هيـــــــا معاً نشجع بعض للتخلص من الأوزان

[الشيماء مصر 0]

ازيكم يا أحلى بنات وسلام خاص (للسكرررررة) أنا من يوم الخميس مش عارفة أتواصل معاكم وأكيد مبوظين الدنيا من ورايى المهم إن كل الايميلات اللى بتوصل عندى الخاصة بالموضوع بتاعنا مش بتتفتح مهما حاولت وبتظهر لى رسالة المنتدى الخاصة المعروفة بالرجوع للخلف وتكرار المحاولة أرجوكوا قولولى أعمل إيه :blink: :wub: : لأنى بجد زعلانة جدا إنى مش قادرة أكلمكم ووحشتونى موووووووووت :mrgreen:

[(:بسمة تفاؤل:) 4]

رحيق هيه حبوب الرده دى بتتاخد وانتى بتعملى دايت ولا وانتى بتاكلى عادى ردى عليه ضرورى وليه الحبوب مش الكبسولات

 

وهل الحبوب دى ليها اضرار وهل هيه غاليه اوى ولا عادى ؟؟؟

[لواء العزة 5]

ازيكم يا أحلى بنات وسلام خاص (للسكرررررة) أنا من يوم الخميس مش عارفة أتواصل معاكم وأكيد مبوظين الدنيا من ورايى المهم إن كل الايميلات اللى بتوصل عندى الخاصة بالموضوع بتاعنا مش بتتفتح مهما حاولت وبتظهر لى رسالة المنتدى الخاصة المعروفة بالرجوع للخلف وتكرار المحاولة أرجوكوا قولولى أعمل إيه :huh: :mrgreen: : لأنى بجد زعلانة جدا إنى مش قادرة أكلمكم ووحشتونى موووووووووت :rolleyes:

اهلا بكِ يا شيماء

 

معذرة يا شيمو خاصية إرسال البريد غير متاحة للاعضاء

ويُـمنع وضع اي ايميل وهذا من قوانين المنتدى :)

 

وعموما انا عن نفسي ماشية كويس الى الآن ودعواتكم :icon15:

[لواء العزة 5]

رحيق هيه حبوب الرده دى بتتاخد وانتى بتعملى دايت ولا وانتى بتاكلى عادى ردى عليه ضرورى وليه الحبوب مش الكبسولات

 

وهل الحبوب دى ليها اضرار وهل هيه غاليه اوى ولا عادى ؟؟؟

السلام عليكم ورحمة الله وبركاته،،

 

انا باخدها وانا بعمل الدايت

يعنى تاخدي اربعة اقراص قبل الاكل بنصف ساعة مثلا واشربي عليها كوبين ماء

بصراحة بتقفل معايا

وبعدين ليس لها اي أضرار كما ذكرت سالفاً

بل بتستخدم ضمن برامج ضبط الوزن

وتنظم حركة القناة الهضمية

وهي علاج للامساك

 

 

عموما الحبوب انا ارتحت لها وحسيت انها بتشبعني لكن الاقراص مارتحتش نفسيا لها

 

ودي شكل الزجاجة قلت اصورها لكِ

الزجاجة فيها 60 قرص والسعر 7 جنية

 

 

 

ودي الحبوب

 

[الشيماء مصر 0]

(رحيق)شكرا يا قمر لاهتمامك بس أنتى ما فهمتيش قصدى أنا مش باتكلم على الايميلات الخاصة اطلاقا انا عارفة أنها ممنوعة أنا أقصد إنى كل ما بتكتبوا ردود مش بتتفتح خالص وتظهر الرسالة اللى قلت عليها قبل كده يعنى كل الردود اللى انتوا بتقولوها مش باقدر أقراها لكن باعرف ابعت رد بس من غير ما أقرا اى رد ومش عارفة إيه السبب والحل إيه :wub: والمشكلة دى ظهرت تقريبا من يوم الجمعة بس ومش قادرة أعرف مين ممكن يفيدنى او يحللى المشكلة دى لأنى بجد زعلانة جدا إنى مش قادرة أتواصل معاكم

[لواء العزة 5]

السلام عليكم ورحمة الله وبركاته،،

معذرة يا شيماء لم افهم قصدك

ممكن وبيحصل ان يكون المنتدى معلق معي ومع بعض الاخوات

ربنا ييسر لك امرك

[لواء العزة 5]

السلام عليكم ورحمة الله وبركاته،،

 

ملحوظة مهمة جدا

 

حبيباتي احنا فتحنا الموضوع ده حتى نشجع بعض ونتابع بعض

 

ولكن فضلاً لا أمراً أن لا يتحول الموضوع الى تشات لإنه ممنوع في المنتدى وحتى لا نصدم ونفاجىء بغلق موضوعنا :)

 

كلامنا في نطاق الموضوع ولا نتظرق إلى أي موضوعات شخصية أو بيانات أكتر من المتاحة ( الوزن - الطول )

 

مع الاكلات اللي اكلتوها

 

وهذا حرصاً على الموضوع وعدم تعرضه للغلق مثل بعض المواضيع

 

وجزاكن الله خيراً

[لواء العزة 5]

السلام عليكم ورحمة الله وبركاته،،

نظامي اليوم حبيباتي

 

 

قبل الفطار كوب ماء دافي

الفطار

خمس ملاعق فول

 

وبعده بساعة شوب شاي اخضر

 

قبل الغداء بساعة تقريبا وعليهم كوبين ماء

اخدت 4 اقراص من حبوب الردة الطبيعية ( بران )

 

الغداء

عدد 2 سمكة بلطي في صنية وعليهم بصلة وثوم وفلفل وعدد 1 طماطم وسويتها في الفرن بدون اي زيت

+ طبق سلطة محترم كده

 

شوية لخبطة على جانب عدد ثلاث صوابع بطاطس محمرة

 

كنت عاملها لاولادي وانا معدية سلمت على البطاطس بس على السرييييييع ^_^

 

العشا لسه ماتعشت ومش عارفه هاتعشى ايه بس ممكن اطلع قطعة جبن قريش

[(:بسمة تفاؤل:) 4]

جزاكِ الله خيرا يا رحيق ربنا يكرمك زوجى نزل يجيبلى الحبوب من الصيدليه وهبقى اوافيكو باخبار اكلى ان شاء الله من بكره اول باول

[شهد الحسن 0]

السلام عليكم ورحمة الله وبركاته

ازيكم يابنات

الحمد لله امبارح كان كويس بس كان فيه لخبطاية صغيرة فى الظهر قطعة بسبوسة بس معلش انا تغاضيت عنها واعتبرت اليوم كويس الفطار كان ربع رغيف وشريحة جبنة حمراء

مع شرب ماء كثير طول اليوم

والغذاء كان كوسة نى فى نى مع 4 ملاعق ارز وقطعتين لحمة بس محمرين معلش بقى لهذا الخروج وطبق سلطة

العشاء كان زبادى وشاى بلبن

 

اليوم الفطالر كان زبادى ونسكافيه بلبن

الغذاء كان سلطة خضراء مع قطعتين لحم

ولسه العشاء طبعا

 

بالنسبة للاخت رحيق بعد اذنك عاوزة اعرف انتى من مصر ولا لأ وهل الحبوب دى موجودة عندنا فى مصر يعنى ؟وبعدين هى بتؤخذ قبل الغذاء 4 حبايات لكل وجبة يعنى قبل الثلاث وجبات

يعنى 12 حبة فى اليوم!

 

كما ارجومنك ان تبلغى الاخت شيماء بما انها لا ترى ردودنا فى رسالة خاصة (بما انك مشرفة وهذا متاح لكى)ان مايحدث لها ممكن يكون حله فى اعداد الصفحة اللى فى اعلى يسار الصفحة فقد حدث معى ذلك من قبل ونصحتنى احدى المشرفات جزاها الله خيرا ان اغير اعدادات الصفحة وان شاء الله يكون هو ده حل المشكلة بتاعتها

 

ازيكم بقى يااصحابى اخباركم ايه فى الريجيم يلا اهو النهاردة ثانى يوم لينا

[لواء العزة 5]

السلام عليكم ورحمة الله وبركاته،،

جميل يا شهودة افضلي كده وما تلخبطيش

 

بالنسبة للاخت رحيق بعد اذنك عاوزة اعرف انتى من مصر ولا لأ وهل الحبوب دى موجودة عندنا فى مصر يعنى ؟وبعدين هى بتؤخذ قبل الغذاء 4 حبايات لكل وجبة يعنى قبل الثلاث وجبات

يعنى 12 حبة فى اليوم!

 

مصرية مية في المية ^_^

 

شهد الحبوب دي ممكن تستعيضي عنها بمعلقة ردة

وكمان لبيس لها اي اضرار

 

دي بدل ما تسفي معلقة ردة ممكن ماتكون مستساغة عندالبعض مثلي دي بقى سهله تاخدي اربعة وممكن يزيدوا

وايوة 12 حبة يوميا

انا اخدتهم اهو ومعاكم حية ارزق ماتخافيش يا حبيبتي ولو قلقانه استبدليهم بمعلقة ردة على كوب زبادي

 

انا كتبت سعرها بالجنية المصري :)

[لواء العزة 5]

جزاكِ الله خيرا يا رحيق ربنا يكرمك زوجى نزل يجيبلى الحبوب من الصيدليه وهبقى اوافيكو باخبار اكلى ان شاء الله من بكره اول باول

جزانا وإيــاكِ حبيبتي

ومنتظرين الاخبار

[ام الاشبال 3]

السلام عليكم ورحمة الله وبركاته،،

موضوع وفكره عسل يا بنات يا عسل

بس لو ممكن بس اعلق على موضوع حبوب الرده دى

معلش يعنى من باب التعاون ف الخير واحنا اخوات ف الله لا يجمعنا الا الا الخير

انا كنت باخد الحبوب دى من فتره وسمعت بعد كده انها لها اثار جانبيه ؟حفظنا الله واياكم من كل سوء

فلو سألنا اهل التخصص من اهل الطب ومن تسأل تخبرنا افادها الله وشكرا

[لواء العزة 5]

السلام عليكم ورحمة الله وبركاته،،

موضوع وفكره عسل يا بنات يا عسل

بس لو ممكن بس اعلق على موضوع حبوب الرده دى

معلش يعنى من باب التعاون ف الخير واحنا اخوات ف الله لا يجمعنا الا الا الخير

انا كنت باخد الحبوب دى من فتره وسمعت بعد كده انها لها اثار جانبيه ؟حفظنا الله واياكم من كل سوء

فلو سألنا اهل التخصص من اهل الطب ومن تسأل تخبرنا افادها الله وشكرا

حياكِ الله حبيبتي

ام الاشبال

طيب ايه اللي سمعتيه من الاثار الجانيبة حبيبتي

ومن قال لك هذا هل له علاقة بالطب ؟

 

بصراحة انا عندنا ناس كتير استخدموها وكان الطبيب قال لهم عليها

 

واتعقد لو كانت مضرة كان زوجي نصحني بعدم تناولها بحكم انه طبيب

عموما هانسأل فيها تاني وجزاكِ الله خيراً على حرصك

 

لو الاخوات قلقانين يمكنهم استبدالها بمعلقة ردة على كوب زبادي منزوع القشطة صباحا

ونعلم كلنا فوائد الردة فهي ممكن تكوت ملينه لو مش بتاكلوا خبز البلدي بتاعنا اللي مليان ردة ده

[شهد الحسن 0]

شكرا يارحيق ربنا يبارك فيكى انا عموما عرفت انك مصرية اصلى سالت الدكتورة وقالتلى زى ماقلتى بالظبط

 

اختى ام الاشبال ازيك ياترى فاكرانى عاملة ايه بصى انا قلقانة زيك بس دكتورة طمنتنى زى ماقالت رحيق انها مش بتعمل اى حاجة خالص غير احساس المتلاء وبتنظم المعدة جدا ومش بتعمل اسهال

انا لسه جايباها حالا وبحيى رحيق صراحة لانى مافيش بعد كده الصورة هى هى والحباية هى هى حتى انا جبت الاسم طلع كبسولات غيرتهالقيت الحبوب بنفس السعر اللى قالته رحيق

ربنا يسهل

بس مش عارفة ليه من الظهر معدتى مقفولة قفلة غريبة هى الحبوب بتشتغل من النظر ولا ايه يارحيق ههههههههههههه

 

فين امال باقى البنات

ياترى بعتوا رسالة لشيماء ولا لسه؟

[لواء العزة 5]

السلام عليكم ورحمة الله وبركاته،،

طيب الحمد لله انك اطمنتي :)

عموما انا استخدمتها قبل كده وقفلت معايا خاااالص

بس لازم تاكي اي حاجة ولو تفاحة او واحدة كنتالوب

الكنتالوب من الفاكهة الخفيفة في السعرات والمرطبة وكمان مُلينه وممكن البطيخ ولكن شريحة واحد بس

 

بس مش عارفة ليه من الظهر معدتى مقفولة قفلة غريبة هى الحبوب بتشتغل من النظر ولا ايه يارحيق

 

كويس خلاص اكتفي بنظرة واحدة او نظرتين قبل الوجبة بساعة *___^

[شهد الحسن 0]

ايه ياجماعة انتوا فين؟

امة الحكيم فين؟

كفاح الالماسة صاحبة الفكرة ايه يابنتى اظهرى بقى

ام البراء

الايمان

اسراء

انسيتم الجنة

سامية محمد

حبيبة

توتا

طالبة رضا الله

 

بصوا انا هاكتبلكم شوية سعرات لبعض الماكولات كنت منزلاهم عندى يمكن تنفعكم

[om elkawareer 0]

سلام عليكم ورحمة الله وبركاته

أزيكم يابنات يا رشيقات يا حلوات :wub: :tongue:

انا لخبطت شويه بس والله غصب عنى كان عندى عزومه ومعرفتش أخلع :wacko: :wacko: بس أنا ان شاء الله حلتزم خلاص الاسبوع ده :wub: :wub:

 

وربنا يسهل وعندك حق يا كفاح يا سكررررررررررررررة أنا فعلا بمشى يومين أو تلاته بس فى الاسبوع وتقريبا مش باشعر بالعطش

 

أبدا علشان كده مش منتظمه فى شرب الميه :biggrin: :biggrin:

 

الفكره ان انا بحب اشرب نسكافيه وشاى بلبن وشاى ساده وبحط ملعقة سكر واحده فى كل مره تفتكروا ده كثير ؟

 

وللاسف جوزى وأولادى مش مشجعنى خالص على الريجيم بس انا حلتزم لوحدى أدعولى بقى كلكم

 

والله بحبكم كلكم فى الله انتم بجد احلى صحبه :rolleyes: :rolleyes:

 

بكره حاقولكم أخبارى سلالالالالالالالالالالالالالام يا حلويييييييين ]

تم تعديل 20 أبريل, 2008 بواسطة om elkawareer

[لواء العزة 5]

السلام عليكم ورحمة الله وبركاته،،

حياكِ الله حبيبتي ام القوارير

وانا احبك في الله

 

الفكره ان انا بحب اشرب نسكافيه وشاى بلبن وشاى ساده وبحط ملعقة سكر واحده فى كل مره تفتكروا ده كثير

كده ثلاث ملاعق سكر :blush: :blink:

اعتقد اتنين يكفوا

من معلقة الى معلقتين سكر

وذكرنا سالفاً علشان المخ والكبد

المخ غذاءة السكريات ولو ما اخدتي اي سكريات هاتشعري بصداع عافانا الله وإياكِ

ونرجوا ان تمشي على نظام وماتلخبطي بعد الان

لان اللي بدأوا السبت هايوزنوا الجمعة ان شاء الله او نصيحة بلاش موضوع الوزن ده

خليه بالراحة النفسية وعن طريق قياسات الملابس اكيد هاتوسع شوية

هو عامة الوزن بينزل بسرعة اول اسبوع

بس اللي تلاقي نفسها مانزلت الا حاجة بسيطة لا تحبط

ونستمر وطريق الالف ميل يبدأ بخطوة :)

[الشيماء مصر 0]

(رحيق)اذيك يا حبيبتى أنا دخلت ولقيتك موجودة لكن للاسف كل ما أحاول أفتح أى رد مش بيتفتح وتظهر لى رسالة المنتدى ومهما ضغطت على (العودة للخلف) زى الرسالة ما بتقول برضه مفيش فايدة يعنى حتى لو انتى بعتى لى رد وقولتيلى أعمل إيه برضه مش هاتمكن من قراءة الرد أنا شفت فى الردود إنك بتقولى (معذرة يا شيماء)وطبعا لما جيت أفتحها ما اتفتحتش

انا مش عارفة أعمل إيه وليه ده حصل معايا فجأة :closedeyes: انا مش قادرة أتخيل إنى مش هأقدر اكمل معاكم :closedeyes:

ارجوكى لو ممكن تساليلى عن حل للمشكلة دى :?

[~~أم أسيل~~ 26]

السلام عليكم ورحمة الله وبركاته،،

 

 

ماشاء الله عليكم بجد

 

انا وزني 66 وعندي 25 سنة

 

انا بدأت رجيم من اول ابريل ونزلت 9 كيلو :) الحمد الله

 

بس حاسة اني مش بخس تاني معرفش ليه

 

 

انا الصبح ... قبل الاكل باعمل 100 نط الحبل

 

وبعدها بساعه باخد معلقة شاي عسل ... لأن عندي نقص هيموجلبين :(

 

بعدين كوباية زبادي ب2 بقسماط ردة ... وكوباية لبن خالي الدسم

 

وبعد الفطار باشرب خلطة الاعشاب دي تحفة بابونج+مرامية+نعناع+اكليل الجبل +شاي اخضر تحفة للارداف عن تجربة

 

بعدين قبل المغرب بساعه بنزل امشي ساعه رياضة كده

 

الغدا بقي انهاردة عملت بيض بالسطرمة بنص رغيف سن ... لا لا تلت تربع هههههههههه

 

بس حطيت زيت نص معلقة شاي زيت درة :)

 

وشرب خلطة الاعشاب بعدها

 

باليل قبل النوم باشرب ليمون وبعدها بساعه بشرب شاي رويال للتخسيس :)

 

 

بس عايزة اجرب بران بتاعت الردة دي .... يارب تنفعني يااااااااااااااارب

[ام الاشبال 3]

يا حبايب قلبى

أرجوكم لازم تاخدوا الحبوب دى تحت اشراف طبى

انا كنت باخدها فعلا وبطلتها لما قرأ ت ان انها لو زادت نسبه الرده دى فى المعده بتسحب الحديد من الجسم وتسبب امراض وحشه والعياذبالله

أنا مش بخوفكوا بس ده اللى عرفته ولو حد عرف حاجه من مصدر موثوق يطمنى معاه

ازيك اختى شهد الحسن بصراحه الزهايمر شغال معايا بس تسعدنى اخوتك فى الله

[شهد الحسن 0]

السلام عليكم ورحمة الله وبركاته

ازيكم يابنات عاملين ايه؟

انا النهاردة الحمد لله فطرت سلطة فواكه فقط بس مش اخدت ردة ولا حاجة قبل فطار لان الفطار عندى مشكلتى انى مش بكون جعانة اصلا هى مشكلتى فى الغذاء والعشاء طبعا

 

ان شاء الله زى ماتفقنا نوزن يوم الجمعة بقى ربنا يسهلنا الحال

اختى ام الاشبال اهلا بيكى على فكرة انا كمان عندى زهايمر ومش فاكرة فين بالظبط بس اصلى اسمك مميز ومش ناسياه

 

بالنسبة للسكر للاخت اللى بتسأل انا بعد ولادتى مشيت على نظام تغذية مع دكتور وكان محددلى 4 ملاعق سكر فى اليوم بالاضافة مع ملعقة عسل ابيض الصبح

 

ولما ولدت للمرة الثانية (ماتقلقوش اخر مرة)رحت تانى لدكتور تغذية كان ريجيم مختلف وبرضوا حددلى اربع ملاعق سكر صغيرة طبعا

 

ارجو ان اكون افدتك

 

ام فايق لم تظهر ليه؟لعل المانع خير

[شهد الحسن 0]

انا اسفة بس الاخت رحيق هل ياترى فى اى جديد عن شيماء يعنى هل قمتى بمراسلتها على الخاص ولا اصلا المشكلة حاجة كبيرة لاتعالج باعدادات الصفحة

[الشيماء مصر 0]

(شهد)شكرا يا شهودة لسؤالك عنى بس المشكلة ما زالت موجودة يعنى باقدر أضيف رد وللاسف مش عارفة أطلع على ردودكم وبجد أنا حزينة جدا وربنا وحده يعلم باحبكم أد إيه وبأفتقدكم جدا وواضح إن مفيش حد عارف إيه الحل :icon15:

على فكرة انا شفت أخر رد ليكى وأنا بأحاول أضيف رد لكن لما دخلت ع الموضوع مفيش اى مشاركة بتتفتح معايا وده حصلاعتقد بعد ما الردود ما انتقلت لصفحة أخرى