"كونى أجمل الرشيقات "المتابعة اليومية والاسبوعية هنا

[**نحو غدٍ أفضل** 15]

ايمان ارجو افادتى سريعا قبل الساعه 3

 

لو دخلتى بعد كده خلاص باه ما لوش لزهمه تجاوبى لان الفاس هتكون وقعت فى الراس

 

السؤال هو انى بكره هعمل سمكوقالوا انه ما ينفعش ينشوى مش عارفه ليه بس هم قالو كده

 

فان شاء الله هقليه ارجو افادتى كم قطعه اكل وكام معلقة رز وكام السعرات الحراريه

 

وهل اقلل العشا والفطار فى هذه الحاله

 

وجزاك الله خيرا

 

معلش تعبينك معانا

 

السلام عليكــم ورحمـة الله وبركاتــه ،،

 

بصى يا حنان 100 جم سمك مقلى ب 200 سعر

 

يعنى لو السمكة 200 جم تبقى 400 سعر

 

كلى سمكتين بس 800 سعر

 

و معلقتين بس أرز 100 سعر

 

و طبق سلاطة 100

 

كدا ألف فى الغداء

 

طبعاً حاولى العشاء يبقى خفيف أوى

 

يعنى كل اليوم متزوديش عن 1400 أو 1500 سعر

 

تمام كدا

[**نحو غدٍ أفضل** 15]

السلام عليكم ورحمة الله وبركاته،،

 

بارك الله فيكن حبيباتي

عندي سؤال ...

مش مفروض يكون في يوم مفتوح ؟؟؟؟

يعني يكون الأكل بأي كميات ؟؟ ^__^

أصل يوم الجمعة كان يوم مفتوح عندي ...هل هذا خطأ ؟؟؟

 

و عليكم السلام و رحمة الله و بركاته

 

طبعاً لازم يكون فى يوم مفتوح عشان الجسم ميتعودش على الأكل إللى أكله

 

بس منزودش فى السعرات عن 2000 سعر

 

ربنا يوفقك

[**نحو غدٍ أفضل** 15]

ازيكو يا بنات ...وحشتونى خالص ...معلش انا مش عارفة أنا لية مقصرة

 

فى دخول الصفحة دى اعذرونى .....وشكرًا حنان وإيمى على السؤال

 

أنا نزلت نصف كيلو .....الحمد لله على كل حال

 

 

بالتوفيق يا أحلى بنات .................

 

جميل يا نوفا

 

أى نزول يعنى كدا إحنا بنتقدم

 

ربنا يوفقك

[**نحو غدٍ أفضل** 15]

إعلان الفراشات

 

بسم الله الرحمن الرحيم

 

ما شاء الله الأسبوع دا كان عندنا أحلى فراشات

 

الفراشة الأولى

 

 

المتفائلة

 

 

الفراشة الثانية

 

 

أمة الله حنان

 

 

الفراشة الثالثة

 

 

ساجدة للرحمن

 

 

و معانا أحلى فراشتين

 

 

راجية الفرج من ربى و نوفا

 

بالتوفيق و إن شاء الله الأسبوع الاى يكون معانا فراشات أكتر

 

[امة الله حنان 0]

معلش يا ايمان جيتى متاخرة

 

انا استنيتك كتير ولكن حسبت اللى انا اكلته طلع 1200

 

يبقى ان شاء الله العشا برتقاله فقط والله الموفق

 

والف شكر على الفراشه عقبالك الشهر الجاى

[امة الله حنان 0]

التقييم اليوم

الفطار20

مش عارفه الغدا قوليلى انتى ايمان

العشا 20

المايه 10

الرياضه 15

 

ربنا معاكم يا بنات

[صاحبة القلب الكبير 0]

كباب دجاج بالحمص وخضار أد الكف وشوي زيادة

دقيق ابيض

 

 

اما تقيم امس الجمعه كان 100%

واليوم كذلك

[ساجدة للرحمن 2050]

السلام عليكم ورحمة الله وبركاته،،

جزاك الله خيرا على الفراشة الجميلة ^__^

 

اليوم 80 %

للأسف لم أعمل الرياضة اليوم

إن شاء الله أعوضها غدا

 

بارك الله فيكن

[المتفائلة (ريفيّة) 979]

سلمت يا إيمان الحبيبة

إن شاء الله نصل كلنا للمبتغى

 

الجمعة :

 

التقييم : 80

 

السبت :

التقييم : 70

 

والمشكلة قلة شربي للماء والرياضة فقط أشغال البيت وصعود الدرج

 

لكن سوف أزيد من المشي خلال الأسبوع

[**نحو غدٍ أفضل** 15]

معلش يا ايمان جيتى متاخرة

 

انا استنيتك كتير ولكن حسبت اللى انا اكلته طلع 1200

 

يبقى ان شاء الله العشا برتقاله فقط والله الموفق

 

والف شكر على الفراشه عقبالك الشهر الجاى

 

خير يا حنان

 

لأ كدا الغداء 0 لأن إحنا المفروض اليوم كله ناكل فيه 1200 بس

 

معلش واحدة واحدة السعرات هتثبت فى دماغك و تقدرى تحسبيها بمجرد النظر

 

لأن إحنا عمتاً أكلاتنا بنكررها على طول

 

مفيش شكر ولا حاجة إنتى خسيتى يعنى إنتى إللى تعبتى

 

عقبال الأسبوع الجاى إن شاء الله

 

كباب دجاج بالحمص وخضار أد الكف وشوي زيادة

دقيق ابيض

 

 

اما تقيم امس الجمعه كان 100%

واليوم كذلك

 

السلام عليكم و رحمة الله و بركاته

 

إنتى اسمك الحقيقى إيه ؟

 

تمام تقييم الجمعة اصبرى الكام يوم الجايين دول و إن شاء الله هتلاقى نتيجة تفرحك

 

بالنسبة للسندوتش : رغيف العيش ب 480 سعر + كباب الفراخ 150 سعر مش مهم الخضار : يبقى كله 630 سعر

 

ممكن تاخدية كوجبة غداء إنما ابعدى عنه خالص فى العشاء

 

بس خير إن شاء الله

 

ربنا يوفقك

 

السلام عليكم ورحمة الله وبركاته،،

جزاك الله خيرا على الفراشة الجميلة ^__^

 

اليوم 80 %

للأسف لم أعمل الرياضة اليوم

إن شاء الله أعوضها غدا

 

بارك الله فيكن

 

و عليكم السلام و رحمة الله وبركاته

 

جزاك الله خيراً يا ساجدة إنتو تستحقوا الفراشات دى طالاما تعبتوا

 

ماشى كويس تقييمك بس لازم الرياضة عشان نعوض اليوم المفتوح

 

بالتوفيق إن شاء الله

 

سلمت يا إيمان الحبيبة

إن شاء الله نصل كلنا للمبتغى

 

الجمعة :

 

التقييم : 80

 

السبت :

التقييم : 70

 

والمشكلة قلة شربي للماء والرياضة فقط أشغال البيت وصعود الدرج

 

لكن سوف أزيد من المشي خلال الأسبوع

 

الله يسلمك حبيبتى المتفائلة

 

تقييمك حلو بس زى ما قولتى ناقصه المياه و الرياضة

 

بالنسبة للمياه دى حاجة سهلة اشربى أول ما تصحى من النوم كوبايتين و يبقى فاضلك 4 وزعيهم على اليوم كله وزودى براحتك

 

المياه مفيدة جداً

 

و الرياضة حاولى تبدأى بربع ساعة قسميهم أول خمس دقائق مشى فى المكان و جرى فى المكان نوعى الريتم يعنى

 

و 5 دقائق تمارين للجسم يعنى كل يوم اختارى جزء من الجسم ركزى عليه ( الزراعان - البطن - الأرجل و الأرداف )

 

و 5 دقائق الأخيرة 4 دقائق زى ال5 دقائق الأولى

 

و الدقيقة الأخيرة تمارين إطالة

 

شوفتى مفيش أسهل من كدا ربع ساعة بس ، عائشة هتيجى تضربنى هههههه

 

بعدين لازم تعرفى إن الرياضة بتحسن الحالة النفسية و المزاجية

 

أول ما تصحى من النوم تغسلى وشك و تتوضى و تشربى كوبايتين مياه و تصلى الضحى و تعملى رياضة و تاخدى دش دافئ بعد كدا تفطرى

 

هتحسى بنشاط و راحة

 

و ربنا يوفقك

[**نحو غدٍ أفضل** 15]

نوفا و سهام و كنوز ( غياب )

 

أم سلمى عاملة أجازة مرضى

 

أخبارك إيه يا شيماء دلوقتى إن شاء الله تكونى أحسن

 

 

يا بنات أنا خلاص كفاية عليا كدا

 

مش عايزة أخس تانى كفاية الكيلو دا

 

بس إن شاء الله هحاول أثبت نفسى عشان وزنى ميزدش تانى

 

يعنى إن شاء الله مش هزود أكلى عن 1700 سعر و هعمل رياضة 4 أيام فى الأسبوع

 

بس طبعاً أنا معاكم كل يوم نشجع بعض

 

و هوزن كمان كل أسبوع عشان أشوف نفسى زدت ولا لأ و أحاول ألحق نفسى

 

ربنا يوفقكم كلكم يا بنات و توصلوا للوزن إللى إنتوا عايزينه

[صاحبة القلب الكبير 0]

السلام عليكم و رحمة الله و بركاته

 

إنتى اسمك الحقيقى إيه ؟

 

تمام تقييم الجمعة اصبرى الكام يوم الجايين دول و إن شاء الله هتلاقى نتيجة تفرحك

 

بالنسبة للسندوتش : رغيف العيش ب 480 سعر + كباب الفراخ 150 سعر مش مهم الخضار : يبقى كله 630 سعر

 

ممكن تاخدية كوجبة غداء إنما ابعدى عنه خالص فى العشاء

 

بس خير إن شاء الله

 

ربنا يوفقك

وعليكم السلام ورحمة الله وبركااته

اسمي هدى العبري,

ما شي ياختي بناخذة على عشا

ويوفق الجميع باذن الله

[المتفائلة (ريفيّة) 979]

 

ربي يرضى عنك يا أحلى إيمان

إن شاء الله راح أعمل مثل ما قلت

واليوم الأحد

 

التقييم : 80

[امة الله حنان 0]

السلام عليكم ورحمة الله وبركاته،،

 

تقييم اليوم 80

 

ناقص الرياضه انا حاولت بس لقيت نفسى دايخه وهقع

 

فمعلش شكلى لسه تعبانه ربنا يسهل وابدا قريب

 

ايمان انا هعمل محشى وما تقوليليش اعمليه دايت لانى بصراحه مبحبوش كده خالص

 

بس ممكن اليوم ده افطر خيار واتعشى برتقاله فى الحله اكل كم صابع

 

واتفضلو معايا يا بنات بس لو جه الوزن زياده محدش يمسك فى خناقى

 

وبالتوفيق يا بنات

[ساجدة للرحمن 2050]

السلام عليكم ورحمة الله وبركاته،،

ايمان انا هعمل محشى وما تقوليليش اعمليه دايت لانى بصراحه مبحبوش كده خالص

 

بس ممكن اليوم ده افطر خيار واتعشى برتقاله فى الحله اكل كم صابع

 

واتفضلو معايا يا بنات بس لو جه الوزن زياده محدش يمسك فى خناقى

 

وبالتوفيق يا بنات

 

^____________^

محشي مرة واحدة

بألف هنا يا رب

حاولي تخلي المحشي في اليوم المفتوح لأن الواحد مش بيعرف يتحكم في نفسه أمامه ^_^

الله يعينك

تقييم الأحد 100%

الحمد لله

[امة الله حنان 0]

ما شاء الله عليك اختى ساجده للرحمن تقييمك حلو جدا بالتوفيق ان شاء الله

 

حاولت يا اختى اخلى المحشى اليوم المفتوح ما قدرتش

 

حكم القوى على الضعيف ولادى من ساعة ما شافو الكرنب وهما انهبلوا ولازم اعملهم محشى

 

وانا عارفه انى لو شوفت المحشى قدامى مش هيهمنى الرجيم وهزيد الخمسه كيلو اللى خاستهم فى يوم واحد

 

الحل ان اخلى بكره اليوم المفتوح واكمل اسبوعين من غير مفتوح ايه رايكم

[صاحبة القلب الكبير 0]

السلام عليكــم ورحمـة الله وبركاتــة ،،

 

 

اخباركم اخواتي؟

بارك الله فيكم

تقيم امس واليوم

100%

 

 

إنتى اسمك الحقيقى إيه ؟

نحو غد افضل انتي عوزه اسمي ليش؟

بس فيني فضول ابا اعرف

[**نحو غدٍ أفضل** 15]

ربي يرضى عنك يا أحلى إيمان

إن شاء الله راح أعمل مثل ما قلت

واليوم الأحد

 

التقييم : 80

 

ما شاء الله ربنا يقويكى و توصلى للإنتى عايزاه

 

تقييمك جميل

 

بالتوفيق إن شاء الله

 

السلام عليكم ورحمة الله وبركاته،،

 

تقييم اليوم 80

 

ناقص الرياضه انا حاولت بس لقيت نفسى دايخه وهقع

 

فمعلش شكلى لسه تعبانه ربنا يسهل وابدا قريب

 

ايمان انا هعمل محشى وما تقوليليش اعمليه دايت لانى بصراحه مبحبوش كده خالص

 

بس ممكن اليوم ده افطر خيار واتعشى برتقاله فى الحله اكل كم صابع

 

واتفضلو معايا يا بنات بس لو جه الوزن زياده محدش يمسك فى خناقى

 

وبالتوفيق يا بنات

 

اه على المحشى دا إنتى هتقوليلى

 

أنا لما بشم ريحته بس على النار ببقى هتجنن

 

بس بصراحة أحلى حاجة فيا إنى مبحبش أكله غير بعد ما يستوى على طول

 

لما بيبرد خلاص بقى

 

بصى يا حنان أوك المحشى مفيش مشكلة بس حاولى تقللى السمنة على أد ما تقدرى

 

و طبعاً العشاء يكون خفيييييييييييييييييييييييييييف

 

و كفاية المحشى مرة كل أسبوعين فى اليوم المفتوح

 

ربنا يوفقك فاضل 3 أيام

 

 

^____________^

محشي مرة واحدة

بألف هنا يا رب

حاولي تخلي المحشي في اليوم المفتوح لأن الواحد مش بيعرف يتحكم في نفسه أمامه ^_^

الله يعينك

تقييم الأحد 100%

الحمد لله

 

:mrgreen: ما شاء الله

 

هى دى الناس ولا بلاش

 

ما شاء الله ربنا يوفقك و توصلى للإنتى تتمنيه

 

السلام عليكــم ورحمـة الله وبركاتــة ،،

 

 

اخباركم اخواتي؟

بارك الله فيكم

تقيم امس واليوم

100%

 

إنتى اسمك الحقيقى إيه ؟

نحو غد افضل انتي عوزه اسمي ليش؟

بس فيني فضول ابا اعرف

 

و عليكم السلام و رحمة الله و بركاته

 

إذيك يا هدى ما شاء الله تقييمك رائع

 

إن شاء الله يوم الخميس هتلاقى نتيجة تفرحك

 

 

بصى يا ستى طلبت اسمك لأن بصراحة اسمك المستعار طويل شوية ’ صاحبة القلب الكبير

 

و مش عارفة اختصره فقولت أسألك على اسمك عشان اندهلك بيه بسهولة

 

و إنتى ما شاء الله اسمك جميل و بسيط

 

تمام كدا يا هدى

 

ربنا يوفقك

 

 

 

أنا هرجع تانى يا بنات للرجيم

 

نظام التثبيت دا مش ماشى معايا خالص

 

مبعرفش أتحكم أوى فى الأكل

 

وكدا كدا أنا مبخسش غير كيلو فى الشهر

 

أنا هرجع تانى و أدى تقاييمى إن شاء الله

 

 

 

 

 

سهام إيه الأخبار مابتجخليش ليه ؟

 

نوفا لسة مش عايزة تيجى عندنا ؟

 

كنوز أخبارك إيه إن شاء الله تكونى بخير ؟

 

أم سلمى لو دخلتى تعالى طمنينا عليكى طهور إن شاء الله

[المتفائلة (ريفيّة) 979]

 

تقييم يوم الاثنين

 

الفطور : 20

الغداء : 10

العشا : 20

الماء : 20

الرياضة : 0

 

المجموع : 70

[امة الله حنان 0]

جزاك الله خيرا ايمان وكويس انك رجعتى معانا تانى لحسن انا كنت زعلانه اوى

 

وان شاء الله توصلى للى انتى عايزاه

 

تقييم اليوم 70 ايضا

 

ناقص الرياضه و10 مايه

[امة الله حنان 0]

معلش ننقص 10 من العشا

 

يبقى التقييم 60

 

معلش اخر مره بعد المحشى

[ساجدة للرحمن 2050]

السلام عليكم ورحمة الله وبركاته،،

تقييم يوم الإثنين 70%

ما في رياضة ...والماء لم اشرب كثير

 

دعواتكن ....

[**نحو غدٍ أفضل** 15]

 

تقييم يوم الاثنين

 

المجموع : 70

 

ربنا يعينك إن شاء الله

 

بالتوفيق

 

جزاك الله خيرا ايمان وكويس انك رجعتى معانا تانى لحسن انا كنت زعلانه اوى

 

وان شاء الله توصلى للى انتى عايزاه

 

تقييم اليوم 60

 

ناقص الرياضه و10 مايه و 10 عشاء

 

 

عايزين نشد حيلنا شوية

 

عشان نوصل لهدفنا إن شاء الله

 

السلام عليكم ورحمة الله وبركاته،،

تقييم يوم الإثنين 70%

ما في رياضة ...والماء لم اشرب كثير

 

دعواتكن ....

 

و عليكم السلام و رحمة الله و بركاته

 

بالتوفيق إن شاء الله

 

شيدى حيلك أكتر الأسبوع الجاى عشان هيكون قرب معاد الميزان بتاعك

 

ربنا يعينك و يوفقك

 

 

 

تقييم أمس : 70 % ( مفيش رياضة و 10 فى الغداء )

[**نحو غدٍ أفضل** 15]

نداء ليكى يا سهام إنتى بالذات (راجية الفرج من ربى )

 

إنتى تعبتى كتير و خسيتى حبة حلوين

 

متضيعيش مجهودك على الفاضى

 

يلا تعالى كملى

 

 

ياريت تكونى ملتزمة بالرجيم

[ღ سديـــم ღ 199]

السلام عليكــم ورحمـة الله وبركاتــة ،،

 

احم احم :wacko:

 

ممكن أدخل :closedeyes:

 

بس عندي سؤال يا حلوات ادا بتعرفو الاجابة !

 

انا طولي 160 و وزني 66

 

يعني زايدة 6 كيلو عن وزني الطبيعي

 

بس مش هاي المشكلة

 

انا من سنة تقريبا كان وزني 50 .. و الزيادة جت سريعة

 

فللاسف طلعلي كروش صغنون و توزيع زيادة الوزن عندي مش عاجبني

 

هل في أكلات معينة او رياضة معينة بتساعد على التوزيع الصحيح لزيادة الوزن ؟

 

بشكل عام الوزن مش مبين علي كتير بس مش حابة التوزيع

 

هل عندكم حل ؟

 

و جزاكم الله خير :rolleyes: