☀ ☀دوره الطبخ العبقرية لكل انثى ذكية☀ ☀ >> ملف الأرز <<

[مسلمة مجاهدة 353]

 

 

 

 

 

والان ملف لعمل الارز بانواعه الشائعه

فالارز من الوجبات الاساسيه على المائده فى وجبه الغذاء وهو يقدم بجانب معظم الاطباق

والكثير منا يشكو من ان الرز يعجن معها او ان تسويته مش مظبوطه ونئ وتريد ان تقدم رز مفلفل وابيض جميل

لذا تفضلن معنا

الارز الابيض العادى

 

المقادير

 

كل كوب ارز = كوب ونص ماء "الكميه حسب عدد افراد اسرتك "

ملعقه صغيره من الملح

ملعقه سمنه او زيت "افضل الزيت لانه عامل اساسى فى جعل الرز مفلفل "

 

 

الطريقه ببساطه

 

ننقى الارز جيدا ثم نغسله كويس جدا كذا مره حتى يصبح ابيض تماما

ننقع الرز على الاقل ساعه "كل رز على حسب نوعه "ثم نصيفه من الماء

نقدح الزيت مع السمن جيدا فى الحله ثم نضع الرز ومعه الملح ونتركه دقيقتان يسخن "هذا ما يجعله مفلفل "

ثم نضع الماء ومع الوقت ستكتسبى الخبره بالنظر بمعنى عندما يغطى الماء الرز بمقدار نص سم

غطى الحله وما ان يشرب الرز الماء وطى النار واتركيه يتردد لمده 10 دقائق مثلا ثم ذوقيه وان استوى اطفى النار عليه

 

 

 

الارز بالشعيريه

 

نجيب مقدار من الشعريه ونحمره فى زيت مع سمن حتى يصبح لونها دهبى ثم نضع الارز ونكمل باقى الخطوات عادى جدا هكذا

 

 

ننقع الأرز بالماء

 

 

 

في هذا الوقت نضع قليل من السمن في الطنجرة (الحلة) ونضيف الشعيرية

 

نقليها حتى تحمر

 

ثم نصفي الأرز من الماء ونضيفه فوق الشعيرية المحمرة

 

ونخلطهم

 

 

ثم نضيف الماء ( لكل كوب أرز كوب ونصف ماء) وطبعا ما ننسى الملح ونحركهم ونغطيهم لما يغلي الماء نخفض الغاز على الآخر ونبقيه مغطى حوالي 10 دقائق او حين الاستواء (كل حسب غازه)

 

 

 

وبعدها نكشفه ونحركه جيدا

 

ونقدمه والف هنا

 

 

 

 

 

الارز بالكارى والكركم "الارز الاصفر "

 

ممكن بالبدايه تقطعى بصله قطع صغيره وتحميرها فى زيت مع سمن وتضى الارز ثم الماء ثم ملعقه كبيره من الكارى مع بعض الكركم وشويه فلفل اسمر "مش كتير " وبعض القرفه "اختياريه "وتكملى عادى نفس الخطوات وتحصلى بالنهايه على رز اصفر شهى ويقدم بجانب الجاج المحمر والمشوى او الدجاج البانيه

 

 

 

 

الارز الاخضر

 

المقادير :

نصف كيلو فول اخضر – 2 كوب ارز – بصلة مفرية – زيت – ملح – فلفل اسود – ماء وشوية شبت

 

طريقة التحضير :

- يقشر الفول الاخضر لاخذ الحبوب وتقطع البصلة قطع صغيرة او مفرية . - تحمر البصلة فى الزيت ثم اضافة حبات الفول مع التقليب ثم اضافة الارز المغسول و التقليب حتى يتشرب الماء . - اضافة الملح والفلفل والماء حتى تغطية الارز والفول على ان يكون ارتفاع الماء اعلى من الارز بحوالى 1 سم تقريبا ويغلى . - تهدأ الحرارة كالمعتاد حتى يتم نضج الارز بالفول ويقدم ساخنا فى حالة حبات الفول الكبيرة يمكن ان يضاف الماء قبل الارز مع الفول ويغلى حتى ينضج نصف نضج ثم اضافة الارز وتكملة نضجة .

