هيـــــــا معاً نشجع بعض للتخلص من الأوزان

[كفاح الألماسه 0]

السلام عليكم

صباح الخييييييييييييييير ياحلوات

ماشاء الله غبت عنكم يومين بدأ الجد

أشكرك الشيماء شكراٌ جزيلا على تفاعلك مع قضيتنا :blush:

ويليتك تكتبلنا الرجيـــــــــــم لعل ...وعسى ..إن يأتي بنتيجة :oops:

أحيانا اللي يصلحلك لا يصلح لغيرك يعني مثلا أنا عملت حمية الكرنب .. كان فيه نتيجة بالأول

بعد كده رجعت أدراجي وغيري كتير عملوها كانت معاهم هايلة

ياليتك تنجدينا بنظامك

أم البراء طلامة فيه عزيمة لا يوجد مستحيل فقط شدي :closedeyes: العزيمه وإحنا معاك .... وصدقيني مش هتلاقي أحسن من

مشاركة الجماعة :!:

الأخت غريبة ياهلا ومرحبا فيك ديه أول مشاركة لك يبدو أنك متحمسة

خليك معانا لاتهربي :tongue:

الغالية إيمان فاك الله وعافاك بالنسبة ليك أنصحك فعلا برياضة الظهر صدقيني

هتجيب معاك نتائج جدا رائعة أسئلينا أنا ...عافاك الله :rolleyes:

نورا هلا بيك معنا ومثل ماقلت لأم براء تحلي بالعزيمة :icon16: وواصلي معانا حتى لو فرضنا إن العزيمة

نزلت بعض الأيام لماترجع إرجعي وإستمرى لوكان نزولك ضعيف أحسن من الزيادة

[كفاح الألماسه 0]

أخيراً الحبيبة الأخت

الجـــــــــــــــــوري

كده تمام ... طيب ماإنت الحمدلله أقل مما كنت أتوقع

بالذات إنك مشرفة بقسم الطيبات فأكيد لازم تجــــــربي قبل متضعي ختم الجودة :blush:

يعني تقريبياً نسبة الزياده بالوزن مثلي

يليتنا بس نمشى مع بعض على الطريق لحد مانوصل بعدها نغيرأسم الموضوع

للمحافظة على الرشاقة والصحة :oops: ....أكيد هنطلع بخبرة كبيرة كل واحدة عندها إضافة تضفهلنا

جزيت خيراً الجوري ... إتفقو ياحلوات متى يبدأ الجد :!: !!!!!؟؟؟؟

تم تعديل 2 أبريل, 2008 بواسطة كفاح الألماسه

[كفاح الألماسه 0]

السلام عليكم أحبائي

عند تساؤل ليه بتختفو أخر الأسبوع وتظهرو في نصفه

ياليتكم تحددو وقت نتفاعل فيه مع بعض

وسؤالي الكبير والهام مـــــــــــــــــــــــــــــتى ستـــــــــــــــــــــــــــــــــــبـــدأن

الــــــــــــــــــــــجد

أعطوني قولاٌ فصل

[الشيماء مصر 0]

السلام عليكم

بالنسبة لريجيم الكرنب فهو أوأى ريجيم بيعتمد على نوع معين من الطعام بيكون خطأ كبير لأنك بتدخلى لجسمك حاجات معينة وبتحرميه من حاجات تانية وعشان كده بتنزلى بسرعة وبترجعى تانى وأهم حاجة بعد الريجيم التثبيت وهأقولكم عليه لما توصلوا لوزنكم المثالى وانتى كنتى طلبتى منى أكتب لكم الريجيم وطبعا ممكن زى ما اتفقنا هأكتب لكم أول ورقة ونسيت أقولكم إن الريجيم ده بإذن الله هينفعكم كلكم لأن الدكتورة كانت بتدى النظام ده لأى شخص فى الأول وبعد كده بتتغير لما الوزن يبدأ فى عدم النزول عليها (يالا نبدأ يا رشيقااااااااااااااااااااات)

(الإفطار)ربع رغيف بلدى أو رغيف سن +4ملاعق فول بدون زيت أو سمن ويمكن إضافة التوابل والليمون والملح

أو ربع رغيف بلدى أورغيف سن +بيضة مسلوقة أو ربع رغيف بلدى أو رغيف سن +قطعة جبن قريش او جبنة ملح خفيف(50جرام)

أو 2ثمرة فاكهة أو كوب زبادى بدون وش أو كوب لبن منزوع الدسم ويمكن تناول كوب شاى بملعقة سكر واحدة أوكوب شاى بحليب بدون سكر

(الغداء)ربع رغيف بلدى أو رغيف سن أو 3ملاعق ارز أو3ملاعق مكرونة(بالنسبة للنشويات)

+طبق سوتيه أو طبق شوربة خضاربدون بطاطس أو طبق خضار نى*نى بدون سمن أو زيت+طبق سلطة خضراء0بالنسبة للخضروات)

+ربع فرخة مسلوقة بدون جلد من الصدرأو 2شريحة لحم مسلوق أو مشوىأو3 سمكات مشوية بحجم كف اليداو 2بيضة مسلوقة أو علبة تونة مغسولة بالخل والليمون(بالنسبة للبروتين)ولابد من تناول ثمرة فاكهة ولكككككككككككككككن بعد الغداء بساعتين

(العشاء)كوب لبن بدون وش أوكوب زبادى بدون وش أو قطعة جبن قريش أو جبنة ملح خفيف +سلطة خضراء أو2ثمرة فاكهة(تفاح/برتقا/جوافة/كمثرى/يوسفى/خوخ/موز/ولو كانتلوب يبقى واحدة بس)

الممنوووووووووعات-الحلويات واللبان حتى لو دايت واللب والمكسرات والمخللات والشطة والقهوة والمياه الغازية بما فبها الدايت والبلح والعنب والقصب والمانجو والتين والشمام والكبده والكلاوى واللانشون والبسطرمة والبسلة والبطاطس واللوبيا والفاصوليا الناشفة والحمام والبط والاوز والديك الرومى

ولابد من المشى يوميا لمدة نصف ساعة وتوزنى نفسك كل أسبوع فقط فى نفس اليوم اللى بدأتى فيه ويكون ليكى ميزان ثا بت ما يتغيرش هو اللى تقفى عليه دايما لانك لو غيرتيه هتلاقى كل ميزان بيطلعلك وزن مختلف وهيجيلك احباط وعدم الشرب اطلاقا بين الاكل ولما تجوعى ممكن تاكلى بين الوجبات (فجل/جرجير/جزر2فقط/خيار/كوسة/فلفل اخضر/كرات/خس بدون ورق/بقدونس)ولازم تلتزموا للحصول على الرشاااااااااااااقة (يا ريت تطمنونى وتردوا عليا عشان نتفاعل وابعت لكم باقى الورق )ولا تنسوا الدعاء لزوجى ولى ولابنى ولبنتى الجميلة بالشفاء ويا رب تستفيدوا عشان انا باعمل كده محبة ليكم فىالله ولكسب الثواب :wub: :tongue: :wacko:

[سجود مجدى 0]

يا خسارة شكلى جيت متأخر

انا ببدأ الرجيم مع نفسى بس مش بستمر فيه

بمشى يوم او اتنين وبعدين يبوظ منى

 

عملت رجيم قبل كده كذا مره ونزلت مره12كيلو ومرة تانية6كيلو ومرة5 كيلو بس بعد كل مرة كنت بزيدهم تانى واكتر كمان

 

انا طولى160

وزنى91كيلو

وعندى 19سنة

 

يعنى نفسى اكون60-65كيلو يارب

 

انا مشيت على نظام الموز والزبادى

3ايام موز و3ايام زبادى ونزلت فيه كتير بس مقدرتش اكمله تعبت

 

ومشكلتى الكبيرة اصحابى فى الكلية

ببقى ماشية على الرجيم وبمجرد انى انزل يوم الكلية بيبقى اليوم كله دماااار

الشيبسى والساقع والشيكولاته ده غير الفطار

 

اعمل ايه منزلش الكلية خااالص

نفسى يبقى عندى ارادة

 

خصوصا انى شايفة انى بنهج لأقل الأسباب وبتعب من أقل مجهود

[لواء العزة 5]

السلام عليكم ورحمة الله وبركاته،،

حياكن الله حبيباتي

بخصوص شوربة الكرنب انا بنات عمتي جربوها مع كل الاكل بس الخفيف طبعا

كانوا بيفطروا فطار الرجيم المعتاد وطبق شوربة مع الافطار وبين الوجبات ومع الغداء مع فراخ مشوية او مسلوقة منزوعة الجلد

وطبق سلطة والعشاء فاكهة وبردوا الشوربة بين الغداء والعشاء لما تجوعوا

يعنى امشوا عليها عادي مع الدايت لان مش هانقبل في الساحة اي رجيم كميائي ممكن يضر اكتر ما يفيد

عاوزين الرشاقة مع نضارة للوجة :)

وان شاء الله هانزل لكم طريقة عمل الشوربة وطريقة حلوة وجميلة :)

لاني جربتها اكتر من مرة واتعقد منها بس هانضيف حاجات ونشيل حاجات على حسب الرغبة

ولي عودة بأمر الله

[كفاح الألماسه 0]

شكرا ياشوشو شكرا جزيلا أنا هابدأ بنظامك من الغد بإذن الله

الأخت سجود ياهلا بيك أنت لم تحضري متأخرة بالعكس بدري هابدأ أنا من السبت تشدي من أزري :mrgreen: ؟؟؟؟

يابنات عيزين همة

كل واحدة تبدأ تنظم وقتها وتدخل تحكلنا عملت إيه

والنظام الصحي في ده الأسبوع

الإلتزام بشرب 6أكواب ماء

وأكل طبق سلطة بالغداء

وبعد العصر بساعة ونصف أكل ثمرة أو 2فاكهة

طبعا ده مع التخفيف أو النظام الغذائي

[امرأة مسلمة 0]

مش عارفة انا جيت متأخرة ولا لأ

على العموم انا طولى 173

ووزنى 90

وكمان بعانى من الكرش

يا ريت تقولولى هو النظام هيتغير كل شوية ولا هيفضل ثابت؟؟؟؟؟؟؟؟؟؟؟؟؟؟؟

جزاكم الله خيرا"

[امرأة مسلمة 0]

معلش نسيت اقول ان انا عمرى 29

[**المحتسبه** 233]

السلام عليكم ورحمة الله وبركاته،،

انا منذ فتره موزنتش نفسى وكمان مش فكره عمرى بالظبط ..............ولا طولى بس نفسى أوى أخس لانى والله لاأأكل الا طقه واحده ومش بحب الاكل فى المطبخ لان معدتى اخذت على الاكل القليل واقل كميه أشعر أن معدتى ممتلئه ...............ولكنى مقلبظه ونفسى اعرف طريقة عمل شوربة الكرنب وياترى الكرنب العادى ولا كرنب السلطه..............................................متنسوش بالله عليكم موضوع الكرششششششششششششششششش

تم تعديل 4 أبريل, 2008 بواسطة المحتسبه 1

[كفاح الألماسه 0]

إمرأة مسلمة ومحتسبة

ياهلا بيكم إحنا مش ماشين على رجيم معين

ممكن فقط تخففو من الأكل وتنظمو ولو حابين تمشو على نظام شيماء معي يكون أفضل بس

تدخل كل واحدة أخر اليوم تقلنا

1-إلتزمت بالعادة الصحية وله لأ

2-إلتزمت برب العدد المطلوب من الماء

3- الرياضه لا تقل عن ربع ساعة بالنسبه لهذا الأسبوع

وأخر شئ عملت إيه في نظام أكلها :mrgreen:

