث )

_تفاح ثمرة كبيره 100س

_تفاح ثمره متوسطه 81س

_تونه معلبه بالزيت 85جم 250س

_تونه سندوتش 278س

_ثوم 5 حبات متوسطه 10س

 

( ج )

_جبن قريش 50 جم حوالى معلقتين كبار 50 س

_جبن اسطنبولي 50 جم 120س

_جبن فيتا 28 جم حوالى معلقه كبيره 75س

_جبن شيدر 3 قطع 110س

_جبن بيضا 3 قطع 80س

_جبن موزاريلا 28 جم 80س

_جبن شيدر مبشورة معلقتين كبار 57س

_جاتو شيكولاته قطعه متوسطه 365س

_جاتو فاكهه متوسطه 300س

_جاتو فراوله وكريمه قطعه متوسطه 400س

_جولاش قطعه متوسطه شكل مستطيل 200س

_جزر ثمرة متوسطه 35س

_جزر ثمره كبيره 45س

_جوافه ثمرة متوسطه 85جم 55س

_جوافه ثمره كبيره 70س

_جوافه عصير كوب 175س

 

( ح,خ )

_حلاوة طحينيه 100جم 516س

_حمص مسلوق 1\2 كوب 260س

_حمص مسلوق معلقه كبيره 66س

_خس حزمه 20س

_خوخ ثمرة 55س

_خيار ثمره 25س

_خضار سوتيه300جم يعنى طبق كبير 135س

(جزر+كوسه+فاصوليا)

_خضار مطبوخ اى نوع7معالق كبيره 185س

 

( ر,ز )

_رز معلقه كبيره 55س

_رز 4 معالق كبيره 220س

_رز 6 معالق كبيره 330س

_رغيف بلدى 1\2 210س

_رغيف بلدى 1\3 160س

_رغيف بلدى 1\4 105س

_رغيف فينو 1\2 240س

_رغيف فينو 1\4 120س

_زيت معلقه صغيره 45س

_زيت زيتون معلقه كبيره 130س

_زيت ذره او نباتى معلقه كبيره 125س

_زبده معلقه كبيره 100س

_زبده معلقه صغيره 40س

_زبادى كامل الدسم كوب 141س

_زبادى خالى الدسم كوب 114س

_زيتون اسود ثمره واحده 95س

_زيتون اخضر ثمره واحده 65س

 

( س )

_سلطه خضره 1\2 كيلو 105س

_سلطه بقول مشكله كوب 174س

_سبانخ مطبوخه كوب 30س

_سجق 100 جم 475س

_سمك مشوى1\4كيلو سمكتين كبار 375س

_سمن معلقه صغيره 45س

_سمن طبيعي معلقه كبيره 135س

_سمن صناعي معلقه كبيره 110س

_سمسم 1\2 كوب 221س

_سكر معلقه كبيره 65س

_سكر معلقه صغيره 28س

 

( ش )

_شاى بدون سكر كوب 20س

_شاى ب1\2 معلقه صغيره سكر 34س

_شاى بمعلقه صغيره سكر 48س

_شاى بحليب بدون سكر كوب 65س

_شاى بحليب ب1\2معلقه سكر 79س

_شاى بحليب بمعلقه سكر 93س

_شاى بمعلقه صغيره لبن بودرة 75س

_شاى بلبن بودره ب1\2 معلقه سكر 86س

_شاى بلبن بودرة بمعلقه سكر 100س

 

( ط )

_طحينه معلقه كبيره 105س

_طماطم ثمرة متوسطه 26س

_طعميه متوسطه ثمره 50س

 

( ع )

_عسل نحل معلقه كبيره 65س

_عسل اسود معلقه كبيره 120س

_عسل اسود معلقه صغيره 60س

_عنب 10 ثمرات 35س

 

( ف )

_فول مدمس 1\2 معلقه كبيره 26س

_فول مدمس معلقه كبيره 53س

_فول مدمس 4 معالق كبيره 210س

_فول مدمس 5 معالق كبيره 260س

_فول مدمس 8 معالق كبيره 420س

_فول سودانى100جم 1\2 كوب 590س

_فول سودانى 2 معلقه كبيره 161س

_فرخه مشويه(الورك 85جم 167س

بحجم الكف دون جلد)

_فرخه مشويه(الورك 85جم 223س

بحجم الكف بالجلللد )

_فرخه مشويه(الصدر دون جلد 142س

بحجم كف الييييييد )

_فرخه مشويه(الصدر بالجلد 193س

بحجم كف الييييييد )

_فرخه مقليه(الصدر دون الجلد 161س

بحجم كف اليييييد )

_فاصوليا بيضا 1\2 كوب 120س

_فاصوليا خضره 8 معالق كبيره 420س

_فطيره بالجبن 67جم 191س

_فطيره تفاح 158جم 405س

_فطيره لحمه 53جم 59س

_يشار 3أكواب 100س

_فانتا كوب 240 ملليلتر 119س

_فلفل اخضر بارد ثمره 20س

_فراوله 8 ثمرات 45س

 

( ق,ك )

_قرنبيط مطبوخ 1\2كوب 15س

_قلقاس كوب 75س

_قشطه معلقه كبيره 52س

_قشطه 1\4كيلو 520س

_كنافه ملفوفه قطعه متوسطه 300س

_كنافةبالمكسرات قطعةمتتوسطه 270س

_كحك قطعه واحده 220س

_كحك 3 قطع 655س

_كبده مقليه 100جم 217س

_كبده مقليه 50 جم 109س

_كرواسون واحده 360س

_كفته سندوتش 135 جم 298س

_كاتشب معلقه كبيره 20س

_كوسه مطبوخه 1\2كوب 20س

_كشري طبق متوسط 840س

 

( ل )

_لبن خالى الدسم كوب 250جم 90س

_لبن قليل الدسم كوب 105س

_لبن كامل الدسم كوب 150س

_لبن بودره3 معالق في كوب 165س

_لبن بودره معلقه واحده 55س

_لبن بالفراوله كامل الدسم كوب 244س

_لبن بالشكولاته كامل الدسم كوب 208س

_ليمون ثمره 20س

_كوب ليمون بمعلقةصغيره سكر 48س

_لوبيا طبق صغير 210س

_لحمه مشويةاو مسلوقه 50جم 150س

_لانشون شريحه واحده 43س

 

( م,ن,ه )

_مكرونه معلقه كبيره 37س

_ملوخيه بمرقةدجاج كوب 60س

_مشمش ثمره 17س

_موزه متوسطه 105س

_مانجه متوسطه ثمره 135س

_مانجه عصير كوب 110س

_مش 50 جم 115س

_مشروب غازى كوب 106س

_مشروب غازى زجاجه 800س

_محشي كرنب واحدةكبيرة100جم 76س

_محشي كوسه احدةمتوسطة 178س

_محشي بطاطس واحدةمتوسطة 217س

_محشي بتنجان واحدةكبيرة100جم 112س

_محشي ورق عنب واحده متوسطه 90س

_محشي ورق عنب واحدةكبيرة 112س

_محشي فلفل رومى واحدةمتوسطة 153س

_محشي طماطم 2 حبه 250س

_مربي معلقه كبيره 55س

_مربي معلقه صغيره 28س

_نسكافيه بمعلقة لبن بودرة كوب 60س

_نسكافيه كوب 5س

_هبمورجر سندوتش صغير 245س

 

 

 

 

وان شاء الله لما اجمع اى معلومات تانيه هدخل الصفحه هنا واكتبها :oops:

يارب القائمه دى تكون فيها معظم الاكل اللى بتاكلوه

واى سؤال انا معاكم

مش تنسو تدعولى ان ربنا يرضا عنى :rolleyes:

[بسبوووسه 0]

اما عن ازاى تعرفي جسمك محتاج اد ايه سعر حرارى عشان لايزيد ولا ينقص

والمصادر اللى عرفت منها الموضوع ده هو دكاترة الريجيم في التليفزيون والنت وكله كان كلام واحد

 

 

 

اولا :اللى مش عارفين الوزن المثالى ده يعرفوه من المثال ده

( لو طولك 170هيبقي وزنك المثالى 70 , ولوطولك 160هيبقي الوزن المثالى هو60..وهكذا)

 

اما عن طريقه حساب السعرات اللازمه للجسم لكى لايزيد الوزن ولاينقصه

تشوفي الوزن المثالى في الاول :

_لو بتقومى بمجهود عالى , تضربي الوزن المثالى في 45

_لو بتقومى بمجهود متوسط, تضربيه الوزن المثالى في 35

_لو بتقومى بمجهود بسيط , تضربيه الوزن المثالى في 25

 

عن نفسي طولى 170 يعنى الوزن المثالى هو 70 وانا مجهودى عادى جدا وبسيط

يبقي هضرب 70 في 25 =1750 سعر

يبقي اللى هاخده في اليوم من السعرات الحراريه اللى بيها لاهيزودنى ولا هينقصنى هو 1750سعر حرارى

 

_اما لو عايزه اخس بس بالهداوه عشان ميرجعش تانى يبقي هطرح 500 من ال1750 , وده هيخلينى انقص حوالى كيلو في الاسبوع بدون رجووع , وده للي مش عايزه تحرم نفسها اوى من الاكل وده النزول الصحى

 

_

[**نحو غدٍ أفضل** 15]

جزاك الله خيراً يا بسبوسة :tongue:

 

ربنا يوفقك وتوصلى الوزن إللى إنت عايزاة

تم تعديل 7 مارس, 2009 بواسطة ايمان يحيي

[بسبوووسه 0]

اما دلوقت هقولكم السعرات الحراريه اللى بتفقديها عند قيامك ببعض انواع الرياضه

 

_ساعه من المشي المتوسط يحرق 280 سعر حرارى

_15 دقيقه من المشي يحرق 75 س

_ساعه تمارين يحرق 350 س

_15 دقيقه تمارين ايروبيك يحرق 100 س

_15 دقيقه جري بطيء او هروله يحرق 200 س

_1\2 ساعه علي الدراجه الثابته يحرق 245 س

_1\2 ساعه مشي علي السير يحرق 315 س

_ساعه رقص شرقي يحرق من 200 ل250 س

_ساعه اعمال المنزل يحرق 150ل200 س

_15 دقيقه اعمل منزليه يحرق 75 س

_ساعه سباحه يحرق 300 س

_15 دقيقه سباحه يحرق 120 س

_15 دقيقه نط الحبل يحرق 165 س

_15 دقيقه صعود السلالم يحرق 300 س

 

 

نصائح مهمه

_ القيام بالرياضه بعد الاكل بساعتين علي الاقل

_ تبدأى تاكلى بعد الرياضه بساعتين علي الاقل

_احذرى حبس النفس اثناء التمرين او في البدايه

_حاولى التنفس من الانف فقط ولاتتنفسي من الفم لان جسمك من الداخل سيكون ساخن ولو تنفستى من الفم ستصابي بإلتهاب (الزوور)

_لابد من التسخين في البدايه والتبريد في النهايه(يعنى لما تعملى رياضه تعملى بهداوه في البدايه عشان تسخنى جسمك وتخليه في وضع استقبال حركات اكثر قوه وصعوبه يعنى مش تفاجئيه, ولما تقربي تنهي التمارين تبطئي في التمارين والحركه لتوصليه لهدؤ والسكون)

[مسلمة مجاهدة 353]

وعليكم السلام ورحمة الله وبركاته،،

 

الله يبارك فيكِ حبيبتي بسبوسة وبمجهودك

 

جعل الله ما كتبتيه في ميزان حسناتكِ

 

طيب انا عندي سؤال او ربما كام سؤال!!

 

تقصدي ايه بالمحشي؟؟ مثلا محشي كوسة...(يعني اللحمة ولرز جاهزة في داخله؟)

 

وأمر آخر انتِ بتوزني الاكل قبل ما تأكليه حتى تعرفي تحسبي السعرات؟!

 

يعني انا لاحظت ان معظم الاشياء ماشية على الوزن بالجرام... طيب انا عندي ميزان للأكل لكن يبدأ بالـ 100 .. يا ترى هل يوجد ميزان حتى يزين من الـ 10 جم وما فوق؟!؟!

 

وبخصوص الجبنة مثال

جبن بيضا 3 قطع 80س

طيب هذه القطع يعني ايه حجمها مثلا؟!؟!

 

انا بحاول جاهدة اني اتعلم.ز لكن لأني في بداية الطريق بيضيق خلقي .. ومش بعرف اقدر.. لكن يعني اهو على الطريق.ز وكل يوم بتحسن عن يوم (طبعا مع دفتري وقلمي وبعض الاوراق ومساعدتكن )

 

:))

 

[مسلمة مجاهدة 353]

_ساعه من المشي المتوسط يحرق 280 سعر حرارى

_15 دقيقه من المشي يحرق 75 س

 

طيب انا بمشي على التردميل تعرفيها أكيد مش هيك؟!؟!

 

وبتعطيني اني لما بمشي حوالي 20 دقيقة ويتخللها حوالي 2-3 دقائق جري متوسط بتعطيني اني حرقت حوالي 310 معقول انها كانت بالكيلوجول وليست كالوري؟!؟! (رغم ان مكتوب عليها calories)

 

واليوم مثلا مشيت 30 دقيقة وكام دقيقة من بينهم جري متوسط وكمان زدت وكأني بطلع طلعة وهذا بيزيد بالحرق طبعا... المهم كان النتيجة 550 فهل هذا معقول ام انها ربما كيلوجول وليست كالوري؟!

 

يا ريت تخبريني او اي احد تعرف تخبرني..

 

جزاكن الله خيرا

 

[بسبوووسه 0]

ولكى بالمثل اختى مسلمه مجاهده

 

 

 

 

اولا بالنسبه للمحشي فأنا اقصد محشي الرز

 

ثانيا انا مش بوزن الاكل خااالص ولا عندى اى نوع من انواع الميزان , بس كل اللى في الموضوع انى بسمع كتير برامج طهى والشيف لما بيجي يتكلم عن المقادير بيفسر مثلا 100 جرام ملح مثلا بيقول هتكون معلقه كبيره لغايه مااتعودت

ده غير انك مش لاااازم يامسلمه انك تحسبي المقدار بالظبط بالظبط لانه مش مهم هو يدوبك بالويم او بالتقريب كده تقدرى المقادير اللى هتاكليها , لانك لو عايزه المقدار بالظببببط هتزهقي جدا والموضوع هيبقي بالنسبالك عقبه مش هيبقي وسيله بسيطه لحساب سعرات الاكل اللى هتاكليه

 

انتى بتقولى ان عندك ميزان , ده كويس بس مش كل مااهتاكلى هتروحى توزنى الاكل ان شالله لو كان معلقه , اعتقد هيبقي صعب وممل ااوى :wub:

 

ومش تنسي انى فيه اكل متقدر بالجرامات انا مزوده السعرات فيه يعنى كاتبه ادامه السعرات بتاعته بالزياده وده بسبب اختلاف القوائم زى ماقولت يعنى لو المقدار اللى هتاكليه طلع زياده شويه متقلقيش او طلع ناقص بردو مفيهاش مشكله

 

ثالثا الجبنه ياستى هتبقي القطعه الوحده دى هتبقي مربعه وبحجم البيتيفور تقريبا كده

 

 

 

 

يارب اكون وصلتلك المعلومه بطريقه سهله

وولايهمك يامسلمه انا معاكى في اى سؤال محيرك :wub:

[مسلمة مجاهدة 353]

الله يجزيكِ الخير يا رب

فعلا لما بدي اوزن رح يكون في ملل وتذمر...

 

انا مش بوزن كل شيء طبعا لا.. وبحاول اقدر تقدير

 

الله يوفقنا ويساعدنا للوصول للأوزان المرادة!

 

[~~أم أسيل~~ 26]

السلام عليكم ورحمة الله وبركاته،،

 

والله اسعدتيني جدا لاني لسه اكله ايس كريم علبة صغيره ... فاكيد مش ربع كيلو :)))))))))

 

تسلمي حبيبتي

 

وجزاكِ الله خيرا

[بسبوووسه 0]

انتم اللى اسعدتونى عشان فيدتكم :tongue:

 

وجزاكى الله خيرا اختى ام أسيل واختى مسلمه لمروركم الكريم :smile:

[مسلمة مجاهدة 353]

_ساعه من المشي المتوسط يحرق 280 سعر حرارى

_15 دقيقه من المشي يحرق 75 س

 

طيب انا بمشي على التردميل تعرفيها أكيد مش هيك؟!؟!

 

وبتعطيني اني لما بمشي حوالي 20 دقيقة ويتخللها حوالي 2-3 دقائق جري متوسط بتعطيني اني حرقت حوالي 310 معقول انها كانت بالكيلوجول وليست كالوري؟!؟! (رغم ان مكتوب عليها calories)

 

واليوم مثلا مشيت 30 دقيقة وكام دقيقة من بينهم جري متوسط وكمان زدت وكأني بطلع طلعة وهذا بيزيد بالحرق طبعا... المهم كان النتيجة 550 فهل هذا معقول ام انها ربما كيلوجول وليست كالوري؟!

 

يا ريت تخبريني او اي احد تعرف تخبرني..

 

جزاكن الله خيرا

 

 

 

ما حدا بيعرف الجواب؟؟؟

[بسبوووسه 0]

انا معلش مش شوفت السؤال ده من الاول

 

وللاسف يامسلمه انا مش عارفه :wub:

[مسلمة مجاهدة 353]

انا معلش مش شوفت السؤال ده من الاول

 

وللاسف يامسلمه انا مش عارفه :blink:

 

 

لا باس حبيبتي

 

ان شاء الله اذا في اي اخت تعرف يا ريت تخبرنا الله يبار فيها

 

:)

 

[أمة_الرحمن 90]

ما شاء الله ربنا يبارك فيك على المجهود الحلو...انا خزنت المعلومات عندي كلللللها

 

وان شاء الله حابقى معاكو وحتة حتة لحد ما اوصل للي بدي اياه ان شاء الله

 

بس عندي سؤال اول مرة اعرف اني وزني مناسب تمام ^_^

 

انا طولي 163ووزني63....في داعي اعمل روجيم وللا لأ

 

احكيلي رأيك...والكل احكولي رأيكم

 

ما حد بيحكي اني سمينة بس المشكلة انو عرسي قريب وحابة اكون انحف شوية يعني لو صار وزني55كيلو بيكون مناسب وللا لأ

 

شو رأيك؟؟؟

 

وبالنسة لسؤالك يا مسلمة للأسف ما عنديش فكرة عن الموضوع

 

وربنا يعينكو كلكو وتخسو يارب

[(:بسمة تفاؤل:) 4]

جزآكِ الله خيراً بسبوسة على الافادة

 

ملوكة :) ... أنآ طولى 170 .. والمفروض الطبيعي 70 وأنآ أصلاً 70 كيلو أيضاً لَكِن اليومين دول بخبص في الأكل فأصبحت 72 ^_^

 

لَكِن أنآ أرى أن الوزن المثالى لي أحب شكلي فيه هو ال65 وبما انه عرس يا حبيبتي انا أفضل

 

تنحفي لأنك كده كده هتسمني شوية بعد العرس وأنا عموماً بحب ان الواحده تكون جسمها رشيق في الفستآن بيكون شكله أحلى ^_^

 

يعنى تكون أقل من المثالي بحوالى 5 كيلو أنا أرى شكل الجسم أفضل :)

 

فانتِ ممكن تنحفي لــ 60 أو 58 وما تزيدي عن هيك لحى ما يجيلك هبوط أو يجيلك ضعف :)

 

أتم اله عليكِ زوآجِك على خير حببتي وعقبال كل بنات المنتدى

[بسبوووسه 0]

السلام عليكم ورحمة الله وبركاته

 

جزاكى الله خير اختى الزهره الحزينه :rolleyes:

 

 

أختى أمة الرحمن

جزاكى الله خير

وألف ألف ألف ألف ألف مليووووووووووووووووووووووووووون مبروك ( وعقبالى :wub: )

أما بخصوص النزول

فأنا مع اختنا الزهرة الحزينه إنك تنزلى عن الوزن المثالى ب5 كيلو عشان بعد الجواز بيبقي موضوع الزياده ده جاااااااااائز جدا , ولازم نعمل الاحتياطات بردو , وباذن الله ده اللى هعمله قبل زواجى

بس إنتى برافو عليكىى انك حاليا وزنك مثالى يعنى مش هتتعبي اوى في ال5 كيلو التانيين

 

بس مش عيزاكى تنزلى عن كده بقي عشان مش عايزاكى تبقي بدر بس لا , عايزاكى تبقي زى القمرررررر في الفرح :sad:

[أمة_الرحمن 90]

السلام عليكم ورحمة الله وبركاته،،

الله يجزيكم الخير حبيباتي اسراء وبسبوسة

انا صرت 61بدون روجيم!!! ويبدو اني حانحف كمان قبل العرس بدون روجيم

رايكم حلو بس الروجيم مشكلة وانا يجوع كتير مش رح تمشي معي

لهيك ما رح اعمل روجيم بس رح احاول اعمل رياضة بيكون منيح

بسبووووووسة ساعسولة ربنا يكرمك بزوج صالح عاجلا غي آجل ياحبيبتي

وزهورة قلبي ربنا يجمعك بزوجك عاجلا يااااااااااارب

 

سلامي وحبي لكم ^_^

[بسبوووسه 0]

عروستنا الحلووووة :wink:

 

61كيلو ياأمة الرحمن ماشاء الله

كويس اوىىىى وان شاء الله توصلي للخمسينات

 

ومادام مش بتقدرى تواظبي علي ريجيم يبقي حاولى تنفذى المعادله دى

الرياضه + شرب ميه كتيييير + تخفيف في الاكل + اخر وجبه تبقي الساعه 7 بلليل = نتيجه جامده :smile:

وعن تجربه

 

ومش تغيبي عننا ياعروستنا

احبك في الله :smile:

[أمة_الرحمن 90]

عارفة انا رجعت زدتهم ورجعت63 اذا مش اكثر

 

:(

 

انا رح احاول بالمعادلة هاي ان شاء الله

 

وربنا يجزيك الخير يا احلى بسبوسة ^_^

 

أحبك الذي احببتني فيه وحببك الى خلقه ^_^

 

ان شاء الله ربنا يقدرني وما اغيب ياحبيبة

[بسبوووسه 0]

اختى في الله أمة الرحمن

زعلتييينى .. ليه زدتى تانى

عموما ولاااااااا يهمك .. طول مااحنا مع بعض هنساعد بعض وان شاء الله تتجوزى وانتى مرتاحه وراضيه عن وزنك وشكلك وكل شيييييييييييء :mrgreen:

بصي انتى حاولى تمشي علي المعادله اللى قولتلك عليها

بس بقي هنعمل ايه ... هنكتر من الفاااااااكهه والسلططططططططططططه بالذات السلطه لانها بتخلى البشرة والله ماشاء الله زى الورده وبتقلل من وجود الحبوب وبتظبط الشعر اوى اوى كمان(((كل ده عن تجرربه)))

وانتى بقي تلتزمى بطبق كبير سلطه تاكليه اول حاجه في وجبه الغدا وحطى عليه ملح وليمون وخل عشان يبقي طعمه حلو وتاكليه وانتى مش متضايقه وبعد كده ابدأى في الغدا

والعشا نحاول نخليه سلطه بس او فاكهه زى الفراوله او البرتقال او الجوافه او التفاح بس خففي من الموز والعنب والمانجه

 

 

 

وحاجه كمان عايزاها منك

انك تكتبيلي طولك ووزنك الحالى

[بسبوووسه 0]

معلش مخدتش بالى انك كنتى كاتبه ططولك قبل كده

المهم

طولك 163 ووزنك الحالى زى ماقولتى 63

((((((ملحوظه مهمه : لو نشاطك بسيط يبقي هتاكلى في حدود 1575 سعر حرارى...الملحوظه دى هتعرفي في اخر الموضوع قولتهالك ليه)))))

 

بصي ياستى فيه دلوقت ريجيم بعمله حلو اوى وبردو سعرات حراريه يعنى مش هتلتزمى باكل معين لكن هتلتزمى بعدد سعرات معينه

اللى بعمله انى قرأت موضوع اسمه كيف تحول جسمك لماكينه لحرق الدهون بس انا اخدت الفكره فقط لكن منفذتش البرنامج بحذافيره

وعملت الاتى(هكتب المثال ده علي اساس طولك ووزنك انتى , وتمشي عليه)

اليوم الاول:: 1200سعر حرارى

اليوم الثانى::1000سعر حرارى

اليوم الثالث::800 سعر حرارى

اليوم الرابع::600 سعر حرارى

 

اليوم الاول ::1300 سعر حرارى

اليوم الثانى ::1100سعر حرارى

اليوم الثالث::900 سعر حرارى

اليوم الرابع::700 سعر حرارى

 

اليوم الاول ::1400 سعر حرارى

اليوم الثانى::1200سعر حرارى

اليوم الثالث::1000سعر حرارى

اليوم الرابع ::800 سعرحرارى

 

اليوم الاول ::1500 سعر حرارى

اليوم الثانى::1300 سعر حرارى

اليوم الثالث::1100 سعر حرارى

اليوم الرابع ::900 سعر حرارى

 

ومن بعد اكمال ال16 يوم دوول نعمل ايييييييييييييييييه؟ ده سؤال لطيف :cry:

تمشي 4 ايام ورابعض 1100سعر حرارى , والاربعة اللى بعدهم 1300سعر حرارى , والاربعه اللى بعدهم1575 سعر حرارى

 

 

ولو لاحظتى انى بزود مع كل اربع ايام 100 سعر في ال16 يوم الاولانيين وده عشان 3 اسباب:

الاوووول .......عشان في اخر يوم للريجيم نوصل للسعرات الحراريه اللى المفروض ان الجسم ياخدها اللى بيها لايزوده ولا ينقصه

الثااااانى........ وعشااااااااان مش اعود جسمى علي قله الاكل اثناء الريجيم واول مانخلص الريجيم نرجع ناكل تانى مرة واحده فده طبعا هيزود الوزن وولا كأننا عملنا حاجه

الثااااالث......عشان مش تحسي بملل لان لو انتى التزمتى بسعرات محدده هى هى كل يوم هتضايقى لانك تقريبا هتلتزمى باكل معين الى حد ما وفيه بعض اكل ممكن يكون سعراته عاليه شويه فمتقدريش تاكليه لان السعرات اللى متحدده ليكى اصلا قليله ولازم تقسميها للفطار والغدا والعشا فده هيقلل فرصه انك تكليه اللى نفسك فيه

 

ولو لاحظتى تانى انى بعد كده كتبت كل اربع ايام سعرات موحده , والاربع الايام اللى بعدهم زودت 200 وده عشان انى اهيأ جسمك شويه بشويه انه يستقبل سعرات حراريه زياده عن قبل كده عشان وزنك مش يزيد

 

ولو لاحظتى كمان ان اخر سعر سمحتلك بيه هو 1575 .. طيب اشمعنى ده بالذات

اقولك اطلعى في اول كلامى معاكى هتلاقي ملحوظه بين قوسين اقرأيها وهتفهمى ليه

 

اه وملحوظه كمان : عايزاكى وانتى بتقسمى السعرات علي ال3 وجبات ياريت تنوعى السعرات يعنى مش كل يوم الفطار سعراته هى هى . لالا . زى ماخلينا السعرات مختلفه كل يوم نخلى كمان الوجبات سعراتها مختلفه عن كل يوم

 

 

 

 

بس التزمى بالكلام ده كله وياريت بعد اول 8 ايام تيجى تقوليلنا علي النتيجه

بس عن تجربه الريجيم ده هااااااااااااااااااااااااااايل :cry:

[بسبوووسه 0]

نسيت اقولك

اشربي ميييه كتييييييييييييييييييييييير اكتر من 3لتتر في اليوم

وكمان في الايام اللى فيها سعرات قليله زى 600 و700 و800 مثلا , فالاحسن ليكى تاكلى الفاكهه خصوصا لانها بتحتوى علي سعرات حراريه قليله فده هيخليكى تاكل كميه اكتر بحيث تشبعي

وكمان اعملى رياضه كل يوم تلت ساعه اللى هى موجوده في صفحه نسألكن الدعاء هنا في منتدى الرشاقه علي بال ماهتخلصيهم هتكوني خلصتى التلت ساعه , ولو مش هتواظبي علي الرياضه بعد كده فالاحسن انك تعملى رياضه يوم ورا يوم او كل 3 ايام مرة عشان لما تبطلى رياضه جسمك مش يزيد بس الرياضه تكون في نفس الساعه اللى هتعمليها في اليوم المحدد

 

 

 

واى سؤال انا معااااااااااكى :icon17:

[أمة_الرحمن 90]

بسبوووووووووووووووسة

 

انت تووووووووووووحفة

 

وانا بحبك في الله قووووووووووووووييييييييييييييييييييييييييي

 

 

^_^

 

شوفي انا كنت ناوية عالرجيم بس تكاسلت وتراجعت وخصوصا اني بحب الاكل ومش بستغني عنه *_*

 

بس قررت اني اعمل نظام السعرات الحرارية اللي انت قلتيه وحكيت لامي عليه وامي كمان عايزة تمشي عليه عشان تكون متحمية عن السكر لانها مريضة بمرض السكري ...ربنا يعافيها ويشفيها ويحميها وكل مرضى المسلمين

 

يعني امي عايزة تمشي عليه عشان تحافظ عالسكري عندها ما يعلاش

 

المهم ....انا متشجعة قوي للفكرة معاك هنا وعارفة حبكسبي فيا اجر لو خسيت

 

شوفي هو بالنسبة لشكلي انا شكلي كويس يعني عاجبني بس كنت بقول لو اجرب انحف شوية واشوف كيف رح يصير شكلي...ولما شفت الرجيم بيجوع قررت اتراجع :(...بس خلاص انا رايحة اجيب ورقة وقلم وانقل كل المعلومات اللي قلتيها من اول الموضوع واراجع ملف الروجيم اللي عملته وحابدأ إن شاء الله عن قريب واحكيلك متى بدأت وان شاء الله تجيب معي نتيجة هالطريقة الحلوة اللي دليتيني عليها

 

ربنا يجزيك كل الخير ويرزقك بابن الحلال ويفرحنا فيك عاااااااااااجلا يارب ياباحلى بسبووووووسة ^_^

 

شوفي بالنسبة للرياضة انا مفكرة استمر عليها لاني قبل سنة كنت بعمل رياضة تقريبا نص ساعة او اكثر يوميا ووقتها وزني نزل10كيلو بدون روجيم ولا شي بس رياضة وكنت مرتاحة كتير عليها يعني كنت بحس بالنشاط دايما

 

بس حابة أسألك عمرك سمعتي عن بذرة الكتان وزيتها؟؟؟للتخسيس طبعا

انا سمعت كتير ورحت اشتريتها ولسة ما جربتها ومترددة

حاسة انه لو نزل وزني باستخدام شيء لما اتركه رحيرجع وزني يزيد ومش حتكون طريقة فعالة

شو رأيك؟؟

 

نرجع شوية لقائمة السعرات اللي عملتيهالي

 

عايزة اسألك هو انا حاخس عليها كم؟؟؟يعني المعدل اللي حانزله كم عشان اقدر اقيم الروجيم تاعي

 

وكمان سؤال هو بعد الايام اللي كتبتيها رح استقر على السعرات اللي اعطيتيني اياها وهيك مش رح ينزل وزني صح؟؟؟

 

اذا كنت بدي اياه يرجع ينزل كمان اعيد من اول ما استقر على عدد السعارات المناسبة لوزني؟؟؟

 

طيب وكمان سؤال عدد السعرات اللي رح استقر عليه ياترى هو العدد المناسب للوزن اللي رح اوصل له وللا لوزني حاليا؟؟؟لاني مش عايزة ارجع اسمن لو نحفت...

 

وبس ان شاء الله ما اكون كترت اسئلة وغلبتك معايا..... انا عارفة كترت وخلصت بس شو بدي اعمل ماليش غيركم يا احلى خوات ^_^

 

ربنا يجزيك الجنة ياااارب

[أمة_الرحمن 90]

آه ونسيت أحكيلك اني توزنت قبل شوية وكنت جوعانة كان وزني62بالضبط

وهسة رجعت توزنت بعد ما اكلت وشربت ماء صار وزني63...اي واحد اعتمد؟؟؟؟

[بسبوووسه 0]

كفايه عليا الفرحه اللى انا شايفاها دى , بجد دى تسوا عندى الدنيا باللى فيها والله العظيم

وربنا يشفى امك يااااااااارب ويعافيها وامى ومرضي المسلمين اجمعين

 

 

 

 

بصي ياامه الرحمن انا يصعب عليا انى اكون في المنتدى ومش ارد عليكى

انا دخلت دلوقت عشان اقولك انى هرد علي كل اسئلتك بس بكره عشان دلوقت هنام عندى جامعه 8 الصبح بكرة

واوعدك اول ماارجع ان شاء الله هرد عليكى علي طوووووووووول

 

 

 

 

وكل اللى محيرك اسئلى عنه ولا يهمك يااجمل عرووسه :P

اااه وبخصوص والدتك

والدتى بردو عندها نفس الموضوع ولما جت من عند الدكتور كان معاها ورقه فيها الاطعمه المسموح بيها والممنوعه وكان معاها نظام اكل .... فلو عايزاه اكتبهولك من عنيا .. ولو مش محتاجاه من عنيا بردو :tongue:

 

 

احبك في الله ياأختى الغاااااااااااليه :biggrin: