هيـــــــا معاً نشجع بعض للتخلص من الأوزان

[كفاح الألماسه 0]

صباح الفل ياأحلى بنات

أنا لسه معاكم على الخط

معلش هاحيي بس الجداد :arrow:

شكرا يا بسكوته إسمك زي العسل بس إحنا لا نريد أن نكون هياكل عظمية :icon_eek:

أنا كنت زيك ستي الله يطولي في عمرها كانت بترميلي جلد الفراخ المحمر وطبعا السمن البلدي في الأكل :oops:

فكنت زي الدبه أنا أول مرة وزنت فيها نفسي كنت بنت كان 80 كيلو

تصورووووووووووووو :sad: كان ديه ثقافتهم زمان حتى الأن ماما لما تشوفني خسيت

تقلي أبوالعيال عمل فيك إيه وإنتم محسودين .........وإلخ

الغالية هدى (دودو )

إنت بال\ات إياك تهربي لازم تكوني معانا والتحدي الكبير إنك تضعي هدف أولي

مثلاتخسي عشره كيلو خلال شهر :icon16:

أو 7كيلو وشوفي الأنسبلك في الرجيمات ولو أني أعتقد إن التخفيف فقط هينزلك

وفضلا لا أمرا لازم تدخلى كل يوم أو تكتبلنا كل يوم في ورقة وتنزليه في ديه الصفحة

ها إتفقنا ؟؟؟؟؟؟؟؟؟؟ :smile: لازم تخسي معانا أنا لسه مشواري طويلللللللللللللللل زيك شدي حيلك ياعسل

 

الأخت أمة الله ماشاء الله عليك عشرة كيلو في شهر؟؟؟؟؟؟؟؟؟

أعتقد إنه كتير على الأقل بالنسبة لي ،،،،،،

تقريبا إنت بقي 5كيلو وتوصلي لهدفك كل أسبوع لاتخسي أكتر من كيلو وإلتزمي بأكل صحي ومعه القليل من الدهون والماء ومسئلة الوجه ديه عندنا كلنا

وأعتقد لأن النظام بيكون غير متوازن

والكلام كمان ينطبق على أم عبدالله ..... بس خلي بالك من الوالده إيااااااااااااااااااااااك تزعليها

ومتقلهاش كمان إنه في شوية جماعة خيرررررررررررر هما اللي ماشين معايا في الطريق الوعر :wacko: ده .... ربنا يستر

كلنا خايفين من دعوات الأمهات لو عرفو بالصفحة ديه هيدمررررررررررررررررررروووووووووووها :unsure: ساعتها مش هيبأه لينا حل.....

وله إنت عندك الوضع مختلف ياعروستنا العسل بيبو؟؟؟؟؟

بيبو أنا من الأسبوع ده هيكون المنافسة معاك نشوف مين اللي هيخس أكثر والأقل هنكتبله

ياكسلان شد حيلك معانا بلاش دلع

:biggrin:

بس موت على روحي :biggrin: من موضوع الأخضر بالزنجبيل تصدقي إني بمووووووت فيه ده بالنسبالي طعمه رائع ولايقاووووووووم

أم فايق وجوجو ربنا يباركلنا في أمهاتنا ويطولنا في أعمارهم

عارفة ياأم فايق إيه الحل في عزومات ماما بروح من الصبح أشتغل معاها لو الخطة خضار يبأه إحنا في الأمان تقدري تتحكمي في الرز أبو شعريه :smile:

أما لو الخطة محشي حطي معاه كام كوساية مغسولة بحالها في الحلة بدون ماتاخد بالها وإغرفي

من باب المساعدة وشيلي الكوسة وممكن كمان كام بازنجانه على جنب ليك :tongue:

وقليلها تسلم إيديك يا أغلى أم في العالم وكلي وإنت مطمنة

أما بالنسبةللبيتزا ديه اللي ملقتلهاش حل غير أن الواحد ياكل وأمره لله

بس يمضغ الأكل كويس ويأكل ببطء

[كفاح الألماسه 0]

شوشو فينك ؟؟؟؟؟؟ وحشانا كتيررررررررر

أم فايق كيف صحتك يا

جميل إن شاء الله تكوني بخير

جوجو ياعسل إيه أخبارك زي ماإنت شايفة أنا كل الأيام عندي فري بالذات الخميس والجمعة

عروستنا بيبو أنا إتخضيت لما شفت الأكل اللي كلتي على العشا كنت بتتعشي مع حماتكومش واخده بالك وله إيه

بس بيني وبينك كويس إن إتشجعتي وقلتيلنا

أنا بأه إمبارح إتغدت بعد المغرب

في العصر أخدت كوب كيك

والمغرب نص رغيف بر

والعشا ربع سمكة مشويه بوووووووووووووري مصررررررري

وأخر الليل شربت نسكافيه مرررر مع قطعة كيكه بحجم الصباع

وبالنسبة للرياضة مشيت ساعة

والماء لاأذكر

واليوم خليه كله مع بعض أحسن

 

 

يابنات محدش حط وزنه لحد الأن جوجو ،،،حبيبة ،،،أم فايق ،،،أم القوارير،، هدى ،،،بقية المشتركين

هابدأ أنا وزنت الصبح والمفاجاءة

 

 

 

 

 

 

 

،،،،،،،،،

 

 

 

 

،،،،،

 

 

،،،

 

 

 

 

،،،

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

،،

 

 

 

 

 

خلاص وصلنا

 

:icon15:

 

 

 

:wub:

 

 

 

 

 

 

 

 

 

 

نزلت نص كيلو :blush: :? :closedeyes:

[كفاح الألماسه 0]

خرجت من الموضوع وررررررررررررإجعت بسررررررررررعة

فتكرت كان فيه حد بيتكلم عن حبوب شيتوكال

 

 

تقريبا بيبو

 

 

 

أبشرك أنا جربتها

 

 

 

وأخضك ولا عملت حاجه يعني

 

 

النتيجه تحت الصفر خسارة +خسارة

 

 

وأرعبك

 

 

 

جاني بسببها ديدان ........ وطبعا

 

 

مكنتش عايزة أخبر حد وو لا سبت

 

 

ففضلت معي 3شهور

 

عالجتها بخلطة مش فاكرة إيه هي بس كان فيها قشر رمان محفف

 

 

 

خلي بالكم في مصايب على موضوع العقاقير اللي بتخسس ديه

 

مش هارعبكم زياده بس ده تحذيررررررررر

[(:بسمة تفاؤل:) 4]

السلام عليكم

 

 

انا يا جمااااااااعه خلاااااااااااااااااااااص

 

رحنا امبارح على الكورنيش واتغدينا هناك احنا وجيراننا وككنا عاملين محشى ومقلومه وفراخ وكان فيه كيك بالشوكولاته وكان فيه لب وفستق وكاجو وكل المكسرات اللى تتخيليها

 

والحمد لله دبيتها ومش عارفه اعمل ايييييييييييييييييييييييييييييييييييييييييييييييييييه :blush:

 

 

انا عامله فعلا نظام للنحافه

 

 

والحقيقه السبوره خلصت من عندى فاكلت رغيف فينو الصبح محشى جبنه نستو وشيدر الاتنين فوق بعض وكوب عصير جوافه

 

ومن شويه اكلت سودانيه ولديده بتوع حلاوة المولد :icon15:

 

 

 

 

 

 

 

 

 

 

 

 

ومش بمشى ولا اى حاجه

 

ابشركم

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

انا زدت كيلو :wub:

[(:بسمة تفاؤل:) 4]

اااااه صحيح بلاش الشيتوكال ده مش حلو ومضر واى حبوب غير الرده بلاش لانها بلاوى فعلا وكلها بتجيب ديدان ومش عايزه اقولكم ليه واقرفكم

 

 

بس ما حدش ياخدها خلينا فى الطبيعى والرده احسن

[shams_alislam 0]

موضوع حلو جدا

 

واشارك معاكم

 

شكرا يالالماسة

 

شجعونى لانى مليت

 

مشكلتى انى لا اخرج من البيت وما اعرف اتمشي وحدى

 

ياريت حل يا جماعة

 

وياريت نظام ونمشي عليه كلنا مع بعض

 

نضام اسبوع مثلا

 

ايه رايكم

 

اختكم شمس

[om elkawareer 0]

صباح الرشاقه والريجيم والالتزام بالتعليمات

 

انا ماشيه مضبوط بس الخوف من غدا النهارده

 

اصلى عامله محشى ورق عنب وانا بحبه جدا

 

المهم ان بطنى نزلت شويه وكمان منطقه الارداف والحمد لله :wub:

 

بس لسه ماوزنتش لما اوزن حاقولكم :wub:

 

أحلى عروسه بتسال يعنى ايه ام القوارير معناها ياستى ام البنات علشان انا عندى

 

بنات يدخلونى الجنه ان شاء الله كما بشرنا الحبيب المصطفى صلى الله عليه وسلم

 

وهو الذى شبه النساء بالقوارير صلوات ربى وسلامه عليه :icon16:

 

عقبال يارب يرزقك بالذريه الصالحه وكل زوجات المسلمين يااااارب

 

حبيبتى ام فايق ارجو ان تكونى فى اتم صحه :P

 

وشيمو وحشتينا وكفاح السكرررررره وكل حبايبى فى هذه الصفحه وفى المنتدى كله

 

احبكم فى الله :wub: :wub: ودعواتكم الاقى نقص فى الوزن سلالالالالالالالالالالام

[لواء العزة 5]

السلام عليكم ورحمة الله وبركاته،،

أحلى بنات معايا في الطريق الوعر على رأي كفاح السكررة

 

حبيببة انا معاهم بلاش الشيتوكال لان سمعت عنه مصاااااائب

 

وبعدين الحبايب اللي وزنوا ولا قوا نفسهم نصف كيلو واللي زايد ليه ان شاء الله

 

 

اقول لكم بعد الوزن لقيت نفسي نزلت قد ايه

 

 

 

 

قولوا ماشاء الله الاول ^_^

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

نازلة 3 كيلو الاسبوع ده :mrgreen: :lol:

 

 

عاوزة اعرف اسراء زدتي ليه انتي بتلخبطي من ورانا ولا إيه

 

ام القوارير اوعي تتضعفي كفايه صباعين تلاته مع السلطة ارجوكي ما تزيدي عاوزين نتائج مبهرررررة

 

حبيبة عيش بلدي وفينو وبليل كمان شكلك لازم تعاقبي نفسك تاني يوم

 

انا عاقبت نفسي على اللخبطة اللي عملتها بصراحة وضميري بيأنبني جدا على اللي عملته :unsure:

[لواء العزة 5]

السلام عليكم ورحمة الله وبركاته،،

نظام اليوم

 

الافطار :

 

اخدت اربع حبوب من الردة وشربت ثلاث أكواب ماء عليها

 

وبعدها بساعة

قطعة جبن قريش مع فلفل حامي وواحدة خياره

 

والغدا هايكون ان شاء الله

 

كوسة باللحمة المفرومة وطبعا بالطريقة الخفيفه

وطبق سلطة محترم :)

[حبيبة87 3]

السلام عليكم ورحمة الله وبركاته،،

ازيكم يا حلوين

حبيبتى رحيق انا فعلا عاقبت نفسى النهاردة

 

شوفى بقى عملت ايه

 

صليت الفجر ونمت بعدها وطبعا مش فطرت لانى صحيت الظهر

 

ونزلت اشترى شوية حاجات للجهاز ورجعت البيت بعد العصر

 

اكلت ربع رغيف عيش + 2 سمكة مشوى

 

ودلوقتى شربت عصير جوافة

 

وبفكر مش اتعشى ولو حصل هيكون واحد نيسكافية او قهوة لان دماغى مش مظبطة خالص

 

ايه رأيك بقى شطورة مش كده

 

الوزن هيكون يوم الثلاثاء بإذن الله

 

ادعولى ما أنصدم

 

الحبيبة ام القوارير

شكرا للتوضيح ربنا يباركلك فى بناتك ويكونوا سبب فى دخولك الجنة ويجعلهم قرة اعين لك ياااااااااارب

 

كفاح السكرررررررة

بتتحدينى صدقينى انتى مش قدى انسحبى احسنلك او مش عارفة يمكن احسنلى انا

 

متشكرة جدا يا بنات على نصايحكم بخصوص شيتو كال خلاص مش هجيبه

 

لكن انا كنت رحت لدكتورة السنة اللى فاتت وكنت بتابع معاها نظام ريجيم وخسيت كتير حوالى عشرة كيلو او اكتر لكن طبعا قعدت سنة بعدها اكل وتخنت تانى المهم الدكتورة دى كانت كتبالى على كابسولات اسمها سيبتريم تقريبا مش متأكده من الاسم هو علبته ابيض وعليها وردة ازرقة

