ياأخوات :دروس ☀ ☀دوره الطبخ العبقرية لكل انثى ذكية☀ ☀ (الجزء الاول )

[صاحبه القلب الطيب 12]

اللهم بارك نصائح ممتازة جدااا

وأدوات مميزة وأشكالها تفتح النفس على العمل في المطبخ ولكن مع ذلك لا يمنع أن نعمل بالذي موجود في مطبخنا ونحصل على نفس النتيجة

ونصائح فيها ما أطبقه وفيه الجديد علي والذي سوف أطبقه بإذن الله

وبخصوص سؤال سارة عن إضافة البطاطس للأكل المملح فهي تنفع لأكلات الأيدام التي تطبخ في المرق

وممكن إضافة بطاطس كاملة أو بصلة كاملة أي أنها سوف تتشرب الملح الزائد وهي مجربة ونتيجتها مرضية جدااا

 

هلا بالحبيبه المتفائله

 

وعندك حق الادوات شكلها جميل ومش شرط انها تكون عندنا كلها ...انتظر تطبيقك :mrgreen:

 

وتسلمين على التوضيح بس كده قصدك على الشوربه مثلا والاكت التى تطبخ بالمرق مثل كوسه ...فاصوليا ..بسله 0لو ملحها زايد 0

!!!!!! صح كده ؟ :mrgreen:

[صاحبه القلب الطيب 12]

جزاك الله خير ياصاحبة القلب الطيب

بصراحه مجهود خارق

ربنا يبارك فيكي

بس اذا سمحتيلي لي تعليق بسيط/المعلومات كانت كتييير جدا

انا جالي حول لما قدرت اخلص الموضوع كله

لو في معلومات طويله كدا ممكن تجزايهالنا علشان حتي نقدر نستوعب وننفذ

اما عن المعلومات نفسها بصراحه جباااره

رغم اني عارفه منها كتير لكن استفدت فعلا

وموضوع الادوات دا عجبني جدا

صحيح ممكن مقدرش اجيبها كلها بس لان لونها بمبي

وانتظري تطبيقي ان شاء الله

 

وجزاكى مثله حبيبتى الغاليه

وبالنسبه لتعليقك تقريبا هو ده الدرس الوحيد اللى نصايح وكان لازم يجى كده مره واحده ان شاء الله فى ملفات الاكل الطويله ساقسمها على يومين .... الحمد لله ان المعلومات والادوات اعجبتك بس مافهمتش انتى مش هتجبيهم عشن لونهم بمبى يعنى ! :mrgreen:

 

بانتظار تطبيقك !!

[صاحبه القلب الطيب 12]

السلام عليكم ورحمة الله

يا ابله صاحبة القلب الطيب !!!

انا حطيت ملاحظة ان تقبلوني بخبرة 0 في المطيخ :ohmy: يعني اللي بعرفه من مستوى بيض ..... :icon17:

ورح اجتهد في الدورة لان معكم بس ممكن احب المطبخ

أكره الوقوف وقت طويل لاعداد طبق اكل وبعدين يقولولي بس ناقص شوية,,, وبده شوية.... بالخلاصة عندي احباط

وتعديل الواجب هو الاضافة التالية:

طريقة تزيين الطبق بالفجل

يشق الفجل بالطول بواسطة سكين إلى ما قبل قاعدته بقليل ثم ينقع بالماء البارد مدة نصف ساعة فينتفخ على شكل وردة

عملت نفس الشيء مع ساق الكرفس (يعني قطعت رأس الساق فقط طولا وعرضا على شكل متقاطع) وتركته بالماء فانقتح على شكل جميل

ماشي الحال هيك؟؟؟؟ :closedeyes:

 

هههههههههههه دمك سكر ياحبيبتى ..طيب جميل انه من مستوى بيض وبعدها يرتفع الى محشى مثلا :unsure:

وجميله الاضافه انه ينفع بالكرفس ..بس انتظرك بصفحه التطبيقات غدا ان شاء الله

:mrgreen:

 

 

حفوده

تسجيل حضور

وإستفدت كتير منهم

1.البصل بس بيقولوا ان الدموع الخاصة بالبصل صحية :)

2.كيف اعرف السمك الطازج

3.البيض

والكثير طبعاً الحمدلله

 

هلا وغلا بيكى حبيبتى :mrgreen: :blush: والحمد لله انك استفدتى ..وايه اخبار المذاكره .اظن الان الموضوع سهل :rolleyes:

 

 

 

العائده الى الله

 

بارك الله فيك على الدورة اختي "" صاحبة القلب الطيب""

 

وفيكى حبيبتى :rolleyes:

 

 

 

غربه مسلمه

 

بداية رائعة ما شاء الله و إن شاء الله سأحاول وضع الشعار

 

انتظر وضع الشعار والتطبيق حبيبتى

[المتفائلة (ريفيّة) 979]

وتسلمين على التوضيح بس كده قصدك على الشوربه مثلا والاكت التى تطبخ بالمرق مثل كوسه ...فاصوليا ..بسله 0لو ملحها زايد 0

!!!!!! صح كده ؟

أيوه صح كدة ياغالية

وكثيررر تحصل لي وأطبق هذه الطريقة

والله يوفقنا للمزيد من المعرفة

[حبيبة87 3]

سؤال

 

التطبيق يكون تقرير فقط ام يكون بالصور؟

[صاحبه القلب الطيب 12]

حبيبتى حبيبه 87

 

المطلوب فى هذا الدرس هو تقرير كتابى لكن لو تمكنتى من تصويره ياحبذا تكن الافاده اعم واشمل

 

غدا نرى المواهب ههههه

[عبــاد الرحمن 165]

ما شاء الله

 

نصائح مفيدة جداااااااااااااااااااااااااااااااااااااااااااااااااااااااااااااااا

 

جزاكي الله خيرا صحوبة

 

بجد استفدت كتير

 

وطبعا التطبيق اللي هاجربه الاسبوع ده من نصايحك الكتير اهم حاجة باكرهها في المطبخ اللي هي بشر البصل باتضايق جدا لما اجي ابشر البصل

 

فلقيت نصيحتك دي

 

- ضعي البصل في قدر به ماء قبل تنظيفه لمدة نصف ساعة حتى لاتدمع عيناكي عند تقطيعه أو ضعي حبات البصل في الفريزر لمدة نصف ساعة

 

ان شاء الله اجربها واجي اقولك نفعت

[ساره أم حمزه 1041]

جزاك الله خيرا مشرفتى المتفائله

[العبدة الفقيرة 2]

ماشاء الله أم حبيبة الغالية

معلومات قيمة جداااااا

شكلى هتعلم وأصبح طباخة ماهرة ع يدك :icon15:

[~ أم البطلين ~ 26]

ماشاااااء الله ؛ فتح الله عليكنّ

 

استفدت كتير

[صاحبه القلب الطيب 12]

الحبيبه المتفائله

 

بارك الله فيكى ...توضيح تمام بس تعرفى غالبا اللى ما ينظبط فيه الملح طبق الفول واحيانا الرز

 

الحبيبه عباد الرحمن

 

هلا وغلا بالغاليه

..شطوره حبيبتى ايوا كده افضل شئ انك عملتى اقتباس للنصيحه حتى تسهلى علينا الامر وهذا ما نرجوه بصفحه التطبيقات

وبالنسبه للبصل فعلا انا مجرباها بقشره واضعه شويه فى الفريزر فمش بيكون هناك اى دموع ..انتظر تطبيقك هناك غدا

 

العبده الفقيره اهلا بكى ياعبوده وبلاش تواضع انتى ممتازه بلا شئ ...لكن اوعى تنسى التطبيق .عارفاكى تلمنيذه مجتهده :mrgreen:

 

ام معاذ وسلمان

استفادتك وكل الاخوات مردانا .. لا تنسى التطبيق غاليتى

[ساره أم حمزه 1041]

