¤؛²°`¯ ¯`°²؛¤ بستان الرشاقة لمتابعة الاوزان هلموا يا وردات ¤؛²°´¯ ¯´°²؛¤

[ساجدة للرحمن 2049]

السلام عليكــم ورحمـة الله وبركاتــة ،،

اللهم عفوك : لا حبيبتي لا تقلقي

إن شاء الله تنزلي حبة حلوين كده زيك ^_^

ربي ييسر لك غاليتي

 

 

حنونة :

كده برده يا ساجدة ده انا كنت بهزر

عارفه يا حبيبة قلبي والله ...وأنا أيضا كنت أمزح معك :)

 

وربنا يستر على الميزان قلقانه فعلا :)

المتفائلة مختفيه من كام يوم

ربي يرجعها بالسلامة

[(سجى الليل) 65]

السلام عليكــم ورحمـة الله وبركاتــة ،،

 

حياكن الله يا غاليات

 

يارب تكونو بخير حال

 

انا الحمد لله مواظبة على الريجيم بفضل الله والرياضة

 

لكن اليوم ربنا يستر عندي عزومة وكمان على العشا

 

يعني أكيد اليوم مضروب مضروب

 

 

حنونة:

 

الله يسعد قلبك

 

بارك الله فيكِ

 

لا والله تماسكت والحمد لله ربنا ثبتني ^_^

 

سجودة

بإذن الله يكون خير

انتي فعلا علشان وزنك قارب منضبط الأن فالنزول مش بسهولة خالص

 

اللهم عفوك

 

بإذن الله تبشرينا بكرة بالميزان

 

راجية:

 

نظامك جميل

 

اهم شيء فعلا العشا هو اللي ورا كل زيادة

 

ميمونة : شدي حيلك يا جميل

 

شمعة: يلا بطلي كسل وتعالي

[اللوتس رآجية الجنة 471]

راجية:

 

نظامك جميل

 

اهم شيء فعلا العشا هو اللي ورا كل زيادة

 

معاك حق يا سجى اهم شيء العشاء فمثلا لو الغداء اكلتي كثير راح تقدري تحرقيه بالرياضة او الخروج من المنزل للمشي لمدة نصف ساعة او حركة معينة تقومي بها في البيت بالاخص لو كانت المرأة متزوجة اكيد راح تكون مشغولة بشغل البيت والاولاد الي ميخلوش الوحدة ترتاح ابدا ولكن العشاء مستحيل ؟؟؟اكيد كل وحدة فينا تتعشى وبعدين على طول للنوم وانت عارف الباقي وايه الي يحصل للجسم والاكل الي اكلنها في العشاء مصيرو ايه

[اللهم عفوك 3]

السلام عليكم يا حلوين

يا رب الكل يكون بخير

انا كمان لاحظت غياب المتفائله

لعله خير، منتظرينك يا حبيبة

*********

تقرير اليوم

الفطار

20

الغدا

ووووووووووحش عكيت برضو الرز

العشا

20 خلاص بقى دبيتها مش هأتعسى

الماء

20

بين الوجبات

20

الرياضة للأسف 0

النهاردة كسلانه ومودى وحش متضايقة شوية وعشان كده مش مظبتة فى أى حاجة

ادعولى انا لما بأبقى مخنوقة بعك فى كل حاجة، وباكل كتير

وبكرة الولاد عايزين محشى ورق عنب

وانا باموت فيه

دلونى أعمل إيه؟

بالله عليكم اللى تدخل بعدى تدعيلى فى صلاة الفجر او القيام بالعفو والعافيو

فى امانة الله

[امة الله حنان 0]

بالله عليكم اللى تدخل بعدى تدعيلى فى صلاة الفجر او القيام بالعفو والعافيو

سبحان الله شوفتى مين اللى بعدك .. انا وراك وراك فى الوزن وحتى دلوقتى

هونى على نفسك اختى اسال الله لك العفو والعافيه وانشراح الصدر اااامين

وما تلاقلى نفسك زعلانه ولازم تاكلى فى حاجه قالتهالى ميمونه ولسه سمعاها على النت هو نظام اللقيمات

وهو انك هتاكلى وكل حاجه بس كميه قليله بس قبل ما تاكليها بُصِلها دقيقه حتى تثبت فى الذاكرة ويتعود المخ على الكميات القليله

وانا ان شاء الله هتبع النظام ده من الاسبوع القادم

بالتوفيق اختى وموعدنا غدا مع الميزان بارك الله فيك

[امة الله حنان 0]

وبكرة الولاد عايزين محشى ورق عنب

وانا باموت فيه

دلونى أعمل إيه؟

معلش ماقريتش دى بصى الدكتور قال جيبى 3 اطباق حطى فى واحد نصه ... نصه بس سلاطه وطبق تانى نصه محشى وطبق تالت نصه لحوم

ودى هى هتبقى الوجبه الرئيسيه وبقيت اليوم اللقيمات يعنى الفطار والعشا وباقى اليوم لقيمات يعنى نص كوب زبادى . بيضه بربع رغيف . 10 حبات سودانى وهكذا

طبعا انتى هتروحى زيي تجيبى طبق التقديم وتحطى نصه محشى صح على العموم العصفورة هتقولى خلى بالك

وربنا معاك اختى

[*ميمونة* 104]

حبيبتي اللهم عفوك

ربنا يوفقك يا حبيبة اصلا اعملي لنفسك يوم مفتوح كلي فيه محشي أو أي حاجة بس في وجبة واحدة

بالهنا والشفا المحشي يا عسل

فرج الله كربك و أزال همك ورزقكي السعادة في الدنيا والآخرة

 

ممكن أعرف اسمك عشان نناديلك بيه

 

 

حبيبتي حنونة

أزيك يا سكرة ربنا يوفقك

الوزن بكرة يا ترى مين اللي هتنزل

أكيد مش أنا

على فكرة رجيم اللقيمات ده جميل للي نفسهم بتكون مفتوحة جدا بالليل قبل النوم

ربنا يوفقك وتنزلي عليه بإذن الله

 

تقريري

الافطار 20

الغدا 20

العشاء 10

الماء 20

الرياضة 20

 

 

ربنا يوفقنا آمين

[*ميمونة* 104]

أجبلكم رجيم اللقيمات بإذن الله

[امة الله حنان 0]

حبيبتي حنونة

أزيك يا سكرة ربنا يوفقك

الوزن بكرة يا ترى مين اللي هتنزل

أكيد مش أنا

 

الحمد لله بخير ميمو والف مبروك على التميز ودائما باذن الله تكونى من المتميزات

ان شاء الله كلنا بكرة ننزل انا حاسه ان مفيش حد هيزيد ان شاء الله

ميعادنا بكرة وجزاك الله خيرا على النظام قبل ما تجيبيه

 

ومبروك لك يا اللهم عفوك على التميز ايضا ربنا يثبتكم اجمعين

[شمعة... 35]

بارك الله فيكن أخواتي على ردودكن المشجعة

 

حسنا سأبدأ أولا بتخفيف كمية الأكل الذي أتناوله كل وجبة

و شرب 6 أو 8 أكواب ماء

تجنب الأكل بعد ال 9 مساء

شرب أعشاب مغلية بدون سكر يوميا

ماذا تضفن لي...؟؟

 

ما هي الحمية المتبعة هنا؟

يبدو أن كل أخت تتبع نوعا مختلفا

 

سأبدأ من يوم الميزان غدا، ثم بعدها أختار نوع حمية مناسب لي

:)

تم تعديل 11 مايو, 2011 بواسطة شمعة...

[*ميمونة* 104]

جزاكِ الله خيرا حنونة

 

حبيبتي شمعة احنا بنخفف الاكل وكل واحدة بتمشي بنظام معين يعجبها

وحلو الحاجات اللي انتي قولتي عليها امشي عليها أول اسبوع وشوفي هتنزلي عليها

ربنا يوفقك

 

دا موضوع عن رجيم اللقيمات

 

في الوقت الذي يشكو فيه نصف سكان العالم من البدانة، وربعه الآخر من البدانة المفرطة، يبقى السؤال الأكثر شيوعاً لدى الكثيرين هو كيفية التخلص من تلك الكيلوغرامات الزائدة والمزعجة. البعض ينجح والأغلبية تفشل وبخاصة مع ما تتطلبه أنواع الحميات المختلفة من متابعة نظم الغذاء الخاصة بها، حتى بعد الانتهاء منها.

 

ومن البديهي أن تصبح السمنة من أكثر القضايا أرقاً للنساء والرجال على حد السواء، وبخاصة مع انتشار نموذج الجمال الرشيق عبر الفضائيات.

بين حرمان الرجيم وإرهاق التمارين الرياضية يحتار الكثيرون ، إلا أن الدكتور محمد الهاشمي أستاذ السمنة بكلية الطب جامعة القاهرة استشاري علاج السمنة المفرطة ، توصل إلى نظاماً غذائياً جديداً أطلق "رجيم اللقيمات" لا يعتمد على الحرمان من أجل الوصول إلى الرشاقة .

 

الدكتور محمد الهاشمي، أستاذ السمنة بكلية الطب جامعة القاهرة واستشاري علاج السمنة المفرطة، أكد، أنه وحتى الآن، لم يبتكر العلماء في الدول المتقدمة دواء سحرياً يشفي من السمنة، كما لم يستطيعوا التوصل لنظام غذائي يمنح الناس الرشاقة بسهولة، ويستدل على ذلك بأن سكان أوروبا والولايات المتحدة يعانون أكثر من غيرهم من البدانة المفرطة، وهو ما يجعلهم أكثر من غيرهم لجوءاً لجراحات السمنة، رغم ما تعنيه من مخاطر ومضاعفات، وهذا ما دفعه للتفكير في نظام غذائي أطلق عليه اسم «اللقيمات».

 

 

وكما يقول الدكتور محمد الهاشمي، فإن أهم ما يميز ريجيم اللقيمات أنه لا يعتمد على الحرمان، كونه يمنح الإنسان الفرصة لتناول كل أنواع الأطعمة، لكن بمقادير صغيرة على مدار اليوم. والهدف أن يعتاد المخ على تناول كميات بسيطة من دون أن يشعر بالجوع، ويضيف الدكتور الهاشمي: «لهذه الحمية فلسفة تعتمد على عدم الاهتمام بنوعية الطعام الذي نتناوله، أو الارتباط بمواقيت محددة لتناول الأطعمة فيها، بمعنى أنه لا توجد أطعمة محظورة في فترة الحمية».

 

 

* علم اللقيمات توصل له ادكتور الهاشمى من قول الله تعالى فى الاية 31 من سورة الاعراف ( يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ ) وكذلك من الحدي الشريف لرسولنا الكريم صلى الله عليه وسلم " ما ملأ آدمي وعاء شر من بطن، بحسب ابن آدم لقيمات يقمن صلبه، فإن كان لا بد فاعل فثلث لطعامه وثلث لشرابه، وثلث لنفسه"

 

 

* واللقيمات هى أقل كمية من الطعام تكفى لاعطاء الانسان الطاقة الكافية لحركته ، وأى نوع من الطعام بغض النظر عن مقدار السعرات الحرارية التى يحتويها يمكن أن يستخدم كلقيمة .

 

وتركز حمية اللقيمات على دور المخ في نجاحها من خلال مركز يوجد به، يطلق عليه العلماء اسم «فرس البحر»، الذي ازدادت أهميته في عالم الطب بعد اكتشاف دوره وتأثيره في الكثير من الأمور في جسد الإنسان، من بينها الذاكرة، وحالة النهم التي تصيب الإنسان. كما ثبت للعلماء مسؤولية هذا المركز عن الإدمان بجميع أنواعه. ليس هذا فقط، بل تبين أن هذا الجزء من المخ هو الوحيد الذي تتجدد خلاياه كل أسبوع، وبالتالي فإننا إذا نجحنا في أن يعتاد هذا المركز على تناول لقيمات بأحجام صغيرة على فترات تتراوح بين الساعة ونصف الساعة والساعتين، فإن النتيجة ستكون مرضية بشكل كبير.

 

وتقوم فلسفة "اللقيمات" على عدم الاهتمام بنوعية الأكل وأوقاته فلا يوجد أكل ممنوع أو إفطار أو غذاء أو عشاء ، بينما ترتكز المعاملة على مركز في المخ

اسمه" فرس البحر" hipp cumps .

 

هذا المركز اكتشف العلماء في السنوات الخمس الأخيرة عدة حقائق عجيبة عنه :

1- المسئول عن الذاكرة

2- المسئول عن النهم حيث الإنسان قد لا يكون جوعان لكنه يأكل لوجود الأكل أمامه .

3- مسئول عن الإدمان بجميع أنواعه " الخمور – المخدرات – التسوق – الأكل ... إلخ "

4- اكتشف في السنوات الأخيرة الماضية أنه المركز الوحيد في المخ الذي تتجدد خلاياه كل أسبوع .

 

ومثال على الوجبة أن تتكون من نصف ثمرة مانجو، وثمرة موز، وثلاث تمرات، ونصف كوب بوظة، مكعب شوكولاته، خمسحبات بندق، نصف قطعة خبز محمر مع ملعقة مربى أو حلاوة طحينية، إضافة إلى ملعقتي فول وبيضة مسلوقة.

ويؤكد الدكتور الهاشمي أن هذه الوجبات ليست بقصد إشباع المعدة إنما بقصد تدريب النظر والمخ على الأحجام الصغيرة، حتى تصبح هذه الأحجام طبيعية في نظره. وبالرغم من صغر حجم الوجبات وتحولها إلى لقيمات، إلا أن هذا النظام يحتوي على وجبة كبيرة في المساء يطلق عليها الدكتور الهاشمي اسم «الوجبة المرحة»، لأنها تعد مكافأة لمركز «فرس البحر».

 

لكن هنا أيضا يجب أن نلجأ إلى خدعة بصرية، حيث نراعي أن يترك النصف الأيسر من كل طبق فارغا ويوضع الطعام في النصف الأيمن بهدف تعود العين على منظر الأطباق نصف الفارغة، فيصبح ذلك أسلوب حياة دائم. وتحتوي هذه الوجبة على ثلاثة عناصر هي نصف طبق من طعام المنزل فيه أي نوع من النشويات، ونصف طبق سلطة، ونصف طبق حلوى، ويشترط أن يتم تناول تلك الوجبة أثناء الاستماع للموسيقى الهادئة. وكلها عناصر تؤدي إلى سعادة مركز «فرس البحر»، وفي الوقت نفسه تساعد الموسيقى على تثبيت الذاكرة على تناول كميات الطعام بكميات صغيرة.

 

السوائل هي الأخرى لها نصيب في هذا النظام، حيث يسمح بتناول 5 أكواب منها، ويمكن تنويعها فنشرب الشاي والنسكافيه واللبن والماء والمياه الغازية منزوعة السكر، كما يمكن إضافة السكر للمشروبات الساخنة بشرط ألا تزيد على 5 ملاعق في اليوم. كما يشترط أن يتم تناول المشروبات قبل تناول الوجبة الصغيرة بنحو عشر دقائق أو بعدها بساعة.

 

ويبشر الدكتور محمد الهاشمي مَن يعانون من زيادة في الوزن، بإنقاص وزنهم بنحو 1 ـ 2 كيلوغرام في الأسبوع إذا اتبعوا هذا النظام بدقة.

 

ويؤكد الدكتور الهاشمي: «لقد اكتسب مرضاي الثقة من النتائج التي تحققت لأصدقائهم وأقاربهم، فعلى مدى عام كامل قمت فيه بدراسة الحالات التي اتبعت هذا النظام تبين لي أن 91% تفهموا طبيعة ريجيم اللقيمات واستمروا عليه ونجحوا في إنقاص وزنهم بنحو 23.4 كلغم في المتوسط على مدار عام واحد من بداية الرجيم.

نماذج لما يمكن تناوله في ريجيم اللقيمات تتكون حمية اللقيمات من جزءين:

 

1 ـ اللقيمات المتكررة على مدار اليوم ويكون عددها من 5 إلى 7 يوميا حوالى كل ساعتين الى ثلاثة ساعات على مدار اليوم .

2 ـ الوجبة المرحة مرة واحدة في المساء وهى الوجبه التى تاكلى بها كل شئ تحبينه و لكن بكميات معقولة .

 

 

 

 

نماذج للقيمات:

 

 

ـ ربع رغيف بلدي أو قطعة خبز محمر، ملعقة فول أو ملعقة جبن من أي نوع، بيضة أو جزء منها.

ـ بعض حبات المكسرات 1 ـ 5 حبا

ت بندق أو لوز أو 5 ـ 10 حبات فول سوداني.

ـ ثمرة فاكهة أو خضار أو جزء منها من دون وجود محظورات على أي نوع.

ـ ثلث كوب عنب أو نصف كوب بطيخ أو كانتلوب.

ـ قطعة صغيرة من الشوكولاته.

ـ نصف كوب صغير من البوظة أو الزبادي.

ـ نصف مثلث بيتزا أو ربع ساندويتش من الوجبات السريعة الجاهزة.

 

نماذج للوجبة المرحة:

 

خمس أطباق كل طبق منهم فى حجم فنجان الشاى ، وتشمل هذه الاطباق جميع العناصر الغذائية التى يحتاجها الجسم.

ـ كمية من الخضار المطبوخ توازي كوباً من الخضار.

ـ ما يعادل نصف كوب من النشويات المطبوخة «بطاطس أو معكرونة أو أرز أو محاشي، أو ما يعادل حجم الكف من الرقاق أو البيتزا أو نصف رغيف خبز بلدي.

ـ ما يعادل قطعة في حجم كف اليد من البروتينات تكون من السمك، دجاج، لحم، بيضتان مخفوقتان ومقليتان، أو قطعة جبن.

_ ما يعادل كوب سلطة

ـ الطبق الخامس يحتوى على قطعة صغيرة من الحلويات .

 

قد يتعجب البعض من وضع الوجبة المرحة فى الليل على الرغم من الاعتقاد الشائع بأن قدرة الجسم على الحرق السعرات الحرارية تقل فى الليل ،ولكن ثبت علميا أن هذا كلام غير صحيح لذا الدكتور الهاشمى جعل الوجبة الكبيرة بالليل كنوع من أنواع المكافاة للجسم بعد تحمله عناء تناول اللقيمات الصغيرة .

 

نقلت لكم هذا الرجيم الطفره لما شاهدت من نتائج له عندنا فىمصر نتائج روعه فجربوه وكمان خفيف وليس به نوع من الحرمان

 

 

مع حبى وتقديرى

 

أختكم فى الله

[*ميمونة* 104]

السلام عليكم ورحمة الله وبركاته

 

انا شايفه ان لو تنحى القذافي مش هنزل عن 65

واقفة مش راضي جسمي ينزل

 

بإذن الله هامشي على نظام جديد

ويارب يجيب نتيجة

 

 

بإنتظار الحبيبات

يإذن الله تكونوا خسيتوا وما تبقوش زيي

[امة الله حنان 0]

ايه يا ميمونه انتى وزنتى بدرى كده ليه

هو انتى لحقتى تصحى شكلك وزنتى اول ما فجر الخميس طلع

ما تزعليش يا ميمو بكرة تخسى ان شاء الله ولو ان وزنك كده والله حلو ربنا معاك

 

انا ولله الحمد خسيت 2 كيلو

عقبالكم كلكم

بانتظار الجميع

تم تعديل 12 مايو, 2011 بواسطة امة الله حنان

[اللوتس رآجية الجنة 471]

كيفكم يا رشاقات كيف معاكم الرجيم

 

الله يعنكم عليه يا رشقات

[*ميمونة* 104]

ألف مبروك للحبيبة حنان

إلى الأمام يا بطلة

[زهرة الليل المضيئة 0]

السلام عليكم ورحمة الله وبركاته

وبعد غياب طويل

كيف الحال يا اخوات الرشاقة؟

مرحبا واهلا بالجديدات

انا عندي امي عملا عليا حظر تجول على النت :rolleyes:

يعنى في البيت ممنوع دخول البنات على النت

وخصوصا انى كان عليا بحثين في الكلية لسا مخلستهمش

فكان مستحيل انى ادخل

وكمان كمان اسبوع امتحناتى

ادعولى بالله عليكم

يعنى دي ممكن تكون آخر مرة ادخل الى انتهاء الامتحانات :mrgreen:

 

لكن رجيم اللقيمات ده غريب جدا

وكمان بيتهيألى انه مش مع كل الناس

لانى انا كل يوم تقريبا بخرج من البيت الساعة 7

وطبعا لا اضع اي شئ في فمي قبل الساعة 7 واحيانا 9:30 مساءا

ومع ذلك لا اخس

لكنى لاانكر اني بعد مبرجع بزودها حبتين في الاكل

ووزنى ثابت 79

 

هتوحشونى اوي الي ان ينتهي حظر التجول :rolleyes:

[ساجدة للرحمن 2049]

السلام عليكــم ورحمـة الله وبركاتــة ،،

 

كيف حالكن يا حبوبات ...وكيف الوزن معكم ..

راجية : منورانا حبيبتي :)

 

ربي يبارك فيك ميمونة على المعلومات ^_^

وبالنسبة لثبات الوزن تحتاجي نظام رجيم قاسي بعض الشيء ومختلف عن أكلك المعتاد حتى يتحرك الوزن ...

 

حنونة : اللهم بارك ....ربي يعينك ويثبتك يا حبوبة ...هذه هي الشطارة :)

 

شموعة : لا حبيبتي ...كلنا _ والله أعلم _ نعتمد على تخفيف كمية الوجبات فقط

فأنا لا أحرم نفسي من شيء ..فإذا اشتهيت شيء أكلت منه قضمة أو شربت شربه ...وهكذا

المهم لا أزيد

 

 

المتفائلة : ربي يردك إلينا ردا جميلا حبيبتي ...في انتظارك

 

اللهم عفوك : طمنيني حبيبتي ...يا رب تكوني نزلت كام كيلو كده يا رب ..

 

 

بالنسبة للوزن : نزلت 100 جرام فقط :mrgreen:

ولكن الحمد لله ...بصراحة كنت متخيلة أنني سأزيد

الوزن الآن : 60.5

[(سجى الليل) 65]

السلام عليكــم ورحمـة الله وبركاتــة ،،

 

كيفكم يا بنات

 

كيف الميزان اليوم

 

حنونة

 

مبارك يا جميل وعقبال كل أسبوع بإذن الله

 

ميمونة

 

ما تزعلي حبيبتي إن شاء الله ينزاح الميزان للخلف وينزاح القذافي من قدام عنينا

 

الحمد لله وزنت نفسي في الصباح لقيته 68.8

 

الحمد لله خسيت تقريبا كيلو

 

كنت خايفة جدا من عزمة البارحة لني عكعكت حلويات وليس اكل

 

ولكني عاقبت نفسي اليوم صباحا وكان الفطور كوب شاي بلبن وفاكة ولقمة صغيييييييرة بقطعة بيض

 

مستنين باقي الحلوات

[شمعة... 35]

أختي *ميمونة* جزاكِ الله خيرا

أول مرة أقرأ عن هاته الحمية..لكن لا أعتقد أني سأجربها

تبدو صعبة..

:)

 

أختي ساجدة للرحمن هذا ما أنوي فعله إن شاء الله

جزاكِ الله خيرا

تم تعديل 12 مايو, 2011 بواسطة شمعة...

[امة الله حنان 0]

ألف مبروك للحبيبة حنان

إلى الأمام يا بطلة

ربنا يكرمك ميمونه فبفضل الله ثم تشجيعك لى وعدم فقدانك للامل بى لما تحمست

بارك الله فيك ونولك كل ما تريدين

 

حنونة : اللهم بارك ....ربي يعينك ويثبتك يا حبوبة ...هذه هي الشطارة

:)

ربنا يسعدك اختى ساجدة فلولا كلمتك لسجى ما كنت بدات فجزاك الله الف خير

وكما يقول المصريون يا بخت من بكانى وبكى عليا ولا ضحكنى وضحك الناس عليا

ادعيلى يا رب اثبت

 

حنونة

 

مبارك يا جميل وعقبال كل أسبوع بإذن الله

جزاك الله خيرا سجى على كلماتك الرقيقه

بوركت اختى

 

اختى المتفائله اين انتى مش تيجى تشجعينى شويه

اهلا بك اختى زهرة الليل المضيئة واعانك اختى فى الامتحانات ونحن بانتظارك اختى

 

شمعه يلا اختى ابداى ومستنين تقريرك

 

اللهم عفوك شيفاكى تحت يلا تعالى بشرينا

 

بالتوفيق للجميع

تم تعديل 13 مايو, 2011 بواسطة امة الله حنان

[اللهم عفوك 3]

 

 

أخواتى الحبيبات

*****

حبيبتى

حنونة

تسلميلى حبيبتى، الله يبارك فيكى

ومبروووك النزول يا قمر أمممواه

والله يا حنونة موضوع شاغنلى كتير وشاغل بالى ومأرقنى، الله المستعان

انا عملت المحشى وطبعا حطيته فى طبق سرفيز كبييييييير وأكلت حتتك بتتك

بس كانت فى وجبة الغدا، وما اتعشتش، رغم إن النهاردة يوم راحتى

**********

ميمونة يا قمر

مبروك التميز يا حبيبة

وبالنسبة للنزول ليه ما تجربيش رجيم التمر واللبن

على فكرة مش صعب، تعرفى انا طبقته كام يوم وعملت حاجة ظريفة خلتنى أتغلب على جوع اليوم، كنت بأبقى من السبع تمرات تمرتين لبين الوجبات لما أكون جعانة، وبكده أشبع من غير ما أكسر النظام، وكمان فيه حاجة حلوة جدا لاحظتها، الزبادو بالفاكهة الزجاجة فيها 75 سعر فقط، وعلبة الزبادى 85 سعر يعنى ممكن تتحايلى برضو على كوب الحليب( اللى فيه 120 سعر) وتستعملى منتجات الحليب دى بسعرات أقل وتزودى عبوة زيادة لوقت تكونى جعانة فيه

أنا عملت كده وكنت طول اليوم مركزة ومش دايخةن جربى وإن شاء الله هتدعيلى

على فكرة أنا اسمى

هناء

يا قمرى

******

ساجو

و

سجودة

مبروك النزول ويا رب دايماً

ومبروك الإشراف يا ساجو

ربنا يعينك يا حبيبة

*******

برافوا يا

شمعة

أيون كده طلى بطلعتك البهية يا جميل

مستنيين تقريرك يا قمر

********

نيجى بقى للوزن

انا نزلت 5 كيلو ولله الحمد، :biggrin:

انا متعودة فى أول اسبوع بأنزل الخمسة وبعد كده بيقل النزول، بس المرة دى ناوية أتلاعب شوية نفسى أكسر المية قبل رمضان

ادعووولى قوى يا بنات

بضمير ها؟!!!!

ادعولى كمان أجيب ميزان الديجتل قريب، ما تدعى إنتى وهى، الله!!! :icon15:

********

أشوفكم على خير بكرة مع التقرير

فى رعاية الله وأمنه

تم تعديل 13 مايو, 2011 بواسطة اللهم عفوك

[*ميمونة* 104]

أخبار جميلة تفرح الحبيبات كلهم ما شاء الله خسوا

مبروك حبيبتي هناء النزول

ربنا يعينك يا سكرة

 

تقريري

 

الافطار 20

الغداء 15

العشاء 10

الماء 20

الرياضة 0

[شمعة... 35]

السلام عليكــم و رحمـة الله و بركاتـه

 

صحيح أخبار مفرحة..

مبارك خسارتك ل 5 كيلوغرامات أختي اللهم عفوك، رزق الله الهمة..

 

تقريري

 

الإفطار 20

الغداء 20

العشاء 20

الماء 20

الرياضة 00 :)

 

لكني جعت في الليل فأكلت طبق فلافل و كوب عصير..يعني وجبة إضافية

عدم الأكل بعد التاسعة، في رأيكن متى آخر وقت يمكن الأكل فيه؟

شرب أعشاب بدون سكر..كانت صعبة، لكن سأتعود..

تم تعديل 13 مايو, 2011 بواسطة شمعة...

[(سجى الليل) 65]

السلام عليكــم ورحمـة الله وبركاتــة ،،

 

سجودة مبارك على ال100 جرام احسن من مفيش بإذن الله الخميس الجاء 1000 جرام *_^

 

اللهم عفوك

 

جميل جدا بفضل الله استمري حبيبتي ربنا يقويك وتكسري ال 100 قبل شعبان :) بإذن الله

 

شمعة: مبارك البداية يلا شدي الهمة

 

 

أما أنا :(

 

من ساعة العزومة وانا عندي انتكاسة، باقي حلويات العزومة مش حد راضي ياكلها وكل ما أدخل المطبخ ألاقيها قدامي

 

البارحة كله كان جميل لكن بعد الغدا شربت شاي وقطعتيييييييين حلوى وبعدها طمعت في واحدة كمان

 

واليوم صباحا فطرت وبعدها أكلت بيتزا

 

متضايقة جدا جدا من نفسي

 

هذه أيام تغير المزاج الشهري مش عارف بقى هي اللي عاملة فيا كده ولا إيه

 

ربنا يستر وما اضعف أكترمن كده لأني لو ضعفت بصعوبة أرجع تاني

[*ميمونة* 104]

شمعة

ربنا يوفقك شدي حيلك يا حبوبة

بصي ما تاكليش قبل النوم بساعتين أقل حاجة وحاولي تتحركي بعد ما تاكلي

ربنا يعينك وتوصلي للي نفسك فيه

 

سجى

ساعات فعلا تقلبات المزاج دي بتسبب بلاوي

وما تبقيش قادرة تمسكي نفسك

ما تدايقيش نفسك هتروح لحالها بإذن الله

بس شدي حيلك حاولي تضغطي على نفسك حبتين

 

تقرير امبارح كان حلو يعني مثلا 90

 

النهاردة

الافطار 15

الغدا 10

العشاء 15

الماء 20

الرياضة معلش نفسي مسدودة من ناحيتها جدا

بإذن الله أبدأ رياضة من بكرة