@كل يوم وانتي احلى :دورة تدريبيه (خواطر من قلب وعقل صيدلانية )@

[راغبة بالفردوس 477]

السلام عليكم ورحمة الله وبركاته

بداية موفقة ومتابعين معاكى ان شاء الله

منتظرين الجديد بس متتاخريش علينا

جزاكى الله كل خير

 

السلام عليكم ورحمة الله وبركاته،،

بارك الله فيكِ حبيبتي ولاء

وان شاء الله مش هتأخر عليكوا بس يارب النت ما يفصلش ( إدعو معايا انه ما يفصلش)

وجزانا واياكِ ياحبيبه

 

هلا هلا هلا برغوبه الحبيبه

والله يا بنتى ما عارفه أقولك إيه ^_^

جزاكِ الله خيرًا

متابعاكِ طبعا ان شاء الله

بس سامحينى لو قصرت فى المتابعه بسبب الامتحانات :)

 

الحمد لله صار لى فتره مش طويله بهتم ببشرتى والتحسن ملحوظ الحمد لله وهتابع معاكِ برده ان شاء الله

وفعلا زى ما قالت ولاء فارما إننا مش بنهتم بشئ الا لما تقترب من الزواج ونحتاس فى الأخر ونتلخم *_*

 

 

بشرتى فى بعض الأحين أشعر أنها دُهنيه وفى بعض الحيان أشعر أنها مختلطه

 

لا حرمكِ ربى الأجر حبيبتى:)

يا أهلا بيك ياقمر

وجزانا واياكِ حبيبتي تاجي جحابي

 

وربنا يوفقك في الامتحانات انتِ ورحيل القمر وكل الطلبه المسلمين ( اللهم آآآآآآآمين )

 

وربنا يجعل الموضوع ده بفايده ان شاء الله

 

السلام عليكم ورحمة الله و بركاته

 

بداية موفقة يا راغبة

 

بس أنا مش هستنا بكرة أنا عارفة نوع بشرتى

 

أنا بشرتى مختلطة

 

تمام كدا

 

جزاك الله خيراً على مجهودك فى إنتظار الباقى

 

السلام عليكم ورحمة الله وبركاته،،

الله يبارك فيكِ يا حبيبتي نحو غدٍ أفضل

 

وعلي فكره حلقه الغد مش مرتبطه كلياً بحلقه اليوم

وهتكون بإذن الله حلقه مهمه جداً ، عشان كدا ياريت تتابعيها

 

وسعيده بمشاركتك حبيبتي

جزاك الله خيرا

 

معلش انا جيت متأخره شويه بس ان شاء الله اتابع معاكم

 

انا عارفه بشرتى الحمد لله عاديه

 

وبدايه موفقه يا غاليه

 

فى الانتظار

 

جزانا وإياكِ حبيبتي سندسه

 

وإنتِ ما إتأخرتيش ولا حاجه ، دا لسا الحلقه الاولي اليوم ، يعني تلحقي تتابعي معانا من الاول

 

وفرحانه بمشاركتك , وربنا يجعله بفايده

[ياقوته 0]

وعليكم السلام ورحمة الله وبركاته

 

جزاكِ الله خيرا حبيبتى ماشاء الله موضوع مهم

 

وانا من زمان نفسى اعرف نوع بشرتى والحمد لله عرفتها

 

هى جافه

 

متابعه ان شاء الله معاكى

[متاع الغرور 84]

للاسف انا تاكدت بشرتي جااافه وبتعب جدا عند عمل الماكياج :neutral:

[بنوته مسلمه مصريه 458]

السلام عليكــم ورحمـة الله وبركاتــة ،،

جزاك الله خيرا رغوبه

لسه هشوف نوع البشره غدا ان شاء الله

انا احيانا اقول انها جافه واحيانا اقول عاديه

واحيانا اقول انها حساسه مدوخانى مش راضيه ترسى على بر

[حفصة أحمد 40]

السلام عليكم ورحمة الله وبركاته،،

 

:sad: معلش انا متاخر لكن ملحوقه ..

انا بشرتى عاديه ساعات دهنيه وساعات جافه ..

والحمدلله بهتم بيها ماساكات طبيعيه وغسلها وانتى شجعتينى اكتر ..

ياللا مستنياكى :cry:

[الاستشهادية 10]

 

بارك الله فيك

 

موضوع قيم ومهم خاصة أننا على أبواب الصيف

وماأدراك مالصيف : (

 

متابعة معك ان شاء الله

أنا بشرتي نوعها دهنية

[راغبة بالفردوس 477]

السلام عليكــم ورحمـة الله وبركاتــة ،،

 

• أختي ياقوته
  
• قطرات من ندي القوافل
  
• بنوته مسلمه مصريه
  
• حفصه 50
  
• الاستشهاديه
  

 

 

أسعدتوني جداااااااااا

وشجعتوني جدااااااا

 

ربنا يبارك فيكنّ يارب ، ويسعدكنّ , ويجعل متابعتكو معايا بفايده

[أم نهى الفقيرة إلى الله 0]

 

 

 

أختي راغبة الفردوس ، جزاك الله على مجهودك ، موضوع أكتر من رائع، أنا متبعاكي بإذن الله لأني فعلا أعاني من بشرتي ... لسة في حب شباب رغم أنه صار لي أكثر من 5 سنوات متزوجة ، والطامة الكبرى أنه اصبح يترك لي بقع أكثر من الأول بسبب جفاف بشرتي ... والله أنا مش عارفة إيه نوع بشرتي ...

ححاول أعرف بكرة بإذن الله ،،، متبعينك حبيبتي ...

[متاع الغرور 84]

الله يبارك فيكي اختي راغبة بالفردوس والله احنا اللي نتشكرك على بذلك الجهد والوقت معانا

متشكرين جدا جدا والله

متااااااااااابعين بارك الله فييييييييكي

[راغبة بالفردوس 477]

السلام عليكــم ورحمـة الله وبركاتــة ،،

 

موضوع رقم (2)

 

 

متشكرة جدا جدا لتفاعلكم الراااائع مع الموضوع

 

................................................................................

.

................................................................................

.

 

 

نيجي بقه لموضوعنا:-

 

 

 

SUN BLOCK

 

الجزء الاول

 

الواقي من الشمس........

 

طبعا عارفينه بس هعرفكم اكتر عنه

 

 

وهقولكم افضل الانواع

 

وكل واحده تختار اللي يناسبها ازاي؟؟

 

 

*****************

 

 

طبعا اشعة الشمس مضرة جدا جدا وبتسبب جفاف للبشرة

 

 

وبقع

 

 

واسمرار

 

 

و بعد الشر بعض الامراض السرطانية

 

 

علشان كده

 

 

مش هقول لازم سن بلوك

 

لالالالالالالالالالالالا

 

 

 

بس لازم منتعرضش للشمس اصلا

 

 

على قدر المستطاع طبعا

 

 

يعني عندك مشوار ينفع الصبح او اخر النهار يبقى خليه اخر النهار المغرب يعني

 

 

مثلا لازم الصبح يبقى نصحى بدري وننزل اكتر حاجه بدري نقدر عليها ونرجع بسرعه

 

 

الاشعه المفيده هي بعد الفجر بساعتين بحد اقصى وقبل المغرب بساعة

 

 

بتساعد على تكوين فيتامين D

 

 

يعني لو تقدري بعد الفجر بساعه تقعدي في البلكونة

 

 

معرضه معظم جسمك للشمس ..او عرَّّضي اطفالك مفيدة جدا بس كفايه ربع ساعه

 

 

ربع ساعه تكون كافيه جدا جدا

 

 

 

اكتر من كده هناخد ضرر الشمس

 

 

طيب ايه الاشعه المضرة في الشمس؟؟؟؟

 

UVA -UVB

 

 

 

 

وطبعا السن بلوك بيحمي منهم

 

لكن بيحمي من UVB كويس

 

لكن للاسف UVA لا مش كويس اوي

 

يحمي بمقدار ثلث الحماية اللي ضد UVA بس

 

 

علشان كده عدم التعرض للشمس ضروري جدا

 

 

اضرار UVB

 

تسبب حروق الشمس والاحمرار

 

 

اضرار UVA

 

 

اضرارغير مرئية للبشرة واثار التقدم في السن

 

 

والسمار المستمر

 

 

طيب دايما مكتوب على اي سن بلوك

 

 

SPF

 

 

يعني ايه؟؟

 

 

اختصار لجملة Sun Protection Factor

 

 

بردو يعني ايه؟؟

 

 

يعني عامل حماية من اشعة الشمس

ولا مش UVA

 

فقط UVB

 

 

اما UVA لها مقياس اخر مش هوجع مخكم بيه لانه مش بيكون مكتوب

 

 

لكن بيكون تلت SPF تقريبا

 

بردو يعني ايه؟؟

 

يعني مثلا لو مكتوب عليه SPF +50

 

 

يبقى هيحميكي خمسين مرة اكتر من لو مش حاطاه

 

 

بردو يعني ايه؟؟

 

يعني مثلا لو اتعرضتي للشمس خمسين دقيقه وانتي حاطاه

 

 

هتاخدي ضرر يعادل دقيقه واحده لو مش حاطاه من UVB

بدل ضرر الخمسين دقيقه كلهم

 

 

وهتاخدي ضرر 3 دقايق لو مش حاطاه من UVA

 

 

اتمنى تكون وصلت بسهولة

 

 

 

طبعا تعبت

 

 

هكمل كمان شوية

[راغبة بالفردوس 477]

 

السلام عليكــم ورحمـة الله وبركاتــة ،،

 

 

ورجعنا تاني نكمل موضوع

 

 

SUN BLOCK

 

 

 

نيجي لطريقة الاستخدام؟؟؟؟؟

 

..................

قبل التعرض للشمس بنصف ساعه ننظف الوجه كويس جدا

 

 

وننشفه كويس جدا جدا جدا ونحطه

 

وكل ساعتين لازم نغسل الوجه ونحط تاني

 

 

هنحط اد ايه؟؟؟

 

 

كمية 1 سم يعني نطلع منه 1سم

 

الكمية ده هتكفي الوجه كويس جدا

 

ولو هتحطي على الرقبه زودي وخليها واحد ونص

 

 

 

الميكب قبل ولا بعد؟؟؟؟

 

طبعا بعد ما نحطه بشوية حوالي تلت ساعه والافضل منحطش ميكب فوقه

 

في انواع معاها لون بيدي تغطية زي كريم الاساس بالظبط

 

هقولهالكم حالا

 

 

ولو لازم لازم يعني كفاية اوي Loose powder

 

 

من بعيد كده بفرشاة على خفيف من غير مسح علشان منمسحوش

 

 

او compact powder

 

 

بردو خفيف اوي باسلوب الطبطبة

 

 

لكن لوز بودر افضل

 

 

واكرر الافضل بلاش خالص خالص بودر

 

 

ونحط مثلا الروجاجو وكله عادي بس بردو من غير مسح

 

 

(طبعاً احنا ما بنحطش مكياج واحنا خارجين أنا بس ذكرته عشان يبقي ما سبتش حاجه)

 

طيب ايه الانواع؟؟؟؟

 

 

طبعا انواع كتيييييييير

 

 

بس لونا وحش اوي

 

 

ونيفيا معقول

 

 

وماش وحش بيلمع كده

 

 

وسبيكترابان معامل حمايه +50 حلو بردو بس مجربتوش شخصيا

***********************

 

 

الافضل

The best

 

 

UVEBLOCK spf 80 invisible cream

 

 

في ناس بتستخدمه وحلو معاها الحمد لله

 

ينفع للبشرة الفاتحه والبيضاء لكن مع السمر ممكن يجير شوية

 

هو المفروض كريم شفاف بس انا بحس انه بيبيض شوية لما بيتحط

 

 

سعره 68 جنيه

 

 

العبوة 40 مل

 

 

***********************

 

UVEBLOCK spf 80 Tinted

 

 

