هيـــــــا معاً نشجع بعض للتخلص من الأوزان

[الشيماء مصر 0]

شطورة يا (سكررررررررة)

كملى وأوعى تضعفى وأوعى تنسى (البرجر طبعا مشوى)

[الشيماء مصر 0]

طالبة رضا الله

أنتى نورتينا بإشتراكك والريجيم اللى ماشيين عليه هتلاقيه رقم 25 بالتفصيل فى المشاركات الخاصة بنفس الموضوع

[أم فايق 2]

حبيبتي شوشو انا ان شاء الله تعالى ناوية بس اهم حاجة الاستعانة بالله وادعي لي يا حبيبتي لكن انا عايزة اعرف منك ياترى يوم بيوم حتتابعيني ولا كل اسبوع ؟

انا ان شاء الله تعالى حابدأ من بكرة الريجيم وباذن الله تعالى حافرحك

[كفاح الألماسه 0]

صباح الفل واشاي الأخضر والفطير المشلتت على كل اللي

مشاركنا واللي بيتابعنا كمان

إزيك ياشوشو تعبناك معانا

أنا أكلت الهمبرجر ومعاها ربع رغيف بلدي

وبعد العصر أكلت تفاحة أخضر

وخرجت إتمشيت نص ساعة

بس لخبطت شوية في العشا........ م كتير

إنهارده أتصبحت با3أكواب ماء وكوب شاي صيني

والرياضة وناويه لاأفطر

إيه رأيك في أمل ؟؟؟؟؟؟؟

[كفاح الألماسه 0]

عروستنا العسل حبيبة أنا كل ماأرد عليك ينقطع الخط

المهم .......عندك حق في اللي بتقوليه

بس إنت مش من النوع الهواؤي زي مابتقولي ...إنت خير من ذلك والرجيم ده هتلاقي حياتك كلها

فيها لازم تعمليه زي شغل البيت اللي مابيخلصش

حط في ذهنك إنك ستستمري حتى لوإنقطعت لكسل أو غيره إبدءى من جديد

أحلى شىء فيك إنك عرفت إن زيادة الوزن غلط

عروسة أخويه أقل مني يمكن بخمسة كيلوووووووو ونفسه تبأه زيي

تصوررررررررررري ،،،،،،،،، وفرحها في شهر سابعة

 

لما تعملي فرحك إعزمينا عشان الرشيقات يزفوك.......... ياأحلى عروسة

[الشيماء مصر 0]

(ام فايق) ربنا يكرمك إن شاء الله ولو انت متاكدة إنك هتكونى ملتزمة يبقى نتابع كل أسبوع لانى أنا لما كنت بأعمل كنت بتابع فى نفس اليوم من كل أسبوع لأنى بفضل الله ما بيحصلش منى أى هفوة ولو أنت من النوع الضعيف أمام الأكل يبقى نتابع يوميا وده شىء يسعدنى جدا

وعايزين جوزك ييجى من السفر ويلاقيكى رشييييييييييقة ويدعى لنا :closedeyes:

[الشيماء مصر 0]

(كفاح السكرررررة) طبعا ياحبيبتى فيكى أمل لأن ده أنت كل الامل

بأقولك إيه لازم تفطرى وبطلى لخبطة فى العشاء ولو إنك خلاص بعتينى وبطلتى تقوليلى بتلخبطى فى إيه :?:

اه نسيت أقولك

 

 

 

 

 

 

 

 

 

 

 

 

 

 

 

 

 

 

 

 

 

بحبك مووووووووووت يا سكررررررررررة :wub:

[om elkawareer 0]

السلام عليكن حبيباتى الرشيقات ورحمة الله وبركاته

 

على فكره يا شيمو أنا كمان من مصر

 

وعايزة امشى معاكم فى الريجيم الجميل بتاعك :P

 

طولى 158 سم :biggrin:

 

وزنى 63 كيلو :angry:

 

على فكره انا طول عمرى وزنى من 50 الى 55 :sad:

 

بس وزنى ذاد بعد ما سبت شغلى :roll:

 

ياريت تتابعينى من بكره الله يخليكى :wub: :wub:

 

انا عموما بحب نظام الجماعه جزاها خير أختنا حبيبتنا كفاح السكررررررره :laugh: :laugh:

 

ومبروك لعروستنا الحلوه ودعائى لكل حبيباتى فى المنتدى بالرشاقه والصحه :wub: :wub:

 

وان نستخدمها فى طاعته ورضاه

تم تعديل 16 أبريل, 2008 بواسطة om elkawareer

[ساميه محمد 0]

السلام عليكم ورحمة الله وبركاته،،

 

الحمد لله امبارح الفطار والغدا صح الصح اما العشا اكلت رغيف سن مع جبن قريش بالزعتر وزيت الزيتون وطبعا ده غلط بس ان شاء الله فيه امل هي اول طلعه بتكون معصلجه شويه وبعد كده امشي تمام

 

معلش نسيت اسلم على كفاح السكره و شوشو العسل اصل حسيت اني على كرسي الاعتراف وخايفه او مكسوفه منكم

 

دعواتكم لي بالالتزام في العشا نقطة ضعفي

[حبيبة87 3]

ههههههههه

انا بعت القضية خالص

عملت الريجيم اسبوع وكان تمام خسيت 3 كيلو والاسبوع التانى عاملة ريجيم برضو بس للتخن :oops:

[أمة الحكيم 0]

ربنا يجزاك خير ياشيماء وإن شاء الله أخس حتى 3 كيلو وأكون فرحاااااانة

 

طبعًا الأسبوع الفائت ولا مريت ولا على نظام ريجيم ولا شئ لاني مكنت باكل حاجة بالخالص :)

إن شاء هبدأ نظام الشيماء وربنا يسهل

 

وبالتوفيق للجميع

[ساميه محمد 0]

صباحك فل يا كفاح يا سكره

 

اخبارك ايه في الرجيم

 

التقرير اليومي بتاعي : الفطار اوكي الغدا اوكي العشا كالعاده لالالالالالالالالالالالالالالالالالالالالالا مع اني كنت ملتزمه وبعدين طبعا الاكل الفايض من الولاد قمت انا بالواجب وزياده

 

 

ادعوا لي اليوم

 

عموما انا مبسوطه لانه يعتبر تقليل والحمد لله كل يوم احسن من اللي قبله

 

وان شاء الله يجي يوم والتزم

 

انا مش قلقانه ربنا سهل

[كفاح الألماسه 0]

السلام عليكم ورحمة الله وبركاته،،

إزيكم يأحلى بنات إزيك ياشـــــــــــــــــــــوشو ...... وحشتيني

يابنات أنا عايزة اللي معي وخلاص مرابطين لغاية ما يوصلو لهدفهم...... يرفعو إيدهم

ده أولا ثانيا مش هاينفع الكلام العايم

مثلا سامية إعتبرت نفسها لما إتعشيت كده لخبطت لكن أنا حسب نظري إنها ماشية مظبوط

حبيبة جالها إحباط من عدم إلتزمها لكن في الحقيقة إحنا معرفناش هي إلتزمت في إيه وتركت إيه؟؟؟؟؟

فلا نستطيع الحكم عليها

مثلا أكلت إيه

شربت ماء أم لا وكم

أخدت شىء بين الوجبات أم إلتزمت بخطة معينة في الأكل

إلتزمت برياضة أم لا

إلتزمت بنظام صحي وله لأ

ده اللي هايحددلنا وهيخلينا نحكم صح

 

لازم نتفق على خطة عمل

أم القوارير شدي حيلك معانا أرا لاأعتقد إنك محتاجة لنظام بقدر حاجتك لرياضة والحركة لونزلت 2كيلو خلال أسبوع

يبأه ممتاز

الأخت أمة الحكيم لازم نشوفكم كل يوم نصبح بيك

تكتبولنا ملخص اللي عملتوه في اليوم الماضي

عشان نوصل بسررررررررعة لبر الأمان أنا عن نفسي إحتمال أبدأ نظام السعرات الحراريه بيناسبنا أكتر

هم دول الأن اللي أنا شيفاهم معي...

فيه توتة الصغنتوته ...قالت هاتيجي الأسبوع القادم

وكمان أم فايق ....كنا حبين تكون معانا ياأم فــــــــــــــــــــــــــــــــــــــــــــــــــــايق فينك ؟؟؟؟؟؟؟؟؟؟؟؟؟؟؟؟أين أنتـــــــــــــــــــــــــــــــــي

والأخت جوجو ربنا يرجعهلنا بالسلامة

[كفاح الألماسه 0]

صباح قهوة أو نسكفية ياسوسو

قوليلي بأه يارؤحي لخبطتي إزي

يمكن مش كتير ....صح

يبأه مش لخبطة أوي

[كفاح الألماسه 0]

شوشو أنا مابعتيكيش ولا حاجـــــــــــــــــــــــــــــة أنا معاك على الخط

تابعينا وإياك تنسينا الله يكرمك

وسلميلي على الوالده إذا رحت الأسبوع ده

منتظرة تعليقك

 

 

 

بــــــــــــــــــــاي ياحبوبة

[om elkawareer 0]

صباح الفل ياكفاح يا سكررررررررررررره

 

صباح الفل يابنات ياحلوين

 

أنا التزمت امبارح فى الغدا اكلت جبنه قريش وسلطه و4 توست اسمر وبيضه مسلوقه :wub:

 

وبعد الغدا اكلت تفاح وموز :icon15:

 

اما باليل اتعشيت 2 توست اسمر وكوب شاى بالبن عليه 1 ملعقه سكر :icon15:

 

المشكله فى فطار النهارده كنت عامله حمله تنظيف فاكلت فشار وانا بشتغل :tongue:

 

حاجه وحشه مش كده؟؟؟ :angry:

[الشيماء مصر 0]

om elkawareer) نورتينا يا جميلة وأنا مبسوطة جدا إنك مصرية بس إنتى وزنك مش زيادة أوى يعنى تقريبا أسبوعين بس تلتزمى ويكون وزنك زى طولك إلا إذا كنتى عايزة وزنك أقل من كده وانا جاهزة للمتابعة معاكى لأنك لو خسيتى اللى أنت عايزاه أهم حاجة تكونى متابعة معايا عشان فترة التثبيت اللى بعد الريجيم أهم من الريجيم نفسه عشان ما ترجعيش تزيدى تانى ولو إن ماشاء الله واضح إنك من النوع المحافظ على وزنه :wub:

[الشيماء مصر 0]

(كفاح السكررررررررة)أنا معاكى على الخط يا قمر ولا يمكن أنساكى طبعا لأنك أنت والاخوات من ألطف الشخصيات اللى اتعرفت عليها فى المنتدى بس انت سكرك زيااااااادة شوية وعلى فكرة كلامك اللى قولتيه للبنات بخصوص المتابعة حتى الوصول للهدف كلام مظبوط جدا :wacko:

[لواء العزة 5]

السلام عليكم ورحمة الله وبركاته،،

ازيكم يا حلوات

 

وحشتوني بجد

كفاااح ماشاء الله متابعاكِ وهاتلاقيني جانبك في التِراك :unsure: ^__^

 

شيمو ماشاء الله جزاكِ الله خيراً على حسن المتابعة :smile:

 

ام القوارير ماشاء انتي فعلا مش زايده كتير

 

شوية تنظيم في الاكل مع مشي نصف ساعة يومياً هاتبقى هايله :smile:

 

 

سامية ربنا معاكِِ :smile:

 

امة الحكيم الحبيبة شكل قاعدة الفوتو هي اللي بتخن ^_^

 

وعروستنا الجميلة إن شاء الله تخس وتبقى احلى عروسه واوعي ماتعزِمينا :wacko:

 

ان شاء الله هابدأ من السبت القادم بعد بكره بأمر الله

 

بس ليا سؤال ليه يا كفاااح بتشربي اتنين كوب شاي اخضر ممكن تاخديه طوال النهار

 

وكمان ماننساش ناخد معلقة سكر يوميا على الشاي مثلا علشان الصداااااع

لان المخ بيحتاج للسكريات

وبالتوفيق لي ولكم :)

[الشيماء مصر 0]

(رحيق الجورى)والله كنتى لسه على بالى وكنت لسه بأفكر فيكى وبأقول أنتى فين من زمان لعل المانع يكون خير

وبالنسبة للسكر فجزاك الله كل خير على التذكرة وهما ملعقتين سكر لأنهم ضرورين جدا زى ما قلت للمخ والاهم للكبد كمان لانه بيشتغل من السكريات

[شهد الحسن 0]

ايه الجمال ده يابنات والله فرحتونى ان شاء الله اتابع معاكم شيماء ازيك ممكن تكونى مش فاكرانى اوى بس مش مهم

 

وامة الحكيم مش عارفة انتى امة بتاعتنا فعلا المدرسة العسولة ولا لأ؟

 

بصوا ان عمرى 30

وزنى الحالى 78

طولى 163

الوزن الهدف ان شاء الله 68 بس انا عارفة انه المفروض ابقى اقل بس انا راضية بكده بس

ان شاء الله اتابع معاكى ياشيماء الريجيم بس ياريت تكملى كله ماتفصليش ماشى؟

 

قاعدة عاجبانى اوى من ساعة ماسمعتها خاصة بالريجيم بس فعلا منطبقة عليكم

 

احلى حاجة فى الريجيم لما تبوظه

 

صح

فعلا لما سمعتها افتكرت مدى احساس السعادة وانا باكل حاجة ممنوعة

بصوا انا مش بحرضكوا انتوا اصلا متحرضين جاهزين بس بجد نحاول نلتزم بقى ماشى؟

سلام

[شهد الحسن 0]

نسيت اسلم على احلى كفاح الماسة بارك الله فيكى انا ان شاء الله هاتابع ماعاكى بس على قد ماقدر لان حسبة نكتب كل يوم اكلنا ايه كارثة انا لو كتبت يابنتى كل يوم بيدخل جوه معتى ايه مش هيكفينى صفحات الموضوع كله بس هاحاول امشى على القواعد بتاعتك لانها معتمدة على تصحيح نظام اكلنا اكثر من التخسيس يعنى على المدى البعيد وبرضوا امشى على ريجيم الست شيماء اما نشوف هتوصلنا لفييييييييييين؟

[الشيماء مصر 0]

يا (شهههههههههد) انا مش هأفصل منك ابدا انا يا حبيبتى زى ما بنقول فى مصر قاعدة على قلبك ده أنا فظيعة ومريعة وغلسة أوى وهأفضل وراكم لغاية ما تزهقوا منى أو تزهقوا من الاكل :cry: اختاروا حاجة من الاتنين

وماشى ايا ست شهد أمشى بس أنتى على قواعد كفاح السكررررررة وسيبك من الريجيم بتاعى يا شهودة وورينا شطارتك

وعلى رأيك كل البنات متحرضين جاهزين وشكلكم هتبوظونى معاكم وخدى بالك أنا خلصت تثبيت ومش عايزة أتخن ولا كيلو :cry:

[أمة الحكيم 0]

مش معقوووووووووووووووووووووووووووووووووووووووووول شهودة ظهرت ياناس :)

 

وحشتيني ياشهودة كثيرررررر ووجودك أكيد هيزيد الجو حلاوة طبعًا إضافة للأخوات الموجودات معانا :)

 

امة الحكيم الحبيبة شكل قاعدة الفوتو هي اللي بتخن ^_^

ضحكتيني يارحيق الجوري أضحك الله سنك :)

شكلنا هنبطل فوتو لو على كده

 

أخيتي كفاح وشيماء

عندي لكم اخبار ولا احلى من كده

الفطار: بيضة مسلوقة

الغداء: قليل من الرز+سلطة

العشاء: كوب زبادي

إضافة إلى فواكه بين الوجبات ويمكن 4 قوارير من الماء :)

 

إيه رأيك ياشيماء ؟؟؟؟؟

يللا ياكفاح ورينا عملتي ايه :)

 

في أمان الله يابنات وشهودة ماتغيبيش لانك بتوحشيني كتير

[(:بسمة تفاؤل:) 4]

يوووووووووووووووووه

 

 

انا مش عارفه اقاوم ههههههههه

 

اصل ماما بعتتلى حلاوة المولد من مصر وانا عماله كل شويه اهجم عليها اصلى فى الغربه فماما بعتتهالى امبارح

 

 

تفتكرو يا بنات حلاوة المولد بتتخن ؟:lol: