خلاصة الوصفات فى تجميعه للبنات والسيدات

[هبه المسلمه 1]

السلام عليكم ورحمة الله وبركاته

 

اهلا انسيتم الجنه ......... لالالا الوصفه دى مش مضره خالص وانا ليا واحده صاحبتى بشرتها دهنيه بتعمله ومرتاحه عليه خالص

 

 

بصى التقشير كله واحد هو الليمون - سكر وزيت زيون او لمون وسكر

والملح زى السكر بس متهيالى السكر احسن :oops:

 

 

جنة الله ........ فينك من زمان

اه انا جربتها بس انا قلت مرتين تلاته بس

اكيد مش هالحق اشوف

بس هى مبتشلش علطول هى بتقلل ظهور الشعر بس عايزه وقت شويه

الصبر حلو ياجنه متستعجليش ;-)

 

 

 

سورى الظاهر جالى حول :icon_eek: انا افتكرتها تقشير :wub:

لا بصراحه معرفش هو مضر ولا لا انا عمرى ماجربته اصلا

 

 

 

فى معلومه ياجماعه عايزهاقولهالكم عاللمون

الليمون اه بيفتح بس الليمون الاصفرمش الاخضر :cool:

الاخضر بيسمر ياجماعه

خدو بالكم الليمون تحطوه الاصفر مش الاخضر انا قريت الوصفه قريب وقلت لازم انبهكم

 

 

سلامو

[هاله من مصر 0]

مساءالخير لاحلى طير :unsure:

 

مساء الحب لاطيب قلب

 

 

مساء الهنا يا عمرى انا

 

مير سى يا هوبىىىىىىىىىىىى كتير على ردك عليا

وبعدين يا عم انت بتقول بكتب ومحدش بيجرب

مين اللى قال كده بقى انا يا قمر جربت الخميره والزبادى والعسل والحلبة وفعلا كويسه هى بتنور الوجه

وكمان جلابت طريقه عمل اللحلاوه بالاضافات بتاعتهاوكمان اخذت وصفات للنحافه

وعلى فكره انا بكتب كل اللى انتى بتقوليه فى الكشكول عندى واكيد طبعا نالك الشرف بذلك

 

ومستنه بقى العدد القادم (لحب الشباب) لانه عملى عقده نفسيه

 

اه نسيت كان ليا استفسار عن الوصفه اللى بتقللل الشعر فى الوجه هل الوصفه دى مضره للحبوب

وياريت يهبه تشوفى وصفات تقلل شعر الوجه

تم تعديل 17 أغسطس, 2007 بواسطة هاله من مصر

[هبه المسلمه 1]

هاى لولو

 

انتى طحنتى الحلبه ولا جبتيها مطحونه

 

وجربتى انهى حلاوه

 

 

انا باه اللى بسال دوقت :unsure:

[هاله من مصر 0]

لا يا هوبى انا جبت حلبه حصا وطحنتها بالكبه فى البيت

 

اما بالنسبه للحلاوة انا جربت الحلاوة بتاع الفسوخ والمستكه لكن للاسف هى ساحت جامد مع انى بعمل الحلاوة العادية حلو

 

واى خدمه يا عم انا تحت امرك

تم تعديل 17 أغسطس, 2007 بواسطة هاله من مصر

[هبه المسلمه 1]

تشكر يازوووق :wub:

[هبه المسلمه 1]

دوقتى هكتبلكم عن حب الشباب واثاره

 

وصفات خـــــاصه بحب الشباب

 

- استعمال غسول يومى للوجه من مغلى اللحلاح بمعدل 2 : 3 مرات يوميا او استعمال عصير الصبار الطازج كدهان موضعى صباحا ومساءا

 

 

-استعمال مسحوق حبة البركه بعد تحميصها ممزوجه بعسل نحل كدهان قبل النوم على ان يزول بالماء الدافى

 

 

-تسلق بصله ثم تهرس وتعجن فى دقيق قمح بلدى وتضرب فيها بيضه مع ملعقة زيت سمسم ويدهن بهذا الدهان مساءا وصباحا مع اكل البصل والثوم والكمثرى مع اكل الفواكه والخضروات الطازجه وخميرة البيره والعسل

 

 

 

 

///لعلاج حب الشباب فى الظهر (والوجه برده):

- الصبار من افضل المواد العشبيه لعلاج حب الشباب . تدهن الحبوب بالعصاره الناتجه من كسر اوراق الصبار مره واحده فى اليوم

 

-الترمس من المواد المفيده لعلاج حب الشباب . يسحق الترمس سحقا ناعما جدا ثم يمزج مع فازلين وتدهن الحبوب مره واحده فى اليوم

 

-يخلط نص كاس من حبة البركه مع نص كاس زيت زيتون ويدهن به الوجه ليلا والنتايج مضمونه

 

-العسل مع الليمون مع الجلسرين : يستخدم خليط مكون من 6ملاعق كبيره عسل وملعقه كبيره جلسرين وملعقة عصير ليمون ويدهن الوجه والجسم المصاب بالبقع بهذا المزيج ولمدة ساعه ثم يزال ويغسل بالماء

 

-خميرة البيره : تناول مامقداره ملعقه صغيره من خميرة البيره مذابه فى كوب ماء بواقع مره واحده بعد كل وجبه غذائيه . وخميرة البيره تحتوى عل مجموعة فيتامين ب والتى لها تاثير فى علاج حب الشباب

 

 

 

///مشكلة البثور والحبوب . استعمليها يوميا لفتره طويله :

ملعقة زبادى + ملعقة خميره

وتخلطيها حتى تتماسك وضعيها عالوجه لمدة 20 د ثم اغسلى وجهك بالماء الدافىء

 

 

 

 

///اذا كنتى تريدين وجها مشرقا وصافيا وخالى من الحبوب :

حبة خيار كبيره + عسل + حليب طازج + عصير ليمون

1-احضرى وعاء وضعى بداخله عصير الليمون و3ملاعق من العسل واخلطيها جيدا وضعيها على وجهك

 

2-قطعى حبة خيار حلقات وضعيها على وجهك

 

3-احضرى وعاء وضعى بداخله 3ملاعق من العسل وملعقتين من الحليب وضعها على وجهك لمدة 10 الى 15 د

 

ملحوظه: عندما تستخدمين الاقنعه اغسلى وجهك بالماء الفاتر وبعدها مررى قطنه مغموسه بماء ورد من الثلاجه

 

 

 

لتصفية البشره من اثار الحبوب :

حلبه مطحونه وعسل وشوية ماء

 

 

 

 

 

///قناع رائع للنعومه والحبوب :

اما تخلطين الترمس المر مع الزبادى او مع عسل وماء ورد مرتين فى الاسبوع تصير البشره زى الاطفال

 

///للحبوب (جامده):

ملعقه صغيره من الترمس المر الناعم + نص ملعقة خميره وتخلطيهم بالزبادى وتخلطيهم لحد مايصير عندك كريم يثبت على وجهك وبعدها تغسلى وجهك تماما وتنشفيه تحطى الماسك على بشرتك وتسيبيه لمدة نص ساعه وبعدين تفركيه بحركه دائريه خفيفه عشان يشيل عاه الخلايا الميته ...كل يوم بالليل قبل النوم

 

 

 

 

///علاج حب الشباب (د/عادل عبد العال):

-خلط اللبن بالماء عند غسل الوجه فهذا يساعد على تعقيم البشره ومنع ظهور حبوب جديده

 

-استخدام نبات ورق الكافور , حيث انه يعتبر من المواد المعقمه للبشره وذلك بوضع ماء مغلى على ورق الكافور وتغطيته لمدة 3 او 4 ساعات وتصفيته بعد ذلك بقطعه من الشاش ومزجه بعد ذلك بقليل من خل التفاح ووضعه فى الثلاجه وتغسل به البشره يوميا

 

-استخدام الاقنعه التى يمكن تحضيرها فى المنزل :

1-قناع ورق الكرومب:يتم غليه بشده ثم تؤخذ مياه الغلى وتستخدم كغسيل للوجه على مناطق الحبوب والبثور , وذلك باسخدام قطعة قطن مبلله بهذا الغسول وتمريرها عالوجه ويمكن احفظها فى الثلاجه لاستخدامه اكثر من مره وهذا الغسول يؤدى الى القضاء عالبثور

 

2-قناع الثوم :

وذلك بعد تقطيعه قطعا صغيره ووضعه عالبثور او الحبوب ورغم انه مؤلم قليلا الا انه يعطى نتيجه جيده جدا . يستخدم مرتين يوميا صباحا ومساءا

 

 

3-قناع البابونج:

قبضه صغيره من نات البابونج ويضاف الى كوبين من ماء ساخن لدرجة الغليان لمدة 20 د ثم يصفى ويلطخ بالسائل البثور يوميا

 

 

4-قناع الرمان :

فنجان من عصير الرمان _ ملعقه صغيره من الخل

وتلطخ بهذا المزيج البثور عدة مرات يوميا

 

 

 

 

////وصفه جنان تشيل حبوب البشره وتطريها :

هاتى بياض بيضه وابشرى خياره واخلطيهم جيدا وادهنى به الوجه مع البعد عن العينين واتركى الماسك 30 د ثم اغسلى وجهك بعدها جيدا بالصابون وهتشوفى نتيجه باهره

 

 

 

 

////لتنظيف البشره وازالة الحبوب :

ملعقه كبيره من عصير الخيار + ملعقه كبيره من الشوفان ويخلط العير بالشوفان جيدا لصنع عجينه . تفرد العجينه عالبشره 20 د

 

 

 

///خلطه تشيلو بها الدهون والحبوب والرؤس وتبيض كمان :

اللى هى بياض بيضه ونشا وانا كتبتها قبل كده بالتفصيل

 

 

 

///شد التجاعيد وازالة حب الشباب :

بذرة القاطونه

هاتيها من العطار واطحنيها كويس اوى وبعدين انخليه وخدى النخاله بيكون لونها ابيض وحطى عليها شوية ماء واعمليها على هيئة ماسك وده بيعمل على شد التجاعيد اما الباقى بعد النخاله وبتكون بودره لونها بنى حطى عليها ماء وحطيها على هيئة ماسك كتر ماتطولى الوقت بيكون افضل ولما الماسك ينشف تماما قشريه وده بيشيل اثار حب الشباب ويزيلها تماما

 

الطريقه دى كانت مرات خالى قالتلى عليها قبل كده يعنى متجربه

 

 

 

 

///غسول لحب الشباب :

فراوله تهرس ويضاف عصير ليمونه وتغسل بها البشره

 

 

ايه رايكم باه

عايزينى اكتب عن ايه المره الجايه

ادونى ارائكم

;-)

[~~أم أسيل~~ 26]

السلام عليكم ورحمة الله وبركاته،،

 

تسلمي حبيبتي

 

هو لما نشيل تحت الابط

 

بنشقر الاول علشان يبيض ولا بنعمل تقشير

 

غلبتك معايا سامحيني يا قمر

[هبه المسلمه 1]

اااااااااااااااااه ياسكر انا دوقت فهمت ;-)

انا سمعت ان تشقير الابط بيبيضها

هو انك متشيليش اول باول تشقرى لغايبة ماينفع يتشال بسهوله وبعدين تشيلى بالسويت

ده بيبيض لان التشقير اصلا بيبيض

بس انا معرفش مضر ولا لا بصراحه

بس انتى لما تشيلى وبعدها علطول تمسحى بقطنه مبلوله لمون يبقى احسن وبيبيض برده بس بيحرق

او تمسحى بلبن ولمون

كده يعنى :wub:

 

وانت تؤمر ياباشا ولا يهمك :grin:

[هاله من مصر 0]

السلام عليكم ورحمة الله وبركاته،،

 

تسلمي حبيبتي

 

هو لما نشيل تحت الابط

 

بنشقر الاول علشان يبيض ولا بنعمل تقشير

 

غلبتك معايا سامحيني يا قمر

 

حبيبتى نصيحه بلاش التشقير لانى سمعت انه بيكتر الشعر

تم تعديل 19 أغسطس, 2007 بواسطة هاله من مصر

[هاله من مصر 0]

هاىىىىىىىىىىىىىى هوبىىىىىىىىىىىى

 

ميرسى يا قمر على معلوماتك المفيدة دى

[هبه المسلمه 1]

العفو يا حبوبه :-

[هاله من مصر 0]

حبيبتى هبه

كنت عايزه اعرف اترمس الحلو ولا المر اللى بيتحط بعد نزع الشعر

ويكون مطحون ولا ناشف

تم تعديل 19 أغسطس, 2007 بواسطة هاله من مصر

[هبه المسلمه 1]

ترمس مر او حلو الاتنين واحد

انتى روحى للعطار وقوليله عايزه ترمس مطحون وهو هيديكى اللى عنده

وحطى عليه شوية ماء دافىء او عسل واستخدميه :icon15:

 

 

/// بخاخ مقوى للشعر +مغذى:

ورق زعتر (مش مطحون) بعدين حطيه فى قدر به ماء وبعدين اغليه مع الزعتر تقريبا ربع ساعه ثم حطيه فى بخاخ واقعدى بخى على شعرك فى اى وقت تكونين فيه فاضيه . اقعدى بخى وهتلاقى مفيش ريحه اصلا ولا يزيت الشعر .. والنتيجه خلال شهرين تبان

 

 

 

 

///يفيد الخل فى نعومة الشعر ولمعانه والتخلص من القشره . ضعى قليل من الخل اثناء غسل شعرك كما يفيد فى تجميل الساق والتخلص من العروق . دلكى به العروق فى المساء والصباح لمدة شهر .

ولتخسيس جسمك تناولى مع كل وجبه ملعقتين صغيرتين فى كوب ماء

 

 

 

 

بجد مش قادره اكمل كتابه اصلى متعشيه لسه ودبتها جامد وعندى تخمه... :wub:

نكمل بعدين باه ;-)

[أم ريتاج 7]

السلام عليكم و رحمة الله و بركاته

 

ازيك يا هبهوب

 

و ازي باقى الاخوات

 

وحشتونى

 

بقال كتير مش شاركت معاكم بتاع 4 ايام كده و لا حاجه

 

ربنا يكرمكم و ايانا و يهدينا الى الصراط المستقيم

 

بقولك يا هبه عندي الاول استفسار

 

في الطريقة بتاعة تفتيح البقع السمراء اللى فيها الاكسجين

 

لما بعت للصيدلية سألوا البنت عايزة ماء اكسجين و لا كريم اكسجين

و لو ماء اكسجين يبقى رقم كام

فلما اتصلت عليهم و قلت لهم انى هحطه على وشي نصحونى بعدم فعل ذلك

و لكنى عايزه اجربه فاحط ايه ماء و لا كريم اكسجين

 

و تانى حاجة و ده عن تجربه بالنسبه للسؤال عن الترمس

يفضل الترمس المر مش الحلو

هو انا مش عارفة الفرق بصراحة لكن كذا عطار لما بيعرفوا انه مسك للوجه او حتى الجسم بيقولوا ان احنا ناخذ الترمس المر

و الله و رسوله اعلم

[هبه المسلمه 1]

ياهلا ام ريتاج .. لكى وحشه والله :icon17:

 

و لو ماء اكسجين يبقى رقم كام

فلما اتصلت عليهم و قلت لهم انى هحطه على وشي نصحونى بعدم فعل ذلك

و لكنى عايزه اجربه فاحط ايه ماء و لا كريم اكسجين

 

 

طيب مادام قالو بلاش .. بلاش نخاطر ياام ريتاج

انا بصراحه عمرى ماجربته خالص لا شعر ولا بشره

بس اسمع انه بيفتح

والله ماعرف له انواع

بس المقصود فى الوصفه ماء اكسجين

 

وشكرا عالمعلومه ياباشا

على فكره فى اكل الترمس كمان يفضل المر مش الحلو لان فوايده الغذائيه اكتر

 

 

 

 

 

 

 

نكمل باه الوصفات

 

 

 

///لعلاج سقوط الشعر :

1-دهن الشعر بالحناء يصلحه ان شاء الله

اه والله فعلا جربو وهتتاكدو

 

 

2-يطبخ ورق التوت وورق العنب وورق التين بماء المطر (استنو باه اما الدنيا تشتى ) وتغسل بهذا الماء بعد غليه فان شعرك يصير اسود اللون جدا

 

3- الغسل بالترمس بعد غليه يصلح الشعر ان شاء الله

 

4-دهن الشعر كل يوم بزيت الزيتون يمنع الشيب ويصلح الشعر ويمنع سقوطه

 

5- اعصرى الكرات وخذى ماءه واخلطيه بمرارة الكبش وادهنى به الشعر فان ذلك يطوله ويسوده

 

6-التين يسود الشعر مع الخل اذا طبخا سويا وغسل الشعر بعد ذلك بالخل

 

7- يغلى ورق السدر (النبق) فى ماء ويغسل به الراس فان ذلك يقوى الشعر ويطوله ويمنع سقوطه (بس حطو معاه زيت عشان السدر بينشف الشعر وسبق قبل كده واتكلمنا عنه كتير )

 

8-قشور الثوم تغليها فى زيت وتدهن به فانه ينبت الشعر ويمنع سقوطه

 

9-يغلى الحمص فى الماء ويغسل به كل الجسم فانه يزيل الخرار (قشور الراس ) والكلف ( البقع التى عالوجه) ويصلح الشعر باذن الله

 

10-لتساقط الشعر يعجن مطحون الحبه السوداء فى عصير الجرجير ويضاف ملعقة خل مخفف مع فنجان زيت زيتون وتدلك فروة الراس قبل النوم وتغسل صباحا بماء دافىء مدة اسبوع

 

 

 

///لتقوية الشعر :

يتك عمل قناع الشعر من الحنه بالحلبه عالنحو التالى :

خذى ملعقتين من حبوب الحلبه واغليها مع كاسين من الماء الى ان يبقى تقريبا كاس واحد بعد الغليان يعجن

هكمل الوصفه دى كمان شويه معلش

[هبه المسلمه 1]

معلش نكمل اصلى كنت بكلم تليفون

 

 

المهم نكمل الوصفه اللى فوق

تقريبا كاس من الحنه الناعمه مع ملعقتين بودرة حلبه مع كاس ماء بارد او خذى نصف كاس من الحنه الناعمه مع ملعقتين بودره حلبه مع كاس ماء بارد , وقومى بعجنها واتركيها لمدة نص ساعهثم ابدئى بوضعها على جزور الشعر ثم مشطى شعرك بيديك حتى يتخلله الحناء ثم ارفعى شعرك وضعى الحناء فى اسفله وبذلك تصل الحناء لجميع شعرك ثم ترفع الشعر الى اعلى الراس واربطيه لمدة ساعتين حتى تجف الحناء ثم اغسليه ونكرر هذا القناع اسبوعيا

 

 

 

 

/// لتفتيح لون الشعر:

اضيفى قدرا من عصيراللمون الى الماء عند شطف شعرك

[هبه المسلمه 1]

معلش انا بكتبلكم المواضيع مقطعه اصلى مش راسيه عالكمبيوتر وكل شويه بقوم

 

المهم نكمل

 

 

///للشعر الخشن والباهت:

قدتكونى ارهقتى شعرك بالصبغات المتتابعه ولم تتركى له فرصة الراحه

او عملت حنه للشعر وهذه تعمل تغليفه له وتعطيه قوه فيمنع تغلغل الصبغه , فاذا هاجمت شعرك بالصبغه بعد وضعك مباشرة للحناء, فان الحناء ستدافع عدة مرات والصبغه تهاجم فيرهق الشعر ويتعب ويحترق ويصبح كالليف , بغض النظر عما حدث فانه من المهم عدم تعريض شعرك لاى ماده كيميائيه لمدة 6 اشهر كامله حتى يستعيد حيويته ولابد خلال هذه الفتره بالاتى:

-قص الشعر باستمرار

-عمل حمامات زيت لشعرك.وكذلك حمامات حنه باللبن الزبادى وتترك ساعتين وتغسل

-حماية الشعر من مجففات الشعر

 

 

 

 

 

 

///للشعر الجاف:

امزجى صفار بيضه مع ملعقه من زيت الخروع وافركى شعرك ثم اغسليه بالماء الساخن مع قليل من عصير الليمون ثم بالماء العادى

 

 

////لتقصف الشعر :

تفرك اطراف الشعر بقهوه مطبوخه بدون هيل

والله ماعرف ايه الهيل ده

 

 

 

///لتكثير الشعر :

يتم خلط مقدار اربعه من صفار البيض مع ملعقتين زيت خروع وتوضع عالشعر لمدة يوم كامل . او الخلطى مع الحناء زبادى + عسل + صفار بيضه +ملعقه من اى زيت

[هبه المسلمه 1]

لتنعيم الشعر :

اخلطى مقادير متساويه من الزبادى والعسل وزيت الزيتون ووزعيه عالشعر كحمام زيت وستدهشك النتيجه

 

 

 

//// الشعر الذى لا يتجاوب مع حمامات الزيت:

فى احيان كثيره قد لا يستفيد الشعر مع مانضعه عليه من زيوت او كريمات ولمعالجة ذلك يراعى الاتى :

-ضعى الزيت على شعرك وهو نظيف

-سخنى الزيت قبل وضعه عالشعر وذلك بوضعه فى اناء ووضع الاناء داخل اناء اخر فيه ماء مغلى مع تحريك الزيت اى لانضع الزيت مباشرة عالنار

-ضعى اطراف اصابعك فى الزيت ثم ادعكى بها فروة الراس اى منابت الشعر

-صبى مقدار ملعقه من الزيت فى وسط الراس ثم وزعى الزيت على بقية الراس ليصل الى كل منابت الراس فليس المهم ان تمسكى الشعره وتملئيها بالزيت وانما المهم هو فروة الراس

-قومى بتدليك فروة الراس من 5 الى 10 د الى ان تشعرين بحراره فى فروة الراس , وعلى ان يكون المساج من فوق الجمجمه ومن اعلى الرقبه وعلى الجانبين اعلى الاذنين

-احيطى شعرك بغطاء بلاستيك ثم ضعى عليه منشفه بعد تبليلها بالماء الحار لتساعد فى تفتيح المسام ودخول الزيت للجزور

-اتركى الزيت على شعرك ساعتين ثم اغسليه بالشامبو ثم اشطفيه

 

 

 

///لتنظيف فروة الراس ومساعدة نمو الشعر تدهن فروة الراس بالزبادى قبل غسل الشعر بالشامبو

 

///لتغذية الشعر تدهن فروة الراس ببياض البيض ثم تغسل بالشامبو

 

 

 

///وصفه لتقوية الشعر:

زيت لوز+ زيت زيتون+ زيت جوز الهند

خلطهم وفرك فروة الراس

 

 

///لشعر طويل وكثيف ولامع وصحى : :icon15: :icon15: :icon15:

-كثيرا

-سدر

-ريحان

-بيضه

تاخدى القليل من الكثيرا وتضعين ماء مغلى وتتركيها لمدة يوم كامل منقوعه فى الماء الساخن ستلاحظين ان الكثيرا ازداد حجمها فتاخديها وتضيفى عليها البيض مره واحده وتحطيهم فى الخلاط لمدة 5د ثم ترجعيهم الى نفس الوعاء وتضيفى لهم ملعقه صغيره من الريحان وملعقه عاديه ونصف من السدر المطحون طبعا.

ثم اضيفى عليها الماؤ الساخن حتى تصبح شبه سائله , اى تضعين يدك فيها فتنزل بسهوله ولكنها مو لزجه جدا.

ثم تبدأين بوضعها من بداية الشعر , اى من الجزور حتى النهايه وهو لايزال دافئا حتى يستفيد منه الشعر طبعاويترك مده لا تقل عن 3 او 4 ساعات.

ستلاحظين النتيجه من تالت اسبوع ستلاحظين ان الشعر الصغير قد بدا ينبت من كل ناحيه من راسك كما ستلاحظين من اول مره ان شعركيصبح لامعا وصحى ويتنفس. ولا تنسى تزييت شعرك قبل الخلطه بالزيت المعتاد عليه شعركن ويستعمل مرتين بالاسبوع

 

 

 

///خلطه لمنع تساقط الشعر وتقويته

صفار بيضه-2ملعقة اكل زبادى - 2 ملعقة اكل حناء منخول - 2 ملعقة اكل زيت اللوز - ملعقة اكل زيت جوز الهند (الناربل)

تخلط جميع المقادير وتزداد كمية الزيوت بالتساوى فى حالة كثافة الشعر

يوضع عالشسعر لمدة ساعه الى ساعتين فقط مره فى الاسبوع

 

 

 

 

///وصفات لشعر صحى وجميل:

.... يضاف 5 ملاعق كبيره من لبن جوز الهند الى ملعقه كبيره من عصير الليمون . يستخدم المحلول الناتج فى تدليك فروة الراس ويبقى بها حتى يجف تماما ثم يشطف بالماؤ العادى

 

 

.... تضرب بيضتان فى ثلاث ملاعق كبيره من الماء وتدهن جزور الشعر ويشطف بعد ان يجف . ويستخدم بياض البيض فى دهان فروة الراس ويشطف بعد ان يجف

 

 

 

 

///لتنعيم الشعر:

ملعقة بن - ملعقة عسل - زيت زتون

تخلط وتترك عالشعر ساعه او ساعتين ثم يغسل الشعر

 

 

 

 

///اذا كنتى تريدين شعر كثيف:

بياض بيضه اذا الشعر دهنى وصفار بيضه لو الشعر جاف او عادى وملعقه كبيره من زيت الزيتون ويخلط خلط جيد ويوضع عالشعر مره فى الاسبوع وسوف ترين باذن الله شعرك ينبت وينعم ويطول ولكن بعد مايقارب شهرين وتوضع مره واحده فى الاسبوع لمدة نص ساعه

 

 

 

///وصفه هنديه لتطويل الشعر ومجربه:

ملعقتين كبيره سدر - 2 ملعقه كبيره عسل اسود - 2 ملعقه كبيره خميره - خياره معصوره فى الخلاط مع كاس ماء وتخلط جميعا ثم ثم تترك ساعه وقبل الاستعمال يوضع صفار بيضه ثم ضعيه عالشعر لمدة ساعه ويغسل بعد ذلك

 

 

///الكثره والغزاره واللمعه والنعومه للشعر :

اخلطى 3 ملاعق خميره فوريه مع كوب زيت جوز هند وادهنى شعرك به لمدة ساعتين وراح تشوفى الفرق

 

 

 

///المايونيز فهو رهييييب يكثر الشعر

 

 

 

//// زيت الخردل فهو يقوى الشعر ويطوله ويكثره

 

 

 

///طريقه لتكثيف الشعر :

خدى فص توم وقشريه وبعدين دقيه دقه واحده يعنى لا تقطعينه بالنصف حتى لا تموت خلاياه او بظهر السكين اضغطى عالفص وبعدين ادعكى به فروة راسك محل الشعر الخفيف (ينفع للصلعان)

 

 

///وصفه للشعر التالف من الصبغات والسشوار وغيره:

زبادى مخلوط مع حلبه سعوديه مطحونه ويوضع لمدة 2 ساعه ويغسل ويستخدم لمدة شهر ونص حتى يستعيد الشعر عافيته

 

 

 

 

انهارده كتبت وصفات كتير خالص اهه

افتكرو بس الجمايل دى :tongue: :tongue:

[أم ريتاج 7]

السلام عليكم و رحمة الله و بركاته

 

حلوة يا هية و صفات الشعر

 

و ربنا يديكي الصحة على الكتابة الكتير ديه

 

بسم الله ما شاء الله و لا حول و لا قوة الا بالله

 

و ادينا يا ست بنعد الجمايل

 

هبه عايزة حاجة لقشرة الشعر

 

استودعك الله

[~رؤى~ 0]

السلام عليكم

 

جزاكي الله خيرا يا هبة

 

بس الوصفات الي فيها زبادي وعسل اما نيجي نغسلها يبقى بالمايه بس ولا بالشامبو ؟ :icon15:

[هاله من مصر 0]

السلام عليكم

ازيكم عاملين ايه

معلش بكرر السوال تانى علشان مش فاهمه

بالنسبه للترمس يعنى اشتريه مطحون ؟ طيب لما هو مطحون ازاى اصفيه

اصل انا جبت الترمس المر سليم من العطار ونقعته واستخدمت الماء

بس للاسف معملتش حا جه الشعر طلع زى ما هو

فلو سمحتو لو فى اى واحده جربت اى حاجه للشعر الزائد ده تفيدنى ولها الاجر ان شاء الله

[هبه المسلمه 1]

السلام عليكم ورحمة الله وبركاته

 

ام ريتاج الغاليه السكره:

ربنا يخليكى يارب

انا بهزر معاكو على فكره ولا جمايل ولا حاجه :?:

وانا الوصفات الجايه هتكون للشعر وهكتب وصفات للقشره

بس على فكره انا كان عندى قشره كتييير جدا وجربت شامبوهات القشره ولا نفعت وكم وصفه ولا نفعو

مراحتش الا اما استخدمت الحناء والله القشره هتختفى خالص

كنت باحط عالحنه زبادى وبابونج

ممكن تجربى انتى البابونج هو مفيد اصلا للقشره يعنى لو مش تحبى الحنه

اغليه واغسلى شعر بالميه بتاعه وسيبيه ساعه كده واشطفى شعرك

البابونج بيزيل القشره :?:

 

 

جنة الله العسوله :

انا متهيألى ان اى وصفه تحطيها لازم تغسلى بالشامبو عشان تزيلى اثار او ريحة اى حاجه فى الشعر

 

وجزانا واياكى حبيبتى

 

 

:icon_eek:

 

 

 

 

 

 

هاله الحبوبه:

اه انتى قصدك عشان الشعر

انتى تجيبى المر وتسلقيه وتاخدى مية السلق وتحطيها فى التلاجه وبعد ازالة الشعر تدهنى من الميه دى كل يوم وهتلاقى الشعر بيقل

او ممكت تدهنى زيت زيتون برده نفس النظام

 

واى خدمه :?:

 

 

 

 

عشان التفاعل ده بأه انا مش هكسل وهكتب شوية وصفات دوقت عالسريع كده :?:

 

 

 

///اللى يشتكى من قلة الشعر :

1- اغسلى شعرك جيدا بالماء والشامبو . جففى شعرك جيدا . اذيبى اربع ملاعق عسل باربع ملاعق او سته من الماء ودلى جزور الشعر جيدا ثم دلكى بقية شعرك . اتركيه على شعرك مدة 2 الى اربع ساعات ثم اغسلى شعرك بالماء فقط . وهذه هى الوصفه الصحيحه لعلاج الشعر بالعسل

 

2-ضعى بعض فصوص الثوم بعد تقسيمه الى نصفين فى قليل من ماء الورد واتركيه 10د مع تغطيته جيدا ثم يفرك الثوم على فروة الراس ويترك عالشعر ساعتين ويغسل بعدها بالطريقه التقليديه

 

 

 

 

 

///لتكثير الشعر (مجرب):

تجيبىشيىء من العطار اسمه كثيرا وتاخدى منه 6 الى 7 حبات وتحطيه فى صحن عمييق وتحطى عليه نص كوب ماء مغلى واتركيه طول الليل . هتيجى تانى يوم هتلاقيه مالى الصحن وشكله زى الجيلى . خدى شويه بايدك مع شويه من زيتك المفضل الى ان تملى فروة راسك . اعمليه كل يوم لمدة عشر ايام ثم مرتين فى الاسبوع

 

 

 

 

///لزيادة كثافة الشعر :

بصله مهروسه وصفيها وخدى فقط سائل البصله واضيفى لها ملعقه كبيره من زيت الزيتون وملعقه من زيت الخروع وملعقة زيت اركان ان وجد ويمكن استبداله بزيت مفيد للشعر .

الطريقه اخلطى المكونات وضعيها على فروة الراس لمدة 5 ساعات على الاقل . اغسلى شعرك جيدا واستعملى الوصفه مره فى الاسبوع وخلال الاسبوع الاول سوف تلاحظين سقوط شعرك لكن لا تخافين لان الشعر المتساقط هو الشعر الضعيف وهتلاحظى النتيجه بعد 3 اسابيع

 

 

 

ياجماعه كل واحده تقول الطريقه اللى ماشيه عليها او اللى مشت عليها وجابت نتيجه لشعرها

وانا عن نفسى بستعمل وصفه هايله مش هقولكم عليها الا اما تقولو انتو الاول

هى كده بأه غلاسه

 

 

 

سلامو

[~~أم أسيل~~ 26]

السلام عليكم ورحمة الله وبركاته،،

 

 

وعد اجرب بتاعت البن

 

وكمان بتاعه العسل و المية

 

وربنا ييسر ويرجع شعري زي الاول

 

تسلمي ياهبه والله روووووووووعة

[أم ريتاج 7]

السلام عليكم

ازيكم عاملين ايه

معلش بكرر السوال تانى علشان مش فاهمه

بالنسبه للترمس يعنى اشتريه مطحون ؟ طيب لما هو مطحون ازاى اصفيه

اصل انا جبت الترمس المر سليم من العطار ونقعته واستخدمت الماء

بس للاسف معملتش حا جه الشعر طلع زى ما هو

فلو سمحتو لو فى اى واحده جربت اى حاجه للشعر الزائد ده تفيدنى ولها الاجر ان شاء الله

 

و عليكم السلام و رحمة الله و بركاته

 

بصي يا هاله انا هقولك على اللى انا بعمله لما بعمل ماسك الترمس

 

انا ساعات كتير احطت الترمس المر المطحون زي ما هو كده على الزبادى أو العسل أو بياض البيض و اخلطهم كويس و احطهم على وشى لمدة 20 دقيقة

 

الحاجه التانية لما باستعما ماسك الترمس المر برضوه و الكركم و نبات السعد كنت بحط الخليط ده على شوية ميه صغيرين و احطهم على النار يغلوا شويه صغيرين كده كده هتكون شوية الميه الصغيرين اللى حطناهم يكونوا نشفوا ، و بعد كده باخد الخليط و احط عليه الزبادي و احطه على وشي

 

ديه تجربتي انا و النتيجه فعاله الحمد لله معايا

 

و اكيد كلنا هنستفيد لو هبه او اي حد من الاخوات ادتنا رأي تانى اكثر افادة و فعاليه

[أم ريتاج 7]

السلام عليكم ورحمة الله وبركاته

 

ام ريتاج الغاليه السكره:

ربنا يخليكى يارب

انا بهزر معاكو على فكره ولا جمايل ولا حاجه :mrgreen:

وانا الوصفات الجايه هتكون للشعر وهكتب وصفات للقشره

بس على فكره انا كان عندى قشره كتييير جدا وجربت شامبوهات القشره ولا نفعت وكم وصفه ولا نفعو

مراحتش الا اما استخدمت الحناء والله القشره هتختفى خالص

كنت باحط عالحنه زبادى وبابونج

ممكن تجربى انتى البابونج هو مفيد اصلا للقشره يعنى لو مش تحبى الحنه

اغليه واغسلى شعر بالميه بتاعه وسيبيه ساعه كده واشطفى شعرك

البابونج بيزيل القشره ;-)

 

 

و عليكم السلام و رحمة الله و بركاته

شكرا ياهبهوب جزاكى الله خيرا

انا هجرب البابونج ده

بس مش هاقدر اجرب الحنه لأنى بصراحة نفسي اقنع ابو حمزة زوجي حفظه الله ان اصبغ شعري

و الاخت اللى هتصبغه لي قالت لى ان انا لو حطيت حنه في شعرى فالصبغه مش هتلقت في شعرى و يجي اللون اللى انا عيزاه

لأن عشان الصبغة تتظبط فى الشعر لازم يكون مر على اخر حنه عمليتها 5 سنين

فلو ابو حمزة مش رضي هحني شعر و خلاص

 

و شكرا يا هوبي