اذهبي الى المحتوى

المشاركات التي تم ترشيحها

انتي طلعتيلنا منيييييييييين بس ياست سعاد وبعدين ميصحش تيجي تخربي بيوت الناس بالشكل دا اعوذ بالله من الصنف دا

 

احنا مصدقناش ان ام فتحي اتصلح حالها مع مروة ايه الناس دي بس

 

مودام نوسمه عايشه عيشه ولا في الاحلام فراخ وطيور وارانب حاجه اخر اوبهه والاحلى من كدا فروجي ربنا يعينك يانوسمه

شارك هذه المشاركه


رابط المشاركه
شارك

حقيقة (الأنوسة نوسمة) لم تعجبني أبدددا في طريقة تعاملها مع زوجها

وواضح أنها متقززة منه

فلمَ وافقت عليهِ م الأول طالما أنه ليس بكفؤٍ لها !!

أتوقع ألا تدوم العلاقة بينهما لأنها ليست متقبلة تصرفات (المعلم فرج) وهو يعيش حياتهِ ببساطتهِ وسذاجتهِ أيضاً

ويبدو على تصرفاته أنه طيب لكنها هيَ من ربما تفسد هذه الزيجة !!

بانتظار ما تكشفهَ لنا الأيااام وبشوووق

 

سلمكِ الله هوبة الحبوبة يا جميلة <3

شارك هذه المشاركه


رابط المشاركه
شارك

أحلى ما في الموضوع :)

 

قبل ما اكمل الحلقات عندي اعتذار واجب

 

بعتذر لحماتي جدا اللي انا كنت السبب في سوء معاملتها ليا وإعراضها عني من غير ما اقصد

 

حماتي كل اللي كانت محتاجاه مني هو مجرد السؤال عليها

 

وانا ما كنتش بهتم بالأمر ده

 

عايشة حياتي زي ماكنت عايشاها في القاهرة بالظبط . يعني قافلة بابي علية وماليش اختلاط بحد

 

اول جوازي كانت هي تخبط عليا وهي مبتسمة وتقولي ازيك عاملة ايه . مش محتاجة اي حاجة ؟

 

لكن انا عمري ما خبطت عليها اشوفها عاملة ايه ولا اذا كانت محتاجة حاجة

 

ابتدت تشتكي لزوجي من عدم اهتمامي بيها لكن دون جدوى . دايما اتحجج ان يومي مشحون ومش فاضية

 

افتكر اني عمري ما خبطت عليها الا اذا كان جوزي طالب مني ابعتلها حاجة . وحتى لو كنت ساعات بعمل حاجة حلوة وانزلها منها فبنزل بس عشان زوجي ما يلومنيش مش اكتر

 

مش هنسى لما مرة طلبت من زوجي يشتريلي حاجة ورفض وهي قالتلي ماتزعليش لو هو قصر في حاجة اطلبيها مني وانا اجيبهالك

 

كل مواقفها الكريمة دي عدت مرت عليا مرور الكرام دون وقفة مع نفسي

 

ورغم اعراضها عني وزعلها بسبب افعالي كانت اول ما تعرف ان اهلي جايين لزيارتي لازم تعلمهم عزومة وتحتفل بيهم وتقابلهم احسن مقابلة كأنهم جايين لزيارتها هي

 

وحتى لما اجي مسافرة القاهرة لازم تبعت معايا هدايا ليهم . وبالتالي هما بيردوا الهدايا وبيقدروا جميلها لدرجة ان مرات اخويا راحت اشترت لحماتي عباية شيك جدا وبعتتها معايا

 

وحماتي انبسطت جدا باهتمام زوجة اخويا . لكن انا عمري ما فكرت اشتريلها هدية الا لما زوجي يلفت نظري وساعات كان هو يجيب الهدية ويقولها هبة اللي اشتريتها لكن هي قلبها بيحس انها مش مني

 

 

مواقفها النبيلة دي مع كل سلايفي . مش هنسى لما سلفتي كانت زعلانة مع زوجها وراحت بيت اهلها . وحماتي اتحايلت على ابنها يروح يصالحها ومارضيش