اهىء )*:

انا لسه قدامى كتير مقراتهوش لسه ولسه هاكتب إن شاء الله

سماح المره دى فى التطبيق ماشى؟

[رحيل القمر 1]

يا سلام ايه الجمال ده

احنا بعد المعلومات دي

بقينا ولا الشيف اسامه ولا غيره

دول بيطبخوا اما احنا اخدنا دروس في الفن ههه مزحه طبعا

 

رائع جدااااااااااااااااااااااااااااااااا وانتظروني في الطتبيقات

وانا معكن ان شاء الله

 

وجعل صاحبه القلب الطيب ذالك في ميزان حسناتك

اختك

[صاحبه القلب الطيب 12]

اهىء )*:

انا لسه قدامى كتير مقراتهوش لسه ولسه هاكتب إن شاء الله

سماح المره دى فى التطبيق ماشى؟

 

طبعا مينفعش ياساره :closedeyes: على الاقل اقرأى نصيحه تكون سهله التطبيق لكى وطبقيها والا ستتراكم الدروس عليكى

احنا مازلنا بالبدايه وامامك للغد

 

انتظر تطبيقك :tongue:

[ساره أم حمزه 1041]

طبعا مينفعش ياساره على الاقل اقرأى نصيحه تكون سهله التطبيق لكى وطبقيها والا ستتراكم الدروس عليكى

احنا مازلنا بالبدايه وامامك للغد

 

انتظر تطبيقك

ماشى إن شاء الله

كويس انه للغد فرصه كمان الحمد لله

حاضر إن شاء الله ( :

[ام رحمة السلفية 12]

السلام عليكــم ورحمـة الله وبركاتــة ،،

 

بارك الله فيكِ يا ام حبيبة

بجد استفدت كتير جزاكِ الله خير

 

جارى التطبيق ان شاء الله وفى حاجات كتير حعملها لما ارجع بيتى ان شاء الله

[صاحبه القلب الطيب 12]

اين التطبيقات ياحبيبات ؟؟؟؟؟

 

شكلى راح ازعل منكن :oops:

[ساره أم حمزه 1041]

للتخفيف من رائحة السمك عند قليه يجب تغطية المقلاة عند وضع السمك بها .وفتح مروحة الشفط والنوافذ مع وضع قطعة فحم غير مشعله على الفرن بجانبالمقلاة حتى تمتص رائحة السمك . او وضع عصير ليمونه بطاسه القلى

بس احنا بنقلوه ع البتاجاز مش الفرن ولو غطيت المقلاة ( اللى هى الطاسه صح ؟ ) مش هشوف السمك ( : ريحة القلى حلوة على فكره

بصى هو ايه عصير الليمون ؟ ليموناده ؟

وايه ملح الطعام المزود باليود ايه هو اليود ؟

[ساره أم حمزه 1041]

-استخدمي القصديرالمقوى بعمل عدة طبقات منه لصنع قالب كيك على شكل قلب او ورده ثم ضعيه في صحن الفرن و اسكبي الخليط.

دى محتاجه صورة

 

ايه هو السكر البنى ؟

[omjana 6]

ما شاء الله المووضع ثرى

 

انا لسة مخلصتوش

 

جزاكى الله خيرا صاحبة القلب الطيب بس انا مش فاهمة التطبيقات العملية

[بُشرة خير 3]

هلا بعروستنا الحلوه ...ها انا وعدت ووفيت بوعدى ما رأيك ؟؟؟؟

 

وبالنسبه للادوات ولا احباط ولا حاجه مش عندك الخلاط خلاط ..بس مثلا المبشره اظنها بسيطه ممكن تكون عندك وانتى ناسيه !!

 

والنصايح تعرفى عليها وما يناسبك جربيه ..انتظرك بصفحه التطبيقات يوم الخميس والدرس القادم السبت ان شاء الله لنبدأ باكلات بسيطه

 

الله يباااااااااركلك يا صاحبة القلب الطيب

فرحت جدااااااا والله

ربنا يجعلك من الموفين بعهدهم دائما ياااارب

 

أما الأدوات بقى فأبشرى هههههههه موضوعك عمل جوايا شحنة نفسية روحت نزلت السوبر ماركت لوحدى لأول مرة من غير زوجى واشتريت أدوات كتير كان كل مرة يقولى مالهاش لازمة هههههههه

وفعلاً عندى المبشرة الحمد لله ههههههههه

والحل ف الأدوات ان نشوف اللى لازمنا منهم ونشتريه على كذا مرة

 

وأبشرك جبت مقوار كمان استعدادا للمحشى ههههههه ان شاء الله

 

الأكل امبارح طلع مالح أوى ف هجرب موضوع البطاطساية النهاردة ان شاء الله واقولك النتيجة والبصل كمان بيتعبنى اوى هجرب كل ده بإذن الله وأجى لك فى التطبيقات

 

ويارب نبدأ التطبيقات وأتحسن لانى حاسة انى مكتئبة ومش موفقة المطبخ ونفسى أريح زوجى عن كدة :(

[ساره أم حمزه 1041]

عارفه انا لما شفت المقاييس كنت فرحانه جدا الحمد لله

لانى شفت طريقه حلوى هنا وكان فيها مقياس ملم وانا مكنتش عارفه يبقى كام وامى قالتلى

 

بصى احنا معندناش الفرن ده

هو ايه فهرنهيت

هو 225 ــ 250 معناه ان يكون فى النصح بينهم ؟

 

وفى مقياس ملم فى الاخر هى 1/14 ولا 1 يعنى واحد كوب ؟

[عزتي نقابي 1]

. الحمد لله ان المعلومات والادوات اعجبتك بس مافهمتش انتى مش هتجبيهم عشن لونهم بمبى يعنى !

لالالالا

ممكن انا مقدرش اجيبهم كلهم

بس عجبوني بس لان لونهم بمبي :wub:

[صاحبه القلب الطيب 12]

نهوووله

السلام عليكــم ورحمـة الله وبركاتــة ،،

 

بارك الله فيكِ يا ام حبيبة

بجد استفدت كتير جزاكِ الله خير

 

جارى التطبيق ان شاء الله وفى حاجات كتير حعملها لما ارجع بيتى ان شاء الله

 

هلا بالغاليه الحبيبه جدا لقلبى ام رحمه ..وحشانى يانهوله

ربنا يرجعك بيتك بالسلامه ويرجع زوجك بالسلامه

 

وانتظر تطبيقك للنصايح ..اعلم انك مجتهده

 

 

ام جنا

ما شاء الله المووضع ثرى

 

انا لسة مخلصتوش

 

جزاكى الله خيرا صاحبة القلب الطيب بس انا مش فاهمة التطبيقات العملية

 

خلصيه حبيبتى براحتك ....وبالنسبه للتطبيقات كل الحكايه انك هتختارى فى درسنا ده نصيحه او اكتر تكون فهمتى معناها ثم تطبيقها بنفسك وترى النتيجه وتصفيها لنا وبهذا تكن الافاده بشكل عملى وليس نظرى فقط

 

بشره خير

الله يباااااااااركلك يا صاحبة القلب الطيب

فرحت جدااااااا والله

ربنا يجعلك من الموفين بعهدهم دائما ياااارب

بارك الله لكى ياحبيبه ...على فكره انا سعيده بكى وبرغتبك فى التحسن وان تكونى افضل لترضى ربك ثم زوجك

 

أما الأدوات بقى فأبشرى هههههههه موضوعك عمل جوايا شحنة نفسية روحت نزلت السوبر ماركت لوحدى لأول مرة من غير زوجى واشتريت أدوات كتير كان كل مرة يقولى مالهاش لازمة هههههههه

وفعلاً عندى المبشرة الحمد لله ههههههههه

والحل ف الأدوات ان نشوف اللى لازمنا منهم ونشتريه على كذا مرة

 

برافو عليكى خطوه جيده جدااااا ..لكن فعلا اشترى اللى يناسبك فقط واللى تشعرى انك هتستخدميه ..واعتبر هذا تطبيق :biggrin:

 

وأبشرك جبت مقوار كمان استعدادا للمحشى ههههههه ان شاء الله

 

اطمنى راح تستخدميها اكيد ههههه عشان محشى الكوسه والباذنجان (كل شئ موجود لا تخافى ) :grin:

 

الأكل امبارح طلع مالح أوى ف هجرب موضوع البطاطساية النهاردة ان شاء الله واقولك النتيجة والبصل كمان بيتعبنى اوى هجرب كل ده بإذن الله وأجى لك فى التطبيقات

انتظرك بالتطبيقات ..لا تتأخرى علينا

 

ويارب نبدأ التطبيقات وأتحسن لانى حاسة انى مكتئبة ومش موفقة المطبخ ونفسى أريح زوجى عن كدة :(

 

ان شاء الله تستفيدى من الدوره ولو بنسبه 10 %وتخرجى منها وقد تغير فيكى شئ

 

 

 

عزتى نقابى

الحمد لله ان المعلومات والادوات اعجبتك بس مافهمتش انتى مش هتجبيهم عشن لونهم بمبى يعنى !

لالالالا

ممكن انا مقدرش اجيبهم كلهم

بس عجبوني بس لان لونهم بمبي

 

هلا بعاشقه اللون البمبى

عادى حبيبتى ../ا تحتاجيه فقط احضريه ..منتظره تطبيقك

[صاحبه القلب الطيب 12]

ساره محمد

 

صاحبه الاسئله الجديده :grin:

 

بس احنا بنقلوه ع البتاجاز مش الفرن ولو غطيت المقلاة ( اللى هى الطاسه صح ؟ ) مش هشوف السمك ( : ريحة القلى حلوة على فكره

بصى هو ايه عصير الليمون ؟ ليموناده ؟

وايه ملح الطعام المزود باليود ايه هو اليود ؟

 

بنقلوه ...انتى اسكندرنيه ؟؟؟عامه حبيبتى فى ناس مش بتحب ريحه القلى لانها تكون بها بعض الزفاره وطالما بتحبيها يبقا خلاص

واه المقصود الطاسه ونعصر نص ليمونه على الزيت تمنع الرائحه واليود هو ماده من مكونات الملح احيانا وهو

من المعادن التي يحتاجها الجسم بكميات معتدلة ويساعد هذا المعدن في عملية ايض الدهون، وهو ضروري للنمو الجسدي والعقلي، كما أن اليود هو أكثر ما تحتاجه الغدة الدرقية، فهو يساعدها على العمل ويحميها من التضخم

 

ايه هو السكر البنى ؟

نوع من انواع السكر

السكر البني هو سكر لم يتم تبييضه فلوجود شئ يسمى دبس السكر به .. والسكر الأبيض هو نفس السكر بعد تبييضه

 

 

عارفه انا لما شفت المقاييس كنت فرحانه جدا الحمد لله

لانى شفت طريقه حلوى هنا وكان فيها مقياس ملم وانا مكنتش عارفه يبقى كام وامى قالتلى

 

الحمد لله ..والجدوال تلك اعدتها لنا بالفوتوشوب الغاليه ايمان عبد العليم بارك الله فيها

بصى احنا معندناش الفرن ده

هو ايه فهرنهيت

هو 225 ــ 250 معناه ان يكون فى النصح بينهم ؟

 

نوع من انواع درجات الحراره تستخدم فى بعض الافران اما نحن فى بوتاجازاتنا العاديه نستحدم د.م درجه مئويه

واه تقريبا يكون بينهم

 

وفى مقياس ملم فى الاخر هى 1/14 ولا 1 يعنى واحد كوب ؟

كوب وربع

 

انتظر تطبيقك ياساره ..ولا يوجد ساره للقصدير ...وانتى خريجه ايه ياساره ؟؟لمزيد من المعرفه ليس اكثر