[لواء العزة 5]

السلام عليكم ورحمة الله وبركاته،،

حياكن الله حبيباتي انا إن شاء الله هابدأمن بكرة

وطبعا في اساسيات نتفق عليها

اولا:

شرب الماء بكثرة فهو مهم جدا في اعطاء حالة الشبع بجانب الماء ضروري جدا لجمال حواء وبشرتها :)

 

ثانياً:

المحافطة على شرب كوب ماء عليه معلقة كمون وليمون مقطع شرائح ونقعهم من بليل وشربهم على الريق

ثالثا :

عدم الاكل بين الوجبات لو جُعتي ممكن خياره او خسايه

 

رابعاً:

طبق السلطة لا غنى عنه

 

خامساً

الاكل قبل النوم على الأقل بساعتين ده في العشاء

 

سادساً:

 

نتفق على مشي لمدة ربع ساعة وتتدرج المدة الى ان تصل ساعة

وعلى فكرة اعرف واحدة خست جدا وكانت بتمشي في البيت علشان اللي مش بيخرجوا كتير زي حالاتي مالهم حجة ^_^

 

سابعاً :

في حاجة كنت بعمها زمان وبتقوي عضلات البطن وفي نفس الوقت ممكن تواظبي عليها والكرش بيختفي

شفط البطن للداخل حاولوا تستمروا عليها اثناء شغل البيت او الخروج بره البيت فعلا عضلات البطن بتقوى

وخصوصا اللي بيولدوا قيصري البطن بتكون مترهله

 

ثامناً :

الفاكهه ضرورية جدا علشان البشرة والحيوية والنضارة

ولو افتكرت حاجة هارجع لكم بمشيئة الله

[(:بسمة تفاؤل:) 4]

السلام عليكم ورحمة الله وبركاته

 

يا هلا يا هلا ا

 

انا بجد فرحت بيكم جدا ونفسى اشترك معاكم

 

 

شوفو يا بنات انا

 

 

الطول------------- 170 سم

 

 

الوزن ----------- 71 كيلو

 

 

الهدف ---------- نفسى اوصل لل---------- 65

 

 

انا لخبط جدا فى الاكل النهارده اكلت كل شئ ممكن تتحيلوه بس هقوم العب رياضه دلوقتى ان شاء الله انزل كل اللى اكلته

 

بس يا جماعه اهم حاجه العشا انا مش عايزه اتعشى واوعو تاكلو وتنامو زييى :lol: انا الحمد لله مش باكل ولا رز ولا مكرونه بس لما بعمل مكرونه بشامبل باكل الصراحه ----- انا معاااااااااااكم ربنا يا رب يخسسنا كلنا

[الشيماء مصر 0]

السلام عليكم :biggrin:

حبيبتى(كفاح الالماسة)أخبارك إيه ملتزمة بالنظام ولااااااااا طمنينى ولازم بعد أسبوع من يوم ما بدأتى تقوليلى خسيتى كام كيلو

نسيت أقولك إنك فى اليوم اللى هتوزنى نفسك فيه بعد أسبوع من بداية الريجيم (فى اليوم ده لازم تأكلى وجبة الغداء عادية جدا يعنى مش ريجيم بس العشاء لازم يكون فى اليوم ده 2ثمرة فاكهة واحرصى جدا على شرب الماء (حوالى 2 لتر )

[كفاح الألماسه 0]

السلام عليكم ورحمة الله وبركاته،

كيف حالكم يا إخوات أكيد كل واحدة بدأت حاسة إنها خفيفة

إزيك ياشـــــــــــــــوشــــــــو شكراً على سؤالك أنا لخبطت جامد يوم الأحد

أكلت فتة وإتعشيت حلو :? فيه

بس وباخد كل يوم قطعة حلويات بس هابطل من اليوم ;-)

والرياضة بمشي ثلث ساعة

والماء منضبطة

فينك ياجورى لا حس ولاخبر إن شاء الله خيـــــــــــــر :cry:

أريد أحد معي يشجـــــــــعني :wub:

فينكم يابنات .......... لماذا تخشون التحدي :smile:

ده الأمر أبسط مما تتصورون هتفرحو بالنتائج لو تبعتم معنا وإنضميتم

للفريق :closedeyes:

ده الأسبوع التاني ولا يوجــــــــــد أحد منتظم اأين

ال ج د

تم تعديل 8 أبريل, 2008 بواسطة كفاح الألماسه

[touta23 0]

السلام عليكم

 

 

أقولكم شي قبل ما أضغط على زر أضافة رد جديد رجفت يدي و حسيت نغسي حموت :lol:

لكن تشجعت و صبر نفسي و قلت كل شيئ زائل :wacko:

 

منهم إنشاء الله الدهون :blush:

 

عمري 29 سنة

طولي 161

وزني................. وزني.............. أقول و لا لا ....... 100 كغ :icon17:

 

يارب ماتقدروش تقروه يعني بلونه ههههههههههههههههههه

ومالو حخس إنشاء الله معاكم :sad:

[الشيماء مصر 0]

ما قولتليش يا (كفاح يا قمر) خسيتى كام كيلو وأنتى ملخبطة كده وأرجوكى بطلى حلويات عشان خاطرى وحاولى الرياضة نصف ساعة وشطورة إنك منضبطة على المياه :huh:

[كفاح الألماسه 0]

إزيك ياشوشو ياعسل شكراً جزيلا علي متابعتك لي وإهتمامك بقضييتنا

بكرة إن شاء الله هقولك خسيت أم لا

لعلمك أنا قنـــــــــــــــــــــــــوعة لأبعد الحدود :lol:

لو نزلت كيلو بالأسبوع بكون إنجزت إنجاز عظيم

أشكر عليه بقطعة من الأيس كريم

المهم هقولك اليوم عملت إيه :closedeyes:

مشيت عشر دقايق قابلة للزياده

شربت 6أكواب ماء قابلة للزيادة

الفطاركان نص رغيف فينو بالجبن الأبيض وشاي أخضر كوبين مع بسكوته

الغدا ولأن الصدق منجاة حكيلك :tongue:

شريحة لحم مشوية وشريحة كبدة بزيت الزيتون والبصل

مع شريحة من الفينوالمحمص على الوجه صوص (الثوم والبقدونس والزبدة) :wacko:

بعدها بساعتين شاي صيني مع قطعة صغيرة من البسبوسة :wub:

وأوعدك العشا برتقالة وإذا زاديبأه معه زبادي قليل الدسم

ماشي الحال

[الشيماء مصر 0]

(كفاح أنتى سكررررررررررة وبجد تجننى أنا كنت هأموت من الضحك :biggrin: لما قرات رسالتك

ما كنتش متخيلة إنك ملتزمة أوى كده ده أنتى بالشكل ده مش هتخلى ولا واحدة من الاخوات ممكن تخس دول لو عملوا زيك أكيد هيزيدووووا أنا منتظرة ردك بكره ولو خسيتى دى تبقى معجزة من عند ربنا :wacko:

ما قولتليش أنتى منين لأنى بجد حبيتك مووووووووووووووت :oops:

[كفاح الألماسه 0]

إزيك ياشوشو عاملة إيه أنا بتحمس لما أشوف حد بيتابعني

ده أول أسبوع بحمي بس للبعده

وبعدين إنت اللي سكـــــــــــــــــــــــــرر :mrgreen: أنا وزنت نفسي وأبشرك خسيت

كيلو طبعاً مكتش متوقعة بس الحمدلله ;-)

زى ماقلتللك إتعشيت برتقالة وكوبين ماء

وفطاري ربع رغيف جبن وشاي أخضر

كان قبله بنص ساعة 4أكواب ماء

وأنا ياسيتي :closedeyes: من الجيزة ومقيمة بالمملكة

ولي صديقة عمر إسمها شيماء :cry: مازلت أتذكرها

كنت بحبها جدا

تم تعديل 9 أبريل, 2008 بواسطة كفاح الألماسه

[كفاح الألماسه 0]

الأخت توتة

السلام عليكم ورحمة الله

أنا إتفزعت لما قرأت رسالتك بالبداية كنت حاسة ؟؟إنك داخلة حرب

خدي الأمــــــــــــــور ببساطة :cry:

عموما أنا ناوية أعمل تصحيح نظر باليزر :closedeyes: قريب فمثل ماإنت شايفة

بكتب بخط كبير عشان أشوف ;-)

المهم ياترى هاتستمري معي وتشجعيني

وله هذه أول وأخر مرة تطلي علينا :mrgreen:

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فكما ترين الإنسحاب هو سيد الموقف!!

[حبيبة87 3]

شكلى وصلت متأخرة بس ما علينا

انا مصرة ابدأ معاكم وربنا يعنى

السن 20 عاما و9 اشهر

الطول 164

الوزن كارثة 81 :closedeyes:

الهدف بإذن الله اكون 65 فى غضون 3 شهور يعنى محتاجة اخس 16 كيلووووووووو 8-)

ارجوكم ساعدونى هتجوز 17/7 لازم ان شاء الله اخس :mrgreen:

يا ترى فيه امل :cry:

عجبنى نظام الاخت شيماء ان شاء الله امشى عليه واخبركم بالنتائج اسبوعيا

وياريت اللى تعرف اى حاجة تساعدنى اخس وخصوصا الكرش ;-) تقولى جزاكم الله خيرا

وانا بإذن الله اساعد باللى اقدر عليه

احبكم فى الله

اختكم حبيبة

[ربى إنى تبت الأن 0]

ياجماعة مش عارفة أعمل أيه كنت عاملة ريجيم بس الشهر اللى فات كنت مشغولة بجواز أختى وطبعا عزومات وولائم الموضوع كان فظيع

 

المهم أعمل أيه دلوقتى

 

عمرى 19

 

طولى ............................قصيرة شوية 159

 

وزنى .................................اممممممممممممممممممممممممممممممممممممم

 

 

وزنى 68

 

نفسى أوصل ل55

[touta23 0]

السلام عليكم و رحمة الله و بركاته

 

شككككككككككككككككككككككككرا عزيزتى كفاح الألماسه لإهتمامك

 

لكن مش حنسحب يحببت ههههههههههههههه

 

 

و إنشاء الله حبطل لخبة في الأكل - مش متأكده - :lol:

 

أنا بدأت أشرب ماء

 

على فكر أنا جرب أشرب الخلطة الى حاطتها إحدى الأخوات و هي شاي + زنجبيل + كمون + نعناع و بالفعل نجحت معي و خسيت شوية و بد أت البطن تختفي عندي شوية لكن بعد مدة توقفت على لوصفة و ما زاد وزني :grin:

 

 

و إنشاء الله نكون شاطرين و ننجح -على فكرة سأغيب عنكم حوالي 12 يوم لأن زوجي عمل عملية و هكون مشغولة شوية معاه لكن بإذن الله لن أنسى الرجيم و سأخبركم كم صار و زني بعد هذه الفترة إنشاء الله - متزكروش كتير من ورايا ههههههههههههه -

[الشيماء مصر 0]

اذيك يا كفاح الحمد لله إنك خسيتى كيلو واحد بس بجد حاولى تلتزمى بالنظام عشان جسمك يستجيب بعد كده لأنك لو فضلتى بنظامك اللذيذ ده ممكن جسمك فجأة يبطل نزول أو لا قدر الله تزيدى تانى

على فكرة أنا كنت حاسة إنك مصرية وأنا كمان من الهرم يعنى تقريبا جيران يا سكرررررررررة

وإبقى طمنينى عليكى لأن واضح إنك إنسانة لطيفة جدا وعايزين نبقى أصحاب لو تحبى :blush:

ويا ريت تعرفينى بيكى أكتر :blush: