عندك استفسار عن اي شئ تحبي تعمليه او تطبخيه

[فدوى المسلمي 531]

السلام عليكم ورحمة الله وبركاته،،

جميل الموضوع بارك الله فيك ام حلا

أنا أولادي بيحبوا جدااااااا التونة

ولأنها مفيدة كتير باعملهالهم

لو واحدة عندها طرق مميزة لتقديم التونة أو أي اضافات تعطي لها مذاق خاص أكون ممتنة جدا

بارك الله فيكن

[ام حلا 6]

بصراحة احب التونة مع البيتزا

[ام عمر وجنان 2]

السلام عليكم

انا لما بعمل الكبسة ما بتطلع معي مش زابطة مش عارفة ليش بيخبص الرز معي مع انو بالاكلات التانية الرز بيطلع روعة ممكن تحكولي ليش

 

تم تعديل 20 أبريل, 2010 بواسطة ام عمر وجنان

[ام حلا 6]

بالنسبة لي كانت الكبسة كمان تطلع مخبوصة بس بعدين اكتشفت ان المرق اللي نحطه لوكان سميك يعني تحسيه تقيل جامد شوي خففيه بالماء العادي و خليه يغلي و بعدين صفيه بالمصفى من اي شوائب و اطبخي به الرز عادي

[ام عمر وجنان 2]

جزاك الله خيرا بس انا بطبخ الكبسة بماء سلق الدجاج او اللحم ولا يكون ثقيل

بتعرفي انا تعقدت من الكبسة ما بتزبط معي بالمرة ما عدت احب اعملها

[أحزنتنى ذنوبى 2]

السلام عليكم ورحمة الله وبركاته،،

جميل الموضوع بارك الله فيك ام حلا

أنا أولادي بيحبوا جدااااااا التونة

ولأنها مفيدة كتير باعملهالهم

لو واحدة عندها طرق مميزة لتقديم التونة أو أي اضافات تعطي لها مذاق خاص أكون ممتنة جدا

بارك الله فيكن

 

 

وعليكم السلام ورحمة الله وبركاتة

شوفي عزيزتي انا أوقات بعمل خلطة للتونة وهي

فلفل مكعبات

ممكن خيار

بصلة صغيرة مفرومة ناعمة

طماطم صغيرة

ممكن بقدونس

أو بصل اخضر

زيت زيتون

ليمون

مايونيز

 

وبخلط دة كلة واضعة في ساندوتش واضع علية كاتشب ومايونيز ولو عايزة شطة بيبقي خطير والولاد يموتوا فية ولو عرفتي تحمصي العيش الفينو شوية صغيرين يبقى روعة قبل ما تحشية

يا رب اكون افدتك كمان انا ابحشي بيها الفطاير او على البيتزا

[أحزنتنى ذنوبى 2]

جزاك الله خيرا بس انا بطبخ الكبسة بماء سلق الدجاج او اللحم ولا يكون ثقيل

بتعرفي انا تعقدت من الكبسة ما بتزبط معي بالمرة ما عدت احب اعملها

 

حاولي اختي الحبيبة تقللي من الماء شوية بتاع الرز او المرق وان شاء الله تظبط

[أمة من إماء الله 6]

السلام عليكم

انا عملت كفتة فراخ (كان عندي فراخ مفرومة تبلتها وصبعتها وحمرتها في الزيت)و طلعت ناشفة جدا من بره

(ممكن اكون سبتها في الزيت كتير شوية (قلت عشان تستوي كويس :lol: )

كيف اعالجها وهي على هذا الحال قبل تقديمها؟

[ام مريم ويحيى 136]

السلام عليكم ورحمة الله وبركاته

 

اخواتى الحبيبات انا الحمد لله شاطره فى المطبخ بس ماليش ولا فى عمايل السمك ولا فى اكله عندى سمكه تقريبا كيلو ونص او اتنين كيلو

 

عاوزه اعرف طريقة حلوه اعملها بيها لان زوجى بيحب السمك جدا وانا مش عارفه اعمل فيها ايه ؟؟؟؟ :lol: :wacko:

[أحزنتنى ذنوبى 2]

السلام عليكم ورحمة الله وبركاته

 

اخواتى الحبيبات انا الحمد لله شاطره فى المطبخ بس ماليش ولا فى عمايل السمك ولا فى اكله عندى سمكه تقريبا كيلو ونص او اتنين كيلو

 

عاوزه اعرف طريقة حلوه اعملها بيها لان زوجى بيحب السمك جدا وانا مش عارفه اعمل فيها ايه ؟؟؟؟ :grin: :roll:

 

 

وعليكم السلام ورحمة الله وبركاتة يارب حبيبتي اقدر افيدك

عندك اكتر من طريقة

الأولى:لو عندك قلاية كبيرة تسع السمكة

اغسلي السمكة كويس جدا بالماء والدقيق ولما تجديها من الداخل اصبحت نظيفة جدا اصنعي شقوق في ظهر السمكة من الخارج ضعيها في طبق كبير وتبليها بكمون وليمون وخل وملح واتركيها بعض الوقت وكل ما زاد الوقت كان احلى

بعدين اعملي خلطة من 1فلفل

1طماطم

راس توم

ممكن شوية كسبرة خضرا اوبقدونس ويمكن الاستغناء عنهما

كمون وكسبرة ناشفة وملح وفلفل

ليمون

كل دة تفرمية في الكبة ناعم ثم تحشي بطن السمكة ثم تغطيها بالدقيق ثم في زيت ساخن جدا ضعي السمكة حتى تصبح ذهبية ثم ارفعيها من الزيت وضعيها في صينية ودخليها تكمل سواها في الفرن ودة لأن السمكة بالحجم دة كبيرة وتخينة والقلي لوحدة لن يسويها

: الطريقة التانية

نظفي السمكة واغسليها جيدا ثم ضعيها في صينية فرن وممكن تعملي نفس الحشوة السابقة وتحشي بيها بطن السمكة ثم تقطعي فلفل وبصل وطماطم وثوم (ممكن تعملي فرشة من البطاطس والجزر تحطيها تحت السمكة ان حبيتي لكن انا بحب اعملها سادة بدون فرشة )وبعدين تعصري حوالي خمس لمونات ونص كوب زيت ولو عندك كسبرة خضرا وحبهان وورق لورا وشوية كركم ضعي هذة الخلطة كلها فوق السمكة وضعيها تستوي براحتها في الفرن طبعا لو كانت حارة شوية يبقى احسن

الطريقة الثالثة

ممكن تشويها ودي اعتقد حتبقى صعبة عليكي في البيت فاحسن توديها شواية سمك برة وتريحي نفسك هههههه

يارب اكون افادتك

[أمة من إماء الله 6]

السلام عليكم

انا عملت كفتة فراخ (كان عندي فراخ مفرومة تبلتها وصبعتها وحمرتها في الزيت)و طلعت ناشفة جدا من بره

(ممكن اكون سبتها في الزيت كتير شوية (قلت عشان تستوي كويس )

كيف اعالجها وهي على هذا الحال قبل تقديمها؟

 

????????????????????

[ام مريم و رغد 0]

السلام عليكم ورحمة الله وبركاته،،

ممكن طريقه عمايل صينيه بطاطس بالسبيط دي اكله بورسعيدي بتكون زي صينيه البطاطس العاديه بس بدل اللحمه بتكون سبيط ماتستغربيش طعمها كان يجنن

 

و جزاكي الله خيرا

[أمة من إماء الله 6]

السلام عليكم

احط الاسئلة اللي انا عايزاها هنا و لا احطها في موضوع بره و خلاص ؟؟؟؟

ماحدش هنا بيرد عليا :laugh:

[حبيبة الصديقه 9]

السلام عليكــم ورحمـة الله وبركاتــة ،،

 

بارك الله فيكن اخواتى وجزاكن الله خيرا على هذا الموضوع الاكثر من رائع

 

عندى سؤال انا عايزه طريقة تشيز كيك البارده (اللى ما فيهاش بيض واللى مش بتدخل الفرن)

 

انا دورت كتير على النت واتلخبطت وكنت عايزه اعرف الفرق بين (ديم ويب) و(الحليب المكثف) و(الكريمه الحامضه) و(القشطه)

 

لان اغلب الوصفات اللى شفتها لاما بيكونوا مستخدمين دريم ويب او حليب مكثف او كريمه حامضه (soured cream) اا عايزه اعرف الفرق بارك الله فيكن وكمان لو طريقة تشيز كيك تكون سهله وبسيطه ومش معقده :biggrin: وجزاكن الله خيرا

تم تعديل 17 مايو, 2010 بواسطة حبيبة الصديقه

[أحزنتنى ذنوبى 2]

أختي العزيزة أمة من اماء الله لو حابة تضعي اسئلتك هنا ولو قدرت اساعدك لن أتأخر بارك الله فيكي

 

 

 

انا دورت كتير على النت واتلخبطت وكنت عايزه اعرف الفرق بين (ديم ويب) و(الحليب المكثف) و(الكريمه الحامضه) و(القشطه)

 

 

وفيكي بارك اختي الحبيبة سأحاول اقول لكي ما يمكنني مساعدتك بة

الدريم ويب هو الكريم شانتية بتاعنا في مصر

الحليب المكثف هو حليب محلى بالسكر ولكن تم تبخير جزء كبير من الماء الموجود فية فأصبح حليب تقيل وسميك

القشطة هناك نوعان اما القشطة العادية المعروفة عندنا في مصر زي القشطة البلدي مثلا

وفية القشطة القابلة للخفق وهذة بعد ضرها بالمضرب تعطي نفس نتيجة الكريم شانتية وممكن تستخدم في بعض الآكلات لأنها غير محلاة او تحلى وتستخدم بدل الكريم شانتية

اما الكريمة الحامضة شوفتها كتير ولكن لم استخدمها من قبل

يارب اكون اقدرت افيدك بمعلوماتي البسيطة

تم تعديل 17 مايو, 2010 بواسطة أحزنتنى ذنوبى

[ام حلا 6]

السلام عليكم

احط الاسئلة اللي انا عايزاها هنا و لا احطها في موضوع بره و خلاص ؟؟؟؟

ماحدش هنا بيرد عليا :blush:

 

 

انا اسفة الان قرات سؤالك ممكن تغطيها شوية و هي سخنة

انا لما تكون ناشفة اسيبها هيك و اعمل نفسي عبيطة و مش شايفة شئ

[همتى صلاح امتى 13]

السلام عليكــم ورحمـة الله وبركاتــة ،،

 

اخواتى انا لما احب اعمل

الكريمة عشان اجمل الكيكة

مش بتظبط معايا عيزة طريقة صحيحة

وسهلة اعملها بيها

[أحزنتنى ذنوبى 2]

السلام عليكــم ورحمـة الله وبركاتــة ،،

 

اخواتى انا لما احب اعمل

الكريمة عشان اجمل الكيكة

مش بتظبط معايا عيزة طريقة صحيحة

وسهلة اعملها بيها

 

 

وعليكم السلام ورحمة الله وبركاتة

والله اختي الحبيبة مش بالي حاجة دلوقتي الا انك ممكن تخلي الكريمة بتاعت التزيين تقيلة علشان النقشة اللي هترسميها تظهر كويس

وبعدين اضربي الكريمة بمضرب بيض فقط لأن الخلاط واللاشياء الأخري بتجعلها سائلة ولاتتماسك جيدا مثل المضرب

ولو افتكرت حاجة تانية هارجع واقولك ان شاء الله

[همتى صلاح امتى 13]

وعليكم السلام ورحمة الله وبركاتة

والله اختي الحبيبة مش بالي حاجة دلوقتي الا انك ممكن تخلي الكريمة بتاعت التزيين تقيلة علشان النقشة اللي هترسميها تظهر كويس

وبعدين اضربي الكريمة بمضرب بيض فقط لأن الخلاط واللاشياء الأخري بتجعلها سائلة ولاتتماسك جيدا مثل المضرب

ولو افتكرت حاجة تانية هارجع واقولك ان شاء الله

 

شكراً لكِ اختى

الان عرفت ما العيب

اننى اضربها بالخلاط

 

[رميثه 1]

السلام عليكم ,,,

 

أخواتي الحبيبات عندي كيس سوبيا جاهز ومش عارفه أعمله ازاي ؟؟؟

 

أفيدوني جوزيتم الجنة :icon16:

[رميثه 1]

ألووووووووووووووووووووووووووووو

 

محدش رد علي :mrgreen:

[مسلمة مجاهدة 353]

وعليكم السلام ورحمة الله وبركاته

 

عذرا أختي الكريمة لم أنتبه للأمر

 

لكن ما هو السوبيا؟؟ :icon15:

 

[*أم رقية* 473]

السلام عليكم ورحمة الله وبركاته،،

 

 

انا نفسى اعمل ايس كريم ويطلع حلو عملت البورد طلع يعنى وعملت اللى عند العطار وطلع سيئ فهل يوجد أخت تجيد صنعة

[مسلمة مجاهدة 353]

السلام عليكم ورحمة الله وبركاته،،

 

 

انا نفسى اعمل ايس كريم ويطلع حلو عملت البورد طلع يعنى وعملت اللى عند العطار وطلع سيئ فهل يوجد أخت تجيد صنعة

 

وعليكم السلام ورحمة الله وبركاته

 

عفوا أختي أم رقية ولا مرة عملت ايس كريم بالبيت ولكن بحثت عن وصفات لكِ فوجدت التالي:

 

:::

 

المقادير

 

1كوب من اللبن

 

1كوب من السكر

 

1كوب من فاكهة الموسم

 

2صفار بيض

 

2ملعقة من النشا

 

2عصير ليمونة

 

طريقة التحضير

 

يغلىءالفاكهة على النار مع نصف كمية السكر ويضاف عصير الليمون

 

تغلىءاللبن مع باقى كمية السكر ويضاف النشا بعد ان يذاب قليل من الماء ويضاف الفانيليا

 

وبعد ان يبرد الخليطان يضاف البيض يصفى ويترك بالثلاجة لليوم الثانى وبعد يوضع بالماكينة المخصصة للصناعة

 

الايس كريم حتى ينعم ويتماسك وبعد يحفظ بالفريزر داخل وعاء بلاستيك

 

اما فى عدم وجود ماكينة ايس كريم يوضع الخليط داخل الفريزر ويقلب كل ساعة حتى ينعم ويتماسك

 

 

ملحوظة هامة:

 

فى حالة الحصول على ايس كريم فانيليا يحذف عصير الفاكهة وعصير الليمون ويتم عمل باقى الخليط وفى حالة الرغبة

 

فى الحصول على ايس كريم شيكولاته يمكن اضافة نصف كوب كاكاو للبن اثناء الغليان

 

::::::::::

 

 

أتمنى أن تنفعك :)

[داليا المصرية 0]

لو سمحتم يا أخواتى اللى منكم ماهرة فى تحضير المأكولات البحرية

تقولى طريقة عمل السوبيا (السبيط)

خطوة خطوة