ياأخوات :دروس ☀ ☀دوره الطبخ العبقرية لكل انثى ذكية☀ ☀ (الجزء الاول )

[ساره أم حمزه 1041]

ساره محمد

 

صاحبه الاسئله الجديده

هههههه اصلى مبتدئه بقى كنت الاول مبحبش اتعلم الطبخ مبرضاش

لكن اتغيرت الحمد لله

بنقلوه ...انتى اسكندرنيه ؟؟؟عامه حبيبتى فى ناس مش بتحب ريحه القلى لانها تكون بها بعض الزفاره وطالما بتحبيها يبقا خلاص

واه المقصود الطاسه ونعصر نص ليمونه على الزيت تمنع الرائحه واليود هو ماده من مكونات الملح احيانا وهو

من المعادن التي يحتاجها الجسم بكميات معتدلة ويساعد هذا المعدن في عملية ايض الدهون، وهو ضروري للنمو الجسدي والعقلي، كما أن اليود هو أكثر ما تحتاجه الغدة الدرقية، فهو يساعدها على العمل ويحميها من التضخم

هههههه مش اسكندرانيه انتى بتعملى زى فى البيت لما اتكلم كده يقولوا زيك ( :

اه يعنى لما يقولوا عصير الليمون معناه انى اعصر الليون لكن ش معناه عصير ليموناده صح ؟

جزاك الله خيرا ع التوضيح ( :

نوع من انواع السكر

السكر البني هو سكر لم يتم تبييضه فلوجود شئ يسمى دبس السكر به .. والسكر الأبيض هو نفس السكر بعد تبييضه

تقريبا اول مره اعرف ان فى سكر بنى ^ـــ^

الله يبارك فى ايمان وفيك وفى مسلمه مجاهده

 

كوب وربع

ياربى ... جزاك الله خيرا ع التوضيح

 

انتظر تطبيقك ياساره ..ولا يوجد ساره للقصدير ...وانتى خريجه ايه ياساره ؟؟لمزيد من المعرفه ليس اكثر

 

انا دخلت المطبخ عشان اعمل تطبيق البصل اسهل لكن ملقتش بصل قدّر الله وما شاء الله

ولانى مش صاحبة البيت لو صاحبته كنت هيقابلنى الاعمال دى صح ؟

هو ممكن تسامحينى انا فى التطبيق

يعنى لما ندخل فى الازر والمكرونه ممكن يقابلنى النصائح دى واعمل حاجه منها واجى اكتبها بقى

ممكن ؟

ههههههه

الحمد لله مكملتش تعليم بسبب الاختلاط اخدت الشهاده الاعداديه وجلست الحمد لله

 

معلش تعباك

هو بيقول الماء البارد يمنع التصاق اللبن فى الحله

يعنى الطريقه ازاى ؟

تم تعديل 8 أبريل, 2011 بواسطة سَارّه مُحَمّد

[بُشرة خير 3]

جزاااكى الله خيراً حبيبتى صاحبة القلب الطيب على تشجيعى ربنا يباركلك ياااارب

هو انتى اللى كنتى عاملة موضوع كيكة الهوهوز والرز بلبن من غير نشا ؟

[بُشرة خير 3]

سارة محمد الأمورة

جزاكى الله خيراً على أسئلتك بتفيدنى كتير الله يباركلك

وأنا بحبك أصلاً يا سارة وبحب بساطتك وبحس انك طيوبة أوى رغم اننا ما اتكلمناش قبل كدة :)

[صاحبه القلب الطيب 12]

ساره محمد

 

هلا وغلا ياحبيبه وكده انا احترت فيكى انتى عندك كام سنه بالظبط شكلك فى اوائل العشرينات ؟؟؟

 

وبالنسبه لسؤالك عن اللبن

 

لعدم التصاق اللبن بالإناء‏,‏ اشطفي الإناء بالماء البارد قبل وضع اللبن فيه ‏,‏ ثم قومي بغليه‏.‏

 

بشره خير

هلا بكى ياحبيبه وارى اسمك منور صفحه التطبيقات

جزاااكى الله خيراً حبيبتى صاحبة القلب الطيب على تشجيعى ربنا يباركلك ياااارب

هو انتى اللى كنتى عاملة موضوع كيكة الهوهوز والرز بلبن من غير نشا ؟

 

وجزاكى مثله ياغاليه ..لا ياحبيبه الغاليه راضيه وحامده لله هى من قامت بعملهم ربنا يباركلها

[***أم محمد*** 8]

معلش تعباك

هو بيقول الماء البارد يمنع التصاق اللبن فى الحله

يعنى الطريقه ازاى ؟

 

 

حتعبيني انا هههه

بالنسبة لموضوع الماء البارد...للتوضيح:

اغسلي الطنجرة بالماء البارد قبل ما تحطي فيها اللبن وبعدين حطيه على النار للغلي و هيك مش حيلزق

[ساره أم حمزه 1041]

سارة محمد الأمورة

جزاكى الله خيراً على أسئلتك بتفيدنى كتير الله يباركلك

وأنا بحبك أصلاً يا سارة وبحب بساطتك وبحس انك طيوبة أوى رغم اننا ما اتكلمناش قبل كدة :)

حياكِ الله اختى بشرة خير

اللهم امين واياك ويبارك فيك

الله يكرمك أحبكِ الله ، احبكِ فى الله

 

ساره محمد

 

هلا وغلا ياحبيبه وكده انا احترت فيكى انتى عندك كام سنه بالظبط شكلك فى اوائل العشرينات ؟؟؟

 

وبالنسبه لسؤالك عن اللبن

 

لعدم التصاق اللبن بالإناء‏,‏ اشطفي الإناء بالماء البارد قبل وضع اللبن فيه ‏,‏ ثم قومي بغليه‏.‏

ههههههه ليه احترتى ؟

فى 23/5 ده هيبقى عندى 21 سنة إن شاء الله ، بس اصغر من سنى

اه جزاك الله خيرا ( :

 

حتعبيني انا هههه

بالنسبة لموضوع الماء البارد...للتوضيح:

اغسلي الطنجرة بالماء البارد قبل ما تحطي فيها اللبن وبعدين حطيه على النار للغلي و هيك مش حيلزق

هههههه معلش اعمل ايه انا مبتدئه

اه اصل انا استغربت لان مية الحنفيه بتبقى بارده

ولاهو قصده ميه من الثلاجه ؟

[الاء القدوس 18]

هلا بكى الاء القدوس الغاليه

 

التطبيقات الخميس ان اذن الله لنا

 

وبالنسبه للنقطه التى ترغبينها ..وهى للشوايه الخارجيه التى تقاد بالفحم بمعنى انكى ستضعى فى قاعدتها كذا طبقه من ورق القصدير وفوقها الفحم وتشوى عادى فينزل الرماد على الورق وليس على قاعده الشوايه فعندما يبرد الفحم انزعى القصدير والشوايه تظل كما هى

 

فقط حبيبتى ...اتمنا تكونى فهميتنى حسب تصورى !

 

هلـا بكـ حبيبتي

جزاكـ الله خيرا على التوضيحـ

بانتظار الدرس الجديد

[صاحبه القلب الطيب 12]

.........................

[صاحبه القلب الطيب 12]

 

 

ان شاء الله نبدأ فى اول ملف لاكلاتنا الجميله والتى لا يستغنى عنها اى بيت

 

اخواتى نبدأ باذن الله مع طبق الفول والطعميه يممممممم "فطور المصريين الشهير "

ولكن لاننا ربات بيوت شاطرين راح ندمس الفول بالبيت ونتعرف على طرق تقديمه وايضا هنعمل عجينه الطعميه اللذيذه النظفيه

وتكون مضمونه ببيتك :wub:

 

كتير مننا بيشترى الفول من بره لكن ايه المانع ندمس الفول فى البيت بطريقه سهله ونطيفه ؟؟؟؟

 

((تدميس الفول ببيتك من غير ما يسود ))

 

المقادير

 

1\2 ك فول تدميس ------ونختار وأحنا بنشتريه الفول يكون كبير ولونه فاتح ويكون فول مكمور

2 ملعقة كبيره عدس أصفر

2 ملعقة كبيره فول مدشوش ----- أو أرز

2 ليمونه

 

 

 

الطريقه

 

ننقى الفول من اى شوائب اولا والحبيه السوده نرميها

ننقع الفول لمده لا تقل عن 4 ساعات وذلك لنزول المواد الضاره الموجوده به

نغسل الفول ونضعه على النار فى الدماسه واللى معندهاش مفيش مشكله تضعه فى حله عادى بس تكون عميقه وغطاها محكم حتى يغلى ثم نضيف العدس بعد غسله والفول المدشوش أو الارز كمان بعد غسله...

 

وده شكل الدماسه للى متعرفهاش

 

 

 

ونتركه حتى يغلى ثم نعصر الليمون وكمان نضع القشره بتاعت الليمون أيضا فى الفول..

ثم ننقله على أصغر عين فى البوتاجاز ونضع تحته الشياطه بتاعت الارز ونتركه حوالى من 4 الى 5 ساعات وطبعا نتابعه على النار عشان لو الميه قلت نغلى ميه ونضعها عليه وأوعى تحطيها ساقعه من غير تسخين أحسن الفول بيغيب فى السوى وكمان يسود...

 

وعلى فكره الليمون هو اللى ما بيخليش الفول يسود وبعد ما يستوى الفول أطفى النار وأطلع منه قشر الليمون على فكرة بتكون سليمه زى ما هى ما تتقطعش ولا حاجه..ممكن إضافة ملعقة كبيرة من العدس الأصفر معه, وإذا إستخدمتي العدس يفضل ألا تضعيه من البدايه بل في منتصف مدة إستواء الفول لأن ذلك يساعد على إضافة لون جذاب للفول أكثر مما لو وضع من البداية

وأتركى الفول يبرد وان كان عليه مياه كثيره أصفيها بالراحه وأضعه فى أكياس نايلون بكميه مناسبه لعدد أفراد الاسره...

 

وبكده تضمنى نظافة الفول وكمان عدم غمقانه ويكون أحمر وجميل..

 

 

 

 

تم تعديل 15 أبريل, 2011 بواسطة صاحبه القلب الطيب

[صاحبه القلب الطيب 12]

والان مع الطعميه

 

المقادير

 

كوب فول مدشوش اللى هو منزوع القشره ومقطوع نصفين نكون نقعينه فى ماء من بالليل

نص حزمه كزبره خضراء

نص حزمه بقدونس اخضر

بصله

حوالى اربع فصوص توم

كزبره ناشفه كمون ملح

ملعقه بيكربونات الصوديوم او ممكن بيكنج باودر

سمسم

 

 

 

 

الطريقه

 

فى طبق نقطع البصل و نخلط البقدونس والكزبره والتوم بعد تقطيعهم

 

 

نضع الخليط فى الكبه ونفرمه

 

و بعد فرمه اول مره بيكون خشن نوعا ما

 

 

نعيده للكبه مره اخرى وهنا نضيف ملعقه الكمون وملعقه الكزبره الناشفه وملح وحوالى ملعقتين او تلاته ماء ليس اكتر ونفرم حتى يصبح شكل الخليط هكذا

 

بعد ذلك نضعه فى الفريزر فى اكياس وعند القلى نجهز الكميه اللى احنا عوزنها ونضيف عليها ربع ملعقه صغيره بيكنج باودر او بيكربونات الصوديوم وبعض الملح والبهارات ونقلب ونشكل العجينه ونضع على الوجه سمسم للتزيين ونقليها فى الزيت الحامى وتقدم هكذا

 

طبعا مع مخلل وسلطه وعيش بلدى وبالف هنا

 

 

 

[صاحبه القلب الطيب 12]

 

اخواتى الحبيبات

 

يعتقد البعض خطأ ان الفول يؤثر على الحاله العقليه للانسان وقد اثبتت الدراسات ان الفول به 3 مواد تساعد الجسم على تكوين موصلات السعادة وتحقيق قوة الأداء والتقليل من سرعة الشعور بالإجهاد والتوتر».

 

لذا اترككم مع طرق مختلفه لطبق الفول

 

فول بالطحينة

 

المقادير

 

فول مدمس

طماطماية

معلقة كبيرة بقدونس مغسول ومفروم

نص معلقة صغيرة ثوم مهروس

معلقة كبيرة طحينة

معلقة خل

معلقة عصير ليمون

معلقتين كبار زيت

ملح و كمون

 

الطريقة

 

سخنى الفول واهرسية بالشوكة وقطعى علية الطماطماية قطع صغيرة

ضعى فى طبق الطحينة والخل والزيت والثوم و البقدونس واخلطيهم كلهم مع بعض

وبعدين ضعيهم على الفول وتبلى بالملح والكمون

وبالهنا والشفا

 

 

 

 

 

الفول بالخلطة

المقادير:

كميه من الفول

1 حبة بصلة

زيت زيتون

زبده

خل ابيض

ملح الليمون

1 مكعب ماجي

فلفل اسود , ابيض

 

- للزينة :

 

1 حبة طماطم مفرومة

بقدونس

 

 

الطريقة:

 

- قطعي البصل قطع صغيره ثم احمسيه بالزبدة .

- اضيفي الفول و القليل من زيت الزيتون و قلبي , اضيفي الماجي و الخل و ملح الليمون و تبلي بالملح و البهارات و دعي الفول على النار حتى ينضج .

 

- ضعي الفول في طبق التقديم و زيني بالطماطم و البقدونس و زيت الزيتون , و قدميه ساخناً .

 

 

 

 

الفول بالزيت و الكمون والبصل

 

 

يضاف للفول عصير ليمون و ملح و كمون و زيت ويزيين بحلقات البصل والخس

 

 

 

 

الفول بالدقة

 

تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

 

 

 

 

الفول بالطماطم

 

تقطع الطماطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.وممكن بالاول نشوح فصين ثوم حسب الرغبه

 

 

 

الفول بالسمنة أو الزبدة

 

نضيف للفول سمن أو زبدة حسب الطلب و بدل الكمون بنضع فلفل أسود و ملح.

 

 

 

الفول بالبيض

 

نقلي البيض عادي و بعدين نضيف له الفول و ملح و فلفل أسود.

 

 

 

وبهذا ان وددتى تحضير سفره من الفطور الشهى

 

فليكن عليها

 

طبق الفول

طبق الطعميه

بيض مسلوق او مقلى

سلطه

مخلل

جرجير او خس

عيش بلدى

وبالهنا والشفا

 

 

الواجب العملى

 

على كل اخت مشاركه ان تختار وصفه على الاقل وتقوم بعملها وتكتب لنا تقرير عنها او تقوم بتصويرها (على حسب قدره على اخت )

تم تعديل 15 أبريل, 2011 بواسطة صاحبه القلب الطيب

[* صبحٌ قريب * 6]

وعليكم السلام ورحمة الله وبركاته،،

 

ما شاء الله لا قوة إلا بالله ، بارك الله لك أختي صاحبة القلب الطيب ، جعل الله لك من لقبك أكبر النصيب .

 

الدروس رائعة ومفيدة جداً يا أستاذتنا جزاك الله عنا خير الجزاء .

 

أعتذر عن تأخري فلم أكن أعرف أن الدورة بدأت بالفعل وجهازي كان معطلاً .

 

عندي بعض أسئلة في الدرس الأول ممكن أسألها الآن .

 

وإن شاء الله أضع التطبيقات قريباً .

[** أم المنذر ** 66]

السلام عليكم ورحمة الله وبركاته،،

 

بالنسبة للفول أنا و زوجي لا نحبه

 

هو يحبه في المقلوبة فقط، و أنا لا أحبه بكل حالاته

 

لكن سأجرب الطعمية والتي نسميها نحن: الفلافل

 

 

كوب فول مدشوش اللى هو منزوع القشره ومقطوع نصفين نكون نقعينه فى ماء من بالليل

 

ممكن تفسري لي كمان يا أم حبيبة؟

 

طيب أنا عندي فول أخضر بالفريزر ممكن أستعمله؟

 

و إن كان لا، هذا الفول بينشرى جاهز هيك ولا أنا أعمله؟

 

و أقول إيه للبياع؟

[ساره أم حمزه 1041]

جزاك الله خيرا ده انا احبطت من اول وصفه لكن اللى بعد كده جالى الامل تانى الحمد لله ( :

هو ايه العدس الاصفر ، قصدك العدس البرتقالى ؟

ونضع تحته الشياطه بتاعت الارز

هى ايه الشياطه دى ونحطه تحته ازاى وليه ؟

لما كنت بروح اشترى من المطعم كنت سعات بشوف الراجل وهو بيعمل عجينة الطعميه

اله كبيره وفيها ايد حديديه بتلف وكده واحنا معندناش كده

ورينى الكبه

 

 

هو ايه ملح الليمون ده ؟

[صاحبه القلب الطيب 12]

وعليكم السلام ورحمة الله وبركاته،،

 

ما شاء الله لا قوة إلا بالله ، بارك الله لك أختي صاحبة القلب الطيب ، جعل الله لك من لقبك أكبر النصيب .

 

الدروس رائعة ومفيدة جداً يا أستاذتنا جزاك الله عنا خير الجزاء .

 

أعتذر عن تأخري فلم أكن أعرف أن الدورة بدأت بالفعل وجهازي كان معطلاً .

 

عندي بعض أسئلة في الدرس الأول ممكن أسألها الآن .

 

وإن شاء الله أضع التطبيقات قريباً .

 

اللهم امين حبيبتى ..... ولا يهمك حبيبتى المهم انكى حضرتى

 

وتفضلى اسألى ما تشائين والله الموفق :icon15:

 

وننتظرك فى تطبيق الدرس الاول والثانى

 

:tongue:

 

 

 

 

[صاحبه القلب الطيب 12]

ام المنذر

 

بال

نسبة للفول أنا و زوجي لا نحبه

 

هو يحبه في المقلوبة فقط، و أنا لا أحبه بكل حالاته

 

لكن سأجرب الطعمية والتي نسميها نحن: الفلافل

 

ليه بس ده الفول جميل ؟؟ههههه

من اى البلاد انتى حبيبتى ؟ نعم هى الفلافل

ممكن تفسري لي كمان يا أم حبيبة؟

 

طيب أنا عندي فول أخضر بالفريزر ممكن أستعمله؟

 

و إن كان لا، هذا الفول بينشرى جاهز هيك ولا أنا أعمله؟

 

و أقول إيه للبياع؟

 

حبيبتى هو اسمه فول مدشوش ويشترا من عند العطار .... والصراحه الفول الاخضر لا اعتقد انه ينفع مع انى بالبحث وجدت اخت تقول انها ممكن تعمله منه لكن غير مجربه ..لو اخت جربتها ياريت تفيدنا

 

ساره محمد

 

جزاك الله خيرا ده انا احبطت من اول وصفه لكن اللى بعد كده جالى الامل تانى الحمد لله ( :

هو ايه العدس الاصفر ، قصدك العدس البرتقالى ؟

 

لما الاحباط

عادى يعنى ممكن الا تعمليه وتشترى فول جاهز وتنوعى فى طريقه عمله .وهذا لمن يحبون عمله بالبيت

والعدس الاصفر المعروف ياحبيبتى هو فى غيره (طبعا غير العدس البنى ابو جبه )

 

والشياطه هى اسمه كده وتوضع على عين البوتاجاز تحت الحله او الدماسه لمنع الشياط للارز وممكن تستغنى عنها

 

ورينى الكبه

 

من مكونات الخلاط

 

[***أم محمد*** 8]

هههههه معلش اعمل ايه انا مبتدئه

اه اصل انا استغربت لان مية الحنفيه بتبقى بارده

ولاهو قصده ميه من الثلاجه ؟

 

معلش.......مشوار ال 1000 ميل يبدأ بخطوة

مية الحنفية بتنفع

[***أم محمد*** 8]

السلام عليكــم ورحمـة الله وبركاتــة ،،

 

 

للمشتركات هذا الرابط ينفعكم

 

https://akhawat.islamway.net/forum/index.ph...=228738&hl=

 

 

وحملتلكم الملف فير المرفقات عشان أدعمكم معنويا وكمان يضل محفوظ عندكم

تم تعديل 9 أبريل, 2011 بواسطة ***أم محمد***

[ساره أم حمزه 1041]

لما الاحباط

عادى يعنى ممكن الا تعمليه وتشترى فول جاهز وتنوعى فى طريقه عمله .وهذا لمن يحبون عمله بالبيت

والعدس الاصفر المعروف ياحبيبتى هو فى غيره (طبعا غير العدس البنى ابو جبه )

 

والشياطه هى اسمه كده وتوضع على عين البوتاجاز تحت الحله او الدماسه لمنع الشياط للارز وممكن تستغنى عنها

اه اصل انا فكرة هى دى الطريقه بس وانتى هتعوزينى اطبق فلما لاقيت طرق تانيه اسهل استريحت الحمد لله

اه

طب بصى ايه هو ملح الليمون ؟

 

مكعب ماجي

هو ده اللى بيبقى ورقته لونها ذهبى او اللى بيبقى عليها صورة فرخه ؟

[ساره أم حمزه 1041]

معلش.......مشوار ال 1000 ميل يبدأ بخطوة

مية الحنفية بتنفع

نعم جزاك الله خيرا ام محمد

وعليكم السلام ورحمة الله وبركاته

جزاك الله خيرا بارك الله فيك هاشوف إن شاء الله

[***أم محمد*** 8]

طب بصى ايه هو ملح الليمون ؟

 

ملح الليمون ياسرسورة هو حامض الليمون

ملح الليمون هو ملح ولكن طعمه وحموضته كالليمون ويستخدم بدل الليمون أي يوضع على الطعام كما يوضع الليمون فمثلاً تحتاج الملوخية لليمون بامكانك وضع ملح الليمون بدل الليمون عليها .

 

مكعب الماجي جبتلك باكيت كامل

[* صبحٌ قريب * 6]

السلام عليكم ورحمة الله وبركاته،،

 

شكراً لك أختي صاحبة القلب الطيب على سعة صدرك .

 

أسئلة الدرس الأول

- استغلي مواد غذائية مثل: الحلبة,البودنج,النعناع, الحصرم,الغار,عصير الليمون أو مسحوق الليمون و...باعتبارها توابل لتطييب نكهة الطعام.إعملي على تحسين نكهة وطعم الطعام بمثل هذه التوابل واستغني بذلك قدر الإمكان عن الفلفل والكركم,وكذلك عن ملح الطعام.

ما هو البودنج والحصرم والغار ؟ وهل هي موجودة عند العطار ؟

وهل الفلفل والكركم مضران ؟

 

- لمنع سلك الصحون من تلطيخ المجلى بالصدأ غلفيه القاعدة الذي تضعينه فيها بالقصدير ايضا ممكن لاطالة عمره ان تغلفيه بالقصدير ثم تضعيه بالفريزر

لم أفهم هذه الجملة .

 

وبالنسبة لتنظيف المنزل والثلاجة :

أين يباع الفحم ؟؟ وما هو دهن العود ؟

[ساره أم حمزه 1041]

ملح الليمون ياسرسورة هو حامض الليمون

ملح الليمون هو ملح ولكن طعمه وحموضته كالليمون ويستخدم بدل الليمون أي يوضع على الطعام كما يوضع الليمون فمثلاً تحتاج الملوخية لليمون بامكانك وضع ملح الليمون بدل الليمون عليها

 

مكعب الماجي جبتلك باكيت كامل

جزاك الله خيرا ام محمد على التوضيح بارك الله فيكِ ( :

[رحيــل الفجــر 1]

السلام عليكم ورحمة الله وبركاته،،

يممممممم

الى التطبيق ان شاء الرحمان

[المتفائلة (ريفيّة) 979]

ماشاء الله درس راائع

بس سؤال الفول الذي سوف نستخدمه عل الفول الطري الأخضر؟

وبالنسبة للطعمية فأنا أحضرها بالحمص بدل الفول وأحيانا أضيف معه شوية فول

بانتظار ردك وبإذن الله خلال أيااام وأطبق الدرس

جزاك الله خيرا