 

راحت هي جابتها وصالحتها بنفسها ورجعتها البيت

 

سلفتي اللي في السعودية مرة اتصلت بحماتي وكانت حماتي عندي وكانت سلفتي بتعيط ومنهارة بسبب موقف حصل من زوجها

 

وحماتي قعدت تهدي فيها وتقولها حقك عليا يا حبيبتي انا عارفة انتي مستحملة كتير عشان انتي اصلك طيب . انا هتصرف ما تخافيش

 

سلفتي طلبت منها ما تقولش لجوزها انها اشتكت منه وفعلا اتصلت بابنها كأنها بتسأل عليه عادي

 

وقالتله ازي مراتك وبنتك راح هو حكالها وقالها انا نزلت وسيبتيلها البيت وهتغدا برا ومش راجع الا لما تنام

 

راحت قالته عشان خاطري لو انا غالية عندك روح صالح مراتك واتغدا معاها ما تسيبهاش زعلانة . مراتك طيبة وبنت حلال ما تستاهلش كدة

 

 

وحتى انا ورغم انها واخدة مني موقف . مرة كان زوجي بيزعقلي راحت قالتله انت ليه بتزعقلها بالشكل ده وقلبت عليه هو ههههههههههههه

 

 

 

 

انا غيرت من نفسي وبقيت اهتم بيها وكل يوم دلوقتي لازم انزل الصبح اطمن عليها واقولها انا جاية اصبح عليكي يا ماما

 

بجد بقت تفرح اوي وتبتسم وتقولي جزاك الله خيرا وفي الفترة الاخيرة بقت دايما تقولي يا هبة يا بنتي

 

بجد بعتذرلها بعتذرلها من قلبي واطلب من ربنا انه يسامحني لاني اسأت الظن بيها كتير

 

أسأل الله أن يصلح ما بينكِ وبينها وأن يديم المودة بينكما ويزيدها ويبارك فيها

  • معجبة 2

شارك هذه المشاركه


رابط المشاركه
شارك

اسال الله ان يديم المحبه بينك و بين حماتك

اما بالنسبه لفرج زوج انوسه نوسمه فاظن انه طيب وهي لا تستحقه

لا تعجبني معاملتها له

اظن انها تستطيع ان تغير فيه اشياء كثيره مع الوقت ان خدمت عقلها

الله يكون في عونها وعونو

اما بالنسبة لام فتحي فالله يستر من الجاي

شارك هذه المشاركه


رابط المشاركه
شارك

عجبتنى حماتك يا هبه الله يبارك فيها ويحفظها يارب

 

مش هو ميقدرش الاب او ام تغصب على بنتها انها تتجوز واحد صح ؟

لان مثلا المأذون بتيجى هى عشان تمضى امامه فهى بقى متطلعش تمضى صح ؟

شارك هذه المشاركه


رابط المشاركه
شارك

السلام عليكم ورحمة الله وبركاته كيف حالكم يا حبيباتى ؟ كيف حالك هبه الحبيبه عفوا قد تأخرت عنكم كثير معذره جزيتى خيرا على ما قدمتيه فانت حقا مبدعه زادك الله من فضله ، وياليتنا بعد كل ذلك ان نتعلم امهات وبنات ونتخذ عبره ، ونسأل الله ان يصلح احوال بيوت المسلمين ويهدى البنات اجمعين كامروة ويصلح حال امهات الازواج، ومنتظرين جديدك حبيتى وجزيتى خيرا نفع الله بك.

شارك هذه المشاركه


رابط المشاركه
شارك

من فترة وأنا متابعة بصمت :P

لكن شهقة الملوخية جعلت الفضول يتسلل إلي

لأسأل ما سر تلك الشهقة يا هبهوبي؟ههههههههههههههههههه

 

وجزاك الله خيرا أيتها الرائعة <3

شارك هذه المشاركه


رابط المشاركه
شارك

السلام عليكم ورحمة الله وبركاته

^___^

أحييك على كلماتك لحماتك يا غالية

تعرفي أحببتها ..الله يبارك لك فيها ويجمع بينكما على خير دوما ...

 

الحق أنني لم أرد في الحلقات السابقة لأنني معترضة : )

رأيت الآن بعض الأخوات يعترضن على نسمة بسبب تعاملها مع زوجها

ومع أنني أوافقهن في الرأي ولكن أشعر أن هناك شيء خطأ ما !!

فكيف لها أن توافق على زوج غير متكافئ معها نهائيا

فليس هناك تكافئ اجتماعي أو ثقافي أوتعليمي ...

فلماذا توافق على زيجه كهذه لمجرد أن تستمع بالمال

عن مشاهدة ..كل من تتزوج لأجل المال تبقى الحسرة في قلبها طول العمر

فالمال زائل ولن يتبقى لها إلا من تزوجته بأخلاقه وتعامله ..

والله المستعان

شارك هذه المشاركه


رابط المشاركه
شارك

مبدعة ما شاء اله لا قوة الا بالله يا هبه

ليه ماتفكريش تعملى مدونة تضمى فيها كلللللللللل كتاباتك اللى هنا واللى فى قلم نابض

 

ما شاء الله اللهم بارك ربنا يباركلك فى حماتك

 

انا بردوا بفضل الله حماتى ربنا يباركلها طيبة وحنينة وبتعتبرنى انا وسلفتى زى بناتها لانها ماعندهاش بنات وانا والله بحبها جداااااااااااااااا اللهم بارك ربنا يارب مايحرمنى منها ابدا ولا هيا ولا حمايا انا فعلا لا اتخيل حياتى بدونهم ممكن زى اى بيت يكون فى اختلافات بس اللهم لك الحمد كلها بتكون بسيطة وبتعدى

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

^___^

أحييك على كلماتك لحماتك يا غالية

تعرفي أحببتها ..الله يبارك لك فيها ويجمع بينكما على خير دوما ...

 

الحق أنني لم أرد في الحلقات السابقة لأنني معترضة : )

رأيت الآن بعض الأخوات يعترضن على نسمة بسبب تعاملها مع زوجها

ومع أنني أوافقهن في الرأي ولكن أشعر أن هناك شيء خطأ ما !!

فكيف لها أن توافق على زوج غير متكافئ معها نهائيا

فليس هناك تكافئ اجتماعي أو ثقافي أوتعليمي ...

فلماذا توافق على زيجه كهذه لمجرد أن تستمع بالمال

عن مشاهدة ..كل من تتزوج لأجل المال تبقى الحسرة في قلبها طول العمر

فالمال زائل ولن يتبقى لها إلا من تزوجته بأخلاقه وتعامله ..

والله المستعان

 

باركَ الله فيكِ سجودة

هذا ما قصدته تماماً أنها طالما تحس بفرقٍ بينها وبينه فلماذا وافقت من الأصل

أنا من البداية لم أكن موافقة على هذه الزيجة ^__^

وكنت أتمنى ألا توافق لكني رأيتها وقد رضخت للأمر بسهولة !!

مع أن على ما يبدو أن نسمة لا يهمها أحد كان بإمكانها أن ترفض وتصر على رأيها

أما وإنها وقد وافقت فلا يعجبني طريقة تعاملها وتقززها من زوجها ،،

  • معجبة 1

شارك هذه المشاركه


رابط المشاركه
شارك

اركن على جنب يا فرج المطعم أهوه

 

ركنا على جنب يا حرمنا المصون . ايوتها خدمة يا جميل

 

 

يلا انزل قاعد ليه

 

 

يا الطاف الله . ايه المكان الفِخم ده

 

ما تدخل يا فرج

 

هو ما فيش حد واقف عشان يلم الفلوس ليه . يا جماعة يللي هنا . المعلم فرج وجماعته شرفوكو

 

يا اخي وطي صوتك وطي صوتك . هو انت فاكر نفسك في سوق العبور بتاعك . وبعدين فلوس ايه يا اخي . الناس هنا بتدفع الفلوس بعد الأكل . ادخل . تعالى نقعد ع الطرابيزة اللي في الآخر دي .

 

طب استني نسلم ع الناس الحلوة اللي قاعدين دول لحسن يفتكرونا ما بنفهمش في الأصول . سلامو عليكو ازيك يا سيدنا الافندي

 

ايه ده !!!!!!!. اهلا . وسهلا

 

ازيك يا مودام

 

هو في ايه !!!!!!!!. اهلا يا فندم

 

يا ربي ع الفضايح . ايه اللي بتهببه ده .

 

بنسلم ع الناس في ايه

 

واحنا مالنا ومالهم . هنا كل واحد يدخل يقعد على طرابيزة ومالوش دعوة بحد

 

ليه . هما متخاصمين . ربنا يكفينا شر الخصام . وبعدين طب ما انا بروح اقعد ع القهوة واسلم على كل الاخوة الافاضل القاعدين . المعلم سطوحي والمعلم جادالله والمعلمة نحمده

 

يا فرج ابوس ايدك .هنا مجتمع تاني . هنا ناس كلاس . هاي استاندرد . إليت .إليت يا بني ادم إليت . افهم بقى

 

ربنا يشفيهم ويعافيهم من الأمراض اللي قولتي عليها دي . الدنيا مليانة بلاوي .

 

اقعد يا فرج

 

اديني قعدت يا حرمنا المصون . الله . حلوة اوي قصرية الورد دي

 

اسمها فاز مش قصرية . المتر جاي أهو

 

مساء الخير يا فندم

 

يسعد مساك يا بلدينا

 

اتفضل المينيو . اتفضلي مدام

 

ميرسي

 

يا عم احنا عايزين ناكل . ايه الاوراق اللي سابهالنا دي . اوعي تمضي على حاجة لتكون وصولات امانة ولا حاجة ونروح في داهية

 

يا فرج دي اصناف الأكل اللي عندهم . انت اختار اللي انت عايزه

 

انا مش فاهم اي حاجة من الكلام المشنكل المكتوب ده

 

انا عارفة اني هتفضح . هختارلك انا على ذوقي

 

متر

 

تحت امرك مدام

 

اتنين جريلد ستيك . اونين سوب وجرين سالاد

 

مافيش فتة كوارع

 

انت تسكت خالص

 

 

 

 

فرج ايه اللي بتعمله ده . ايه اللي بتعمله ده

 

بشرب الشوربة

 

بتشرب الشوربة ولا بتستحمى . دانت غرقت هدومك وغرقت الطرابيزة وبهدلت الدنيا

 

ماتسبيني اشرب براحتي هو في ايه

 

يابني ادم فضحتني . حد في الدنيا يرفع طبق الشوربة على بقه ويشرب بالهمجية دي

 

 

بقولك ايه . قومي . مافيش عشا . دا ايه الذل ده . انا هروح اكل في البيت

 

 

ايه ده ايه ده . مين اللي جاية هناك دي . يادي المصيبة . دي هيام صاحبتي وجوزها الدكتور شريف . استخبى فين ياربي

 

هاااااااي نسومة ازيك

 

أأأأأأأأأأ اهلا ازيك يا هيومة

 

جوزك !

 

اه اه جوزي

 

السلام عليكم

 

وعليكم السلام ورحمة الله اهلا بالناس الأكابر

 

دكتور شريف عبد اللطيف

 

يا مرحب يا داكتور . اخوك المعلم فرج يحيك

 

معلم ! جود .جود . اتشرفنا

 

يشرف مقدارك يا داكترة . اومال فين البلطو الابيض والسماعة

 

هههههههههه نسيتهم في العيادة هههههههههههه يلا يا هيام

 

جوزك ده حاجة اوريجينال خالص . جود لاك بيبي هههههههههههه

 

ااااااااااااااااااااااااااااااااااااااااه ياناري الست هيام اللي كانت بتلبس شراب فردة وفردة بقت هانم وبتتريئ عليا . اهئ اهئ اهئ ليه انا حظي كدة

 

صاحبتك باين عليها بتحكد عليكي عشان الأملة اللي بقيتي فيها بسببي

 

انت هتقولي . ولسة . هو انا شوفت منك حاجة . يا ماميييييييييييييييييييييييييييييييي

شارك هذه المشاركه


رابط المشاركه
شارك

يا ماما تعالي انا بكلم هاجر ع النت

 

ماما جايا أهيه يا هاجر انتي عاملة ايه

 

الحمدلله كويسة يا سارة ازيك انتي

 

الحمدلله عايشة . يا ماما تعالي كلمي هاجرررررررررررر

 

ايوة انا جيت أهو

 

ازيك يا هاجر يا حبيبتي

 

ازيك انتي يا مامتي وحشتيني اوي وازي بابا هو فين

 

مش موجود والله معلش . مع ان كان نفسه يكلمك اوي

 

سلميلي عليه كتير . مروة عاملة ايه

 

هتولد الشهر ده ان شاء الله

 

ماشاء الله . ربنا يقومها بالسلامة

 

طمنيني عليكي انتي عاملة ايه . ومافيش حاجة جاية في السكة

 

لا والله لسة . نفس السؤال اللي حماتي سألته إمبارح

 

هي حماتك بتكلمك ع النت

 

ايوة . مش بتكلمني انا مخصوص يعني . هي بتكلم احمد وتسلم عليا ع الماشي كدة

 

ايه الطريقة اللي بتتكلمي بيها عن حماتك دي

 

بصراحة يا ماما تصرفاتها تخنق هي والهانم الست مريم بنتها وكمان اخواته كلهم المتجوزين

 

خير . في ايه . هاتي ماعندك

 

هههههههههههههههه شكل حماتها زي حماة مروة يا ماما ههههههههههههه

 

نقطينا انتي بسكاتك وخليكي في حالك

 

انا مالي انتو حرين . خليهم ياخدو على دماغهم . بس بقى مايرجعوش يشتكوا ويعيطوا

 

يابنتي اسكتي . دانتي كلامك يقوم حروب . خير يا هاجر . اومال يابنتي لو ماكنتيش في بلد وحماتك في بلد كنتي عملتي ايه

 

يا ماما اول ما اتجوزت أحمد لاحظت انه كل شهر بيبعت فلوس لمامته . وطبعا دي حاجة ضايقتني جدا ومارضيتش اتكلم رغم غيظي

 

لكن لقيت ان كمان الست هاجر مش مكفيها الفلوس اللي بيبعتها وكانت امبارح بتكلمه وعماله تقوله ابعتلي فلوس يا حمادة عشان عايزة اشتري حاجات ناقصاني . حاجة تأرف

 

وبصراحة كلمته في الموضوع واتنرفذ علية وقالي مالكيش دعوة وماتتدخليش بيني وبين اهلي . دي حاجة ماتخصكيش

 

كمان كلمتيه في الموضوع ! يعني اقول عليكي ايه بس . انتي مالك انتي بالأمور دي

يعني ايه يا ماما وانا مالي . هو احنا متغربين عشان مستوانا يبقى احسن ولا متغربين عشان نصرف على أهله . وهما اصلا مرتاحين ماديا ومش محتاجين فلوس . لكن نقول ايه بقى في الطمع والاستغلال

 

دول طماعين اوي يا هاجر المفروض ما تسكتيش ع المهزلة دي يا اختي

 

يا بنتي يابنتي ارحمينا

 

انا سكتت أهو

 

لا حول ولا قوة الا بالله . هو منقصك حاجة يا هاجر

 

ابدا يا ماما بالعكس عمره ما رفضلي طلب

 

اه . قولتيلي بقى . انتي بقى مستخسرة ماله في حد تاني غيرك . عايزة كل حاجة ليكي

 

يا ماما انا ما اقصدش كدة . يدي اهله . انا ماعنديش مانع . لكن بالعقل . لكن دا جنان وسفه

 

اصل عيلتنا موعودة بالمجانين يا هاجر يا اختي

 

اتكتمي انتي ولا قومي شوفيلك حاجة تعمليها وسيبيني اكلم اختك براحتي

 

ايه يا ماما هو الواحد ما يعرفش يقول كلمة حق في البيت ده . دا مال جوزها ومن حقها تسأله وتحاسبه . اومال مراته ازاي بقى

 

سيبيها يا ماما سارة عندها حق

 

شوفتي يا ست هانم . زودي اكتري واخربي بيوت اخواتك

 

يوووووووووووووووووه انا قايمة وسايبة الاوضة خالص

 

يكون احسن . وانتي يا ست هاجر . قوليلي هو جوزك عنده كام سنة

 

ايه السؤال ده يا ماما . ماانتي عارفة ان عندي اتنين وتلاتين وكام شهر

 

تعرفي من اكتر من اتنين وتلاتين سنة كان فين

 

كان بيبي في حضن مامته طبعا

 

كويس والله انك عارفة انه كان بيبي في حضن مامته

 

ومين اللي اهتم بيه وسهر عليه

 

مامته طبعا

 

ومين كان بياكله

 

مامته

 

ومين اللي لما كان يتعب يوديه للدكتور

 

مامته

 

ومين رعاه لحد ما اتخرج من الجامعة بقى راجل يعتمد عليه

 

مامته

 

يعني حضرتك ما تعبتيش معاها في حاجة

لأ

 

والست قدمتهولك على طبق من دهب راجل محترم تتباهي بيه ويصرف عليكي وتعيشي في خيره وفي الآخر مش عايزاه يرد شيئ من جميل أمه عليه اللي مهما عمل مش هيرده برضو

 

انتو جرالكو ايه يا بنات اليومين دول . اومال صلاة ايه وقرآن ايه اللي بتقروه وفي الآخر ما بتعملوش بولا حرف منه . اتقوا الله شوية في حمواتكو

 

يا ماما ............ اصل .......... عندك حق يا ماما . انا غلطانة بجد

 

ماتبقيش أنانية وبجد جوزك لو اتنكر لأهله ومارعاهمش خليكي متأكدة انه هيجي يوم يتنكرلك ويضحي بيكي . المفروض تكوني اسعد واحدة ان جوزك راجل بار بأمه وعطوف على اخته

 

انا اسفة يا ماما

 

اتأسفي لجوزك مش ليا أنا

  • معجبة 4

شارك هذه المشاركه


رابط المشاركه
شارك

يا فرج ابوس ايدك .هنا مجتمع تاني . هنا ناس كلاس . هاي استاندرد . إليت .إليت يا بني ادم إليت . افهم بقى

 

ربنا يشفيهم ويعافيهم من الأمراض اللي قولتي عليها دي . الدنيا مليانة بلاوي .

هههههههههه

 

بس على فكره انا مش فاهمه الاكل اللى هى طلبته ^^

اتنين جريلد ستيك . اونين سوب وجرين سالاد

 

شارك هذه المشاركه


رابط المشاركه
شارك

يا فرج ابوس ايدك .هنا مجتمع تاني . هنا ناس كلاس . هاي استاندرد . إليت .إليت يا بني ادم إليت . افهم بقى

 

 

ربنا يشفيهم ويعافيهم من الأمراض اللي قولتي عليها دي . الدنيا مليانة بلاوي .

هههههههههه

 

بس على فكره انا مش فاهمه الاكل اللى هى طلبته ^^

اتنين جريلد ستيك . اونين سوب وجرين سالاد

 

 

 

^__^ سوسو يعني اتنين ستيك مشوي أو على الجريل ، شوربة بصل ، وسلطة خضراء

شارك هذه المشاركه


رابط المشاركه
شارك

ممممم هو يبعت لامه واهله ماشى بس مش كتير اوى

وناس كتير بتفكر ان اللى عايش بره ده معاه فلوس كتير

شارك هذه المشاركه


رابط المشاركه
شارك

^__^ سوسو يعني اتنين ستيك مشوي أو على الجريل ، شوربة بصل ، وسلطة خضراء

 

 

جزاك الله خيرا ايمانى عنوانى

طب ايه الستيك ؟ ^ــ^

شارك هذه المشاركه


رابط المشاركه
شارك

ترررررررررررررررررررررررن ترررررررررررررررررررررررن

 

مين

 

انا نسمة يا ماما

 

نسمة بنتي حبيبتي روح قلبي وحشتيني

 

امووووووووووووووه وحشتيني اكتر يا ماما

 

عاملة ايه يا حبيبتي

 

اديني عايشة

 

ايه . مالك

 

زهقانة يا ماما زهقانة هطق

 

ليه بس كدة يا حبيبتي . هو فرج مزعلك

 

وجوده في حياتي هو اللي مزعلني . صعب يا ماما تعيشي في بيت واحد مع راجل لا انتي فاهماه ولا هو فاهمك

 

يختي وتفهميه ويفهمك ليه . ماتخليكو عايشين وحامدين ربنا

 

امبارح يا ماما مرتات باباه التلاتة جم عندنا . مش قادرة يا ماما اوصفلك اشكالهم . عارفة يا ماما ستات تخااااااااااااااااااااان اوي وكل واحدة لابسة عباية سودة وبتلمع

 

ولابسين سلاسل كبيرة وتخينة ونازلة لحد كروشهم . ومرشقين خواتم في صوابعهم بافترا

 

ولابسين غوايش دهب كتيييييييييييييير كتير اوي وحلقان مدورة كبيرة اوي . الحلق اد غطا علبة السمنة وكل واحدة فيهم عندها ضرسين تلاتة دهب في بقهم وشكلهم يخوف كدة

 

يا حبيبتي يابنتي . طب ما بلغتيش عنهم ليه

 

يا ماما انا كنت قاعدة مرعوبة وحمدت ربنا لما مشيوا . حتة عيلة عمري ماشوفت زيها في حياتي

 

معلش يا حبيبتي استحملي . كفاية فرج حنين

 

يا شيخة ربنا ياخده هو وفراخه . يا ماما انا من كتر ما عاشرت الفراخ كل شوية اجري ابص في المرايا ليكون طلعلي منقار

 

بعد الشر عليكي ما تقوليش كدة . هو فرج ماجاش معاكي ليه

 

بيأكل الفراخ ويغيرلهم المية وجاي ماتقلقيش

 

والله راجل طيب . شايل هم الفراخ

 

قوليلي يا نسمة

 

نعم يا ماما

 

مافيش كدة كتكوت جاي يطنطط في السكة وتفرحيني

 

مامااااااااااااااااااا بلاش سيرة الكتاكيت . انا نفسيتي تعبانة

 

خلاص . مش هتفرحينا بأرنوب صغير يقولي يا تيتة

 

يعني اسيبلك الدنيا وامشي عشان ترتاحي

 

خلاص اهدي خلاص . انا بس عايزة اطمن

 

انتي متخيلة يا ماما اني ممكن اخلف من بني ادم زي ده . انا من اول يوم جواز باخد حبوب منع الحمل

 

يا مصيبتي ! والمعلم فرج يعرف الكلام ده

 

لأ طبعا مايعرفش . هو ماله هو

 

يابنتي حرام عليكي . تلاقي الراجل نفسه في حتة عيل

 

دا أرفني بالموضوع ده . كل شوية يقولي نفسي في عيل يقولي يابا . تخيلي انا ابني يقول يابا .

 

يا عيني ! طب وامه ما بتتكلمش

 

انا مش بروح عندها وهي مش بتيجي

 

وانتي فاكرة ان امه هتسكت . دي تلاقيها على نار وبتقول ايه اللي أخر حملك

 

تقول اللي تقوله

 

 

تررررررررررررررررررررن تررررررررررررررررررررررن

 

مين

 

انا فرج يا تنت

 

اهلا يا حبيبي ازيك يا جوز بنتي

 

الله يخليكي يا حوماتي . اتفضلي جوزين فراخ بكبدهم وقوانصهم هدية من المحل

 

ربنا يزيدك من فضله . تعيش وتجيب

شارك هذه المشاركه


رابط المشاركه
شارك

^__^ سوسو يعني اتنين ستيك مشوي أو على الجريل ، شوربة بصل ، وسلطة خضراء

 

 

 

جزاك الله خيرا ايمانى عنوانى

طب ايه الستيك ؟ ^ــ^

 

شكل من أشكال اللحم يا سوسو يكون مقطع بشكل شرايح ويُشوى

وجزاكِ حبيبتي

تم تعديل بواسطة إيماني عنواني

شارك هذه المشاركه


رابط المشاركه
شارك

ممممم هو يبعت لامه واهله ماشى بس مش كتير اوى

وناس كتير بتفكر ان اللى عايش بره ده معاه فلوس كتير

ماذا تفعل مع زوجها الذي يصرف أموالاً كثيرة على أهله

  • معجبة 1

شارك هذه المشاركه


رابط المشاركه
شارك

شكل من أشكال اللحم يا سوسو يكون مقطع بشكل شرايح ويُشوى

وجزاكِ حبيبتي

ااه ماشى جزاك الله خيرا ايمانى عنوانى ^ــ^

 

جزاك الله خيرا ام العبادله

إن شاء الله هقرأها

شارك هذه المشاركه


رابط المشاركه
شارك

مستفزة هاجر وسارة

اولا سارة متحاملة على الرجال جميعهم وعلى تصرفاتهم ولا أعرف كيف سينتهي بها الحال بسبب تصرفاتها وأفكارها، لماذا تأخذ على عاتقها أن تحرك أختيها على أزواجهما وتخرب بينهم؟

 

ثانيا هاجر ما علاقتها بالمال ما دام ليس بمالها بل مال زوجها وهو لا يقصر عليها؟ لماذا إذا الاعتراض والبخل على أقارب الزوج؟ ما شاء الله الزوج أعجبني كثيرا بإخلاصه لأهله

 

وأكثر شيء أعجبني الأم لو كانت امرأة ثانية كانت حركت الزوجة وحملتها على زوجها وأهل زوجها

ما أجمل لو أن كل الأمهات هكذا لتجنبنا مشاكل عائلية كثيييرة

ثالثا نسمة! ستندم ندما شديدا بسبب غرورها وتعاليها، الرجل طيييب جدا وبسيط ولا يرد لها طلب فلماذا لا تنظر إلى هذه الميزة الإيجابية فيه؟ بل إن بساطته مضحكة وتجعلك تحبينه فلم التعالي؟ إذا كان من المفترض أن لا توافق، توقعاتي أنه سيتزوج عليها كما فعل أبوه =)

شارك هذه المشاركه


رابط المشاركه
شارك

بارك الله فيك حبيبتي هبة اتحفتينا بهده الحلقات الرائعةةزادك الله تالقا وابداعا

الاحداث الاخيرة جديدة ومتسلسلة وتطرقت لعدة حوادت مهمة في حياتنا الاجتماعية وربما مرت بها كل واحدة منا على الاختلاف

اللهم اصلح حالنا وحالة حمواتنا وازواجنا ورزقنا الصبر معهم لكي يرضى عنا ازواجنا ويرضينا عنا هن ايضا

ما اريد قوله انه ليس هناك حماة تحب زوجة ابنه كابنتها ولا هناك زوجة تحب ام زوجها كامه فقط هناك الاحترام والصلة فقط وراي هدا مما عشته ورايته

شارك هذه المشاركه


رابط المشاركه
شارك

السلام عليكم ورحمة الله وبركاته

بارك الله فيك هبة الغالية ...

كثيرا ما ننسى فضل أم الزوج

كالعادة أعجبتني أم مروة : )

ما المشكلة أن يرسل الزوج أموالا لأهله مادام لم يقصر مع زوجته

سبحان الله ..أشعر أن هذه الأموال تعطي بركة للمال الباقي وتمنع شرور كثيرة

ولكن من يفهم!!

بوركت يا غالية وجزاك الله خيرا

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×