"كونى أجمل الرشيقات "المتابعة اليومية والاسبوعية هنا

[ام رميساء و جنى 16]

اهلا بك اختي بسبوسة

 

اه انا عن نفسي فكراك طبعا

 

نورتي غاليتي

 

بداية تقوليلنا وزنك وطولك

 

كل يوم عندنا تقييم يومي يعني لو كان فطورك دايت وماشي على حسب مواصفات الريجيم تحطي 20والغدا بردو والعشا نفس المسالة

 

وشرب الماء لو شربتي ماء كثير تحطي 20

 

ولو عملتي رياضة تحطي 20

 

يبقى المجموع 100 وبكدة يكون يومك رائع وكامل عشان تخسي

 

طبعا الرياضة ما تقلش عن نص ساعة في اليوم والماء تقريبا لتر ونص كدة

 

وكل خميس بنوزن ونقول خسينا اد ايه

 

وكل اسبوع عندنا فراشة الي تخسي اكثر تبقى هيا فراشة الاسبوع

 

يارب يكون شرحي كويس وتكوني فهمتي عليا

 

عموما لو لازمك اي حاجة اسالي واحنا نجاوبك باذن الله

[ام رميساء و جنى 16]

تقرير اليوم

 

فطور=20

غدا=20

عشا=20

ماء=20

رياضة=20

 

المجموع=100

[**نحو غدٍ أفضل** 15]

يابنات يابنات

استنووونى انا عايزه اشترك معاكم

ياترى ففيه منككم لسه فااكرينى و ولا نسيتوونى :- :cry:

ممكن استأذن اخت تقولي ايه نظام المسابقه بالظبط وماشيه ازاى ومن امتى بدأتو ومدتها اد ايه

جزاكم الله خير

 

أهلاً يا بسبوسة إذيك

 

مبتدخليش ليه

 

أنا طبعاً فاكراكى أنا إيمان يحيى

 

إنتى أخبار وزنك إيه دلوقتى

 

نظام المسابقة اتغير شوية

 

يعنى مش بقى شهر بس

 

لكن بقى أسبوع يعنى كل أسبوع ليه نتيجة منفصلة و فراشة منفصلة

 

و طبعاً الدخول فى أى وقت بلا قيود

 

و هتكتبى تقييمك اليومى زى ما راجية وضحتلك

 

و من التقييم دا بيبان إذا كنتى هتخسى أخر الأسبوع و لا لأ

 

يعنى لو طول الأسبوع التقييم بين 80 إلى 100% يبقى إن شاء الله هتخسى

 

لو غير كدا يبقى متزعليش لو مخستيش و إن شاء الله تعوضى الأسبوع إللى بعده و تكونى أحسن

 

يلا اعزمى النية و توكلى على الله

 

 

بالتوفيق إن شاء الله

[**نحو غدٍ أفضل** 15]

ما شاء الله يا سهام تقريرك جميل إلى الأمام دائماً

 

و إن شاء الله توصلى لما تتمنين

 

 

تقيمى

 

فطار : 20

 

غداء: 20

 

عشاء : 20

 

مياه: 20

 

رياضة :20

 

100%

[ام رميساء و جنى 16]

امين حبيبتي ايمان يارب عقبال لما ننزل كلنا الوزن الزائد يارب

[**نحو غدٍ أفضل** 15]

السلام عليكم ورحمة الله وبركاته،،

 

فينكم يا بنات إن شاء الله بخير

 

تقييمى

 

فطار :20

 

غداء:15

 

عشاء:15

 

رياضة:20

 

مياه :20

 

90%

[بسبوووسه 0]

اخواتى راجيه وإيمى

جزاكم الله خير علي اهتمامكم

 

بس انا مش هقدر ادخل يوميا لانى انا اللى مسؤله عن كل حاجه في البيت يعنى لما بخلص ببقي مش شايفه ادامى وبنام , ده غير ان الجامعه خلاص الاسبوع اللى جاى يعنى هبقي مشغوله علي الاخر

بس اللى هعمله انى كل يومين ادخل واكتب عملت ايه بالظبط

 

بس بجد انتم اخوات تجننو وانا بحبكم اوىىىىىىىى

 

 

اما عن وزنى فهو 72ك وطولى 171 وهدفي 68ك

والرياضه هتبقي المشي السريع نص ساعه في اليوم بس هتبقي ابتداء من اول يوم جامعه لانى هاخدها مشي وانا راجعه البيت

والميه بقيت اشرب كتير طبيعي اكتر من 4 ازايز كبار في اليوم لان الدنيا بقت حر موت(وكمان لان السكر عندى مش مظبوط)

 

 

وعلي فكرة يابنانيت خلو بالكم الله يكرمك من الاكل ومن اللغببببببطه فيه والكميات الكبيره منه لانه بيعمل امراض الله يحفظكم :icon15:

 

 

 

احبكم في الله :wub:

[**نحو غدٍ أفضل** 15]

اخواتى راجيه وإيمى

جزاكم الله خير علي اهتمامكم

 

بس انا مش هقدر ادخل يوميا لانى انا اللى مسؤله عن كل حاجه في البيت يعنى لما بخلص ببقي مش شايفه ادامى وبنام , ده غير ان الجامعه خلاص الاسبوع اللى جاى يعنى هبقي مشغوله علي الاخر

بس اللى هعمله انى كل يومين ادخل واكتب عملت ايه بالظبط

 

بس بجد انتم اخوات تجننو وانا بحبكم اوىىىىىىىى

 

 

اما عن وزنى فهو 72ك وطولى 171 وهدفي 68ك

والرياضه هتبقي المشي السريع نص ساعه في اليوم بس هتبقي ابتداء من اول يوم جامعه لانى هاخدها مشي وانا راجعه البيت

والميه بقيت اشرب كتير طبيعي اكتر من 4 ازايز كبار في اليوم لان الدنيا بقت حر موت(وكمان لان السكر عندى مش مظبوط)

 

 

وعلي فكرة يابنانيت خلو بالكم الله يكرمك من الاكل ومن اللغببببببطه فيه والكميات الكبيره منه لانه بيعمل امراض الله يحفظكم :unsure:

 

 

 

احبكم في الله :wub:

 

الله يعينك يا بسبوسة

 

ماشى يا ستى مش مشكلة تدخلى كل يوم

 

بس المهم تدخلى يوم الخميس و تكتبى وزنك الجديد حتى لو مكنتيش خسه

 

تمام :icon15:

 

بالتوفيق إن شاء الله

[ام رميساء و جنى 16]

تقييم امس

 

فطار=20

غدا=20

عشا=20

ماء=20

رياضة=0

 

المجموع=80

[**نحو غدٍ أفضل** 15]

بالتوفيق يا سهان بكرة الخميس إن شاء الله

 

مع إنى ملتزمة بالرجيم و الرياضة بس حاسة إنى مخستش خالص

 

ربنا يسهل إن شاء الله

 

تقييمى النهاردة

 

فطار : 20

 

غداء : 20

 

عشاء : 0

 

رياضة : 20

 

مياه :20

80%

تم تعديل 17 فبراير, 2010 بواسطة **نحو غدٍ أفضل**

[المتفائلة (ريفيّة) 979]

 

مرحبا بأحلى أخوات

الحمد لله اليوم بدأت الريجيم وربي يعيني ويعينكم جميعا

بسبوسة الحبيبة والله فرحت كثير بعودتك وإنظمامك لنا

فهيا نشد الهمة وربي يوفقنا

 

تقييم ليوم الأربعاء :

 

فطار : 20

 

غداء : 20

 

عشاء : 20

 

رياضة : 20

 

مياه :20

 

المجموع = 100

[ام رميساء و جنى 16]

ما شاء الله تقييم رائع ياسهومة بالتوفيق

 

تقييم اليوم

 

فطور=20

غدا=20

عشا=20

ماء=20

رياضة=20

 

المجموع=100

[نوفا* 10]

إزيكم يا بنات وحشتونى خالص ..إزيك يا بسبوسة منورة

 

المتفائلة الغالية أهلا بكِ معانا مرة تانية

 

للأسف الشديد أنا الأسبوع دة ملخبطة آخر لخبطة

 

بيتهيألى إنى لو وزنت هكون زايدة 3كيلو ...مش عارفة

 

علشان مش بعرف أدخل كل يوم وأقول تقريرى فحماسى قل

 

خالص ...وجودى بينكم بيشجعنى ..يلا يا إيمى عايزة دفعة قوية منك

 

تخلينى أقدر أواصل ومع كلِ هدخل بكرة إن شاء الله وأقول وزنى

 

وربنا يستر وتكون الزيادة مش كتير

تم تعديل 18 فبراير, 2010 بواسطة نوفا*

[**نحو غدٍ أفضل** 15]

 

مرحبا بأحلى أخوات

الحمد لله اليوم بدأت الريجيم وربي يعيني ويعينكم جميعا

بسبوسة الحبيبة والله فرحت كثير بعودتك وإنظمامك لنا

فهيا نشد الهمة وربي يوفقنا

 

تقييم ليوم الأربعاء :

 

فطار : 20

 

غداء : 20

 

عشاء : 20

 

رياضة : 20

 

مياه :20

 

المجموع = 100

 

 

ما شاء الله بداية :icon15:

 

موفقة حبيبتى المتفائلة

 

عقبال باقى الأيام إن شاء الله :wub:

 

 

ما شاء الله تقييم رائع ياسهومة بالتوفيق

 

تقييم اليوم

 

فطور=20

غدا=20

عشا=20

ماء=20

رياضة=20

 

المجموع=100

 

ما شاء الله يا سهام

 

بالتوفيق إن شاء الله :wub:

 

إزيكم يا بنات وحشتونى خالص ..إزيك يا بسبوسة منورة

 

المتفائلة الغالية أهلا بكِ معانا مرة تانية

 

للأسف الشديد أنا الأسبوع دة ملخبطة آخر لخبطة

 

بيتهيألى إنى لو وزنت هكون زايدة 3كيلو ...مش عارفة

 

علشان مش بعرف أدخل كل يوم وأقول تقريرى فحماسى قل

 

خالص ...وجودى بينكم بيشجعنى ..يلا يا إيمى عايزة دفعة قوية منك

 

تخلينى أقدر أواصل ومع كلِ هدخل بكرة إن شاء الله وأقول وزنى

 

وربنا يستر وتكون الزيادة مش كتير

 

 

معلش يا نوفا اعتبرى نفسك بتبدأى من أول و جديد

 

و خدى قرار مع نفسك هما تلت وجبات فى اليوم بس

 

ممنوع تاكلى بينهم حاجة بس أوعى تحلفى :wink:

 

و حاولى تنظمى أكلك فى التلت وجبات دول يعنى مجموع السعرات يكون بين ( 1200 إلى 1500) بس قسميهم

 

و زودى شوية من الرياضة

 

و اصبرى أهم حاجة فى موضوع تنزيل الوزن الصبر

 

و إن شاء الله لو عملتى كدا ربنا هيكرمك

[ام رميساء و جنى 16]

الحمدلله انا خسيت الاسبوع دا كيلو واحد رغم اني اكلت فيه كسكس ومكرونة وبسكويت

 

ما كنتش متوقعة اني حاخس

 

الحمدلله وان شاء الله انا متوقعة اني الاسبوع الي جاي حاخس اكثر

 

الان اصبح وزني 89كيلو

 

بالتوفيق للجميع

[المتفائلة (ريفيّة) 979]

هلا بالحبيبات

سهومة والله فرحت لك ياغالية

إن شاء الله تصلي لمبتغاكِ

وعقبالي ولكل الاخوات

اليوم الصباح ماشية مضبوط وباليل أعطي تقييمي لليوم

وعلى فكرة وزني 99 أدري أنه رقم قياسي ويخوف لكن بإذن الله راح أنزل على الأقل للثمنينات يااارب

[ام رميساء و جنى 16]

سهومة حبيبتي ماتخافي انا كنت 97كيلو يعني مثلك تماما

 

لكن يلزمك ريجيم ضروري حاولي ان تضغطي شوي على نفسك وان شاء الله توصلي للوزن الذي تريدين باذن الله

 

والرياضة ضرورية جداااااااا لمثل حالتنا

 

يارب تفرحيني الاسبوح القادم وتكوني احسن فراشة

[**نحو غدٍ أفضل** 15]

**جميل يا سهام ما شاء الله

 

اللهم بارك و تنزلى كل أسبوع أكتر من إللى قبله بصحة و عافية

 

 

 

**حبيبتى المتفائلة لا داعى للخوف طالاما بدأتى نشاط و رجيم

 

الخوف لما تسيبى نفسك و متحوليش تظبطى

 

بالتوفيق إن شاء الله

 

 

 

**معذرة أحبتى فى الله لن أستطيع الوزن اليوم لأنى اتفقت مع عائشة إنى أوزن كل أسبوعين

 

إن شاء الله أنا مستمرة فى التنظيم و الرياضة بس الوزن إن شاء الله الأسبوع الجاى

 

 

 

**كدا سهام فراشة الأسبوع

 

مبارك عليكى يا سهام النزول

 

 

 

**نوفا إيه الأخبار قررتى توزنى و لا إيه ؟

 

بصراحة أنا لما بلغبط أسبوع لازم أوزن عشان أوف وزنى زاد أد إيه بسبب اللغبطة دى

 

و لما بتضايق بحاول أعوض و أنزل نفسى تانى , و ساعات بكون ثابته فبرتاح و بحاول بردو ملغبطش تانى و أنزل

 

 

 

التوفيق يا أحلى بنات

تم تعديل 18 فبراير, 2010 بواسطة **نحو غدٍ أفضل**

[ام رميساء و جنى 16]

اختي ايمان احنا لازم نتفق كلنا على اليوم الي نوزن فيه مش وحدة توزن كل اسبوع ووحدة كل اسبوعين

 

انا افضل لو حبيتو نوزن كل اسبوعين كلنا مع بعض يبقى كويس

 

يعني مثلا نوزن اول يوم في الشهر ونصف الشهر يعني 15

 

ايه رايكم يا بنات

[المتفائلة (ريفيّة) 979]

سعيدة جدا بكن وإن شاء الله لن أسيب نفسي بل سوف أشد عليها إلى أن تصل للوزن الطبيعي

 

إقتراحك جميل يا سهومة وإن شاء الله كلنا نوزن بنفس اليوم

[امة الله حنان 0]

السلام عليكم ورحمة الله وبركاته اخواتى انا بقي وزنى 104 اخضيتوا انا ايضا مخضوضة اجمل ما في الموضوع هو نواياكم الرائعة لعلها تكون هى سر تمسكى بالرجيم المرة دى والله المستعان اخواتى انا معاكم بس عندى مشكلة واوعو تزعلو منى انا جيلى حلاوة المولود من مصر خلال يومين وانا نفسي فيها قوي قوي ممكن ابدا بعد ما اكولها بلييييييييييييز ارجوكم سيلفوبليه

[**نحو غدٍ أفضل** 15]

اختي ايمان احنا لازم نتفق كلنا على اليوم الي نوزن فيه مش وحدة توزن كل اسبوع ووحدة كل اسبوعين

 

انا افضل لو حبيتو نوزن كل اسبوعين كلنا مع بعض يبقى كويس

 

يعني مثلا نوزن اول يوم في الشهر ونصف الشهر يعني 15

 

ايه رايكم يا بنات

 

 

أنا شخصياً معنديش مانع نوزن كل أسبوعين

 

بس محبتش أغير النظام يمكن إنتو تكونو حابين نوزن كل أسبوع

 

خصوصاً أنا وزنى بدأ فى مرحلة النزول ببطء يعنى ممكن أنزل فى الأسبوع أقل من نص كيلو مع شغل جامد

 

و دا طبعاً مبيبنش فى الميزان و أنا عارفة نفسى أنا تعبت من الرياضة الأسبوع إللى فات دا لو وزنت و ملقيتش نفسى خسه هأصاب بالإحباط

 

طيب تمام كلنا نوزن كل أسبوعين

 

لو حد عنده اقتراح تانى أو معترض يقول عشان منظلمش حد

[**نحو غدٍ أفضل** 15]

السلام عليكم ورحمة الله وبركاته اخواتى انا بقي وزنى 104 اخضيتوا انا ايضا مخضوضة اجمل ما في الموضوع هو نواياكم الرائعة لعلها تكون هى سر تمسكى بالرجيم المرة دى والله المستعان اخواتى انا معاكم بس عندى مشكلة واوعو تزعلو منى انا جيلى حلاوة المولود من مصر خلال يومين وانا نفسي فيها قوي قوي ممكن ابدا بعد ما اكولها بلييييييييييييز ارجوكم سيلفوبليه

 

 

أهلاً بيكى معانا يا حنان

 

إن شاء الله توصلى للتتمنيه

 

إيه المشكلة لما تاكلى حلاوة المولد و إنتى بتعملى رجيم

 

طبعاً تاكلى بسيط

 

كدا أحسن و لا تاكلى قبل ما تبدأى كتير و تتخنى كيلو أو اتنين

 

كدا هتوفرى على نفسك أسبوع أو أسبوعين رجيم

 

الرجيم مش حرمان بس تنظيم

 

مستنين تقيمك إن شاء الله أنوى و أبدأى من بكرة

 

ربنا يوفقك و يقوى عزيمتك إن شاء الله

[ام رميساء و جنى 16]

ان شاء الله

 

اذن موعدنا مع الميزان في اول يوم من شهر مارس باذن الله

 

تقييم اليوم

 

فطور=20

غدا=20

عشا=20

ماء=20

رياضة=0

 

المجموع=80

[بسبوووسه 0]

اخواتى الجميلااااات

ربنا يعينكم ياااااااارب

اوعو ابدا تيأسو وشدو حيلكم وخلى عندكم اراده واصرار :icon15:

 

انا كتم وزنى 90 كيلو ومش يأست

جربت كتير ودورت كتير ومره انجح ومرة افشل وبردو ميأستش ابدا لحد ماوصلت ل68

بس بعد كده يوم ماببقي تخينه خالص بوصل ل76

 

وفعلا هنا احنا بنشجع بعض وماشاء الله الاخوات هنا ربنا يحفظهم روحهم جميله اوى

 

وانا دلوقت 72 وهدفي انى اوصل ل68

 

 

بس معلش انا مش بدأت امبارح زى مااتفقت معاكم :roll: , لكن هبدأ بإذن الله من بكرة السبت لانى مش بعرف التزم بأى ريجيم الا لما بكون في الجامعه عشان بكون بعيد عن البيت او بمعنى اصح ببقي بعيد عن التلاجه :biggrin:

 

 

بتمنى ليكم كلكم التوفيق يارب

احبكم في الله :smile: