اذهبي الى المحتوى
*ميمونة*

متابعتنا مع الرجيم

المشاركات التي تم ترشيحها

حنونه :D كلنا هذه المراه عندما يحدث عندنا اسهال نجري علي الميزان طمعانين في اننا نخس كيلو او اتنين

 

الف سلامه عليكي يا قمر وحلوه مكملين دي روح جميله ان شاء الله نستمر عليها

 

متفائله حبيبتي جزاكي الله خيرا علي النصائح الجميله معاكي حق المفروض مانحاولش نسيب الرياضه نهائي

 

عارفه متفائله اوقات كنت بصحي من النوم مكسله وعندي وخم بس كنت برده ابدا كورس الرياضه كنت بتفاجا بعدها بنشاط عجيب

 

ان شاء الله اظبط اموري

 

معلش يا بنات بعتذر بالنسبه لقله دخولي بس عندي ابني في سنه السادسه الابتدائيه وعنده امتحانات يوم الخميس ولازم اركز معاها شويتين

 

بس بصراحه بتابع الموضوع ده بالذات عشان اتشجع واستمر

 

بتوحشوني بجد <3

شارك هذه المشاركه


رابط المشاركه
شارك

حبوباتى الرشيقات ..أخباركم حلوة بس بعد الشر عنك حنونة

حلوة أوى نصيحة ماء الرز المسلوق متفائلة وكمان ممكن ...

ملعقة نشا رز على ربع كوب ماء مع قطرات الليمون ( دى وصفة امى عن جدتى )

محبوبة : ربنا يوفقك حبيبتى وينجحك :) أنا عارفة ان الأمهات هم اللى بيمتحنوا , ده حال كل البيوت المصرية :))

بالنسبة للرياضة ممكن جدا شُغل البيت يبقى رياضة وانتِ بتشتغلى عــ الحوض

تعملى أروع تمارين الوسط وتمارين فرد الجسم كله والساقين على أطراف الأصابع ثم الكعبين

وانتِ بتروقى الغرف وتشيلى وتحطى فــ الحاجات المبعثرة .. بدل ما تهرى وتنكتى فى نفسك

وتصبى جام غضبك عــ العيال :))) خليها فرصة تفردى النصف الفوقانى للجسم على قد ماتقدرى

ومرة تاخدى الذراع اليمين لأقصاه وانتِ بتنشنى فى باسكيت الغسيل والشمال وراه على طول ناحية شنط الولاد

بترميهم عند المكتب مثلا .. شوية محلك سر أوجرى وبعدين نفس عمييـــــــــــــــــــــــق

: ))))) ماحدش شايفك خدى لك دقيقتين تلاتة رقص إيقاعى , بلدى , غربى اللى يريحك

وهكذا اخترعى تمارين تشغل كل عضلات جسمك

كفاية كده احسن ما ينشر زى المرة اللى فاتت

ربنا يعافى منتدانا .. هاقول إيه محسودين

  • معجبة 1

شارك هذه المشاركه


رابط المشاركه
شارك

ام يمني منورة اخيرا انا مش مصدقه نفسي اخيرا المنتدي وافق انه ينشر ردك

 

الحمد لله لا اسكت الله لك صوتا يا ست الكل

 

نصايحك كالعاده جميله ومفيدة قوليلي عملتي المرحله الاولي من ورشه تنظيف الكبد ولا لسه انا جبت الورد والسنامكي ومش عارفه ابدا ولا استني

شارك هذه المشاركه


رابط المشاركه
شارك

ازيكم حبيباتي عاملين إيه

والله ام يمني مازال الاسهال بس مش عندي نشا الارز

وسلقت الارز ولكن اختفي يوم ورجع الاسهال تاني

 

ربنا يوفق ابنك محبه حبيبتي ويعينك

وانا ايضا عندي ابن في الصف السادس واليوم اول امتخاناته وبرده اخوااته بعديه

فاعتذر عن التاخر عليكم

 

توقفت عن الرياضة يومين ولكن سابدا من جديد

 

متفائله كيفك حبيبتي

شارك هذه المشاركه


رابط المشاركه
شارك

السلام عليكم ورحمة الله و بركاته

اخباركم ايه حبيباتي

انا ولله الحمد خسيت كيلو

وانتم عاملين ايه

شارك هذه المشاركه


رابط المشاركه
شارك

@@*امة الله حنان* ياعم ياعم علي الناس اللي خست ماشاء الله

 

والله خبر كويس يا حنونه يخفف عني شويه من ضغت الاعصاب والامتحانات اللي انا فيها

 

مبروك ياقمر عقبال اللي جاي ان شاء الله نسمع دايما اخبار حلوة وزي الفل

شارك هذه المشاركه


رابط المشاركه
شارك

الله يبارك فيك محبه حبيبتي

ويعينك علي المذاكره ويوفق الاولاد حبيبتي

وانت اخبارك ايه مع الرجيم

شارك هذه المشاركه


رابط المشاركه
شارك

باين فى انشغال فى الامتحانات مع الجميع

 

الله يوفقكم وينجحكم حبيباتى ( عارفة ان الأمهات هم اللى بيمتحنوا مش الأولاد )

 

ربنا يبارك فيهم ويجعلهم من الصالحين

 

@@*امة الله حنان*

 

بداية نزول موفقة حبيبتى

 

مُهم جدا تثبتى ماتطلعى تانى

 

شوية إصرار ياقمر

شارك هذه المشاركه


رابط المشاركه
شارك
الله يبارك فيك محبه حبيبتي

ويعينك علي المذاكره ويوفق الاولاد حبيبتي

وانت اخبارك ايه مع الرجيم

وفيك بارك حنان ربنا يعنا جميعا علي وش الاولاد ويهديهم

 

الفترة اللي فاتت كنت ملخبطه شويه عشان المذاكرة بس كنت بخلي العشا بليلة((2 ملعقه بليلة مع نصف كوب لبن وملعقه سكر))وكنت بنظم الفطار برده

 

ان شاء الله نبدا في التقارير من اول الاسبوع ولا انتي رايك ايه

 

 

باين فى انشغال فى الامتحانات مع الجميع

 

الله يوفقكم وينجحكم حبيباتى ( عارفة ان الأمهات هم اللى بيمتحنوا مش الأولاد )

 

ربنا يبارك فيهم ويجعلهم من الصالحين

طبعا الايام دي ايام امتحان وحرقة دم الاهالي اما الاولاد ربنا يبارك فيهم ويهديهم ولا علي بالهم

اميييييييييييييين

شارك هذه المشاركه


رابط المشاركه
شارك

السلام عليكم ،،

 

كيف الأحوال أخواتي

يارب تكونوا بخير وبأحسن حال

اختفيت عن الموضوع لاني انشغلت وكنت في بيت أخي وحتى دخولي كان قليل جدا للمنتدى

بس الحمد لله كل شيء تمام من ناحية الأكل : مستمرة في التخفيف والأكل الصحي

وأهم شي أنه قبل النوم باكل علبة زبادي وشفت انه بطني خفت قليلا

والرياضة متوقفة لأنه برد وكمان أصبحت كسولة بس راح أتشجع وأتمرن في البيت

 

حنان : مبارك عليك نزول الكيلو وعقبال الباقي بالصحة يارب

محبة : الله يوفقك ويعينك ويجعل أولادك من الناجحين المتميزين يارب

 

هل جربت يوم التنــظيف إلي في موضوع الاخت راضية

إذا لا فـ استني نجربه أنا وأنت في يوم واحد عشان نشجع بعض وياريت لو حنان تقدر تعمله معانا كمان

أنا جبت السنا مكي بس باقي الورد وكمان طحنت دقيق الشعير إلي حعمل منه التلبينة

والله ييسر

 

بالتوفيق ياغالية

  • معجبة 1

شارك هذه المشاركه


رابط المشاركه
شارك

@@المتفائلة (ريفيّة)

 

 

محبة : الله يوفقك ويعينك ويجعل أولادك من الناجحين المتميزين يارب

 

هل جربت يوم التنــظيف إلي في موضوع الاخت راضية

 

 

اللهم امييييييييييييين متفائلة بجد نورتينا من جديد حبيبتي والله يعينك علي مشاغلك

 

موضوع التنظيف انا جربته ولله الحمد كان يوم الاحد كان يوم جميل واتبعته ثاني يوم الاثنين بصيام

 

كنت ناويه ابدا المرحله الثانيه الامس الثلاثاء لكني نسيت باذن الله ناويه ابدا المرحله الثانيه الليله

 

لو حابه اي استفسار عن الاعراض او خلافه تحت امرك

في انتظارك متفائلتي الحبيبة

 

حنونه شكلك حبيبتي مشغوله في المذاكرة والامتحانات الله يعينك ويوفقك ياقمر

 

في انتظارك عشان نبدا تقارير

شارك هذه المشاركه


رابط المشاركه
شارك

السلام عليكم حبيباتي

عاملين ايه

خلصنااااااا امتحانات اخيرا

اعتذر عن الانقطاع

يلا نصحصح كده تاني

قوليلي اخباركم ايه

  • معجبة 1

شارك هذه المشاركه


رابط المشاركه
شارك

ما أخبار رشيقاتنا الجميلات : )

يسر الله لكم

أنا معكم بإذن الله

أحاول تنظيم الأكل واستبدال الأك الغير صحي بالصحي

وربي يعين الجميع

شارك هذه المشاركه


رابط المشاركه
شارك

سجوده حبيبتي اخيرا نورتيناااا

وحشااااني كتيرررر

كده بقى ضمنت اني همشي علي العجين مالغبطوش:)

ربنا يوفقك سجوووود مستنين طلتك وتقاريرك حبيبتي

 

 

محبه * متفائله* ام يمني* ميمونه

اين انتن اخواتي لعل المانع خير

شارك هذه المشاركه


رابط المشاركه
شارك

اخيرا حنونه نورتي ياقمر

 

مبروك علي النتيجه مقدما

 

عن نفسي كنت بخفف شويه والخبط شويه بس الحمد لله

 

بس طالما رجعتلي بالسلامه خلاص نمشي كويس باذن الله

 

ساجده حبيبتي تنورينا وتشجعينا

  • معجبة 1

شارك هذه المشاركه


رابط المشاركه
شارك

عاملين إيه رشيقاتنا الأمورات

 

ســـجــــووووووودة مرحبا بالقمراية نورتينا ياغالية :)

 

أيوة كده يبقى فى سُلطة معانا تعمل شوية حزم B|

 

استئناف العمل يا رشيقات

 

دايت ورياضة ورياضة ودايت ............

  • معجبة 2

شارك هذه المشاركه


رابط المشاركه
شارك

السلام عليكم ورحمه الله وبركاته

 

اخواتي الحبيبات اليوم هو الجمعه

 

الحمد لله بالامس بدات الرياضه بس طبعا كان فيه لخبطه عشان كان فيه كسكسي وبط بصراحه تعبت بعد اللخبطه دي جامد -_- الحمد لله ربنا يعنا

 

اليوم الجمعه بدات انظم وان شاء الله استمر علي الرياضه

 

وان شاء الله من الغد نبدا نكتب تقارير عشان نشجع

 

في انتظاركن حبيباتي :)

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

كيفك محبه

الف سلامه عليك فعلا لما بتتعودي علي التقليل وفي يوم تلغبطي بطنك بتوجعك

 

استمري في الرياضه

انا توقفت عن الرياضه بس من وقت لاهر بمشي ربع ساعه

 

انا وزنت نفسي اليوم وجدت نفس الوزن

انا ولله الحمد مستمره علي التقليل بس النزول بطئ

وانا عارفه السبب ان معظم لقيماتي مش صحيه

هي فعلا لقيمات ولكن من اكل البيت يعني معلقتين كشري ‘ طبق سبانخ وكده

 

ان شاء الله اركز علي الصحي

 

ربنا يعينا يا بنات

  • معجبة 1

شارك هذه المشاركه


رابط المشاركه
شارك

السلام عليكم ورحمه الله وبركاته

 

اليوم السبت التقرير اليومي

 

الفطار جبنه وقطعه عيش اسمر مابين الفطار والغدا شاي نسكافيه خيار يوسفي

 

الغدا كان كان عدد ملاعق مكرونه علي من 2 الي 3ملاعق لسان عصفور مع 2 ملعقه كسكسي (انا عارفه كتير بس كان لازم ادخل الكسكسي عشان المكرونه وسرها الباتع ماحصلش والحمد لله ماجوعتش ) 2 صابع كفته مشويه مع خيار وبعد الغدا بوقت شاي ويوسفي

 

العشا شويه لب مع سوداني وناويه اكل برتقاله

 

شرب الميه الحمد لله مايقرب من 2 لتر

 

في انتظار باقي التقارير

شارك هذه المشاركه


رابط المشاركه
شارك

ممتازه محبه ربنا يثبتك

 

تقرير اليوم

الفطار كان جبنه وطماطم

 

الغدا للاسف لغبط والعشا كمان كان عندي ضيوف وعشيتهم واضريت اكل معاهم

 

ربنا يعينا باقي الاسبوع

شارك هذه المشاركه


رابط المشاركه
شارك

ولا يهمك حنونه المهم انك قمتي بواجب الضيافه كويس

 

تقرير الاحد كنت بخفف خصوصا اني عملت محشي وانتي عارفه

 

الحمد لله اللخبطه ماكنتش كتيرة بس تعتبر لخبطه

 

النهاردة برده كنت بخفف بس اللخبطه اني اكلت في العشا بوريو وشويه لب دا غير التونه وقطعه متوسطه من الجبنه

 

الميه الحمد لله شربت النهارده تقريبا لتر ونص امبارح ماشربتش بمعني اصح نسيت اشرب

 

التمارين وقفتها امبارح عشان المحشي والنهارده انشغلت جامد بس باذن الله ابدا من بكرة

شارك هذه المشاركه


رابط المشاركه
شارك

تسلمولي يا حبيبات على التشجيع : )

اللهم بارك ..ممتازات ..

نصيحة مني حتى لا يحدث اليأس والفتور

 

لا تضعي أهداف طويل المدى ..وإنما فككيها لأهداف صغيرة

كلما كان الهدف صغير ومداه قصير كلما شعرت بلإنجاز وهذا الإنجاز سيحمسك ويدفعك للأمام

 

يعني لا تقولي عايزه أوصل لوزن كذا في خلال شهرين

وإنما قولي هذف هذا الأسبوع أن أنزل نصف كيلو أو 300 جرام فقط

وكلما حققت هذا الهدف كلما تحمست للإكمال وشعرت بالنشاط أكثر

وبمرور الأسابيع ستجدي أنك نقصت عدة كيلوات بدون أن تشعري

 

ركزي على هذف الأسبوع فقط ..واتركي أي شيء آخر : )

بالتوفيق يا رب

  • معجبة 1

شارك هذه المشاركه


رابط المشاركه
شارك

أنا الحمد لله معتمدة طريقة

التقليل من حجم الوجبة

استبدال الغير صحي بالصحي

شرب الكثير والكثير من الماء

عدم الأكل نهائي بعد المغرب ..وأول وجبة لي الساعة السادسة صباحا

 

مقصرة في الرياضة وإن شاء الله احاول أبدأ من جديد

  • معجبة 1

شارك هذه المشاركه


رابط المشاركه
شارك

ماشاء الله ساجده كلامك جميل بجد وهادف ومشجع

 

 

كلما كان الهدف صغير ومداه قصير كلما شعرت بلإنجاز وهذا الإنجاز سيحمسك ويدفعك للأمام

فعلا الهدف لما يكون صغير بيتتحقق بسهوله بس المشكله اننا لم نحدد اهدافنا ولازم ناخد بعين الاعتبار الهدف

 

ان شاء الله من بدايه الاسبوع الجاي لازم يكون فيه هدف نحدده ان شاء الله من الاسبوع الحالي

 

نورتينا وافدتينا وسعداء جدا بوجودك لا حرمنا الله تواجدك <3

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏يقول ابن تيمية رحمه الله: «من أحبّ أن يلحق بدرجة الأبرار، ويتشبه بالأخيار، فلينوِ في كل يوم تطلع فيه الشمس نفع الخلق، فيما يسَّر الله من مصالحهم على يديه».

×