"كونى أجمل الرشيقات "المتابعة اليومية والاسبوعية هنا

[رضاك يارب 7]

تقيمى اليوم

فطار 2 ارز وسمكه 200جرم لانى صحيت متاخر فخليت النشويات الصبح20%

الغذاء كوب زبادى واستفندايه 20%

العشا واحد توست وجبنه قريش20% الرياضه0%

الم5%

تقيمى اليوم65%

[نوفا* 10]

يابنات البيريود اتاخرت وانا خايفه من ان يكون بسبب ضعف الرجيم

 

جايز يا حبيبتى يكون ربنا استجاب دعواتى

 

لى عودة بعد اليوم مايخلص بالنسبة لى

 

علشان أقول تقييم اليوم وأمس

[رضاك يارب 7]

يارب يانوفا بس انا مش عندى اعراض الحمل

[رضاك يارب 7]

بس والله مفيش شئ بعيد على ربنا

ربنا اذا اراد شئ يقول له كن فيكون

[**نحو غدٍ أفضل** 15]

أم سلمى إنتى فين مختفية ليه ؟ :ninja:

 

 

 

ربنا يوفقك يا نهلة إن شاء الله تكونى ماشية على الرجيم تمام :rolleyes:

 

 

 

أم عمر و مريم كيف حالك إن شاء الله تكونى بخير مستنينك يوم الخميس إن شاء الله :biggrin:

 

 

 

نوفا إذيك أخبارك إيه إن شاء الله توصلى للإنتى بتتمنيه فين التقييم ؟؟ :biggrin:

 

مرمر ما شاء الله تقييم الأكل بتاعك ممتاز بس أنا زعلانة منك ليه المياه 5% بس :ohmy:

 

يارب يكون تأخير الperiodوراه خبر حلو إن شاء الله :biggrin:

 

فأجلى الرياضة لغاية ما تتأكدى إن شاء الله

 

 

 

سهام ما شاء الله عليكِ ربنا يقوى عزيمتك و إصرارك :-

 

 

 

طبعاً أحسن واحده يوم الثلاثاء

 

سهام

 

80%

 

بسم الله ما شاء الله ، اللهم بارك

[ام رميساء و جنى 16]

ربنا يبارك فيك يا ايمان والله انا رغم الجوع والتعب بفرح لما بلاقي نتيجة حلوة

 

اختي رضاك يارب.يارب يكون تاخر الحيض حمل يارب وتدخلي تبشرينا

 

ام سلمى الكسولة ادخلي باءا كفاية اكل في البيتزا والشوكولاطة ههههه مستنيينك حبيبتي

 

سلامي لكل اخت معانا

[رضاك يارب 7]

حبيباتى ربنا يخليكم يارب على قلوبكم الطيبه

ربنا ييسر ويكرم لكن والله بحاول مش احط فى دماغى علشان كتير ما احبط لكن ربنا يكرم

المهم انا امبارح لخبط بالليل

لان حسيت بضعف جامد وقلت الخبط واكل كويس علشان ممكن تكون قلة نزول البريود ضعف فى الاكل وفى دكتولره قالت لى كده

فلخبط بالليل بعد ما كتبت التقيم

وبصراحه كان عندى اكتأب غريب امبارح وبقاله كام يوم اكيد من اعراض البريود

انا هحاول اظبت حالى انهاردا وان مش كان

هسيب المساله كام يوم وابدا الرجيم تانى من السبت الجاى بس مش هبوظ الدنيا اوى

ادعولى بالله عليكم

ان كان حمل ربنا يكرم وان كان لا تقطع حرتى لان نفسيتى تعبانه

[نوفا* 10]

يارب يا مروة يكون خير وتبشرينا

 

بس بلاش رياضة دلوقتى خالص لغاية ما تتأكدى

 

وبالنسبة للأعراض فمفيش أعراض من بدرى كدة

 

بصى لويومين كمان والبريود ماجتش هاتى تحليل سريع

 

من الصيدلية بيظهر النتيجة بعد يوم تأخير( أنا مش فاكرة اسمه دلوقتى)

 

وتطمنينا ....وبلاش إكتئاب .....فين إرادتك اللى تتغلبى بها على اكتئابك .

 

بالنسبة لتقييمى يوم الأتنين كان 80% بسبب الميه

 

ويوم الثلاثاء الحمدلله 100%

 

النهاردة : الفطار 20% الغذاء 20% وبعد الغدا أكلت حلويات

 

بس حلفت على نفسى إنى مش هكل حاجة باقى اليوم إلا لو كان

 

كوب لبن منزوع الدسم أوزبادى والمية 20% والرياضة20%

[**نحو غدٍ أفضل** 15]

بالتوفيق يا بنات

 

علفكرة يا نوفا ممكن يومك ميبوظش حتى لو أكلتى حلويات طالما مجموع السعرات معداش المسموح به

 

 

تقييمى

 

فطار = 20

 

غداء = 20

 

عشاء = 10

 

مياه = 20

 

رياضة = 20

 

مجموع = 90%

 

بكرة الميزان إن شاء الله متنسوش

[ام رميساء و جنى 16]

تقييمي اليوم

 

فطار=20

غدا=20

عشا=20

ماء=20

رياضة=20

 

المجموع = 100

 

بانتظار الميزان

[نوفا* 10]

يا بنات أنا وزنى 81.5يعنى نزلت كيلو ونصف أنا فرحانة أوى عقبالكم كلكم

 

علفكرة يا نوفا ممكن يومك ميبوظش حتى لو أكلتى حلويات طالما مجموع السعرات معداش المسموح

 

حاسةإن حساب السعرات دة موضوع صعب منين هجيب سعرات كل

 

حاجة هكلها ....هكتب لك فى يوم ااااااااأكلى وتقولى لى عد السعرات

 

علشان أعرف بتحسبى ازاى يا ايمى

[رضاك يارب 7]

بالتوفيق يابنات

انا مش معاكم الاسبوع ده

لانى مش هوزن لانى كده كده هزيد

وامبارح لخبط جدا

حبيبتى نوفا ربنا يخليكى ويوفقك

علرفه والله خايفه اعمل تحليل

ويطلع على الفاضى

بس ربنا يسهل

بس سمحونى على اللخبطه

وبدعلكم كلكم يارب ربنا يوفقكم

[رضاك يارب 7]

يابنات ادعولى بالله عليكم

[**نحو غدٍ أفضل** 15]

بالتوفيق يابنات

 

ربنا يخليكى يا مرمر و يوفقك

 

انا مش معاكم الاسبوع ده

لانى مش هوزن لانى كده كده هزيد

وامبارح لخبط جدا

 

ماشى يا ستى بس عايزين حماس الأسبوع دا إن شاء الله

 

 

حبيبتى نوفا ربنا يخليكى ويوفقك

علرفه والله خايفه اعمل تحليل

ويطلع على الفاضى

 

 

اعملى و توكلى على الله حتى لو طلع مفيش حاجة هتبقى على الأقل ارتحتى من القلق

 

 

 

بس ربنا يسهل

بس سمحونى على اللخبطه

 

علفكرة أنا ساعات ببقى ملخبطة و خايفة أوزن بس لما بوزن بيبقى حاجة من 2 و كلهم كويسين

 

1- إما ببقى زايدة و دا بيدينى دافع قوى إنى التزم لغاية ما أنز إللى زدته

 

2- أو ثابتة فبفرح لأنى لغبطت و مزدتش

 

 

وبدعلكم كلكم يارب ربنا يوفقكم

 

 

ربنا يوفقك يا مرمر و يرزقك الذرية الصالحة

[**نحو غدٍ أفضل** 15]

يا بنات أنا وزنى 81.5يعنى نزلت كيلو ونصف أنا فرحانة أوى عقبالكم كلكم

 

 

مبارك عليكى انزول يا نوفا إن شاء الله توصلى للوزن إللى إنتى عايزاه

 

أنا كنت متوقعالك نتيجة حلوة لأنك ما شاء الله الأسبوع دا التزمتى و من جد وجد

 

علفكرة يا نوفا ممكن يومك ميبوظش حتى لو أكلتى حلويات طالما مجموع السعرات معداش المسموح

 

حاسةإن حساب السعرات دة موضوع صعب منين هجيب سعرات كل حاجة هكلها ....

 

هو فعلاً فى الأول بيبقى صعب كل شوية تجيبى الورقة و تبصى و تحسبى و تعايرى بس مع الوقت هتلاقى

 

نفسك كمبيوتر بتحسبى كل حاجة من مخك على طول من غيرى ما تبصى على الورقة بس بترجعلها أحياناً لو مش متأكدة من سعرات حاجة معينة

 

هكتب لك فى يوم ااااااااأكلى وتقولى لى عد السعرات

 

علشان أعرف بتحسبى ازاى يا ايمى

 

تحت أمرك يا ستى و لا يهمك الموضوع دا بقى بالنسبة لى سهل أوى و الحمدلله

 

[**نحو غدٍ أفضل** 15]

الحمد لله الأسبوع دا نزلت نص كيلو الحمدلله

 

 

يلا يا بنات فى إنتظار باقى الموازين

 

سهام

 

شيماء

 

نهلة

 

أم عمر و مريم

 

مرمر أجازة النهاردة بس لو غيرتى رأيك مفيش مشكلة

[رضاك يارب 7]

يابنننننننات

الدددددعواتن

بالله عليكم

[نوفا* 10]

والله بدعيلك يا رورو ....من غير ما تطلبى

 

وحاسة إنه خير.....اعملى التحليل وتوكلى على الله

 

وحتى لو مفيش حاجة هترتاحى من القلق زى إيمان مابتقول

 

وكمان على فكرة إنتى كنتى ماشية كويس الأسبوع دة انتى لخبطى آخر

 

يوم أويومين ولو كنتى وزنتى أنا متأكدة إنك هتكونى خسيتى

[رضاك يارب 7]

والله يانوفا خايفه انزل السلم علشان احنا فى السادس

وادعولى لانى بجد كل يوم بجس قلبى بيقف من الخوف

[رضاك يارب 7]

انا نفسى ارتاح من الحيره بس لو مش حمل هقلق اكتر لانى كده معناه ان تبويضى مش تمام المره ده

وانا عمرى ما اتاخرت عليا

[نوفا* 10]

بصى اتصلى بجوزك خليه يجيب التحليل وهو جاى

 

لأن الشيطان مش هيسيبك هيفضل يلعب بدماغك

[رضاك يارب 7]

لا يانوفا مش سبت للشيطان فرصه

ههههههههههههههههههههه

ربنا يخليكم يارب

[**نحو غدٍ أفضل** 15]

يابنننننننات

الدددددعواتن

بالله عليكم

 

 

أسأل الله العظيم رب العرش العظيم أن يرزقك الذرية الصالحة و يهديك و يصلح بالك

 

و إن شاء الله ييسر لك الخير حيث كان

 

كل شئ من عند الله طيب و جميل الحمدلله

[رضاك يارب 7]

انا وزنت انهاردا مش زدت 67.5

بس شكلى هزيد كتير اليومين الجاييين ههههههههههههههههههه

[**نحو غدٍ أفضل** 15]

انا وزنت انهاردا مش زدت 67.5

بس شكلى هزيد كتير اليومين الجاييين ههههههههههههههههههه

 

طيب الحمد لله

 

إن شاء الله توصلى 67.5

 

ابقى طمنينا عليكى يا مرمر