بس كان حلو جدا مش سببلى اى اضرار وساعدنى كتير على التخسيس هى كانت قالتلى اشترى شريط واحد بس فيه 10 كابسولات ب 15 جنية واستعملت لمدة 10 ايام كل يوم كبسولة قبل الفطار واول اسبوع ده خسيت فيه 5 كيلو مع انى كنت بزود عن الأكل الللى كانت كاتبهولى وبعد كده كنت بخس من كيلو ونص الى اتنين كيلو فى الاسبوع وخسيت حوالى 10 كيلو فى شهر لانى كنت 89.5 واصبحت 78 لكن الدراسة بدأتع وبقيت أطنش لحد ما زدت تانى ل 84

 

وادينا بنحاول ننزلهم تانى

[حبيبة87 3]

يا خبر الرد اتكتب 3 مرات :mrgreen: معلش بقى النت الله يسامحه :blink:

[(:بسمة تفاؤل:) 4]

:blink:

 

 

معلش يا رحوقه انا اصلى لخبط الدنيا وكنت باكل وبنام بعدها وعملنا محشي ومقلوبه ومكسرات والله لا يوريكى

 

ربنا يستر لازم ابدأ تانى ان شاء الله

[كفاح الألماسه 0]

مساء الخيرررررررررررررررر يابنات

مبرووووووووووووك يارورو على ال3كيلو

مللللللللللللللللللليييييييييييييييييييييييييييون برافوووووووووووووووو عليك

بحييك بشده عالنتيجة ياليتنا كلنا زيك ......... شوف يابنات اللي بيسعى بيلاقى

مش زي أخدت نص كيلو عالشمال

((((أنا أقلتلك السبب ياأ.جوجو صح))))

 

بت ياحبيبة بطلي لخبطة بقا حتى لا أخرجك من الموضوع

وإنت ياإسراء برحتك على الأخر ... كلي اللي نفسك فيه ... بقيتي كام ياقمر الساحل

شهودة حبيبتي أخبارك إيه ؟؟؟

أنا كان يومي كالأتي

الفطار كوب نسكافيه بحليب لوفات

كيكايه صغنونة

بعد الظهر شربت نص لتر حليب

بعد العصر تغديت

سمكة ونص مشوي و4ملاعق رز وجرجير

وبعد المغرب شاي أخضر والعشا كان سمكايه

الماء 6 أكواب قابلة للزياده

والرياضة مشيت ربع ساعة

ششموسة يامرحبا بك معنا ......... كده نور الصفحة هيزيد تابعي معنا

[شهد الحسن 0]

ازيكم يابنات

الف مبرووووووووووووووك ام تسنيم ان شاء الله ربنا يرزقك ذرية صالحة

 

والف سلااااااااااااااااامة ام فايق ربنا يتم شفاءك على خير يارب

 

كل الجميلات وحشتونى جدا

 

انا للاسف وزنت امبارح وامتئبت نزلت كيلو واحد فقط

 

بس الحق انا ادلعت كام يوم فى الحلويات ورغم كده بستهبل افتكرت قال ايه لما هاوزن هلاقى الوزن نزل خالص

 

معلش حبة استهباااااااااااااال

 

مش هانكر انى مكتئبة سنة بس معلش

[حبيبة87 3]

 

بت ياحبيبة بطلي لخبطة بقا حتى لا أخرجك من الموضوع

 

 

مين اللى بيلخبط بالضبط :biggrin: تقصدى كفاح مش كده :mrgreen:

[لواء العزة 5]

السلام عليكم ورحمة الله وبركاته،،

الله يبارك فيكِ يا كوكو ويلا شيدي حيلك شويه والتزمي بلاش الكيكات اللي بتصعب عليكوا دي ^__^

 

حبوبة ممتازة على العقاب واتمنى ماتيجي بكرة تقولي انك اتعشيتي عيش فينو

على فكرة يا بنات لو هاتأكلوا عيش يستحسن البلدي بتاعنا الفينو مش مفيد وكمان بيتخن اكتر

 

شهودة وحشتينا ويلا عاوزين حمااااس شوية ومناااافسة قوية

 

اسراء حبيبتي ماتزعليش بس بطلي اللخبطة دي وحاولي تقاااومي شوية الحاجات الرهيييبة

 

والله انا ساعات بلغي تفكيري واقول ياااه ياما اكلت الحاجات دي دي حتى وحشه خااالص بضحك على نفسي قال ^_^

 

مستنياكم :)

 

حبيبتي ام القوارير اخبار المحشي ايه اوعي تكوني اكلتي كتير منه ليه مادخلتي وسجلتي نظامك اليوم

[حبيبة87 3]

هههههههه لا اتعشيت كوب نيسكافيه زى ما قلتلكم بمعلقة وربع سكر

 

بكرة عندنا محشى مش عارفة اعمل معاه ايه :rolleyes:

ربنا يسترررررررررررر :rolleyes:

[محبة كلام الله 0]

السلام عليكم ورحمة الله وبركاته

واضح جدا اني وصلت متاخرة

بس ربنا يكرمكم ويبارك فيكم ويحقق لكم كل امنياتكم يا رب

ساعدوني في حل مشكلتي وهي اني لما ازعل او اتوتر او اتضايق اجري ومن غير تفكير اجري على الاكل وبكميات كبيرة حتى لو شبعانة وطبعا بادخل في دايرة مفرغة اكل فيزيد وزني فاتضايق فاكل فاتخن وهكذا

حتى وصل وزني الى تخيلو وصل وزني ل107 كيلو والوزن ده بدا ياثر على ركبي ورجليه بقت بتتعب بسرعة

انصحوني اعمل ايه يسد نفسي ويخليني اكل قليل لاني بصراحة بلتهم كميات اكل كبيييييييييرة واكل لحد بطني توجعني

ساعدوني يا اخوات لله والله حالتي النفسية صعبة اوى

[كفاح الألماسه 0]

حبيبة إحنا منقدرش نكمل الموضوع بدونك ده إحنا ما صدقنا عروسة /وفرح /وتورتة / وعزومة

المهم أنا طبعا بتحدى نفسي بيك

رورو هبطل وأعدك اليوم مش هاتشوفيهافي المنيو بس عموما هي في البراده

الأخت الكريمة محبه إنت كده عيزالك كورس في تصحيح التفكير

دائما أوعدي نفسك قبل ماتنامي إنك مش هاتكلي أكتر من وحباتك

وخذي على نفسك عهد لاتخلفيه ولو بتحبي أول ماتزعلي ليك خيارات أدخل المطبخ إشربي أربع أكواب ماء

وبعدها تعالي إحكلنا عن مشكلتك ومعك كوب عصير

إتفقنا وإبدئى معنا الله يرضى علينا وعليك

[(:بسمة تفاؤل:) 4]

السلام عليكم

 

ازيكم يا نوتات ويا ستات عاملين ايييييييييييييه ؟؟

 

كفاح انا كنت 71 وبقيت 72 :tongue: والطول 170 سم

 

رحوقه انا يا حبيبتى مشكلتى تقريبا ان زوجى عايز يتخن وانا عايزه اخس شوفى بقى ما فيش حد مشجعنى لانى انا وهو بس لوحدنا ما عنديش اطفال لسه

 

فالموضوع صعب شويه بس والله بعمله هو رز وانا مش باكل بس عملت بيتزا امبارح واكلت معاه طبعا يعنى بكسل اعملى اكل واعمله هو كمان اكل

 

بس بجد خلااااااااااااااااااااااااااااااااااااااااااااااااااص انا لازم اقلل وهمشى كل يوم لازم ان شاء الله

 

وقت الكسل عدى خلاااااااااص

تم تعديل 27 أبريل, 2008 بواسطة اللهم صلى وسلم على محمد

[لواء العزة 5]

السلام عليكم ورحمة الله وبركاته،،

اسراء حبيبتي لازم احنا خس لان ازواجنا بيخرجوا كتير وبيتحركوا كتير احنا يادوب حركتنا في الشقة محدودة جدا

وبناكل وبنقعد

 

حبيبتي محبة اولا نورتي موضوعنا الرشيق ^_^

 

شوفي انا مثلك بطلع كل همي في الاكل كل ما ازعل افتح التلاجة

 

وكمان قبل الدورة الشهرية بميييل جدا للسكريات وخصوصا الشيكولاته حاولي لو اضايقتي

 

اعملي زي ماكفاح قالت لك اشربي مية املي بطنك مية او تاكلي حاجة ماتسبب لك تخن خياره جزرايه خس

 

ممكن قطعة جبن قريش المهم ابتعدي تماما عن كل شيء ممكن يسبب لك السِمنة

حاولي تتغلبي على المشكلة دي كلنا بيعدي علينا سبحان الله حالات الضيق دي

ربنا ييسر لك امورك وان شاء الله نكون مع بعض ونشجع بعض

 

انتي ما اتأخرتي ولا حاجة بل بالعكس يسعدنا جدا تواصلك معنا وانضمامك لفريق رشيقات المستقبل

 

انا مش شايفة ام القوارير حبيبتي ولا شهودة ولا شيمو وامة الحكيم فييين كمان فييين باقي الفريق

[om elkawareer 0]

احلى سلالالالالالالالالالالام لاحلى رشييييقات فى الدنيا

 

انا يا حبيباتى فطارى ملتزم أمس واليوم المشكله كانت فى الغدا علشان

 

انا بحب ورق العنب وحاولت امسك نفسى زى ما نصحتونى لكن لقيت نفسى اكلت 10 صوابع :dry:

 

بس صغيرين علشان انا بعمله صغير وبكترله الخضره علشان جوزى بيحبه كده :mrgreen:

 

اما النهارده ان شاء الله الغدا سمك مشوى مفيش خوف منه والاهم انى ماتعشيتش امبارح

 

عقابا لى على اكله المحشى :mrgreen: وطبق السلطه الكبير ده اساسى يوميا والشاى والنسكافيه بمعلقه سكر واحده ومش يوميا

 

باخد نسكافيه ساعات الشاى الاخضر

 

انا بقى بافكر ماوزنش دلوقت واكمل شويه لغاية يوم الثلاثاء علشان ما كنتش ملتزمه اوى فى الاول

 

ادعولى يا حلويييييين بحبكم جدا جدا جدا :angry: :angry: :laugh: وان شاء الله اكون نزلت شويه

 

سلالالالالالالالالالالالام

[لواء العزة 5]

السلام عليكم ورحمة الله وبركاته،،

رااائع حبيبتي ام القوارير

 

وكويس اننا لما نلخبط نعاقب نفسنا تاني يوم

 

نظامي اليوم

 

كوبين ماء على الريق

وماكان لي نفس افطر

 

قبل الغداء بساعة اخدت حبوب الردة وعليها كوبين ماء

الغداء :

 

عدد 2 سمك صينية بدون اي زيت + طبق السلطة المحترم بتاعي ^_^

 

العشاء : لم اتعشى بعد وفي الغالي لو جعت هاخد عدد 1 كنتالوب وسط

[كفاح الألماسه 0]

السلام عليكم

صباح الخير يارشيقات المستقبل

أمس كان فطاري خفيف شريحة رومي بأقل من ربع رغيف

3كوب ماء على الريق

كوب شاي أخضر أو نسكافيه مش فاكرة

الغدا طبق ورق عنب +ربع فرخة +زبادي بالخيار

المغربية طبق فاكهة (تفاحة أخضر +شرحة كانتلوب +كمثرى +نص موزة )

وفى العشا كان قطعة حبنة مع ربع رغيف أسمر

وشربت حوالى 8أكواب ماء

ومفيش رياضة

[حبيبة87 3]

ازيكم يا رشيقاات :biggrin:

وحشتونى كتييير

 

بصوا بقى انا امبارح مشيت مظبوط جدا برافو عليا :tongue:

 

الفطار كان كوب نيسكافيه

 

الغداء سمكة واحدة مشوى + ربع رغيف عيش

 

العشاء حتة بطيخ صغننه

 

وبس كده

 

اما اليوم الفطار كان بيضة مسلوقة + ربع رغيف عيش وشربت على الريق خلطة اعشاب عجب جابتلى وجع البطن :blink: بس حسيت بيها بتحرق الدهون :icon15:

حطيت ينسون على زنجبيل على قرفة على زعتر :icon17: وتوكلت على الله وشربت الحمد لله انى مش لقيت عندى اعشاب تانية والا كنت حطيتها :wacko:

 

 

الغدا بقى اتغديت طبق عدس بالمعلقة من غير عيش

 

ودلوقتى هشرب كوب نيسكافيه بمعلقة واحد سكر

 

والعشا لسه مش عارفة

 

كفاح السكررررررررة اللى انتى حكيتى عليه ده ريجيم متأكده :huh: ورق عنب وجبنة رومى وموز انتى شكلك عايزة تتخنى :mrgreen:

 

انا دلوقتى اطمنت انى هفوز عليكى :grin:

 

ام القوارير العسل ورحوقتى الجميلة برافو عليكم :icon15:

 

الحبيبات الجدد اللهم صلى وسلم على محمد ومحبة كلام الله

نورتونا فى سباقنا نحو حياة اجمل واخف بالرشاقة :smile:

 

شدوا حيلكم معانا

 

نسيت اقول انى احبكم فى الله :wub: