اذهبي الى المحتوى
مسلمة مجاهدة

¤؛²°`¯ ¯`°²؛¤ بستان الرشاقة لمتابعة الاوزان هلموا يا وردات ¤؛²°´¯ ¯´°²؛¤

المشاركات التي تم ترشيحها

كيفكم يا بنات؟

 

حبيبتي ريحانة كل اما تيجي تحطِ اكل وتبقي نفسك تاكلي منه

اعرفي انه الحرمان منه مؤقت فقط حتى تصلي الى مبتغاكِ

 

وبعد كده تاكلي اللي نفسك فيه بكمية بسيطة طبعا هههههههههه

بس ما تقسوش على نفسك كده عشان ما تزهقيش من اولها وتكرهي ابو الرجيم

 

حبيبتي سهام ما شاء الله عليكِ

ارى همة عالية نزلتي كتير جدا من وزنك

ربنا يبارك فيكِ وتصلي لمبتغاكِ

 

حبيبتي سجى لما تحافظي على الرياضة من غير رجيم كده بإذن الله مش هتزيدي

سلامتك حبيبتي ربنا يعافيكِ

بإذن الله نوصل للمطلوب

اعاننا الله

على فكرة الوزن الخميس ان شاء الله

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

ازيكم يا بنات عاملين ايه ولو انى عارفه انتو عاملين ايه :biggrin:

 

انا دايما بدخل تقريبا كل يوم ومتابعتكم جميعا ولكنى مكسوفه ادخل لان لم انتظم طوال الاسبوع والله المستعان

 

ميمونه

انا فرحانه بيكى اوى وباصرارك ما شاء الله

عارفة حاسة ان طيوبة جدا

ولذيذة

مثل حنان

جزاك الله الف خير وبارك فيك

 

اختى سهام بارك الله فيك وجوزيتى خيرا على الدعاء وانا عارفه انك ولله الحمد لم تنسينى من دعاءك بس انا كنت بهزر هو انا اقدر ازعل منك ابدا

 

فمجرد ظهور اسمك فى الردود يشعرنى بسعاده كبيره

 

وانا جيت اهو بس عندى مشكله انا هوزن بكرة ان شاء الله بس هعمل محشى :rolleyes: طبعا كلكم بتصرخوا دلوقتى معلش اعمل ايه هعمله بناء على طلب الجماهير

 

ومن الاخر هكمل مشوار التبويظ واكل بكرة

سماح المرة دى :neutral:

 

صراحة عندي دور برد والصداع من فترة ملازمني

 

شفاكى الله وعافاكى سجى

 

 

 

اختى ريحانه اهلا بك بيننا

 

وليس وزنك كارثه والا سيكون وزنى انا اعصار تسونامى

 

ومشكلتك هى نفس مشكلتى ولكن ارادتى ضعيفه جدا بالرغم انى نزلت قبل كده 13 كيلو بس لما رجعت زدت تانى جالى احباط

 

بس معا ان شاء الله نتشجع وننقص باذن الله بس برده بعد المحشى

 

فى رعاية الله وحفظه اخواتى

 

 

معلش الخط طلع صغير اوى مش عارفة ليه ومش عارفه اكبره معلش

 

تم تعديل بواسطة امة الله حنان

شارك هذه المشاركه


رابط المشاركه
شارك

وانا جيت اهو بس عندى مشكله انا هوزن بكرة ان شاء الله بس هعمل محشى طبعا كلكم بتصرخوا دلوقتى معلش اعمل ايه هعمله بناء على طلب الجماهير

 

ومن الاخر هكمل مشوار التبويظ واكل بكرة

سماح المرة دى

 

أهلا بعودتك حنونة كنت منتظراكِ

 

يعني يوم ما تيجي تيجي بحلة المحشي ههههههههههههههههههههههههه

آه حكايتك مع المحشي ده

يبدو انكِ تعشقينه يا حنان

بالهنا والشفا يا قمر

ما تنسيش نصيبنا من حلة المحشي

 

 

هههههههههههههههههههههههههههههههههههههه

موتيني من الضحك على اعصار توسنامي

 

ربنا يعينا يا حبيبتي

شارك هذه المشاركه


رابط المشاركه
شارك

سهام :ما شاء الله نزول ممتاز لل 87 والمهم المحافظة عليه ...

البارحة مشيت 25 دقيقة هل هي كافية ؟ طبعا مشي بطيء

إن شاء الله ابقى قريبة فهذا يشجع :)

جزاكِ الله خيرا

 

(سجى الليل): سلامتك شفاكِ الله وعفاكِ

 

لم اقسَ على نفسي ..هذه الثلاثة ايام لتنظيف الجسم وبعدها يكون الرجيم عادي تخفيف ورياضة

 

ميمونة ح: ههههه طب لما اشوف ورق العنب ما بقدر اكل فقط 7 ورقات يعني اشوف الاولاد مستمتعين واتمنى اكون معهم

البارحة زوجي سامحه الله احضر دونات وشوفي النفسية تحطمت

لكن هذه المرة سأكون جادة فعادة لا التزم ..اكثر رجيم استمر لاسبوعين ونزلت فقط 3 كيلو

اسعدكِ الله يا حبيبة

 

امة الله حنان : هههههههههههههه بعد المحشي ؟! كل مرة كنت اقول مثلك لازم تكون لنا ارادة

سبحان الله كنت لما اخس وارجع ارجع الضعف ..

الله يعينا جميعا ..بالتوفيق

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

حيا الله هذا الجمع المبارك ...

أرى أننا سنشجع بعضنا إن شاء الله ^_^

 

المتفائلة : اللهم بارك ...لا تيأسي حبيبتي ...تبقى لك 7كيلو فقط للوزن الذي تريدينه

ذكري نفسك بهذا دائما وإن شاء الله ربي يهونها عليك

 

(سجى الليل):

شفاك الله وعافاك يا غالية

بصي علشان الميزان يتحرك لازم فعلا تتركي الريجيم شوية مثلا أسبوع

 

وارجعي تاني واقرصي على نفسك شوية أول يومين هتلاقيه اتزحزح بإذن الله

إنتي عارفه أنا ممكن أزيدقد إيه في خلال الأسبوع ده :icon_eek:

هاضيع كل إللي فات :mrgreen: الله المستعان .

 

ميمونة ح: أنا حاسة إني هاكون زايده هذا الأسبوع ...بصراحة لخبطت كتير ...ربنا يستر .

 

 

أمة الله حنان :

وانا جيت اهو بس عندى مشكله انا هوزن بكرة ان شاء الله بس هعمل محشى rolleyes.gif طبعا كلكم بتصرخوا دلوقتى معلش اعمل ايه هعمله بناء على طلب الجماهير

بصي يا حبوبة ..عادة أعمل المحشي يوم اللخبطة ...فتعودي على ذلك ..أي شيء تشتهييه اتركيه ليوم اللخبطة

أنا زوجي بيقولي إتي بتفتري يوم اللخبطة ده :angry: .

 

 

ريحانة :

البارحة زوجي سامحه الله احضر دونات وشوفي النفسية تحطمت

لكن هذه المرة سأكون جادة فعادة لا التزم

^_____^

اعملي فرمانات ممنوع أي حلويات أيام الأسبوع ماعدا اليوم المفتوح

ولوحصل خليك حازمة مع نفسك وقولي كلها كام يوم وآكل ما أريد

 

 

عامة يا غاليات ...أنا لا أحرم نفسي حرمانا شديدا

وإنا إذا اشتهيت شيء موجود في البيت فأنا أتذوق منه قطعة بسيطة

وصدقوني لقمة مثل عشر لقمات

 

 

شارك هذه المشاركه


رابط المشاركه
شارك

ما شاء الله اهو كده يا اخوات

 

اللهم بارك جميعكم مهتمون بالاخرين اسال الله ان يديم هذه الروح

 

وان شاء الله تقوى ارادتنا مستعينين بالله اولا وبمساندتنا لبعضنا

 

بس برده بعد المحشى :biggrin:

 

ما تنسيش نصيبنا من حلة المحشي

 

ولا صابع واحد هو انا هبله عشان افرط فى المحشى وبعدين انتى عامله رجيم هو احنا بنهزر هنا ولا ايه اثبتى :icon_eek:

 

اختى ساجده للرحمن

 

ماهو بكرة اليوم المفتوح بتاعى حسب الرجيم يعنى ما غلطش ولم اخرق قوانين بستان الرشاقه :closedeyes:

 

اختى ريحانه

 

ممكن تقوليلى على نظام التنظيف عشان عايزة اعمله وجزاكى الله خيرا

 

 

بالتوفيق للجميع

تم تعديل بواسطة امة الله حنان

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

النهاردة الوزن ...أين أنتن يا رشيقات ؟؟؟

كما كنت متوقعة ....لم يتحرك الوزن للأسبوع الرابع على التوالي :wub:

62.8

وفي انتظار الفرج :)

شارك هذه المشاركه


رابط المشاركه
شارك

وعليكم السلام ورحمة الله وبركاته

 

انا ايضا وزني لم يتحرك بل زاد بضعة جرامات

اصبحت 65 كيلو

 

بانتظار الباقي

شارك هذه المشاركه


رابط المشاركه
شارك

السلام عليكم ورحمة الله وبركاته،،

حيّا الله الحبيبات

 

حنونة وفيكِ بارك الرحمن والمحشي شهيتيني فيه وبإذن الله أعمله وبس أكل منه القليل على الغذا وبس

وتسلمي ياغالية

 

ريحانة كافية في البداية لكن ممكن تزودي كل يوم 5 دقائق فالمشي جداا مفيد

أنا مع التخفيف كنت أمشي نصف ساعة وأحيانا ربع ساعة ولكن كنت أتحرك كثيرا في البيت من تنظيف وتلبية طلبات أهلي غير صعود الدرج الذي لابد منه طوال اليوم

وربي يوفقك ياارب

 

سجودة بإذن الله أصل للهدف فأنا وضعت في الاول فقط 80 وبعدها أضع هدف آخر وهو الوصول لـ 70

لأن وزني يجب أن يكون 68 أو 66 لكن لا أريد أن أحط نفسي من البداية لذلك بدأت شيئا فشيئا

وربي يعين ويوفق

 

ميمونة بإذن الله الأسبوع القادم نكون أكثر جدية ونخس 2 كيلو يااارب

وأنا أيضا وزني ثابت 87

وسوف أحاول أن أخفف أكثررررر

 

وبالتوفيق لكل الحبيبات

شارك هذه المشاركه


رابط المشاركه
شارك

:cry: ما شاء الله كلكم ثابتين

 

انا ولله الحمد تقريبا زدت نص كيلو

 

ومن الان ساضع وزنى ونبدا على بركة الله

 

الوزن 96 :closedeyes:

 

الطول 162

 

نظام الريجيم نظام التقليل مع مراعاة السعرات

 

بالتوفيق يا غاليات

تم تعديل بواسطة امة الله حنان

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

يسر الله لكن أموركن يا غاليات

 

الإفطار : 20

الغداء : 20

العشاء : 20

الماء :20

رياضة : 0

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

انا جيت

 

صراحة كنت هربانة من الميزان لأني كنت متوقعة صدمة وبالفعل :(

 

ذدت حوالي كيلو ونصف

 

لخبطة أسبووووووووع كامل ضيع الكثير

 

وزني الآن 27.5

 

صراحة :(

 

يلا نبتدي من جديد

 

بإذن الله

 

انا وزنت الظهر والتزمت بعدها

 

يعني

 

الفطار: 5

 

الغذاء:15

 

العشاء: 20

 

الرياضة: 20

 

بين الوجبات 15

 

 

سجودة

 

لو تريدي يتحرك الميزان يبقى الرياضة مهمة جدا

 

وفيه شيء تاني قالته لي واحدة من اللي كان اوزانهم كبيرة وخسوا جدا جدا بفضل الله

 

لما يثبت وزنها تمشي على الريجيم الكميائي

 

اللي هو بروتين فقط تقريبا لمدة اسبوع ويتغير الوزن بسرعة جدا

 

التفاصيل طبعا انا مش عارافها لكن قلت أقولك لو تحبي تدوري

شارك هذه المشاركه


رابط المشاركه
شارك

ازيكم يا حبيباتي

 

ماشاء الله عليكِ سجودة ربنا يعينك

 

حنونة نبتدي من بكرة ان شاء الله ونثبت كده

ربنا يوفقك يا قمر

 

سجوجة حبيبتي

انتي كاتبة الوزن 27 ههههههههههههههههههه

انتي محتاجة تزيدي ضروري

 

ربنا يوفقنا جميعا ويعينا

 

الافطار 15

الغداء 15

العشاء 20

الماء 10

الرياضة 0

بين الوجبات 20

شارك هذه المشاركه


رابط المشاركه
شارك

السلام عليكم ورحمة الله وبركاته

بصراحة الموضوع عجبني جدا جزاك الله خيرا يا اختي

ميمونة لانك انتي من اخبرتني به

انا بصراحة مكنتش ملاحظة ان في الموضوع ده خالص

 

وقررت انور لكم الموضوع

:cry: واكون معاكم

اللقب: زهرة الليل المضيئة.

الوزن : _لكن متتخدوش_79 كيلو :cry: ا

الطول:_ماشاء الله اللهم بارك_170س :tongue: م

الوزن المراد:70سم

النظام المتبع:بالبركة يعني قللت الاكل شوية

الرياضة :لااقوم باي رياضة

 

والعجيب اني كنت عملت رجيم من شهر كده

وكان وزني 77 كم ووصل وزني بالرجيم الممتاز الناجح ده ل79 كمانا مش عرفة ازاي ولو اني كنت مقللة اكلي خالص

ياله خيرها في غرها ان شاء الله معاكم المرة ده هخس بجد ان شاء الله

واحسن حاجة الصحبة وان احنا نكون مشجعين بعض

 

 

 

انا اسفة للاطالة بس اخر حاجة هي ايه الارقام الموجودة بجوار

الافطر

الغذاء

العشاء

 

 

معلش انا نورتكم بزيادة شوية :cry: :rolleyes: :biggrin: :rolleyes:

شارك هذه المشاركه


رابط المشاركه
شارك

وعليكم السلام ورحمة الله وبركاته

 

اهلا بحبيبتي زهرة الليل المضيئة

 

بصي يا حبيبتي

احنا بنحاسب نفسنا

يعني لو احنا ما بوظناش الدنيا في الافطار وانتظمنا ناخد 20 ولو بوظنا نقلل الدرجة على حسب التبويظ

مثلا الرياضة لو اتحركتِ كتير ومشيتِ تاخدي عشرين برضه وتقللي على حسب

 

بالنسبة للماء بنشرب 6 اكواب ماء وبرضه تقللي الدرجة على حسب ما تشربي

وبكده بتحسي انكِ مراقبة فبتحاولي تحافظي

 

يا ريت اكون قدرت اوصلك المعلومة

 

بالنتظار تقريرك اليوم بإذن الله

تم تعديل بواسطة ميمونة ح

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

يا هلا بالوجه الجديد زهرة الليل

والعجيب اني كنت عملت رجيم من شهر كده

وكان وزني 77 كم ووصل وزني بالرجيم الممتاز الناجح ده ل79 كمانا مش عرفة ازاي ولو اني كنت مقللة اكلي خالص

ضحكت كثيرا على هذا الرجيم الروعة

الله يعينك يا غالية

إن شاء الله تنتظمي معنا .... وينزل وزنك للوزن المطلوب :)

 

سجي الحبيبة : الحمد قمت بالرياضة اليوم

ولكن لن أجعلها يوميه وسأكتفي بجعلها 3 مرات في الأسبوع فقط

أما بالنسبة للرجيم فأنا هذا الأسبوع أقوم برجيم جديد ....إذا نفع معايا سأخبركن به

ولكن سأجربه أولا على نفسي :mrgreen: لأرى إذا كانت نتائجه جيده أم لا

 

 

الإفطار :20

الغداء :20

العشاء :20

الماء: 15

الرياضة :15

 

دعواتكن :)

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

حياك الله معنا يا زهرة الحبيبة

وبإذن الله تصلي للوزن المثالي

ماشاء الله سجودة ماشية تمام وفعلا مثل ما قالت سجى أهم شئ الرياضة تساعد كثيرررا

طيب بانتظار الريجيم وياارب يجيب معكِ نتيجة مفرحة

 

ربي يوفقك يا ميمونة وتقريرك حلو ويارب يكون كل وجبة عليها 20

 

اليوم تقريري مش ولابد

الفطور : 10

الغذاء :10

العشا :20

الماء :10

الرياضة :10

بين الوجبات:10

 

وفينكم يا بنات تعالو شاركونا

وبالتوفيق لكل الحبيبات

شارك هذه المشاركه


رابط المشاركه
شارك

:cry: :cry: السلام عليكــم ورحمـة الله وبركاتــة

 

ما شاء الله اللهم بارك همم عاليه ربنا يثبتكم جميعا

 

اهلا اختى زهرة بك معنا ولوكان الرجيم بتاعك بالمنظر ده يبقى بلاش رجيم خالص وزيادة بزياده ما بقاش حرمت نفسى

 

انا بقى لدى مشكله كبيرة انا أبلد واحده فى الفصل

 

من ساعت ما بطلت الرجيم وانا مش عارفه اقف

 

النهاردة الصبح وزنت لم اجد الوزن 96 وانما 97 فقررت ان ابدا بإذن الله

 

ولكن لم استطع بالرغم انى النهارده بوظت الغدا وطلع طعمه وحش جدا الا انى فضلت اكل برده مش عارفه ليه

 

اعمل ايه ؟؟؟ انا زعلت من نفسى جدا لا انى ما كنتش جعانه والله

 

الله المستعان

 

بالتوفيق اخواتى

شارك هذه المشاركه


رابط المشاركه
شارك

ما شاء الله سجودة ربنا يوفقك

بإنتظار رجيمك الناجح بإذن الله

 

حبيبتي المتفائلة ربنا يعينك

تقريرك حلو

 

 

حبيبتي حنان

ما تكتئبيش حبيبتي انتي تقدري تنزلي بإذن الله

بما انك قبل كده كنتي نزلتي 13 كيلو

انتي اكيد حالتك النفسية مش ولا بد مش عارفة انا حاسة كده

ربنا يعينك يا حنونة

عايزة تبدأي من امتى

من بكرة ولا من أول الأسبوع ؟

شوفي نفسك كده وقوليلنا وبإذن الله تخسي وتوصلي للوزن المثالي واحنا معاكي ان شاء الله

بس اهم شئ ما تكتئبيش لان الاكتئاب بسبب الوزن بيسبب زيادة رهيبة

وفقكي الله وأعانكِ ويسر لكِ أمرك

 

تقريري

الافطار 15

الغداء 20

العشاء 15

بين الوجبات 10

الماء و الرياضة بصراحة ايام الدورة مش بعرف اشرب ماء أو أمارس رياضة أو أمشي بفضل نائمة في السرير أول تلات ايام

معلش

 

ربنا يوفقنا ويعينا

آمين

شارك هذه المشاركه


رابط المشاركه
شارك

جزاك الله خيرا ميمونه

 

هو انا باين عليه اوى كده الله المستعان

 

ان شاء الله ابدا من بكرة وافرحك بيا

 

احبك فى الله ميمونه

 

وادامك الله لى انتى والاخوات لترفعوا معنوياتى

 

بوركتم جميعا

شارك هذه المشاركه


رابط المشاركه
شارك
احبك فى الله ميمونه

 

أحبكِ الله الذي أحببتني فيه

فرج الله همك وشرح صدرك

بارك الله فيكِ حبيبتي

شارك هذه المشاركه


رابط المشاركه
شارك

السلام عليكم يا أخوات أريد أن أشارك معكم فأنا محتاجة للتشجيع لعمل ريجيم أنا بطني بعد الولادة بازت خالص و زدت في الوزن ساااااااااااااااااااعدوني أعطوني حل لبطني أنا وزني 75 و طولي 158 كم الوزن الزائد الذي لازم أتخلص منوا؟؟؟؟؟ :oops: :oops: :oops:

شارك هذه المشاركه


رابط المشاركه
شارك

السلام عليكم أريد الأنضمام أليكم

الأسم و اللقب:أم معاذ المحدث السلفي

الوزن الحالي:75

الطول:158

الوزن المراد الؤصول إليه:58

لا أعرف نظام غذائي ناجح ساعدوني

سأمارس الرياضة إن شاء الله

يا أخوات بطني بعد الولادة عاملالي عقدة زي ما أكون لسه حامل ساعدووووووووووني

شارك هذه المشاركه


رابط المشاركه
شارك

أهلا ومرحبا بالحبيبة أم معاذ السلفي

 

حبيبتي احنا مش بنمشي على نظام معين

احنا بنقلل في كل حاجة نبتعد قدر الامكان عن النشويات و الدهون والحاجة المقلية والسكريات

مش بنحرم نفسنا منهم عشان دا بيرجع بأثر سلبي وبيبوظ الدنيا

وبنشرب 6 اكواب ماء

وبنمارس الرياضة وممكن المشي لو مش بتمارسي رياضة أو الحركة الكتيرة يعني أي مجهود بدني

وبعدين كل يوم نكتب تقرير عن مدى المحافظة عشان نحس ان احنا مراقبين ونشجع بعض

وبنوزن كل يوم خميس

 

لو انتي عايزة رجيم تمشي عليه اجيبلك رجيم؟

انتي بترضعي ولا حاجة؟

 

بإذن الله توصلي معنا للوزن المرغوب

وتبقي ارشق الرشيقات يا حبيبتي

شارك هذه المشاركه


رابط المشاركه
شارك

كنت لسه داخله اقولها يا ام معاذ استنى ميمونه تجاوبك

 

لقيتك سبقتينى

 

جزاك الله خيرا ميمونه

تم تعديل بواسطة امة الله حنان

شارك هذه المشاركه


رابط المشاركه
شارك
زوار
هذا الموضوع مغلق.

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×