"كونى أجمل الرشيقات "المتابعة اليومية والاسبوعية هنا

[نوفا* 10]

السلام عليكم

تقيمى اليوم

الفطار كان برتقاله وربع رغيف بجبنه

20%

الغذاء معلش معرفتش ازود اصلى كنت بمشى وكانت نفسى مصدوده اكلت ربع رغيف كبير جبنه عشان كسلت اعمل اكل

20%

العشا برتقاله وكمان شويه هاكل برتقاله تانيه ومليش نفس لحاجه تانى كده 20%

اه شربت فنجال قهوه بملعقه وربع سكر اسمر

المشى مشيت ساعه انهاردا لانى عملت فكره تجنن عملت جروب على النت من منطقتى نشجع بعض على المشى وسبحان الله طلع كلنا منتقبات 20%

والماء بحاول اه راحه جايه اشرب يعنى ممكن نقول 15%

المجموع 95%

يارب اسالك الثبات وتقبل منى

أنا حاسة إن كدة قليا أوى يا رورو وبعدين مفيش خضار خالص

 

كدة غلط طيب على الأقل سلطة يارورو كمان

[**نحو غدٍ أفضل** 15]

بكره باذن الله هتلم واكل كتير شوبه وعلى فكره انا سمعت كلمكم واكلت تمره بعد صلاة الفجر وشربت ميه

 

طيب كويس حلو المهم إنك شغلتى معدتك

 

بكره هشوى لحمه واكلها والعبش احاول نصف رغيف

 

ضرورى مع الغداء تاكلى أى خضار و لو بسيط

و لو مش عايزة نص رغيف خدى ربع المهم إن فى نشويات و خلاص

 

والفطار ممكن فول بس اللبن خلص

 

حلو فول ممكن تاخدى بدل اللبن زبادىو النشويات أوعى تنسيها

 

يوم الخميس هجيب لبن بقرى ينفع

 

ينفع طبعاً المهم إنه لبن

 

والعشا بيضه ان شاء الله

حلوة أوى البيضة و الله بتشغل المعدة جامد

لأنها بتحرق سعرات و هى بتتهضم

و إنت كدا عشاكى جميل عاجبنى

لأن وجبة العشاء هى إللى بتتحكم فى الوزن

 

ولا كده البروتين كتير

 

لأ مش كتير ولا حاجة :إنت ليكى 3 وجباب رئيسية يعنى (بروتين+نشويات+كالسيوم+خضروات)

 

و فى النص الفاكهة متنسيهاش

 

ربنا يوفقك إن شاء الله

[**نحو غدٍ أفضل** 15]

السلام عليكم

تقيمى اليوم

الفطار كان برتقاله وربع رغيف بجبنه

20%

 

فطار حلو :roll:

 

الغذاء معلش معرفتش ازود اصلى كنت بمشى وكانت نفسى مصدوده اكلت ربع رغيف كبير جبنه عشان كسلت اعمل اكل

20%

 

كان ممكن بعد شوية لما تريحى تاخدى طبق سلاطة

 

العشا برتقاله وكمان شويه هاكل برتقاله تانيه ومليش نفس لحاجه تانى كده 20%

 

مش مشكلة العشاء تقللى فيه براحتك

 

اه شربت فنجال قهوه بملعقه وربع سكر اسمر

إنت ليكى معلقتين سكر أو تلاتة فى اليوم فبراحتك بس متزوديش عنهم

 

المشى مشيت ساعه انهاردا لانى عملت فكره تجنن عملت جروب على النت من منطقتى نشجع بعض على المشى وسبحان الله طلع كلنا منتقبات 20%

 

جميل ربنا يوفقك

 

والماء بحاول اه راحه جايه اشرب يعنى ممكن نقول 15%

 

بجد إنتى لو عرفتى فوائد المياة و إنها بتخسس سبحان الله مش هتبطلى شرب مياهالمجموع 95%

 

يارب اسالك الثبات وتقبل منى

 

اللهم ثبتنا جميعاً على دينك و تقبل منا

[**نحو غدٍ أفضل** 15]

بجد مكسووووووووووووفة إفهموا أنتم بقى الباقى :cry:

 

 

معلش يا نوفا ربنا يقوى عزيمتك و يكرهك فى الأكل

 

بس بقولك إيه .لازم بكرة إن شاء الله الخميس تقولى نزلتى أو زدتى أو ثبتى

 

لو جيتى كتبتى حتى لو زايدة يبقى إنتى كدا شطورة و مش هنعملك حاجة

 

أما بقى لو مجيتيش خالص يا حلوة

 

فهتكونى ؟؟؟؟ :mrgreen:

[**نحو غدٍ أفضل** 15]

تقيييمى يو التلات

 

بعد الفجر : كوب مياة عليها معلقة عسل

الفطار : كوب إلا ربع لبن + معلقتين بليلة+معلقة عسل + ربع رغيف أسمر+ قطعة جبن صغيرة+نص طماطماية+فلفلاية

 

20%

 

الغداء: معلقتين أرز+طبق سلاطة +طبق صغير كوسة فى الفرن مطبوخة دايت

20%

 

الرياضة : 20%

 

المياة :20%

 

بين الغداء و العشاء : 2 يوستفندى

 

العشاء: خرفت الصراحة 0%

 

تقييمى = 80%

[**نحو غدٍ أفضل** 15]

أحسن واحدة يوم الثلاثاء

 

مرمر

 

95%

[رضاك يارب 7]

بكره الحد الفاصل بكره الميزان يارب مش اصاب بالاحباط

[**نحو غدٍ أفضل** 15]

بكره الحد الفاصل بكره الميزان يارب مش اصاب بالاحباط

 

إن شاء الله محدش فينا يصاب بأى إحباط

[رضاك يارب 7]

نوفا حبيبتى شد ى حيلك حبيبتى خلى عزمتك قويه

تعرفى والله لو قويتى عزمتك حتحسى انك بتحبى نفسك وسبحان الله الانسان لما بيعمل شئ صح بيحب نفسه وبيحس بالتفاؤل وعن تجربه انا قبل الرجيم كل لما بحس ضعفى ادام الاجل كنت بحس باكتاب كل لما اكل لانى حاسه استغفر الله انى مقيده بهذا الاكل لكن فكيت القيوم واصبحت حره لا يملكنى اى شهوه واللهالتحكم فى الذات اول طريق النجاح وكمان فى الاتزام ازاى احنا مش قادرين نقاوم شهوة الاكل الزائده وعايزيم مقاوم ضعف نفسنا فى الشهوات المحرمه

اعلكوا حبيباتى انمقاومة شهوة الطهام ترويض للنفس على مقاومة الشهوات المحرمه فهى باب من بيبان تربية النفس وسهل وفى متناول ايدينا

حبيبتى مريم ربنا يوفقك يارب ويسعدك فى الدناي والاخر

[رضاك يارب 7]

تقيمى اليم

الفطار 20% فطرت ربع رغيف مع فول وكوب نسكافيه بسكر دايت سويت

الغذاء طبق خضار كوسه وكرنب وكرفسوطماطم مسبوقه ولحمه قطع صعيره مشوبه 20%

العشا هقوم دلوقت اكل 2 يسفى 20% بشره زودت الميه حطيت ازازه جنبى واتحديدت نفسلا لازم اخلصها انهاردا وقربت تخلص الحمد لله يبقى 20%

الرياضه بصراحه معملتش بس نزلت السلم واتمشيت اتسوقت وشلت شيل وطلعت بيها للدور السادس مش عارفه ادى نفسى 5% يبقى المجموع 85%

[**نحو غدٍ أفضل** 15]

هو الأكل طبعاً شهوة محدش ينكر

 

بس ساعات بتاكلى مش عشان شهوة الأكل بس ممكن تكونى حاسة بحزن

 

و الأكل بيعطى نوع من السعادة خاصة الحلويات

 

تقييمى النهاردة

 

قبل الفطار: كوب مياة +معلقة عسل + 4 تمرات   الفطار : سمكتين + 4 معالق أرز+سلاطة   بين الفطار و العشاء : موزة +1 يوستفندى   العشاء : موزة+5 تمرات+1 يوستفندى

60%

 

المياة طبعاً الحمدلله = 20% أنا لازم أشرب مياة كتييييييييييييييييييييير

 

الإزازة دى ممكن أشربها فى مرة

 

الرياضة : النهاردة أجازة 0^

 

كدا كله 80%

 

فرقت بينى و بينك يا مرمر 5 %

 

معلش نعوضها المرة الجاية ههههههههههه

 

بكرة إن شاء الله عز وجل الميزان من بدرى ما تنسوش

 

على رأى عيوشة (( يوم الميزان يكرم المرء أو يهان ))

 

ربنا يستر

[**نحو غدٍ أفضل** 15]

أحسن واحدة يوم الأربع

 

مرمر

 

85%

 

بسم الله ما شاء الله لا حول ولا قوة إلا بالله

[رضاك يارب 7]

الخميس الماضى كنت 80

ربنا يسهل بكره لكن انا معلش ممكن اعمله بالليل لانى مش هعرف انزل علشان عندى ضيوف وبحضر لهم الاكل

[**نحو غدٍ أفضل** 15]

السلام عليكم ورحمة الله وبركاته،،

 

إيه أخباركم يا بنات (( مرمر و نوفا))

 

أنا وزنت النهاردة

 

الحمدلله لازدت و لا نقصت --------- ثابتة

 

إن شاء الله الأسبوع الجاى يكون أحسن

 

مستنية موازينك إن شاء الله

[نوفا* 10]

أنا وزنت وبجد حزينة جدًا :unsure: لأنى زدت ولأول مرة

 

أوصل الوزن دة (84) كان أقصى وزن بوصله

 

83 معقولة لبخ اسبوع يزودنى كيلو ونصف

 

مع كل لازم ألحق نفسلى ويا ريت تساعدونى

 

وتشجعونى ونستمر مع بعض انا اليوم

 

كنت صايمة الفطار كان كويس 4 أو 5 ملاعق

 

أرز مع لحمة وخضار وسلطة 20%

 

المشكلة انى بعد الأكل ببقى هتجنن عايزة آكل حاجة حلوة

 

مش عارفة أعمل اية فى الوضوع دة فأكلت نوجتين وحلفت يمين

 

أنى مش هكل حلو تانى النهاردة واشتغلت على الجهاز 20%

 

ومش ناوية اكل غير بيضة مسلوقة بليل ولسة المية هبقى أدخل

 

وأقولكم ........أدعو لى ربنا يعنى على نفسى

:icon17:

[**نحو غدٍ أفضل** 15]

ربنا يعينك على نفسك يا نوفا

 

بس كويس إنك واجهتى نفسك

 

و إن شاء الله الميزان دا هيديكى دافع إنك تلتزمى بالرجيم عشان تنزلى تانى

 

بالنسبة ليا كان غلطى الأسبوع إللى فات إنى كنت يتقل شوية فى العشاء هما مش كتير

 

بس العشاء يحب يكون خفيف عشان كدا وزنى فضل زى ما هو

 

النهاردة عاملته فرى _____________

 

يلا يا مرمر مستنينك

[رضاك يارب 7]

انا بقى نفسيتى تعبانه جدا ومحتاره انتم عارفين انا باكل ازاى ومش خسيت الا نصف كيلو كمن 80 ودلوقت 79 ونصف

بس انا هتجنن فى ميزان مزود عن الانا وزنت نفسى عنده انهاردا مزود ميزان كيلو والميزان البعيد انقص فى يوم الحد الفات كنت فى البعيد 78 يعنى الميزان الورايا المفروض 79 يعنى مثلا المفروض اكون من يوم الحد لدلوقت على الاقل 79 ومش عارفه فى ايه

نصف كيلو فى اسبوع على النظام ده قليل جدا انا كان نفسى اكل ولو قطعة جاتوا واحده او بيتزايا قطعه واحده لكن الميزان احبطى لدرجة انى مش عايزه اتعشا

على العموم انا 79ونصف يعنى نصف فى اسبوع

ربنا المستعان

[**نحو غدٍ أفضل** 15]

حبيبتى مرمر أولاً توزنى على ميزان واحد بسسسس

 

كل ميزان درقة الحساسية بتاعته تختلف عن التانى

 

ثانياً انت لازم تعملى يوم فرى فى الأسبوع بس متكتريش أوى

 

زى ما أنا عملت النهاردة كدا

 

و إن شاء الله تعالى تكون فى نتيجة أحسن يوم الخميس الجاى

 

و بعدين نص كيلو فى الأسبوع جميل دا أنا مبسوطة إنى مزدتش حتى لو مكنتش نقصت

 

بالتوفيق ليكو كلكوا يا بنات

[**نحو غدٍ أفضل** 15]

فراشة الأسبوع هى

 

 

(رضاك يا رب) مرمر

 

 

 

الحمدلله كلنا وزنا مفيش دباديب الأسبوع دا

[**نحو غدٍ أفضل** 15]

إن شاء الله معانا فراشة جديدة يوم الخميس الجاى

 

 

 

 

 

 

و إن شاء الله نكون كلنا الفراشة دى :icon_eek:

[**نحو غدٍ أفضل** 15]

السلام عليكم ورحمة الله وبركاته،،

 

كيف حالكن يا بنات إن شاء الله تكونوا بخير

 

أنا بصراحة عجبانى الفراشة دى و ناوي أخدها الأسبوع دا

 

تقييمى يوم الجمعة

 

الأكل 60%

 

المياة 20%

 

الرياضة معملتش

 

كله 80%

 

مستنياكوا نكمل مشوارنا إللى بدأناه

[رضاك يارب 7]

حبيبتى مريم مبارك الاسمن الجديد يارب يملا مستقبلك كله برضا الرحمن

بعد 3 ايام تخاذل ولخبطه رجعت تانى انهاردا بس للاسف كنت تعبانه وابتديت يومى متاخر لكن الفطار 20% الغذاء20% الراضه 0% الميه 10% العشا 20% المجموع 70%

بكره باذن الله رياضه بس انا مموتا نفسى فى شغل البيت علشان اعوض عدم المشى انهاردا والرياضه لانى للاسف مش فاضيه خالص

ادعولى

[**نحو غدٍ أفضل** 15]

حمدالله على سلامتك يا مرمر أنا كنت مستنياكى

 

إن شاء الله نوفا تيجى هى كمان

 

و إن شاء الله يشترك معانا بنات أكتر

 

تقييمى إمبارح 20% للرياضة و بسسس

 

النهاردة 0%

 

إن شاء الله سبحانه و تعالى أرجع أظبط نفسى تانى

 

الله المعين

 

بالتوفيق يا جماعة

[رضاك يارب 7]

لتوفيقحبيبتى يارب

[نوفا* 10]

أهلا بالحلوين الأمامير إيمان أنتى محتارة باسمك لية

 

شكلك بتحبى التغيير عكسى خالص يلا عقبال الأسم الجديد إن شاءالله

 

مرمر بلاش تحبطى لأن على فكرة ممكن يكون فى اختلا ف فى توقيت

 

الوزن يعنى ممكن أول مرة تكونى وزنتى الصبح وتانى مرة وزنتى بليل

 

أوتكونى كنتى شاربة مية كتير كل دة بيفرق فى الميزان لازم علشان توزنى

 

نفسك يكون الصبح بعد دخول ال w.c

 

انا بالنسة لى الجمعة والسبت والأحد :

 

الفطار 20% والغدا 15% ومش بتعشى بس بعد الغدا

 

بشوية لازم اكل حاجة حلوة يعنى بحس انى زى المدمنين

 

نفسى اوى فى اى حاجة حلوة علشان كدة مش بتعشى

 

والمية 20% والرياضة 20% بس النهاردة لسة ما عملتش

 

بس ممكن اقوم اشتغل على الجهاز شوية قبل النوم ومش راضية

 

أقرب من الميزان خالص على الله اقدر بس استمر أدعولى