حلو طبعا بس البيض او الفاتحين ممكن يحسو ان لونه مش مناسب ليهم

 

هو ليه لون زي كريم الاساس بس طبعا مش هتعرفوا الدرجه غير لما تشتروه

 

لكن هو مش غامق اوي بردو ينفع للقمحاويين

 

وطبعا البشرة السمراء

 

 

السعر 68 جنيه

 

 

العبوة 100 مل

 

 

 

*************************

 

Photoderm max spf 100

 

 

معظمكم بيستعمله

 

انا عندي منه بردو نوع اسمه light tinted cream

 

وفي منه انواع كتير تاني

 

 

هقولكم الفرق بينهم

 

***********************8

 

milk\ lait 100 ml

 

نوع ممتاز وسعره معقول لان العبوة 100 مل

 

 

 

السعر 119 جنيه

 

 

لكن مناسب للبشرة الجافه او العادية

 

البشرة المختلطة ممكن يسبب لها حبوب

 

وطبعا ممنوع تماما للبشرة الدهنيه

 

*******************

 

 

fluid 40 ml

 

 

السعر 99 جنيه

 

 

العبوة 40 مل

 

 

مناسب لكل انواع البشرة

 

 

وبالذات الدهنية والمختلطة

 

 

************************

 

 

cream 40 ml

 

 

السعر 99 جنيه

 

 

العبوة 40 مل

 

كريم شفاف

 

 

مناسب لجميع انواع البشرة

 

 

لكن الدهنيه لا الافضل ليها FLUID

 

*************************

 

tinted OR light tinted cream 40 ml

 

 

السعر 99 جنيه

 

العبوة 40 مل

 

 

 

معلش مش عارفه انزل الصور ، والله كان في صور رائعه بس مش عارفه انزلهالكو

 

بس نفس الشكل لكن الكلام بيختلف على العبوة

 

خلوا بالكم ده ليه لون ينفع بدل كريم اساس

 

نقدر نقول انه كريم اساس

 

وبردو مش شرط نحط فوقه بودر

 

 

في درجتين Light tinted الدرجه الفاتحه

 

 

لونه حلو مش بيغمق البشرة خالص لونه زي كريم اساس فاتح على بينك فاتح

 

 

 

و Tinted الدرجه الاغمق

 

 

ومناسب لجميع انواع البشرة

 

 

وعلي فكره (((((((النقاب مش بيمنع ضرر اشعة الشمس بالكامل )))))))

 

 

**********************

 

اظن منسيتش حاجه

 

 

يا رب تكونو استفدتوا

 

 

ان شاء الله طبعا

 

 

منتظراكم كالعاده

[راغبة بالفردوس 477]

في حاجه حبيت أضيفها كمان اليوم

 

*********

في ناس مش قادرين يستوعبوا اضرار الشمس

 

الشمس مش مشكلتها انها هتسبب اسمرار وخلاص

 

لالالالالا

 

 

الشمس هي العدو الأول لبشرتنا والسبب في ظهور التجاعيد

 

وليس التقدم في السن وحده وأشعة الشمس هي المسئولة عن ترهلات الوجه

 

والبقع اللي مش فاهمين جت منين؟؟؟

 

 

والنمش

 

 

وامراض تانيه بلاش اقولها

 

اشعة الشمس بتغير في تركيب خلايا البشرة وتدمرها وتتلفها

 

والبقع الناتجه عن الشمس نادرا ما بيروح اثرها وبصعوبة بالغة

 

وتكلفة عاليه

 

طيب ما نحافظ من الاول احسن

 

ولازم نعرف ان حتى لو الغيوم مغطية الشمس او واقفين في مكان ظل

 

بردو اشعة الشمس مضرة جدا

 

صيف شتاء مضرة

 

في البيت في بردو ضرر منها بس ابسط كتير

 

طبعا مش هنحط سن بلوك في البيت

 

لان السن بلوك هو نفسه كتره مضر

 

لكن هنكتفي بكريمات النهار SPF 15

 

وكمان الترطيب مهم للحفاظ على البشرة من الجفاف اللي بتسببه اشعة الشمس الضارة

 

وزي ما قلت ((( النقاب مش بيمنع ضرر اشعة الشمس بالكامل)))

 

وجود سن بلوك هيكون افضل

 

 

السن بلوك لازم يتحط قبل التعرض للشمس بنصف ساعه

 

على بشرة نظيفه ومتجففه كويس

 

وكل ساعتين يتجدد بردو على بشرة نظيفه

 

ازاي واحنا برة؟؟؟

 

 

لو مش متاح اننا نغسل وجهنا

 

نستعمل Wipes

 

مناديل مبللة عارفينها اكيد

 

 

 

او منظف للوجه يكون لوشن مش غسول

 

زي منظف الوجه من جونسون

 

طبعا الاوقات الشديدة الضرر هي لما تكون الشمس عموديه

 

لازم نحرص على عدم التعرض حتى لو تحت ظل

 

&&&&&&&&&&&&&&&&&&

الموضوع الجديد هيكون عن ازالة الشعر

 

منتظراكم يا قمرات

 

احبكم في الله

 

في حفظ الله

[رحيل القمر 1]

بالصراحه كده تعبه نفسك

كل ده عشانا ده انتى تستحقى الف شكر

انا عمرى ما استخدمته

وطلعت على فكره بشرتى دهنيه

كنت بستعمل بودره واقيه من الشمس

همسك شمسيه احطها فى عين الشمس ههههه

عندى سؤال النقاب بيمنع الشمس؟؟؟

[راغبة بالفردوس 477]

بالصراحه كده تعبه نفسك

كل ده عشانا ده انتى تستحقى الف شكر

انا عمرى ما استخدمته

وطلعت على فكره بشرتى دهنيه

كنت بستعمل بودره واقيه من الشمس

همسك شمسيه احطها فى عين الشمس ههههه

عندى سؤال النقاب بيمنع الشمس؟؟؟

 

ولا تعب ولا حاجه ياحبيبتي

أنا تحت أمركم :biggrin:

 

وسؤالك عن النقاب أنا قلت انه مش بيمنع ضرر أشعه الشمس بالكامل

دائماً تسعديني بمشاركتك وردودك

 

شكراً حبيبتي

[راغبة بالفردوس 477]

 

 

 

أختي راغبة الفردوس ، جزاك الله على مجهودك ، موضوع أكتر من رائع، أنا متبعاكي بإذن الله لأني فعلا أعاني من بشرتي ... لسة في حب شباب رغم أنه صار لي أكثر من 5 سنوات متزوجة ، والطامة الكبرى أنه اصبح يترك لي بقع أكثر من الأول بسبب جفاف بشرتي ... والله أنا مش عارفة إيه نوع بشرتي ...

ححاول أعرف بكرة بإذن الله ،،، متبعينك حبيبتي ...

 

جزاكِ الله خيراً علي متابعتك يا أم نهي

 

وسعيده جداً بإنضمامك لينا

 

ويارب تكوني مشاركه مجتهده وشاطره وتتابعي أول بأول

 

ربنا يبارك فيكِ وفي نهي

 

والسلام عليكــم ورحمـة الله وبركاتــة ،،

[متاع الغرور 84]

بارك الله فيكي اختي على مجهودك

انا في حالتي ربما مش بحاجة كثير الى واقي الشمس عشان انا 24 ساعه في البيت لا بشتغل ولا يحزنون :biggrin:

متابعين برضو للنهااااايه الله يعينك علينا :wub:

[بنوته مسلمه مصريه 458]

جزاك الله خيرا رغوبه

فعلا تعبينك معانا

انا عمرى ماستعملت الصن بلوك ساعات تحسى اللى حطاه كأنها حاطه ميكب

بس ممكن اعرف منك ايه انواع كريمات النهار وكريمات الليل

انا بصراحه باستخدم كريم واحد للفترتين وكمان ساعات بنسى

اه نسيت اقولك نوع بشرتى عملت زى ماقلتى ملقتشى دهون فى المنديل

بس احيانا قصدى اوقات قليله جدا بلاقى فيه دهون فى منطقة الانف

يعنى برضوا معرفتش نوعها ايه

طيب ممكن اسأل سؤال يمكن يوصلنى هى بشرة الجسم بتبقى هي هيه نفس نوع بشرة الوجه؟

سؤال غبى صح بس بجد انا مش عارفه

[راغبة بالفردوس 477]

جزاك الله خيرا رغوبه

فعلا تعبينك معانا

انا عمرى ماستعملت الصن بلوك ساعات تحسى اللى حطاه كأنها حاطه ميكب

بس ممكن اعرف منك ايه انواع كريمات النهار وكريمات الليل

انا بصراحه باستخدم كريم واحد للفترتين وكمان ساعات بنسى

اه نسيت اقولك نوع بشرتى عملت زى ماقلتى ملقتشى دهون فى المنديل

بس احيانا قصدى اوقات قليله جدا بلاقى فيه دهون فى منطقة الانف

يعنى برضوا معرفتش نوعها ايه

طيب ممكن اسأل سؤال يمكن يوصلنى هى بشرة الجسم بتبقى هي هيه نفس نوع بشرة الوجه؟

سؤال غبى صح بس بجد انا مش عارفه

 

جزانا واياكِ حبيبتي

ومفيش تعب ولا حاجه ، كله يهون عشان خاطر عيونكم

 

وبشرتك يبدو انها عاديه ، وخاصه لو مفيش شده في وجهك ، أما لو في شده تبقي مائله لان تكون جافه

 

أما عن كريم الليل والنهار ، فسأذكر لكِ الفرق بينهم

.........................

كريم الليل:

فهو يتسب عبر المسامات الى داخل الطبقات الجلدية حتى يعمل على تنشيط الدورة الدموية وتغذية الخـــلايا مما يساعد على تكاثرها,,

أي..

أن دوره هــــــــو الحمــــاية,

 

كما أنه يؤثر على عمليــة الشيخـــوخة فيقوي الأنسجة ليعطي الحيوية والجمـــــال...

 

أما كريم النــهار:

استعماله يلعب دورا مهما بالنسبة لحماية البشرة العوامل الخارجية وخاصة أشعة الشمس,

 

كما أنه يمنع تبخر الماء من الجلد فيحافظ على تعديل الرطوبة ويمنع تسرب الأوساخ الخارجية عبر المسامات,

 

وهو يلعــب دور العازل بين البشرة وكـــــــل ما يحيـــط بهــــا..

...................

 

وبشره الجسم ليس شرطاً ان تكون مثل بشره الوجه ، وحتي فروه الرأس ليس شرطاً أن تكون في مثل نوع الشعر نفسه

 

أتمني إني أكون أفدتك ....وسعيده بمشاركتك الدائمه وتفاعلك المستمر :biggrin:

[حفصة أحمد 40]

السلام عليكم ورحمة الله وبركاته،،

 

مشكوره جداااااااااااااااااااااا على مجهودك الرائع .

بجد ربنا يجزاك عنا خير .

 

لكن انا لا استعمل الصن بلوك ابدا لانى منتقبه بفضل الله

عارفه انك قلت عن النقاب لا يمنع ضرر الشمس بالكامل طيب واللى مش بتخرج كتير زى؟؟ :biggrin:

وفى ناس قالتلى انى ممكن اخيط قماشه بيضاء نحن النقاب بتعكس اشعة الشمس فهل ممكن تعوض عن الصن بلوك ؟؟ :unsure:

عارفه ان اسئلتى غبيه لكن انتى كريمه ماشاء الله وبتردى

ما تكسفينيش ..الله يكرمك يارب .

:-

[الاستشهادية 10]

 

بارك الله فيك

وجزاك عنا كل الخير

أنا بصراحة غير مقتنعة بتاتا بواقي الشمس

عندما أرى أحدهم تضعه وأكني أراها تضع أساس على وجهها

منظرها يضايقني جدا

لذلك أنا بكرهه في الله

:)

[راغبة بالفردوس 477]

السلام عليكم ورحمة الله وبركاته،،

 

مشكوره جداااااااااااااااااااااا على مجهودك الرائع .

بجد ربنا يجزاك عنا خير .

 

لكن انا لا استعمل الصن بلوك ابدا لانى منتقبه بفضل الله

عارفه انك قلت عن النقاب لا يمنع ضرر الشمس بالكامل طيب واللى مش بتخرج كتير زى؟؟ :unsure:

وفى ناس قالتلى انى ممكن اخيط قماشه بيضاء نحن النقاب بتعكس اشعة الشمس فهل ممكن تعوض عن الصن بلوك ؟؟ :roll:

عارفه ان اسئلتى غبيه لكن انتى كريمه ماشاء الله وبتردى

ما تكسفينيش ..الله يكرمك يارب .

:wub:

 

لا شكر علي واجب حبيبتي حفصه

وجزانا الله واياكِ خيراً

 

وانا عارفه ان الاغلبيه منكوا لابسين النقاب بفضل الله

وانا مش عارفه حكايه القماشه دي صح ولا لا ، لاني أسأساً مش لابسه نقاب

 

وعلي العموم جربي القماشه دي ومش هتخسري حاجه :rolleyes:

 

وانا تحت أمرك حبيبتي :mellow:

[راغبة بالفردوس 477]

 

بارك الله فيك

وجزاك عنا كل الخير

أنا بصراحة غير مقتنعة بتاتا بواقي الشمس

عندما أرى أحدهم تضعه وأكني أراها تضع أساس على وجهها

منظرها يضايقني جدا

لذلك أنا بكرهه في الله

:)

 

وفيكِ بارك حبيبتي الاستشهاديه

 

وانا لا أضع واقي الشمس بكثره ، أضعه فقط عندما نكون في شهر 8 مثلاً وأكون خارجه في فتره الظهيره

 

لان بشرتي حساسه وعندي نمش وبيزيد عندما أتعرض للشمس

...........

وأنا عملتله حلقه لاننا بنتكلم عن البشره ، والشئ بالشئ يذكر ، وأكيد هناك الكثير يستخدمونه ، عشان كدا ذكرت أفضل الانواع

 

كلامي صح ولا لا ..... :biggrin:

 

وشكراً علي متابعتك الدائمه :biggrin: :tongue:

[*تاجى حجابى* 13]

السلام عليكم ورحمة الله وبركاته،،

 

بوركتِ يا رغوبه

الحمد لله ،أعتنى ببشرتى بزيت اللوز (الحلو والمُر) وزيت الزيتون ونتيجتهم معى أكتر من رااائعه بفضل الله

سؤال : هل أكتفى بذلك أم أضع كريم الليل والنهار

[راغبة بالفردوس 477]

 

 

السلام عليكــم ورحمـة الله وبركاتــة ،،

اليوم الثالث

 

بســم الله الـرحمــن الرحيــم

 

 

ازالة الشعر الزائد في الوجه ( طبعاً الحواجب مش تبعنا خااااااااااااالص ، يعني مانقربش منها )

 

فاهمييين ؟؟؟؟؟؟

 

 

طبعا المشكله الاكتر هتكون عند اللي بشرتهم حساسه

 

انا اكتر واحده بشرتي حساسه

 

ومختلطة

 

هقولكوا علي اللي بيحصل من بعض الناس

 

 

الاول بيروحوا الكوافير كل شهر

 

 

وبعدين لما يتجوزوا يبدأوا يروحوا كل اسبوعين زيادة اهتمام

 

 

وطبعا لو الصبح هيروحوا يكونوا عاملين حسابهم من بالليل وطابخين

 

 

غير ان ممكن وشهم يحمّر ويضطروا يقعدوا ساعه في الكوافير عقبال ما يهدى

 

 

ده غير النص ساعه الانتظار لو في زبونة قبلهم

 

 

والنص الساعه اللي هيعملوا فيها

 

 

والنص الساعة رايح جاي والنص ساعه لبس على الاقل ويمكن اكتر لو هياخدوا الاطفال

 

 

ونص ساعه لما يرجعوا ويلبسوا هدوم البيت

 

 

يعني 3 ساعات على الاقل

 

 

يعني الموضوع ممكن يكون مشكلة حياه

 

....................................

 

عشان كدا بقه لازم تتعلموا تعملوا لنفسكوا في البيت

 

 

 

ومتروحوش الكوافير نهائيا لاي سبب من الاسباب

 

وده طبعا اوفر كتيييييييييييييييير

 

 

 

وقت ومجهود وفلوس طبعا يعني 30 جنيه في الشهر ممكن تشتري بيهم حاجه تانيه أحسن

 

 

 

المهم ........

 

هقولكوا تعملوا ايه ؟؟؟؟

 

اولا : اليوم اللي قبل الازاله تنظفي وجهك وتعملي ماسك سنفرة او حمام بخار وسنفرة بالسكر بس ( سكر الاسرة ) او اي سكر ناعم زيه

 

 

ثانيا : يوم الازالة اغسلي الوجه والرقبه كويس جدا جدا بصابونة ديتول

 

 

ونشفي كويس جدا جدا

 

 

ثالثا : الشعر فوق الفم وتحت الفم بالفتله وكل اللي تقدري توصليله من وجهك ماشي

 

 

رابعا: الاجناب اللي هي السوالف يعني ممكن تكون بالسيلك ابيل شفرة الوجه ده لو ماطلتيهوش بالفتلة خالص

 

 

خامسا : باقي الوجه اما تشقير وده هيكون بعد الازاله بيوم او قبلها بيوم

 

 

او بالسيلكابيل بردو

 

 

طبعا كل واحده حسب كثافة الشعر عندها ( ونصيحه اللي شعر وجهها خفيف ومش باين ما تعملش فيه حاجه )

 

 

 

سادسا : تكوني محضرة ماسك النشا ..

 

 

سابعا : لو مع ذلك بيطلع حبوب يبقى بعد الازاله مباشرة كريم فيوسيدين كريم

 

 

.............................

 

طريقة الفتلة .....

 

 

بالنسبة للخيط المستعمل نوعية جيدة قطن لا رفيعة ولا خشنة

 

 

خذي قطعة من الخيط طولها 40 سم تقريبا اربطيها بشكل عقدة من الطرفين

 

 

 

 

 

 

حاولي تخلي العقدة قريبة من واحده من ايديكي

 

 

 

 

 

 

 

نعمل كام تقاطع بالخيط

 

 

 

 

 

 

بالشد يمرر الخيط على البشرة بطريقة الفتح والغلق كالمقص وبشكل سريع

الايدين تكون لتحت

 

 

 

واحده ثابته والتانيه الصباعين بيتحركوا زي المقص

 

 

ده اهم نقطه ان ايد منهم ثابته والتانيه بس هي اللي الصباعين بيتحركوا زي المقص

 

 

وطبعاً في صور بس فشلت اني انزلها ، لو عايزين الصور قولولي أعمل اي وانا أنزلها

 

......................

اتمنى بجد تتدربوا عليها ومتروحوش الكوافير :closedeyes:

 

 

 

منتظراكم تقولولي اتعلمنا ان شاء الله

تم تعديل 17 مايو, 2010 بواسطة راغبة بالفردوس

[راغبة بالفردوس 477]

السلام عليكم ورحمة الله وبركاته،،

 

بوركتِ يا رغوبه

الحمد لله ،أعتنى ببشرتى بزيت اللوز (الحلو والمُر) وزيت الزيتون ونتيجتهم معى أكتر من رااائعه بفضل الله

سؤال : هل أكتفى بذلك أم أضع كريم الليل والنهار

 

السلام عليكــم ورحمـة الله وبركاتــة ،،

 

وفيكِ بارك حبيبتي

بيتهيألي ممكن تكتفي بذلك ، وخاصهً انك بتقولي ان النتائج رائعه ماشاء الله

 

انا لست متأكده ، بس لو أنا مكانك هكتفي بذلك ، وأنا فعلاُ بستخدم زيت زيتون ونتائجه ممتازه ماشاء الله