أم ريتاج 7 أرسلي تقرير عن المشاركة قامت بالمشاركة 30 نوفمبر, 2007 السلام عليكم و رحمة الله و بركاته و ده الرجيم اللى مشيت عليه النهارده بس ده 8 ايام مش سابعة الافطار اليومى :oops: كوب شاي بحليب منزوع الدسم + ثمرة فاكهة اليوم الاول و الثاني : طول اليوم الواحد و بعد الافطار الى النوم باكل 1.5 كيلو فاكهة من المسموح بيها فقط يعنى بتغدى و اتعشى بيهم اليوم الثالث و الرابع : فراخ او لحم مسلوقه او مشويه بدون دهن او جلد (اى كميه ) برضوه غداء و عشاء اليوم الخامس و السادس : خضار طازج او نى في ني ماعدا ( البطاطس - القلقاس - البسلة - البنجر - البقوليات ) باى كمية السابع : زبادى بدون قشطة طوال اليوم او جبن قريش الثامن : سمك مشوى او تونه مصفاه من الزيت تماما + سلطه خضراء يا بوبة يا جميلة معلش الصديقة مش قدرت تدخل تكتب لك الدايت عشان عندها ظروف المهم ان هو ده الدايت اللى هى كانت بتقول عليه و فعلا زي ما قالت لك جميل جدا و ربنا معاكي و طمنيني عليكي استودعك الله شارك هذه المشاركه رابط المشاركه شارك
بسبوووسة 0 أرسلي تقرير عن المشاركة قامت بالمشاركة 30 نوفمبر, 2007 وحشتووووووووووووووووووووووووووووووووووووووووووووووووووووونى معلش انا اسفه جدا جدا انى مكنتش بدخل بس اكيد انتم عرفين الظروف هى المشكله لسه موجوده بس الحمد لله خطيبي كان له دور كبير في انه يخفف عنى ويحاول انه يحلها كمان الحمد لله انا دلوقتى كويسه وبدعى ربنا انه يهدى الجميع علي فكرة انا ثبت خلاص علي 70 وعودى بقي تحفه والله سبحان الله مين كان يصدق انى من 86 ابقي 70 بجد الحمد لله عقبالكم كلكم يااااااااارب وربنا معاكى ياصديقه واحب الرحمن وكل اللى لسه منزلوش للوزن المطلوب احبكم في الله يااحلى اخوات في الدنياااااا :icon15: شارك هذه المشاركه رابط المشاركه شارك
أحب الرحمان 0 أرسلي تقرير عن المشاركة قامت بالمشاركة 30 نوفمبر, 2007 السلام عليكم ورحمة الله وبركاته،، جزاكي الله خيرا يا ام روجي وانا هحاول ان شاء الله امشي عليه بس امبارح خدت اليوم كله فاكهه وجيت علي باليل ومقدرتش واكلت ربع رغيف وبيضه هحاول امشي عليه ان شاء الله بس عايزه اعرف انتي لما استعملتيه خسيتي كام كيلو في الاسبوع وكمان عايزه اعرف لازم امشي بترتيب الايام دي يعني ممكن ابدل مثلا اليوم التاني بالتالت ومعلش هتعبك يا ام ريتاج انا امبارح جربت بذرة الكتان غليتها كويس وبعدين لقيت لون الميه زي ما هيه فهل بقي اطحنها ولا هيه اصلا ملهاش لون بينزل في الميه انا جبتها شكلها عامل زي السمسم ولونها بني وجزاكي الله خيرا :blink: وطمنينا علي الصديقه واخيرا ظهرتي يا بسبوسه حمد الله علي السلامه متغبيش علينا تاني :closedeyes: شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 30 نوفمبر, 2007 السلام عليكم ورحمة الله وبركاته،، ربنا يخليكي يا ايه لو تسمحيلي اناديكي بتوتة زي اختي اصل اسمها ايه بردو وبحب اوي اناديها بالاسم دا بجد بجد يا ام روجي لو الرجيم دا بيقلل ل7 كيلو انا همشي عليه وخصوصا ان انا زي ما انتي عارفة ممشيتش على رجيم لكن بحاول اقلل من الاكل العادي بس ياريت فعلا تأكديلي بيقلل كام كيلو في اول اسبوع لاني لا اعتقد انه نفس الوزن هينزل في تاني اسبوع وخصوصا ان اختنا الصديقة الصدوقة كتبت يعنى لو انتى بدأتيه و مش كان قبله رجيم تخسي من 5 الى 7 فأتمنى انه يمشي معايا والحمد لله يا بسبوسة انك رجعتلنا مبسوطة وانك كمان وصلتي للوزن الى كنت تتمنيه عقبالنا وربنا يعين اختنا الصديقة الصدوقة ويتمم لها على خييييييييييييييييييير وان شاء الله يا احب الرحمن تخسي وتوصلي للوزن الّي انتي نفسك فيه وربنا يوفق الّي لسه بيدرسوووووووووووووووووووو معلش اول سنة اخدها راحة بعد 17 سنة مذاكرة دي مش شماته :icon15: اللهم لا شماتة بس انا بقول عقبالكووووووووووووووووو :mrgreen: شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 1 ديسمبر, 2007 السلام عليكم و رحمة الله و بركاته ازيكم يا كتاكيت عاملين ايه وحشتوووووووووووووووووووووووووووونى جدا جدا جدا بوسي الجميله ربنا يهدي لك الحال و يبعد عن الشر و الهم و الحزن و يسعد ايمك يارب و يهديهم لك و ربنا يحبب فيكي خلقه القريب و البعيد و ميروك عليكي وزنك ( ما شاء الله تبارك الله ) المهم بقا انك تحافظى عليه ان شاء الله على فكره انا مستنياكي بقالى فترة على الماسنجر و انت و لا انت هنا يا جميل هدهد العسولة وحشانى يا هدهد بقولك صحيح ياريت تبعتى لى ايميلك مع الغالية ام السعد فى رسالة خاصة ( طبعا لو مش عندك مانع ) و لو مش هينفع عادى و مش فى مشكلة و بعدين ايه يا هدهد ده انتى بتزلى العيال و لا أيه عشان لسه مش خلصوا الدراسة على فكرة انا عايزة اقولك انك ان شاء الله هترجعى تذاكري تانى غصب عنك مع اولادك يا حبيبتى ان شاء الله و ساعتها هتحسي احساس عجيب انك قاعدة تذاكري للعيال و انتى اصلا مش عارفه تفهمى اصلا المناهج دي و تلاقى نفسك تزعأى للعيال و تقولى لهم انت مش عارف تفهم ليه ده سهل جدا و انتى اصلا :oops: :smile: :oops: :oops: ( اظن انتى فهمتى ) بوبة الغالية شوفى يا عسلية بالنسبة للرجيم ده لو مشيتى عليه زي ما هو بالظبط هتخسي حلو جدا فعلا و زى ما الوزة قالت لكم ممكن تخسوا من 5 الى 7 كيلو فى الاسبوع ده و لازم تمشي عليه زى ما هو بالحرف الواحد و مش تبدلى حاجة بحاجة خالص و عايزة كمان اكتب لكم الرجيم ده على فكره هو زى ال 8 ايام اللى فاتو بس ده 7 و تقريبا بردوا بيجيب نفس النتيجه و انا دايما كل ما احس انى زدت شوية عن معدلى باعمل لى اسبوع من ده بس على فكرة ال 8 ايام او ال7 مش بيتكرر ورا بعضه يعنى مش ينفع تعملوا اسبوعين ورا بعض زي بعض و هبقا اكتب لكم النظام اللى بعد ال8 او ال7 بس اما تقولوا لى انتوا هتعملوا ده و لا لأ اليوم الاول : - كله فاكهة باى كمية ( فطار و غدا و عشا ) ماعدا الفاكهة الممنوعة اليوم التانى :oops: كله خضار باى كمية ( فطار و غدا و عشا ) ماعدا البطاطس و البسله و القلقاس و البنجر و البقوليات اليوم الثالث :oops: خليط من الفاكهة و الخضار يعنى اللى فضل منك فى اليومين اللى فاتوا جمعيهم و كوليهم فى اليوم ده اليوم الرابع :tongue: يوم السمك و الجمبري المشوى او المسلوق بأى كمية + السلطة الخضراء و يمكنك فى اليوم ده انك تفطري ببيضتين السوم الخامس :tongue: يوم اللحوم و الفراخ بأى كمية بس اللحمة من غير دهون و الفراخ تسويها من غير جلد + السلطة الخضراء و يمكنك فى اليوم ده انك تفطري ببيضتين اليوم السادس :tongue: نوع واحد فاكهة من المسموح بها طوال اليوم ( فطار و غدا و عشا ) اليوم السابع:tongue: نوع واحد فاكهة من المسموح بها طوال اليوم ( فطار و غدا و عشا ) و يفضل نفس نوع اليوم السابق و شوفي بقا مش ينفع التبديل فى الايام و لا تناول الدهون و لا الزيوت و الزبد و لا السمن و لا اللحم الضانى و لا الهمبرجر و ما شابه لازم تشربي ميه كتير و تشربي شاى و قهوة و كركديه و ينسون بدون سكر او تستعملى الدايت سويت و مسموح لك بملعقتين سكر فى اليوم ممنوع شرب العصائر و لا المياه الغازية ممكن تشربي عصير ليمون و تستعملى الدايت سويت و ممكن تشربي كوب شاى بربع كوب لبن منزوع الدسم على فكره بقا الاسبوع ده جميل جدا ليكي يا احب الرحمن و يا هدهد جربوه و على ضمانتى بس من غير لغبطه شارك هذه المشاركه رابط المشاركه شارك
el_3abeda 0 أرسلي تقرير عن المشاركة قامت بالمشاركة 1 ديسمبر, 2007 شكرا قووووووووووي ياقمر علي الوصفه الجميله ده انا جربتها من سنه وجابت نتيجه كويسه طب بين الوجبات هناكل ايه اصل ده دايما مشكلتي مع الرجيم . كمان انا بمرض من الاسماك وكل حاجه في البحر ممكن اخد ايه بداله انا عندي وصفات رجيم كتير ممكن أنزلها وشكرااااااااااااااااااااااااااااااااااااااااااااا شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 1 ديسمبر, 2007 السلام عليكم ورحمة الله وبركاته،، الغالية بجد بجد بجد ام روجي اولا بالنسبة للعيال ماما امبارح كانت بتتخانئ معايا لاني سيباهم ليها لوحدها (اخواتي ) بس بصراحة انا قلبتها لهزار اصل لما بعّد مع اي حد بيفضل يتكلم ونضحك وفي الاخر بردو بيرجعو لماما كأنك يابو زيد ما غزيت (بصراحة معرفش بتتكتب ازّاي ؟ ) يعني انا حاولت لكنها كل الّي كان طالع عليها امبارح " شوفي الناس بتساعد امّاهاتها ازّاي وانتي قاعدة مبتعمليش حاجة" انا بقول انها لازم تفضل متعوّدة على كدا افرضي مثلا جالي عريس :biggrin: :wub: هل معقولة هسيبه واعّد ازاكر للعيال :laugh: :laugh: ولاّ كمان بعد ما اروح بيتي اسيبها تحتاس بيهم انا قلت لا طبعا ولازم تفضل متعوّدة على الوضع دا :tongue: :tongue: :tongue: اما بالنسبة للرجيم الّي انتي كتبتيه اليوم الاول والتاني كويسين التالت لا اعتقد هيكون فيه سمك او جمبري وخصوصا الجمبري في الايام دي والسمك فلازم الاسرة كلها تاكل وطبعا مش همشّيهم على هوايا فهل ممكن ابدله بتونة مصفّاه من الزيت والباقي سوف اكمله بعدين لان ماما عوزاني دلوقتي شارك هذه المشاركه رابط المشاركه شارك
أحب الرحمان 0 أرسلي تقرير عن المشاركة قامت بالمشاركة 1 ديسمبر, 2007 السلام عليكم ورحمة الله وبركاته،، أزيكم يا بنات عاملين أيه هو فين يا بنات أنسيتم هي مختفيه ليه أزيك ياام ريتاج انا عملت الرجيم اللي انتي كتباه ده قبل كده والنتيجه كانت كويسه وانا ان شاء الله هحاول امشي عليه انا امبارح كلت اليوم كله برتقال بس صحيت النهرضه تعبانه جدا وضربات قلبي سريعه فلخبط شويه عشان كان لازم اكل بس لخبطه بسييييييييييييييييطه جدا والله ربنا معايا بقه واخس اصل انا المشوار قدامي طويييييييييييييييييييييييل لاني عايزه انزل لل65 :cry: :sad: :rolleyes: :cry: ادعوووووووووووووووووووووووووووووووولي شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 2 ديسمبر, 2007 السلام عليكم ورحمة الله وبركاته،، بداية ربنا معاكي ومعانا كلنا يا احب الرحمن انا بدأت في الرجيم دا من امبارح وكان اليوم كله نوّعت بين البرتقال والجوافة وجيت وانا على السرير ومش لاقيت غير الحرب العالمية التالتة بدأت في بطني :laugh: :laugh: لقيت نفسي جعانة جدا مع اني اكلت برتقالة قبل ما ادخل السرير والحمد لله اخواتي كانو نايمين ومحسّوش بيها :blush: :wub: بس انا قاومت ونمت على كدا الحمد لله نيجي بأاا لوصفة الرجيم بتاعتك يا ام روجي انا كان قصدي اليوم الرابع الّي فيه السمك معلش اما اليوم الخامس فعاجبني جدا واخر يومين بصراحة ربنا يعين الواحد عليهم المفروض الواحد يعوضهم في اليوم الخامس :rolleyes: :tongue: وفي النهاية انا لا بشرب شاى و لاقهوة و لاكركديه و لاينسون واصلا مش بشرب مياه غازية ومتقلقيش مش هشرب عصير بس ممكن اشرب نعناع انا عموما بشربو من غير سكر شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 2 ديسمبر, 2007 بقولك صحيح ياريت تبعتى لى ايميلك مع الغالية ام السعد فى رسالة خاصة ( طبعا لو مش عندك مانع ) و لو مش هينفع عادى و مش فى مشكلة انتي ممكن بس تقوليلي كيف ممكن ابعت الرسالة الخاصة وانا هبعتها علطول باذن الله بس ادعولي ان اخواتي الصبيان ميطردونيش برّ اوضتهم وخصوصا ان النت عندهم شارك هذه المشاركه رابط المشاركه شارك
أحب الرحمان 0 أرسلي تقرير عن المشاركة قامت بالمشاركة 6 ديسمبر, 2007 السلام عليكم ورحمة الله وبركاته،، أزيكم يا بنات عاملين أيه هو أحنا مش أتفقنا أن أحنا هندخل ونشجع بعض (ولا هو كلام عيال :cry: ) أنا هبدأ بال تشجيع أنا خسيت الأسبوع ده بسم الله ماشاء الله لاحول ولا قوة إلا بالله اللهم ما بارك خسيت 4 كيلو يلا بقي أدخلوا ونشجع بعض ياريت تجاوبيني يا أم ريتاج علي بذرة الكتان شارك هذه المشاركه رابط المشاركه شارك
نور84 0 أرسلي تقرير عن المشاركة قامت بالمشاركة 7 ديسمبر, 2007 السلام عليكم ورحمة الله انا بعد طول جهاد قدرت اني اواظب علي الرجيم ولحد دلوقتي خسيت 2 كيلو في اسبوع وشوية مع اني ساعات كنت بلخبط في الرجيم بس مش قوي الحمدلله ..... قدامي كمان12 كيلو الله المستعان مش هاوقف الا لما انزلهم ان شاء الله علي فكرة يا بنات انا لاحظت في رودوكم ان فيه منكم بيعمل رجيم اللي هو طول اليوم فاكهه بس انا سمعت الدكتور في برنامج بيقول ان ده من اخطر انواع الرجيم وانه بيجب للجسم خلل وبيفقد منه عناصر كتير هو اه بيخسس بسرعة بس نتائجة فيما بعد وحشة واولها ان بعد ما تخلصي وتبداي تاكلي عادي كل الوزن اللي فقدتيه بيرجع تاني وفي فترة صغيرة بجانب ان جسمك بيضر ...... ايه المانع لما تاكلو بس حاجات سعراتها قليلة ووجبات تعتبر خفيفة وربنا يحفظنا جميعا شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 7 ديسمبر, 2007 السلام عليكم ورحمة الله وبركاته،، مبروووووووووووووووووووووووووووك الف الف الف الف مبروك للبنات الي خسوّووووووووووووووو بصراحة اختي نور كلامك فعلا صحيح وعشان كدا لم اكمل الرجيم ووقفت من رابع يوم لكني بحاول ارجع زي زمان ولا اكل الا وقت ما اجوع وهحاول باذن الله اكل نشويات مرة واحدة في الاسبوعومش هكتّر منها انا بيراودني احساس كدا غريب انّ والعياذ بالله وقفّنا كلام عن الرياضة واصبح الرجيم في المقام الاول وقبل الرياضة وعشان كدا احب اسأل الحلوين الّي بيعملو رجيم واقولهم : ايه اخبار الرياضة معاكم يا امامير ؟ شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 10 ديسمبر, 2007 (معدل) السلام عليكم و رحمة الله و بركاته ازيكم يا بنات عاملين ايه انا النهاردة عايزاكم تباركوا لاختنا zad1983 عشان تزوجت الحمد لله و الشكر لله في صفحة مباركة ليها في ساحة المباركة و المواساة يالا يا بنات كلنا نبارك لها و عقبال كل البنات عقبال ما افرح بكم عقبالكم كلكم انوسه الجميلة و بسبووسة و احب الرحمن و هدهد و الصديقة الصدوقة و هبة المسلمة و كل كل البنات يارب تم تعديل 10 ديسمبر, 2007 بواسطة أم ريتاج شارك هذه المشاركه رابط المشاركه شارك
سبيل الشام 0 أرسلي تقرير عن المشاركة قامت بالمشاركة 11 ديسمبر, 2007 بسم الله الرحمن الرحيم الوصفة الاولى: تتمثل الوصفة الأولى فى كوب من عصير البقدونس الساخن صباحاً.. ولتحضيره يتم من خلال حزمة بقدونس يتم غسلها جيداً ثم يتم تقطيعها ووضعها فى إناء به كوبان من الماء ورفعها على النار حتى الغليان ثم نتركه حتى يبرد ويصفى ويشرب ساخن.. وللعلم فإن هذه الوصفة تعطي الجسم الرشاقة بالإضافة إلى تخفيف الوزن. الوصفة الثانية: أما الوصفة الثانية فهى عبارة عن 4 جزرات متوسطة الحجم يتم تحضيرها ويتم غسلها جيداً ثم يتم تقطيعها على شكل دوائر ويتم غمرها في كوبين من الماء ورفعها على النار حتى تنضج ثم يصفى ويصبح السائل جاهز للشرب، يراعى أن يتم شرب هذا السائل كلما شعرت المرأة بالجوع.. او بمعدل مرتين على الأقل يومياً.. وهذه الوصفة تفيد في التخلص من الوزن ومنح قوام رشيق. الوصفة الثالثة: تتمثل هذه الوصفة فى مشروب مغلى ورق العنب الأحمر.. حيث يستخدم غلى ورق العنب الأحمر مع الشومر وبذور الجزر كشراب مقبول للتخلص من الوزن الزائد ويتم تحضير هذه الوصفة بإستخدام ملعقة من أوراق العنب الأحمر المهروس وملعقة من الشومر مع كوب من الماء على أن يوضع الخليط على النار لدرجة الغليان ثم يتم تصفيه الخليط ويؤخذ على الريق مرة صباحاً ومرة مساءاً.. ويستمر استخدام هذه الوصفة لمدة شهرين كاملين. أرجو ان اكون قد افدتكن :icon15: سبيل الشام شارك هذه المشاركه رابط المشاركه شارك
mayadadiab 0 أرسلي تقرير عن المشاركة قامت بالمشاركة 12 ديسمبر, 2007 بارك الله فيكي اختي سبيل الشام واريد ان اضيف اني جربت مشروب البقدونس وفعلا له نتيجه جميله في تخفيف الوزن وانا عرفته من اخصائي التغذيه اللي انا متابعه معاه بس هو في مشكله واحده بس انه بيجعلك تدخلي الحمام كتييييييييييييييييييير مش عايزه اقولك ربنا بيسترها معايا كتييييييييييييييييييير :wub: :dry: :dry: وعمري مابخده وانا خارجه او ورايا مشوار علشان ميحصلش حاجات مش كويسه :cry: ;-) :wub: شارك هذه المشاركه رابط المشاركه شارك
سبيل الشام 0 أرسلي تقرير عن المشاركة قامت بالمشاركة 12 ديسمبر, 2007 ههههههههههههههههههههههههههـ دمك خفيف أختي mayadadiab :) ومنيح التبول بكثرة مش عيب .. العيب انك تبولي على حالك :) 100000 شكر على مرورك العطر شارك هذه المشاركه رابط المشاركه شارك
شـيراز 0 أرسلي تقرير عن المشاركة قامت بالمشاركة 19 ديسمبر, 2007 السلام عليكم ورحمة الله وبركاته،، كيف حالكم أخواتي الغاليات أرجو أن تكونوا بخير كل عام وأنتم بخير أختى أم ريتاج عاوزة أسألك على حاجة أنتي كتبتي في طريقة شوربة حرق الدهون حبة ملفوف ( كرنب ) كبيرة الحجم لا أفهم هل تقصدين الكرنب الذي يستخدم في سلطة الكولوسلو أم هو شيء أخر ؟ وأيضا كتبتي كيس من أكياس شوربة البصل الجاهزة عفوا لا أفهم هل تقصدين شوربة أندومي مثلا وأيضا أسأل نفس سؤال الأخت أم عبد الرحمان عن بذرة الكتان لونها يكون شفاف هل هذا عادي وأنا أضعها مع الشاي الأخضر هل يوجد مشكلة ؟؟؟؟؟؟؟؟؟؟؟؟؟؟؟؟ وجزاكي الله خيرا أختي أم روجي شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 22 ديسمبر, 2007 السلام عليكم ورحمة الله وبركاته،، كيف حالكم أخواتي الغاليات أرجو أن تكونوا بخير كل عام وأنتم بخير أختى أم ريتاج عاوزة أسألك على حاجة أنتي كتبتي في طريقة شوربة حرق الدهون حبة ملفوف ( كرنب ) كبيرة الحجم لا أفهم هل تقصدين الكرنب الذي يستخدم في سلطة الكولوسلو أم هو شيء أخر ؟ وأيضا كتبتي كيس من أكياس شوربة البصل الجاهزة عفوا لا أفهم هل تقصدين شوربة أندومي مثلا وأيضا أسأل نفس سؤال الأخت أم عبد الرحمان عن بذرة الكتان لونها يكون شفاف هل هذا عادي وأنا أضعها مع الشاي الأخضر هل يوجد مشكلة ؟؟؟؟؟؟؟؟؟؟؟؟؟؟؟؟ وجزاكي الله خيرا أختي أم روجي السلام عليكم و رحمة الله و بركاته الغالية ام سلمان كل سنة و انتى طيبة حبيبتى شوفى بالنسبة للملفوف هو الكرنب العادي مش بتاع الكولسلو يعنى الكرنب اللى بنحشيه بالرز بالنسبة لشوربة البصل عادى بنحط بصل بس على باقى المكونات و شوية ميه و خلاص انا كنت بعملها كده و بالنسبة لبذرة الكتان فهى فعلا مهما بتغلي بيبقى لونها شفاف الى حد ما او مصفر شوية شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 28 ديسمبر, 2007 السلام عليكم و رحمة الله و بركاته انا مش عارفه الاخوات بتوع الرجيم راحوا فين طيب ايه حربي و راحت تحج و يارب ترجع لنا بالف سلامة و مش تكون نسيتنا فى دعائها امال بقا فين الحلوات اللى كانوا عايزين يخسوا بسبوسة و احب الرحمن و انسيتم الجنه و المؤمنه بالله و هدهد الاخوات دول راحم فين بقا يكونش من كتر الرجيم اللى عملوه خسوا خالص لحد ما اختفوا و محدش بقا شايفهم :ninja: :ninja: ممكن برضو :wub: :wacko: :wacko: طيب على العموم انا هروح لدكتور دايت اعتبارا من 16/1/2008 ان شاء الله انا و الصديقة الصدوقة حجزت الميعاد ده بس انا دلوقتى مقلله فى اكلى قوى و مش بتعشى عشان انا اصلا عيانه ( الحمد لله) و اول نظام ان شاء الله هاخده هكتبه لكم على طول و اقولكم على التعليمات عشان اللى عايزة تمشى معانا في ذات الوقت و ربنا معانا ان شاء الله شارك هذه المشاركه رابط المشاركه شارك
*المؤمنة بالله* 0 أرسلي تقرير عن المشاركة قامت بالمشاركة 28 ديسمبر, 2007 السلام عليكم و رحمة الله و بركاته انا مش عارفه الاخوات بتوع الرجيم راحوا فين طيب ايه حربي و راحت تحج و يارب ترجع لنا بالف سلامة و مش تكون نسيتنا فى دعائها امال بقا فين الحلوات اللى كانوا عايزين يخسوا بسبوسة و احب الرحمن و انسيتم الجنه و المؤمنه بالله و هدهد الاخوات دول راحم فين بقا يكونش من كتر الرجيم اللى عملوه خسوا خالص لحد ما اختفوا و محدش بقا شايفهم :ninja: :ninja: ممكن برضو :wacko: :wacko: :wacko: طيب على العموم انا هروح لدكتور دايت اعتبارا من 16/1/2008 ان شاء الله انا و الصديقة الصدوقة حجزت الميعاد ده بس انا دلوقتى مقلله فى اكلى قوى و مش بتعشى عشان انا اصلا عيانه ( الحمد لله) و اول نظام ان شاء الله هاخده هكتبه لكم على طول و اقولكم على التعليمات عشان اللى عايزة تمشى معانا في ذات الوقت و ربنا معانا ان شاء الله أختي أم ريتاج إزيك ياغاليه والله وحشاني كتير كتير أنا إنقطعت عنكم الفتره إللي فاتت بسبب المرض لأني أجريت عملية جراحية لإستئصال المراره ولسه يدوب بدأت في إسترداد عافيتي وإنشاء الله أكمل التواصل معكم وبإنتظار النظم والوصفات الجديدة شكرا ليكي يغالية على سؤالك عني شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 30 ديسمبر, 2007 (معدل) السلام عليكم و رحمة الله و بركاته الف سلامة عليكي يا اختى المؤمنة بالله طهور ان شاء الله طيب انتى دلوقتى كويسه ؟ يارب تطمنينى عليكي و ان شاء الله تتعافى و تبقى بصحة كويسة و خالى بالك بعد عملية المرارة من الاكل و اسألى الطبيب عن نظام اكلك و طمنينا عليكي و ان شاء الله تتعافى و نعمل الرجيم سوا تم تعديل 30 ديسمبر, 2007 بواسطة أم ريتاج شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 30 ديسمبر, 2007 السلام عليكم ورحمة الله وبركاته،، الف سلامة على اخواتي الغاليات ام روجي و المؤمنة بالله ان شاء الله في ميزان حسناتكن بس بصراحة انا مش بمشي على نظام رجيم معين لكن بحاول لما اكل مكنش طفسة واكل لما احس ان معدتي شبه فاضية وكدا افضل بالنسبالي كتييييييييييييييييير كتييييييييير شارك هذه المشاركه رابط المشاركه شارك
أم ريتاج 7 أرسلي تقرير عن المشاركة قامت بالمشاركة 30 ديسمبر, 2007 السلام عليكم ورحمة الله وبركاته،، الف سلامة على اخواتي الغاليات ام روجي و المؤمنة بالله ان شاء الله في ميزان حسناتكن بس بصراحة انا مش بمشي على نظام رجيم معين لكن بحاول لما اكل مكنش طفسة واكل لما احس ان معدتي شبه فاضية وكدا افضل بالنسبالي كتييييييييييييييييير كتييييييييير و عليكم السلام و رحمة الله و بركاته المهم انى اطمنيت عليكى يا هدهد يا جميله مش تغيبى عننا كتير و عقبال ما اطمن على بسبووسة و احب الرحمن و هبه المسلمة و انسيتم الجنه شارك هذه المشاركه رابط المشاركه شارك
م/ هدى 0 أرسلي تقرير عن المشاركة قامت بالمشاركة 31 ديسمبر, 2007 و عليكم السلام و رحمة الله و بركاته المهم انى اطمنيت عليكى يا هدهد يا جميله مش تغيبى عننا كتير و عقبال ما اطمن على بسبووسة و احب الرحمن و هبه المسلمة و انسيتم الجنه معلش هو بس تلاقي الامتحانات وخداهم مننا شوية يلا ربنا يوفق الجميع وعقبال ما تشوفي اولادك في الجامعة زيهم على فكرة انا مش بكبّرك بس بقول ان شاء الله :cry: شارك هذه المشاركه رابط المشاركه شارك
