للجادات: يومياتنا مع الرجيم

[مُقصرة دومًا 1261]

لي سؤال يا رشيقات بإذن الله

 

كم تزيد الأجازة الشهرية في الوزن :blush:

[المتفائلة (ريفيّة) 979]

حيا الله الغاليات

 

الله يوفقك حبيبتي عباد الرحمن وتنزلي أكثر وأكثر

وبالتوفيق وواصلي التخفيف والله ييسر لنا جميعا

 

 

ندى الورود حبيبتي بالنسبة لمشوب الكمون انا كنت أشربه على حسب وقتي وتحضيري له

أحيانا ع الريق وأحيانا قبل الغذا وأحيانا بعد الغذا بنص ساعة

واظن انه له نفس المفعول المهم ان تشربي منه كوب كل يوم أو كوبين مع التخفيف في الاكل والحركة

وبالتوفيق حبيبتي

 

مقصقص الحبيبة بالنسبة للوزن أثناء الدورة اظن أنه يتفاوت بحسب كل جسم

هناك من يزيد 2 ك او1 ك وهناك 3 ك

لانه الجسم يكون في حالة انتفاخ

فالأحسن الوزن يؤخذ بعد الانتهاء من الدورة

 

 

الحمد لله لسا ماشية ع التخفيف

ووزني عم ينزل شوية شوية ولكني راضية ولله الحمد

وبقي لي 2 ك وأدخل عالم 80

 

وبالتوفيق لكل الغاليات

[ღأم عبدالله ღ 30]

حبيبتي المتفائلة ماهو رجيم البروتين الذي اتبعتيه

[عبــاد الرحمن 165]

السلام عليكن يا طالبات الرشاقة :)

 

للاسف وزنت النهارده لقيت وزني زاد 2 كيلو يعني ال 2 كيلو اللي خسيتهم خلال اسبوعين رجعوا تاني :(

 

انا خرفت شوية خلال الاسبوع بس مش لدرجة اني ازيد انا جسمي بقى بيتخن بسرعة مش عارفة ليه كده :(

 

المفروض بكرة يكون فري بس عقابا لي مفيش فري وهاحاول ابدا بكرة ان شاء الله نظام جديد وربنا ييسر واخس يارب

[*امة الله حنان* 50]

السلام عليكم ورحمة الله حبيباتى

كيفكم عاملين ايه

 

اختى الحبيبة المتفائلة ربنا يثبتك فرحت جدا لنزولك اسال الله ان تصلى الى ما تتمنيه

 

سجى يلا يا قمر نبتدى بجد ننتظرك يا غالية انتى وساجدة المختفية

 

اختى عباد الرحمن لاتحزنى فمن خبرة اختك الطويله مع الرجيم ^_^ انه فى البداية لو بوظنا يرجع اللى خسيناه على طول فابداى ثانية يا حبيبة وربنا معاكى

 

 

اما انا فطبعا نقلت ولله الحمد ولم يكن هناك رجيم مطلقا بس الحمد لله استقرينا وهذا اخر يوم لامتحانات الاولاد وهتلقونى ان شاء الله كل يوم هنا

 

عايزين نشد حيلنا شويه عشان نبقى خفاف فى رمضان ولا ناكل ونتقل ونام ويضيع الشهر الكريم

 

كل سنه وانتم بالف خير

[(سجى الليل) 65]

السلام عليكم ورحمة الله وبركاته

 

حياكن الله يا حبيبات

 

الأسبوعين اللي فاتو كانو إلى حد كبير مظبوطين

 

نزلت الحمد لله كيلو وحاسة براحة أكثر والحمد لله

 

جزاك الله الحبيبة المتفائلة وعباد الرحمن

 

أنا تقريبا الآن عايشة على البطيخ والجبن الأبيض من غير خبز

 

لأني بحبه جدا وهو متوفر الآن بفضل الله

 

فائدة الصيف يا حبيبات أن الفاكهة كثيرة ومتنوعة بفضل الله ولا نشتهي الأكل كثيرا

 

يعني ممكن نحضر أكثر من نوع فاكهة ونقطعه بشكل جميل وجذاب ونذهب إلى الأريكة (ودي مهمة جدا) ونفعد ناكل فيها ببطء وخصوصا كوجبة عشاء أو عند الجوع ونقنع نفسنا أنها وجبة من الوجبات

 

صراحة هذا أفادني جدا

 

الحمد لله أحس بتحسن في مظهري ولله الحمد

 

أنا معك أمة الله حنان وبإذن الله مكملة والله المعين

[عبــاد الرحمن 165]

السلام عليكم ورحمة الله حبيباتى

كيفكم عاملين ايه

 

اختى الحبيبة المتفائلة ربنا يثبتك فرحت جدا لنزولك اسال الله ان تصلى الى ما تتمنيه

 

 

سجى يلا يا قمر نبتدى بجد ننتظرك يا غالية انتى وساجدة المختفية

 

اختى عباد الرحمن لاتحزنى فمن خبرة اختك الطويله مع الرجيم ^_^ انه فى البداية لو بوظنا يرجع اللى خسيناه على طول فابداى ثانية يا حبيبة وربنا معاكى

 

 

اما انا فطبعا نقلت ولله الحمد ولم يكن هناك رجيم مطلقا بس الحمد لله استقرينا وهذا اخر يوم لامتحانات الاولاد وهتلقونى ان شاء الله كل يوم هنا

 

عايزين نشد حيلنا شويه عشان نبقى خفاف فى رمضان ولا ناكل ونتقل ونام ويضيع الشهر الكريم

 

كل سنه وانتم بالف خير

 

مبارك نقلك يا حنان يارب يكون مكان خير عليكي في دينك ودنياكي ،النقل ده ريجيم ببلاش ههههههههه واحنا ايام ما كنا بننقل خسيت كتير بقى بتلمي الفرش من الشقة القديمة وترجعي تفرشيه في الشقة الجديدة تعب وهدة حيل وريجيم ههههه وكمان مع تغيير المكان والاشتياق لمكانك السابق نفسيتك بتتغير ومبتاكليش كتير لكن للاسف بعد كده بتاخدي على المكان والشغل في الشقة بيقل عن الشقة القديمة لانك لسه فارشاها ومظبطاها فبتتخني اكتر زي ما حصل معايا فنصيحة خدي بالك من النقطة دي

 

والحمد لله مخدتش النهارده فري عقابا ليا واليوم عدى بسلام بدون تخريف الحمد لله مع اني كنت في عزا واحد قريبنا ووقت العشا طلعت صواني كتير فيها ما لذ وطاب وشكل الاكل تحفة بقى ويتحايلوا عليا انزل وانا ابص للاكل واقولهم شكله حلو اوي بس انا عاملة ربجيم ما اقدرش وقاومت وبفضل لله مسكت نفسي ومكلتش بس قعدت اتفرج على الاكل بحسرة هههههههههه كلت بعيني :) اه بقى لو كان يوم فري بس يالا حظي كان يوم عقاب :(

تم تعديل 29 مايو, 2013 بواسطة عبــاد الرحمن

[*امة الله حنان* 50]

السلام عليكم

كيفكم يا رشيقات ارجو ان تكونوا فى ريجيم ورجيم ورجيم :))

مبارك نزولك سجى حبيبتى ربنا يثبتك وعندك حق لازم نركز على الفاكهة فهى مفيدة جدا فى مشوار الرجيم

 

عباد الرحمن حبيبتى ربنا يبارك فيك على الدعاء وفعلا الشغل فى الشقة قل والكسل زاد كنت فى الاول نشيطة وامسح وادعك وانظف دلوقتى مش عايزة اقوم من مكانى والله المستعان

بس شاطرة بجد انك قاومتى عارفة لو انا كنت كلت بلارجيم بلا بتاع

ثبتك الله يا غالية

 

انا ولله الحمد نزلت كيلو ونص حلو النص ده صح ^_^

 

وين باقى القمرات ننتظركن يا غاليات

 

بالتوفيق حبيباتى

[عبــاد الرحمن 165]

 

عباد الرحمن

بس شاطرة بجد انك قاومتى عارفة لو انا كنت كلت بلارجيم بلا بتاع

ثبتك الله يا غالية

 

ما هو المشكلة يا حنان انه مكنش يوم ريجيم عادي ده كان يوم عقاب كان المفروض يوم الاربعاء ده يوم الفري والثلاثاء يوم الوزن فلما وزنت نفسي لقتني زدت 2 كيلو فطبعا قلت لا بقى مش هاخد فري انا هاجح عقاب سبحان الله حظي بقى

[مُقصرة دومًا 1261]

بنات ما تعرفنّ سعر المشاية الكهربائية في مصر كام؟

 

يوم الخميس القادم هوزن!!

 

خايفة جدًا بصراحة حاسة أني ما راح أنزل أو احتمال يكون وزني زاد : (((

 

لأن لبخت يومين

[المتفائلة (ريفيّة) 979]

وعليكن السلام ورحمة الله وبركاته

 

حياكن الله اخواتي

 

يارب تكونوا كلكم بخير وبأحسن حال

 

 

@ღأم عبدالله ღ الحبيبة بالنسبة لريجيم البروتين هو للدكتور فادي

لقيت بعض البنات جربوه فقلت خليني أجربه رغم انه متعب صراحة 4 أيام دوخة وصداع رغم أني كنت مخففة أكل ونشويات أسبوعين بعدين طبقت الريجيم الأسبوع الاول فقط

 

والزبادي أكتيفيا لازم قليل الدسم أو خالي الدسم + ومسموح بشرب القهوة والشاي بدون سكر أو بسكر ريجيم + شرب الماء حوالي لترين + مشي ربع ساعة

وهه هو الريجيم

 

 

 

الاسبوع الأول

 

الفطور اليومي:- بيضتين مسلوقه + حبة خيار + مرتديلا حسب الرغبة

 

 

(السبت)

 

الغداء:- صحن سلطة بدون طماطم و جزر

 

والسبب أن الطماطم فيها أملاح وتحبس سوائل الجسم والجزر غني بالسعرات التي من شأنها تقوم بعمل في بطء نزول الوزن

 

العشاء:- لحم مشوي (قطعة ستيك) خالية من الملح وزبادي الأكتيفيا

 

 

(الأحد)

 

الغداء :- دجاج مسلوق اومشوي و أكتيفيا بملعقة من مطحون بذرة الكتان

 

العشاء:- 2 بيضه مسلوقه + سلطه (خيار,خس,فلفل اخضر و ملفوف وبقدونس)

 

 

(الأثنين)

 

 

الغداء:- جبن قريش او جبن منزوع الدسم مقدار 80 غ

 

العشاء:- لحم مشوي او مفروم أو صدر دجاجة مسلوق أو مشوي

 

 

(الثلاثاء)

 

الغداء :- حبه كيوي أو حبتين (أرجو التقيد)

العشاء:- علبة تونة بالماء واذا كان عندك اللي فيها زيت يجب أن يصفى مع لبن أكتيفيا وملعقة صغيرة مطحون بذرة الكتان

 

 

(الاربعاء)

 

 

الغداء:- خضار مسلوق ويجب عدم اضافة الملح الا بكمية بسيطة

 

العشاء:- سمك اوجمبري اوتونه مصفاه من الزيت + سلطه مع لبن أكتيفيا

 

 

(الخميس)

 

الغداء:- لحم مسلوق وسلطة بملعقة من مطحون بذرة الكتان

 

العشاء :- صحن شاورما بدون خبز (فقط هذا اليوم)

 

 

(الجمعه)

 

الغداء :-دجاج مسلوق + صحن سلطة خضراء + لبن أكتيفيا

العشاء:- مرتدلا بقري (3 شرائح) لبن أكتيفيا

 

 

 

حياك الله حنونة الحبيبة

والله يقويك حبيبتي ومبارك النزول وعقبال الوصول للوزن الصحي

أعانك الله ياغالية

 

مبارك سجى الحبيبة الكيلو إلي نزلتيه ويارب يوفقك للمزيد

فعلا الصيف فرصة لنزول أوزاننا لوجود انواع كثيرة من الفواكه وأيضا رغبتنا بالاكل تخف

البطيخ كثير بحبه وأحيانا أخليه كوجبة عشا أو بين الوجبات إذا كنت جيعانة

هو بيملي البطن بسرعة وبيحسسك بالشبع لأنه كله ماء

 

 

عباد الرحمن إن شاء الله تنزلي هذه الأسبوع وتحققي هدفك ياغالية

وبالتوفيق وفالك الرشاقة

 

 

ان شاء الله ما يكون وزنك زاد حبيبتي مقصرة

أنت حاولي تخففي أكل وراح تشوفي نتيجة حلوة

وبالنسبة للمشاية لا أعرف صراحة بإذن الله البنات يفيدوك

والله يفرح قلبك بزول وزنك يااارب

 

 

 

الحمد لله ماشية تمام ووزني ثابت والحمد لله

والله يسهل وينزل عن التسعين

 

 

 

 

والله يوفقنا ويير لنا ونصل للوزن الصحي ياااارب

[مُقصرة دومًا 1261]

أقبلنّ يا بنات

 

¨°o.O ( مسابقه ازْدَانَ الجَمَال بِرَشَاقَة الأبْدَان ) O.o°"

[~أم صفية~ 76]

معك يا مقصرة دوما

[(سجى الليل) 65]

بنات ما تعرفنّ سعر المشاية الكهربائية في مصر كام؟

 

يوم الخميس القادم هوزن!!

 

خايفة جدًا بصراحة حاسة أني ما راح أنزل أو احتمال يكون وزني زاد : (((

 

لأن لبخت يومين

 

 

 

مقصمص

 

المشيات في مصر تختلف

 

أنا تقريبا عاملة دراسة جدوى من فترة وهذا ما توصلت إليه

 

فيه مشايات صيني ودي بتبتدي من 2200 تقريبا

 

مثل مشاية elite وعلى حسب ما قرأت دي ذات سمعة سيئة

 

تسخن بسرعة جدا لدرجة انك لا تتحملي حرارتها وتعمل تقريبا 15 دقيقة متواصل ثم تفصليها وطبعا سعرها يزيد لو معها الكماليات مثل حزام البطن والتويست

 

أيضا super touch و matrix هما صيني برده لكن سمعتهم أفضل من elite

 

فيه بقى االتيواني والكوري والأمريكي

 

ودول أسعارهم تقريبا 4000 فيما فوق أو 3000

 

بصراحة إلى الآن لم أخذ قرار أى نوع اشتري :(

[مُقصرة دومًا 1261]

@@(سجى الليل)

 

يااااه يا بنت سعرها عالي شوية والواحد مقبل على زواج

 

أممممممممممم محتاجة تحويشه ^_^

 

ربنا ييسر انا اسمع كمان أن في بــــــــ 5000

[**نحو غدٍ أفضل** 15]

السلام عليكم و رحمة الله و بركاته

 

وحشتونى جدأ يا أغلى أخوات

 

بفضل الله اتعلمت من المنتدى الكثير

 

ربنا يثبت قلوبنا على دينه

 

إن شاء الله ناوية ارجع تانى و عايزة تشجيع منكم

 

أنا تخنت خاااااااااااااااااااااااااااااااااااااااااااااااااااااااااااااااااااااااااااالص

 

و ناوية ابدأ إن شاء الله و ربنايرزقنا الصبر و يعيننا على شهواتنا

 

بسم الله الرحمن الرحيم

 

الجدول الزمنى للرجيم من (( الاثنين 17-6 )) إلى ((الاثنين 8 - 7 ))

 

يعنى ثلاث اسابيع فقط

 

طبعا تقليل الاكل مع رياضة

 

 

و مع اليوميات :

 

 

 

اليوم الاول : الاثنين 17 - 6

 

الافطار : تمام بدون لغبطة

 

لسة اليوم لم ينته ربنا يقوينى و يعيننا على الشهوات

[**نحو غدٍ أفضل** 15]

ما شاء الله واضح إن كل الأخوات خلاص وصلوا للوزن المثالى و محدش عايز يخس

[(سجى الليل) 65]

ليه يا حبيبتي زعلانة

 

انا جيت ليك أساعدك

 

أنا وزني مش زايد قوي بس عاوزة اظبطه وأظبط من توزيع الدهون فيه

 

وزني الحالى 71

طولي 169

انا اشتريت مشاية كهربائية صراخة اشترتها مستعملة

وسأقوم ببعض الصيانة بها لكى احافظ عليها وابتدي ان شاء من الاسبوع القادم

انتو عارفين الصيف داخل

[**نحو غدٍ أفضل** 15]

و عليكم السلام و رحمة الله و بركاته الحمدلله إذيك يا سجى و إيه أخبارك ابدأى إن شاء الله من دلوقتى و ربنا يوفقك ، أنا ابتديت النهاردة ثالث يوم ربنا ييسر محتاجة أنزل 9 كيلو

[**نحو غدٍ أفضل** 15]

على فكرة التمارين إللى حطاها أم العبادلة في موضوع ( فاصل ترفيهى ) هايلة جداً و أحسن من المشاية بكتير ممكن تبادلى بينها و بين المشاية يعنى يوم تمارين و يوم مشاية عشان متزهقيش من الرياضة سلام

[(سجى الليل) 65]

هلا يا حبيبة

 

ضعي لي الرابط لكي أراه

 

ان شاء الله ابتدي من الغد لأن الجمعة دائما عندي بيكون فري :)

 

ربنا يدينا الهمة فقط

 

المشاية لم يأتي الفني إلى الآن وسيأتي غدا أو بعد غد ولن أستعملها قبل ما أعمل لها صيانة

 

ربي ييسر الحال

[**نحو غدٍ أفضل** 15]

https://akhawat.islamway.net/forum/index.php?showtopic=323651

[**نحو غدٍ أفضل** 15]

ها هو الرابط حبيبتى ربنا يوفقك

[(سجى الليل) 65]

بارك الله فيك يا حبيبة

 

أنا بدأت اليوم والحمد لله كان كويس

 

لكن مشكلتي انني متعودة أشرب شاي بدون سكر وبجاوره قطعة حلوى :(((

 

هذا هو الخلل اليوم لكن غير كده كان الحمد لله جميل

[**نحو غدٍ أفضل** 15]

و عليكم السلام و رحمة الله و بركاته

 

جميل جداً إنك بدأتى ما شاء الله

 

بس إن شاء الله قطعة الحلوى مش خلل طالاما صغيرة

 

نفسى أشوف ميزانك آخر الأسبوع نزل ولا ؟؟

 

بالنسبة لى الحمدلله نزلت كيلو بس من فرحتى خرفت اليومين دول و عايزة أبدأ تانى

 

يارب أكون لسة متخنتوش خايفة أوزن

 

إن شاء الله أبدأ بكرة و دلوقتى هدور على نظام صحى أبدأ به الأسبوع الجديد

 

و ربنا ييسر