 

 

 

[مسلمة مجاهدة 353]

 

 

 

الارز الاحمر

 

شوحي بصله لحد ما تبقي بني وحطي فص توم مفروم ناعم وبعدين جيبي الطماطم او الصلصه "ملعقتين كبار "

 

تقريبا 2حبة طماطم بس مش تعصريهم خليها مضروبه خشنه يعني فيها قطع طماطم صغيره

 

وتحطيها علي البصل وحطي ملح وكمون وخليها تتسبك جدا "اهم خطوه عشان الرز يحمر "وزودي المايه وحطي الرز

 

وسيبهم على نار عاليه لحد ما يتشرب الرز الماء وبعدين توطى النار لحد ما يتردد الرز ويستوى

 

 

 

الارز الحبه وحبه

 

ان كنتى ستخدمين 2 كوب رز مثلا

فستأخذى نص كوب وتحميره فى سمنه مع زيت لحد ما ياخد اللون الدهبى ثم البنى "بياخد شويه وقت فاصبرى " ثم تضعى بقيه كميه الرز والماء وتكملى باقى الخطوات عادى فتحصلى على رز حبيه بنى واخرى بيضا روعه ومفلفل ويقدم مع السمك المشوى غالبا

 

 

 

الارز الصياديه "البنى "

 

اسهل طريقه له مجربه

 

تجبيى بصله كبيره وتقطعيها بالسكينه قطع صغيره جداا "مربعات ثم تشوحيها فى السمن مع الزيت حتى تيصبح لونها بنى غااامق بس حاسبى تتحرق ثم تضعى كميه الارز والملح وفلفل اسمر ان اردتى وتقلبى وتتركيه يسخن شويه مع بعضه عشان يطلع مفلفل

ثم تضعى كميه الماء وتتركيه يتردد وستحصلى على رز بنى رووعه يقدم مع السمك المقلى

 

 

 

 

[مسلمة مجاهدة 353]

 

الارز بالخلطه

 

ارز الولائم ويشرفك فى العزومات وفى رمضان خاصه لو عزمه اهل زوجك :tongue: ويقدم مع دجاجه محمره او بطه محمره "حاجه جامده يعنى "

 

المقادير

كوب رز ابيض مغسول

نص كوب زبيب ,, نص كوب بندق مقطع نص"ان وجد"

نص كوب كبده مقطعه صغيره في حجم البندقه متبله في( فلفل و ليمون كتييير)

ملح ( حسب الرغبه) ,فلفل اسود,,زعتر ,,بهارات عربى "اللى تحبيه ",,

4 ملاعق سمن كبيره

3 كوب ماء"على حسب نوع الرز بتاعك "

 

ممكن تزودى قرفه عيدان ,قرنقل عيدان مش كتير ,,قليل من الكارى

 

 

 

الطريقه

 

علي النار نضع 2 ملعقه سمن و نحمر البندق لغايه ما يلون

وبعد كده نشيله و في نفس السمن نحمر الزبيب نفس الطريقه مع الكبده

 

 

 

في حله علي النار نضع 2 ملعقه السمن و نحط الارز المغسول

نحمر الارز لغايه ما يبقي اللون ذهبي

بعد كده نحط البندق و الزبيب و الكبده و التوابل و نقلب ونسيبه يسخن شويه مع بعضه

بعد كده نحط الماء و نسوي زي الارز العادي

ويقدم بهذا الشكل ,,,,,,,,,

 

 

 

 

 

 

 

[مسلمة مجاهدة 353]

 

الارز بالعدس "الكشرى الاصفر "

 

من الاكلات المفضله جداا عند المصريين وهو اكله شعبيه غير مكلفه نهائى

 

المقادير

2كوب أرز مصري-1كوب عدس أصفر ( أى لكل كوب أرز نصف كوب عدس )

3ملاعق زيت - ملح --2 ونصف كوب ماء

 

 

الطريقة

 

يغسل الأرز مع العدس ثم يصفا من الماء

 

 

يوضع الزيت في الحلة يسخن ثم نضع الماء بعد أن يغلي الماء نضع الملح ثم الأرز مع العدس ونطبخه مثل الأرز

 

 

 

وهذا الشكل النهائي

 

 

 

يقدم معه سمك مشوي -- أو كفته وبطاطس محمرة -- وسلطه خضراءمع كل الحالات

 

وبالهنا والشفا

 

 

 

 

[مسلمة مجاهدة 353]

 

 

واخيرا الكشرى المصرى

 

المحبب لدى كل المصريين والمشهور فى المطاعم جدا جداا

 

سنتعرف عليه بالتفصيل لاهميته

 

المقادير

 

مكونات الطبق:

(هذه الكمية تكفى لعمل 8 أطباق)

 

300جرام أرز مصرى أو 2كوب شاى أرز + 125جرام عدس أصفر

250جم عدس بجبة(عدس أسود وهو العدس الأصفر ولكن بقشرته)

250جم مكرونة اسباجتى

250جم مكرونة صغيرة

125جم حمص شامى أو كوب شاى حمص

250جم شعرية ملفوفة ، ان لم تتوفر لديكى فاستخدمى الشعرية المكسرة

 

 

 

الطريقه

 

1-يفضل نقع حمص الشام والعدس الأسود(بجبة)فى الماء قبل الطهى لمدة 12ساعة

قومى بوضع كل منهم على النار مع متابعة عملية النضج وقبل إطفاء النار عليهم بدقيقتين ضعى عليهم مقدار مناسب من الملح للتمليح.قومى بتصفية كل منهم فى مصفاة واشطفيهم بقليل من الماء

 

 

· التقلية(الورد)

 

احضرى قلاية وخرطى البصل فيها قطع صغيرة وضعى عليه الملح وقلبيهم ثم ضعى كمية زيت مناسبة وارفعى القلاية على نار هادئة وضعى عليها غطاء لينضج البصل على البخار وقلبيه من آن لآخر.

عندما تشعرين أن البصل نضج ارفعى الغطاء واتركى النار هادئة واستمرى فى التقليب حتى تحصلى على تقلية لونها بنى ذهبى واحترسى من حرقها.

صفى التقلية (الورد) من الزيت واتركيها تبرد ستجدى ان قطع البصل أصبحت خفيفة ومقرمشة مثل بتلات الورد المجففة والفضل فى ذلك يرجع للملح. يمكنك وضعها على منديل ورقى للتخلص من الزيت نهائيا.

 

 

 

أصبح لدينا الآن زيت بصل وهو الناتج من التقلية وسنستخدمه فى طهى الأرز والصلصة.

 

· الأرز

اغسلى الأرز وانقعيه 10دقائق ثم صفيه وضيفى عليه العدس الأصفر المغسول والمصفى واخلطيهم معا.

 

فى اناء طهى (حلة) ضعى كمية زيت بصل مناسبة وسخنيه (تقريبا 3 ملاعق كبيرة زيت)،ثم ضعى عليه خليط الأرز والعدس الأصفر وقلبيهم جيدا مع الزيت ثم ضعى مقدار مناسب من الملح والماء يكفى للنضج."ممكن الاكتفاء بالارز الابيض فقط "

 

 

· الشعرية

ضعى الشعرية فى اناء واسع وعميق وفككيها قليلا اذا كانت ملفوفة وقومى بقدح الزيت وضعيها واتركيها تتحمر

بعد التحمير سيتقلص حجمها ضعى عليها ملح و ماء يغمرها واتركيها تنضج/تسلق على نار هادئة ثم صفيها واغسليها بقليل من الماء وبعد تصفيتها تماما ضعيها فى إناء واتركيها للإستخدام.

 

 

 

· الصلصة

ضعى الثوم المفروم وعليه قليل من زيت البصل فى اناء على النار وعندما تفوح رائحة الثوم ويصفر لونه ضيفى له عصير الطماطم والملح.وبعض الشطه والكسبره الناشفه ان اردتى

اتركيها تغلى 5 دقائق أو أكثر لكن لا تتركيها تتسبك(ينفصل الزيت عن الطماطم) وان وجدتى قوامها كثيف جدا فضيفى لها بعض الماء واتركيها حتى تغلى .

 

 

 

* دأة الكمون

 

ضيفى مكوناتها جميعا( ثوم مفروم + كمون + خل + ماء + ملح)فى وعاء ثم قلبيها جيدا.أو ضعيهم فى زجاجة،مثل مطاعم الكشرى، ورجيها جيدا.

 

اما الشطه

 

ملعقة شطه مطحونه في الزيت وبحمرها شويه قليل لا تكثري

 

 

هنا بضع علي الشطه بعد التحمير شويه ملعقه كبيره او ملعقتين من صلصة الكشري

 

 

المكرونه

 

اسلقى المكرونه الصغيره مع المكرونه الاسباجتى مع قليل من الزيت والملح حتى النضح وبعدها صفيها واشطفيها بالماء ثم ضعى ملعقه سمنه فى حله وعليها بعض الملح ومن ثما قلبى المكرونه فيها لمده دقيقتان تحصلى على مكرونه رووعه لونها لامع "دوما اعملها هكذا "

 

 

 

· إعداد الطبق

ضعى مكونات الكشرى فى الطبق بالترتيب التالى:

o الأرز، يكفى أن تضعى منه ثلاث ملاعق

o المكرونة الإسباجتى

o المكرونة الصغيرة

o الشعرية

o العدس الأسود

o التقلية(الورد)

o الحمص

 

فى أطباق صغيرة ضعى سلطة وصلصلة ودأة ومعها طبق السلطه

بهذا الشكل

 

]

وبالهنا والشفا

 

 

وبهذا نكون انتهينا من هذا الملف

 

وانتظرونا فى ملف اخر (المحاشى )ان شاء الله

[مسلمة مجاهدة 353]

 

الواجب العملي:

 

* إختيار طبق أو إثنين من كل مشتركة (حسب قدرتك) وتحضيره وتصويره(لا تنسي كتابة إسمك وإسم المنتدى على الصورة) أو إخبارنا بالطريقة والنتيجة وكيفية مذاقه

 

* الواجب يكون في صفحة التطبيقات >> هــنا <<

 

بالتوفيق للجميع ^__^

 

 

[زهرة نسرين 246]

حاضر يا مسلمة

يعني هذا هو الدرس الثالث ؟

و التطبيقات حتى يوم الجمعة؟

[مسلمة مجاهدة 353]

حاضر يا مسلمة

يعني هذا هو الدرس الثالث ؟

و التطبيقات حتى يوم الجمعة؟

 

 

نعم هذا هو الدرس الثالث

 

والتطبيقات حتى يوم الجمعة إن شاء الله تعالى

 

:)

 

[في سبيل الله> 0]

السلام عليكم ورحمة الله وبركاته

ما شاء الله صور تفتح القابلية

ان شاء الله اطبق الكشري من زمان كنت حابة اعرفه (:

تسلم ايديكن اخواتي مسلمة مجاهدة ،،وصاحبة ( ندعو الله ان يعجل وصل النت عندكم)

[ساره أم حمزه 1040]

وعليكم السلام ورحمة الله وبركاته

جزاك الله خيرا مشرفتى مسلمة مجاهده

ممكن سؤال انتى فى اول طريقه الارز الابيض العادى

قلتى سمنة او زيت وافضل الزيت

وفى الطريقه قلتى نقدح السمنة مع الزيت

 

 

وكمان سؤال العدس اللى فى الصورة مش برتقالى زى اللى امى بتعمله

والزر بتاع بلاد بره كبير لكن عندنا صغير فى مصر هو السبب يعنى ان مثلا امى

بتحط كمية عدس اكثر من اللى قلتيها ؟

لان انا متعوده عليه كده برتقالى

 

إن شاء الله اعمل التطبيق

معلمتى ام حبيبة قالتلى انى طالما معنديش كاميرا احط تقرير عن التطبيق

بس هو انتوا تعتبرونى زى اللى صورت لانى معنديش كاميرا ليا

لانى زعلانه كده

[قطر الندى2 1]

وعليكم السلام ورحمة الله وبركاته

الله يجزيك خير أستاذة مسلمة مجاهدة

على هذا الدرس الذي سنستفيد منه باذن الله

نلتقي في صفحة التطبيقات ان شاء الله

في امان الله.

[ساره أم حمزه 1040]

نجيب مقدار من الشعريه ونحمره فى زيت مع سمن حتى يصبح لونها دهبى ثم نضع الارز ونكمل باقى الخطوات عادى جدا هكذا

جزاك الله خيرا ( :

بس ممكن توضحى زيت أد ايه وسمنة اد ايه فى كل الطرق ؟

[omsagda 4]

السلام عليكم ورحمة الله وبركاته،،يا اختى مسلمة مجاهدة انت فى وصفة الكشلرى المصرى استخدمت صحون كثيرة ولو الست المصرية استخدمت كل الصحون دى لكنت معلتهوش خالص ،انا بقى مصرية وقدر اعمل الكشرى المصرى اسرع من كدة

1_تقطعى بصلة صغير مع ملح وفلفل وشوحى على النار

2-ضعى المقدار المناسب من الماء الذى يتناسب مع كمية الارز +كوب ماء زيادة لسوية العدس بجبة (الاسود)

3_عند غلى الماء ضعي الارز+العدس وغطى الحلة وفى نفس الوقت تكونى حمرتى الشعرية وضعيها على الارز(اول حلة)

4_وعندما يتشرب الارز الماء هدئى النار

5-وفى نفس الوقت تكونى وضعتى الحمص يستوى وبرضه فى نفس الوقت انت بتسلوقى المكرونة

6_لما تتسلق المكرونة تشوحيها مع ثوم وملح وفلفل اسود وبقى انت كدة خلصت من المكرونة خالص (تانى حلة)

7_نقطع بصل حلقات وترشى عليه قليل من الدقيق الابيض عشان لايشرب زيت ويبقى مقرمش وبعد كده حمريه فى الزيت

8_بعد ما يطلع تخدى جزء منه وتضعى عليه الصلصةو الثوم والملح والفلفل الاسود وسبكيهم على النار وبعد كدة ابعدي الطاسة عن النار ولما تهدئ ضعي على الصلصة شوية خلورجعيها عالنار تانى

فى النهاية انت عندك كدة حلة للارز والعدس والشعرية وحلة تانية للحمص وثالثة للمكرونة وطاسة الصلصة وتكونى عملتيه في اقل من ساعة اكلة دى عندنا فمصرمن اسرع واسهل الكلات وبالهنا والشفى

[مسلمة مجاهدة 353]

السلام عليكم ورحمة الله وبركاته

ما شاء الله صور تفتح القابلية

ان شاء الله اطبق الكشري من زمان كنت حابة اعرفه (:

تسلم ايديكن اخواتي مسلمة مجاهدة ،،وصاحبة ( ندعو الله ان يعجل وصل النت عندكم)

 

وعليكم السلام ورحمة الله وبركاته

 

سعيدة بمرورك وننتظر تطبيقك للكشري :)

وأنا نفسي جربه (بسمع انو مشهور بمصر واشتهيت جربه!!!) إن شاء الله يوما ما...

 

 

وعليكم السلام ورحمة الله وبركاته

جزاك الله خيرا مشرفتى مسلمة مجاهده

ممكن سؤال انتى فى اول طريقه الارز الابيض العادى

قلتى سمنة او زيت وافضل الزيت

وفى الطريقه قلتى نقدح السمنة مع الزيت

 

في ناس بتحط سمنة وناس زيت وناس بتخلط شوية سمنة وشوية زيت (وانا عن نفسي بعمل هكذا في عمل الارز بالشعيرية) إنما الارز الابيض بكتفي بالزيت لأنه اقل دسامة... فأنت اللي تختاري طريقة منهم...

 

وكمان سؤال العدس اللى فى الصورة مش برتقالى زى اللى امى بتعمله

والزر بتاع بلاد بره كبير لكن عندنا صغير فى مصر هو السبب يعنى ان مثلا امى

بتحط كمية عدس اكثر من اللى قلتيها ؟

لان انا متعوده عليه كده برتقالى

للعدس أنواع في لون برتقالي ولون بني ... ربما الوالدة استعملت نوع تاني ما اعرف لو في انواع تانية في مصر!!

لو كان اصغر يبقى مش هيبان مع العدس لأن لما ينضج العدس بينفش وكذلك الارز ودائما لازم الارز يكون اكتر من العدس الا اذا الشخص نفسه بيحب كمية العدس اكتر من الارز!! لكن بكل الاحوال لما تدخل صحوبة تجاوبك لو في اجابة تانية (لأني مش مصرية ما بعرف ايه الموجود بمصر وطريقة الاكل تختلف قليلا...)

 

 

إن شاء الله اعمل التطبيق

معلمتى ام حبيبة قالتلى انى طالما معنديش كاميرا احط تقرير عن التطبيق

بس هو انتوا تعتبرونى زى اللى صورت لانى معنديش كاميرا ليا

لانى زعلانه كده

 

سعيدة جدا بحماسك وهمتكِ سارة :)

 

عارفة انو ما عندك كاميرا ان شاء الله قريبا يصير عندك ولا بأس بالتطبيق واخبارنا بالطريقة وكيف كانت النتيجة وكما لاحظت اني وضعت هذا التنويه بالواجب العملي :)

 

بوركتي وبالتوفيق لكِ وللجميع

 

وعليكم السلام ورحمة الله وبركاته

الله يجزيك خير أستاذة مسلمة مجاهدة

على هذا الدرس الذي سنستفيد منه باذن الله

نلتقي في صفحة التطبيقات ان شاء الله

في امان الله.

 

ويجزيكِ الخير على مرورك ومشاركتكِ لنا

 

والإستفادة هي الهدف من هذه الدورة ولزيادة مهارة الجميع إن شاء الله

 

بإنتظار التطبيقات :)

 

[مسلمة مجاهدة 353]

نجيب مقدار من الشعريه ونحمره فى زيت مع سمن حتى يصبح لونها دهبى ثم نضع الارز ونكمل باقى الخطوات عادى جدا هكذا

جزاك الله خيرا ( :

بس ممكن توضحى زيت أد ايه وسمنة اد ايه فى كل الطرق ؟

 

وإياكِ :)

 

بالنسبة لكمية السمنة والزيت كل حسب الشخص وحسب الكمية!! يعني مثلا بالنسبة لي بضع حوالي ملعقة طعام او نصف ملعقة (ملعقة الطبخ) من السمنة والزيت بضع حوالي ملعقة ... اذا كانت الكمية لحوالي كوبين ونصف - 3 اكواب رز...

 

أما اذا اقل فبقلل الكمية وعلى فكرة انا بقدر بالنظر أكتر (سبحان الله هكذا بطبخ نظريا) لكن في ناس بتحب الاكل يكون أكثر دسامة والرز يلمع (واللمعان بيكون طبعا من كمية السمنة والزيت) فلذلك كل حسب نفسه..

 

إن شاء الله كون أفدتكِ !!

 

 

السلام عليكم ورحمة الله وبركاته،،يا اختى مسلمة مجاهدة انت فى وصفة الكشلرى المصرى استخدمت صحون كثيرة ولو الست المصرية استخدمت كل الصحون دى لكنت معلتهوش خالص ،انا بقى مصرية وقدر اعمل الكشرى المصرى اسرع من كدة

1_تقطعى بصلة صغير مع ملح وفلفل وشوحى على النار

2-ضعى المقدار المناسب من الماء الذى يتناسب مع كمية الارز +كوب ماء زيادة لسوية العدس بجبة (الاسود)

3_عند غلى الماء ضعي الارز+العدس وغطى الحلة وفى نفس الوقت تكونى حمرتى الشعرية وضعيها على الارز(اول حلة)

4_وعندما يتشرب الارز الماء هدئى النار

5-وفى نفس الوقت تكونى وضعتى الحمص يستوى وبرضه فى نفس الوقت انت بتسلوقى المكرونة

6_لما تتسلق المكرونة تشوحيها مع ثوم وملح وفلفل اسود وبقى انت كدة خلصت من المكرونة خالص (تانى حلة)

7_نقطع بصل حلقات وترشى عليه قليل من الدقيق الابيض عشان لايشرب زيت ويبقى مقرمش وبعد كده حمريه فى الزيت

8_بعد ما يطلع تخدى جزء منه وتضعى عليه الصلصةو الثوم والملح والفلفل الاسود وسبكيهم على النار وبعد كدة ابعدي الطاسة عن النار ولما تهدئ ضعي على الصلصة شوية خلورجعيها عالنار تانى

فى النهاية انت عندك كدة حلة للارز والعدس والشعرية وحلة تانية للحمص وثالثة للمكرونة وطاسة الصلصة وتكونى عملتيه في اقل من ساعة اكلة دى عندنا فمصرمن اسرع واسهل الكلات وبالهنا والشفى

 

 

وعليكم السلام ورحمة الله وبركاته

 

جوزيتي خيرا اختي ام سجدة بالنسبة لطريقة الكشري هنا أعتقد انها بالتفصيل الممل وخاصة للأخوات المبتدئات ولكن مع الوقت طبعا ست البيت حتعرف ازاي ترتب أمورها وتختصر من المواعين قدر المستطاع... لكن في اول الطريق المبتدئات أفضل لهن هكذا طبعا مش الكل محتاج لهذا التفصيل... الله أعلم..

 

وعلى فكرة أنا مش مصرية كما ذكرت سابقا يعني ما بعرف بالكشري ولا بطرقه ولا محتاج اد ايه مواعين انتوا المصريات ادرى مني وإن شاء الله صحوبة لما تدخل تقدر تقول لنا....

 

لكن أشكرك جزيل الشكر على مشاركتنا وصفتكِ وأكيد الاخوات حيستفادوا منها...

 

بإنتظار التطبيق :)

[ام رحمة السلفية 12]

السلام عليكــم ورحمـة الله وبركاتــة ،،

 

بارك الله فيكِ اختِ الحبيبة مسلمة

وصفات كلها رائعة وتقريباً نفس الطريقة البعملها

ان شاء الله اطبق الدرس واتمكن من التصوير

لعل مانع غياب حبيبة قلبى ام حبيبة خير

بارك الله فى جهودكنّ

[بُشرة خير 3]

السلام عليكم

 

معلش أنا توهت منكم :unsure:

 

هو ده الدرس التالت ؟

أمال فين التانى ؟

 

وكنت عايزة أستأذن صحوبة أو مسلمة مجاهدة ... انى متأخرة فى تطبيق الفول والطعمية ولكن لن أتخلف ان شاء الله ومصممة أعملهم

ولكنى تزوجت حديثاً هنا ف السعودية ولا أنزل إلا مع زوجى فى بداية كل شهر ونزولة الشهر ده فاتت فمازلت مش عارفة أشترى المكونات معلش اصبرن على وسأطبقه قريباً إن شاء الله

 

أما درس الأرز ففرحانة بيه أوووووووى

وان شاء الله أطبقهم كلهم وأجيب التطبيقات

ربنا يسعدكم ياااارب

 

 

جزاكى الله خيراً مسلمة مجاهدة

ولعل صحوبة تكون بخير يارب

[بُشرة خير 3]

كل كوب ارز = كوب ونص ماء "الكميه حسب عدد افراد اسرتك "

ملعقه صغيره من الملح

ملعقه سمنه او زيت "افضل الزيت لانه عامل اساسى فى جعل الرز مفلفل "

 

 

الطريقه ببساطه

 

ننقى الارز جيدا ثم نغسله كويس جدا كذا مره حتى يصبح ابيض تماما

ننقع الرز على الاقل ساعه "كل رز على حسب نوعه "ثم نصيفه من الماء

نقدح الزيت مع السمن جيدا فى الحله ثم نضع الرز ومعه الملح ونتركه دقيقتان يسخن "هذا ما يجعله مفلفل "

ثم نضع الماء ومع الوقت ستكتسبى الخبره بالنظر بمعنى عندما يغطى الماء الرز بمقدار نص سم

غطى الحله وما ان يشرب الرز الماء وطى النار واتركيه يتردد لمده 10 دقائق مثلا ثم ذوقيه وان استوى اطفى النار عليه

 

إن شاء الله أعمل أول طريقة دى النهاردة

 

بس ليا أسئلة يا مسلمة

هو كل كوب رز أدامه معلقة ملح صغيرة ؟ومعلقة زيت ؟

يعنى كل ما أزود الرز كل ما أزود معاه الملح والزيت ؟

 

ولماذا النقع ساعة يا ترى ؟

 

ولماذا نقدح السمن مع الزيت ؟ مش انتوا قولتوا الزيت أفضل ؟ وكم من كل منهما ؟

وازاى نعرف ان الزيت أو السمن قدحوا معلش ؟

 

كمان لما بحط الرز بيلزق فى بعضه وينشف ويكلكع ... ليه ؟

[ساره أم حمزه 1040]

في ناس بتحط سمنة وناس زيت وناس بتخلط شوية سمنة وشوية زيت (وانا عن نفسي بعمل هكذا في عمل الارز بالشعيرية) إنما الارز الابيض بكتفي بالزيت لأنه اقل دسامة... فأنت اللي تختاري طريقة منهم...

حسناً ... جزاك الله خيرا مشرفتى

 

للعدس أنواع في لون برتقالي ولون بني ... ربما الوالدة استعملت نوع تاني ما اعرف لو في انواع تانية في مصر!!

لو كان اصغر يبقى مش هيبان مع العدس لأن لما ينضج العدس بينفش وكذلك الارز ودائما لازم الارز يكون اكتر من العدس الا اذا الشخص نفسه بيحب كمية العدس اكتر من الارز!! لكن بكل الاحوال لما تدخل صحوبة تجاوبك لو في اجابة تانية (لأني مش مصرية ما بعرف ايه الموجود بمصر وطريقة الاكل تختلف قليلا...)

ايوة امى بتستخدم العدس البرتقالى فى الكشرى العادى وبيكون برتقالى كله يعنى حتى الارز

مش بيبقى ظاهر لون العدس هو اللى بيبقى ظاهر فى كل الطبق

يمكن اللى فى الصورة ش ظاهر انه كله برتقالى بسبب الارز كبير

لكن الارز عندنا صغير ( :

وبتستخدم العدس بجبة البنى فى كشرى مصر

سعيدة جدا بحماسك وهمتكِ سارة :)

 

عارفة انو ما عندك كاميرا ان شاء الله قريبا يصير عندك ولا بأس بالتطبيق واخبارنا بالطريقة وكيف كانت النتيجة وكما لاحظت اني وضعت هذا التنويه بالواجب العملي :)

 

بوركتي وبالتوفيق لكِ وللجميع

اسعدك الله فى الدنيا والاخره مشرفتى ( :

نعم انتوا موافقين الحمد لله بس انا زعلانه بس لانى مش هابقى بدرجة لو بحط صور

اللهم امين بارك الله فيك مشرفتى

[ساره أم حمزه 1040]

مشرفتى فى طريقة كشرى مصر كنت تقولى ناخد زيت البصل انا كده حسيت انه زيت كتير

طب لو هو خلص الزيت اقدح زيت بداله ؟

والصلصه مقلتليش كم احط صلصله اد ايه ؟

والملح اد ايه لازم اعرفه ( :

جزاك الله خيرا

[بُشرة خير 3]

وعندى أسئلة تانية يا مسلمة معلش

 

النار تبقى ازاى ؟ عالية وأوطيها ؟ ولا أوطيها م الأول ولا ايه ؟

ما احطش ع الرز الأبيض الأولانى خالص أى توابل تانية غير الملح الأبيض ؟ ولا حتى فلفل اسود ؟

الكوباية اللى بنعاير بيها الميا زى ايه كدة ؟ كوباية شاى ؟ ولا كوباية ميا طويلة ؟

[رحيل القمر 1]

هايل قوي قوي يارب ده انا فرحانه ان الدوره جت قبل الخطوبه

عشان قلب الراجل سكته البطن هههههه

 

ربنا يكرمك تعبينك معانا قوي

[صاحبه القلب الطيب 12]

معذره من الأخوات النت منقطع وعندما يعود سنجيب علي كل التساؤلات .دعواتكن

[ساره أم حمزه 1040]

ربنا ييسرلك الامور معلمتى صاحبة القلب الطيب

[omjana 6]

تسلمى مسلمة مجاهدة

 

وان شاء الله نعمل الواجب :mrgreen: